Chapter 5
Heart-throb
Umupo na si Kelly sa tabi ko at kasunod naman niya si Kyle na sumiksik kay Grant. May dala silang mga envelopes at mukhang iyon ang dahilan kung bakit nahuli silang makarating dito sa cafeteria.
"Grabe, nakakairita talaga 'yung mga babaeng 'yon! Hindi niyo ba naririnig? Pinag-uusapan nila kayong dalawa! Ikaw naman Trina, sana sinabunutan mo---"
"K-Kelly, ano ba..." Mahina kong bulong habang kinukurot ang tagiliran niya. Nakakahiya, kaharap pa naman namin si Grant!
"Bakit? Anong problema?" Takang tanong ni Kelly habang palipat-lipat ang tingin niya sa akin at kay Grant.
Shit. Hindi niya pwedeng malaman na nahihiya ako kay Grant!
"W-Wala! Hahaha!" Damn it! "Saan ba kasi kayo galing ni Kyle? Naunahan pa namin kayo..."
Dahil sa tanong ko ay malakas na hinampas ni Kelly si Kyle ng hawak niyang envelope. Umamba si Kyle na tatayo pero naunahan pa rin siya ni Kelly. At doon na sila nagpalitan ng mga hampas.
"Eto kasi---eto kasi! 'Yan, oh---eto pa! Punyeta kasi 'to! Punyeta!" Ani Kelly na nanggigigil. "Kilala mo si Ma'am Tracy? Naghahanap siya ng mga pwedeng magdistribute nitong mga flyers para sa clubs. At etong hindot na 'to! Nagvolunteer at dinamay pa ako! Ayon! After class daw ay magdistribute kami nito!"
"Aray! Ano ba!" Daing ni Kyle habang sinasalag ang mga hampas ni Kelly. "Bawal ba?!"
"Oo, hayop ka! Malandi ka! Pwede ka namang magvolunteer ng mag-isa, bakit kailangan mo pa akong isama?! Punyemas ka, Kyle. Dumistansya ka sa akin at baka mapatay kita ng wala sa oras. Nanggigigil ako sayo!
Ahh, si Ma'am Tracy. Sikat siya sa school dahil sobrang ganda at sexy niya. Maraming mga seniors ang gustong manligaw sakaniya kaso nga lang ay engaged na pala siya last year. At isa na 'tong si Kyle sa nagkakacrush kay Ma'am Tracy.
"Aray naman! Kelly---ahh! Ahhh! Kelly, 'wag diyan may kiliti ako riyan! Ugh, Kelly~"
"Putangina mo, 'wag kang umungol bastos ka!"
Tinakpan ko ang mukha ko gamit ang hawak kong panyo at umusog ng kaunti. Nahihiya ako sa ginagawa nilang dalawa lalo na't nasa amin na ang mga mata ng lahat dito sa loob ng cafeteria. At syempre, kay Grant.
Sana kasi hindi nalang siya niyaya ni Kyle! Nakakainis. Kailangan niya pa tuloy makita ang katarantaduhan ng dalawang 'to.
Pero nang mapatingin ako kay Grant ay bigla akong naistatwa nang makita ang kapiranggot na ngiti sa kaniyang mga labi. Sobrang... sobrang gwapo niya. Ngayon ko lang siya nakitang ngumiti!
Tahimik lang si Grant habang kumakain na kami. Daldal nang daldal sakaniya si Kyle tungkol sa mga sikat na babaeng sexy dito sa school. Tanging pagtango at pag-iling lang ang ginagawa niya. Minsan ay napapangiti siya sa tuwing nagbibiro si Kyle. Sobrang nakakapanibago talaga.
Maayos na maayos ang itsura ni Grant kumpara kay Kyle na mukhang gusgusin. Ngayon ko lang din napansin ang maliit na nunal sa gilid ng mata ni Grant na mas lalong nagpapadagdag sa kagwapuhan niya. Napakaganda ng mga pilik-mata niya, maging ang mga mata niya ay parang kumikinang sa tuwing kumukurap. Gusto kong pasalamatan ang mga magulang mo dahil ginawa ka nila. Pwede bang tayo naman ang gumawa---fuck!
Napatingin ako sa plato ni Grant. May rice, mga gulay at prutas. Puro masusustansyang pagkain ang nasa plate niya. Samantalang ako---nevermind.
