"Lexa's POV"
"Kailangan nating makawala sa Keeper Energy na ginamit niya," saad ko.
"Siya lang ang tanging makakagawa nun." Nag aalalang sagot ni Zarah.
Hindi pwede! Nakita ko sa mga mata niya ang galit. At siguradong sa pagkakataong ito, wala na siyang balak na patakasin pa kami.
"Handa na ba kayong mamatay?" Nakakalokong tawa niya.
"In your dreams." Galit na usal ni Zarah saka hinawakan ang kwintas niya. Kaya lang.....
"Opps! Sorry! Nakalimutan kong sabihin na magaling na ako sa pagkontrol ng kapangyarihan ngayon. Kaya hindi ninyo mapapailaw ang kwintas ninyo dahil kontrolado ko ito ngayon." At tumawa ng nakakaloko.
Arghh! Hindi pwede. Hindi ako papayag na wala kaming maging laban sa kanya. At hindi din kami dito matatalo. Hindi!
"P-paanong?" takang tanong ni Zarah nang biglang mapunta kay Samantha ang kwintas niya.
Maging ang kwintas ko nakuha na din niya nang hindi ko man lang namamalayan.
"Well, it's simple. I told you, kinokontrol ko ang kapangyarihan ninyo ngayon and honestly, pinag aaralan ko pa kung paano malilipat ang kapangyarihan ninyo sa akin pagkatapos ko kayong kitilan ng buhay dito." Saka siya nagpalabas ng itim na usok.
Suffocation. Sh*t! Ito na ba yung magiging katapusan namin? Hindi pwede!
"L-lexa, h-hindi ako m-makahinga." Bigla na lang namutla si Zarah.
"Kung akala ninyo, simpleng kamatayan lang ang igagawad ko, nagkakamali kayo. Sayang nga at hindi ko nagamit ang technique na ito sa kaibigan ninyo e. Pero okay lang, atleast ngayon magagamit ko na siya."
Bigla siyang nagpakawala ng itim at pulang enerhiya. Lumabas din ang mga insektong hindi ko alam kung saan nanggaling. Hindi ko magawang lapitan si Zarah dahil pinanghihina na rin ako nang kapangyarihan ni Samantha.
Unti-unti na ring nauubos ang lakas ko. Ngayon, gusto ko nang malaman. Anong klaseng hirap kaya ang dinanas ni Bretha sa kamay ng babaeng to? Mas mababaw kaya dito o mas malala pa? Tingin ko, mas mababaw lang dito. Dahil wala namang masyadong galos sa katawan si Bretha nung nakawala siya.
Unti-unti na akong nagkakaroon ng pasa. Putlang-putla na rin si Zarah dahil unti-unti na kaming nawawalan ng oxygen. Kinukuha niya ang hininga namin.
Please Kyla, bumalik ka na at iligtas mo kami dito bago pa maging huli ang lahat.
"Aren't you going to beg for your lives?" Nakangising tanong niya. Sinamaan lang siya namin ng tingin. "Hmm, let me guess. Hinihintay ninyo ang kaibigan ninyo no? Well then, sorry to disappoint you pero walang Kyla ang magpapakita. Dahil siguradong sa mga oras na ito, hawak na siya ng prestile clan."
Tumawa na naman siya nang nakakaloko.
Pero hindi! Nagsisinungaling lang siya. Alam kong hindi siya pababayaan ng kambal ng kapangyarihan niya. Kilala na namin si Asiana dahil pinakilala siya samin ni Kyla.
Isang bagay ang sigurado akong walang alam si Samantha, ay ang tungkol sa kakambal ng kapangyarihan ni Kyla. Si Asiana, ang tagapangalaga at tagaprotekta sa taong itinakda.
"Goodbye, b*tches."
May lumabas na malaking dragon sa likuran niya. Bumuga ito ng apoy. Hindi kami nito tinamaan. Akmang bubuga ulit ng apoy ang dragon kaya napapikit na ako.
Kung katapusan ko na, sige tatanggapin ko.
Akala ko katapusan na namin.
Nang sa hindi inaasahang.......
                             "Ford's POV"
"Nakita ninyo ba sina Lexa at Zarah?" Biglang lumapit si Bretha sa amin. Umiling lang ako, ganun din ang kasama kong si Sig.
"Hindi ninyo ba kasama?" Tanong ko sa kararating lang na sina Nylo at Blue. Umiling lang sila.
"Baka naman nasa dorm pa?" ani Sig.
"Galing na ako dun, pero wala sila e." Nag aalalang si Bretha.
"Hanapin na lang natin." Sagot ni Sig. Agad nga namin silang hinanap.
Naghiwa-hiwalay kami sa paghahanap. Ang dami ko nang napuntahan, pero hindi ko sila nakita.
Dumaan na rin ako sa Ground Chanted, Library, Canteen, Magical Garden, Ground Hall. Maging sa Backyard ay napuntahan ko na rin.
Malaki talaga kasi ang Enchanted Academy kaya nahirapan pa akong magpaikot-ikot dito.
Ilang minuto lang din ay muli kaming nagkita-kita.
"Isang lugar na lang ang hindi ko pa napupuntahan," anas ni Sig.
"Saan?" Tanong naman ni Bretha.
"Chant Wall."
Kaya dun nga kami agad pumunta. Hindi ko pa din pala sila natignan doon.
Nang pumunta kami doon ay tahimik ang lugar. Akmang aalis na kami dahil mukhang wala naman sila dito nang mapatingin kami sa mga Enchantress na nagkukumpulan sa isang tabi.
May pinanood sila sa himpapawid at doon ay napagmasdan namin ang kakaibang hangin na pumapalibot sa himpapawid.
"Teka, sina Lexa at Zarah yun di ba?"
Napatingin kami sa itaas. Medyo maliwanag pa rin kaya hindi ko agad nakita ang tinutukoy ni Blue.
Nang mawala ang asul na liwanag ay doon lang naging malinaw sa akin ang lahat.
"Sh*t! Sabay-sabay na sigaw nina Sig at Nylo.
Napako sa itaas ang paningin ko. Napapalibutan sina Lexa at Zarah nang isang kulay itim at pulang enerhiya. Sa itaas ay naroon ang isang dragon na sumasalakay sa kanila.
Bumuga ng apoy ang dragon, kahit hindi man masyadong malinaw ang nangyayari, alam kong naiwasan nila ang pag atake ng dragon ni Samantha.
Bakit ginagawa niya ito? Hindi dapat ganito ang maging asal ng isang itinakda.
Layunin niya ang protektahan ang kanyang nasasakupan pero sa halip na protektahan ito, mukhang siya pa ata ang sisira nito. Paano niya magagawang paliwanaging muli ang kastilyo, gayong nagpapakita siya ng isang hindi kanais-nais na pag uugali? Ugaling hindi dapat magkaroon ang isang itinakda.
Lalo pa't siya ang nakaatas na mag ayos sa nasirang kaayusan at kapayapaan hindi lang sa EA kundi maging sa ibang magical academies at mas lalong sa Wide Magical World. Kung saan, lahat ng klase ng kapangyarihan, maging kakaibang nilalang ay naroon sa lugar na iyon.
Muli sanang aatake ulit ang dragon nang matigilan sa isang nakakasilaw na liwanag. Napapikit pa ako dahil sa nakakasilaw nitong taglay.
Ilang minuto na ang nakakalipas ay hindi pa rin humuhupa ang liwanag. Pinilit ko na lang idilat ang mata ko para matanaw ang pinanggalingan ng kakaibang liwanag na iyon.
Sari-saring liwanag ang naroon. Iba't ibang kulay. Hindi ko pa masyadong nakita kung sino ito. Ang unang nasilayan ng mga mata ko ay ang mahaba nitong buhok at kahit malayo siya sa akin, tanaw ko pa rin ang kakaibang korona na nasa ulo nito.
Biglang pumihit paharap ang babae sa akin at nagtama agad ang paningin namin.
I knew it! She's really the Destined One. Kyla! Kakaiba ang kulay ng mata nito. May lumabas din na sari-saring kulay ng pakpak sa kanyang likuran at pinalibutan siya ng sari-saring mga paru-paru. Humaba na rin ang dati'y hanggang balikat niyang buhok.
Ang taong itinakda! Ang taong mahal na mahal ko!
"She's back." Nakangiting tugon ko.