"Whoah! Ano 'yang kinakain mo?" Tanong ni Kyle sa hawak ni Grant.
"Uh, empanada." He answered.
"E-Empanada? Mahilig ka sa empanada?" Gulat na sambit ni Kelly. "Mahilig ka talaga sa lahat ng may gulay e 'no?"
"Mmm, I need to eat these---"
"Ayaw mo ba ng French fries?" Alok ni Kyle sabay subo agad kay Grant.
Palihim akong tumitingin kay Grant. Napansin ko nga iyon. Parang takot na takot siyang mapabayaan ang katawan niya. Mahilig pala siya sa empanada. Kaso hindi ako kumakain no'n! Egg burger ang paborito ko.
Pagkatapos naming kumain ay pumasok na rin kami sa susunod naming klase. At nagsunod-sunod na.
Diretso nang umuwi sina Kyle at Kelly dahil may mga kailangan pa raw silang gawin sa bahay. Pinauna ko na sila dahil nag-message si Daddy na susunduin niya raw ako. At hindi ko inaasahan na makikita ko pa si Grant. Mukhang may hinihintay rin siya sa sidewalk.
Hindi naman ako nagkamali nang huminto ang Fortuner sa harap niya at bumaba ang isang napakagandang ginang doon. Nanlaki ang mga mata ko nang halikan siya ng ginang sa noo at dinama nito ang leeg ni Grant na parang tinitignan kung may lagnat ba ito o wala---wait, may lagnat si Grant?!
Pasimple akong umusog papalapit para mas makita ko pa mismo ang nangyayari at marinig ko pa ang pinag-uusapan nila pero huli na ako, pinauna nang pinapasok ng ginang si Grant sa backseat at sumunod na ito sa driver's seat.
Mommy niya ba iyon? Wow, grabe! Hindi ako makapaniwalang nakita ko ngayon ang Mommy ni Grant!
Dala-dala ko ang alaalang iyon hanggang sa makauwi na ako sa bahay. Hindi mawala-wala sa isip ko ang senaryong iyon, mas lalo pa tuloy akong nacurious! Kung ganoon kaganda ang Mommy niya, hindi na ako magtataka! Sobrang gwapo ni Grant e! Ano kayang itsura ng Daddy niya? Ang gaganda siguro ng lahi nila. Gusto ko ring magpalahi-- Ehh! Amfee mo, Trina! Bastos!
"Pat, gising na! Baka malate ka sa school!"
Sa sigaw ni Mommy ay dali-dali na akong napabangon mula sa pagkakahiga. Muntik na akong makatulog ulit!
Mabilis akong naligo at nagbihis pagkatapos. Hindi ko alam kung bakit ako ganito kumilos. Lagi akong excited pumasok! Simula nang nagtransfer si Grant, parang nag-iba ang lahat sa akin.
Argh! Bakit ba kasi kailangan niya pang magtransfer sa school namin?!
Palagi akong natataranta! Palagi akong kinakabahan. Kinakahiya ko na ang mga kaibigan ko dahil sakaniya! T__T
Kung dati ay napakalakas pa ng loob ko para mag-skip ng klase, araw-araw akong tinatamad pumasok, malakas pa akong tumatawa sa tuwing nag-aaway si Kyle at Kelly. Pero ngayon... huhuhu, ano bang ginawa mo sa akin, Grant?
"Thank you, Dad!" Sigaw ko at mabilis na lumabas na ng sasakyan.
Tumakbo ako papasok ng school at hindi na pinapansin ang mga estudyanteng tumitingin sa akin dahil sa sobrang bilis ng takbo ko.
Pagkapasok ko ng classroom ay nagulat ako nang wala si Ma'am Sally. Pero mas lalo akong nagulat nang makita ko si Kyle at Kelly na nagbubuklat ng mga notebook nila.
"T-Trina..." Nanginginig ang boses ni Kelly habang gumagapang papalapit sa akin. "T-Trina... Sabihin mo, please... H-Hindi ka rin nag-review diba?!"
Kumunot ang noo ko at natatawang tinapik ang mga kamay niya sa braso ko.
"Huh? Ba't naman ako magrereview?" Ngisi ko. "Wala namang---"
"Gusto kong magreview kayo sa mga nadiscuss ko ngayong araw dahil bukas, magkakaroon tayo ng group quiz. Surprise nalang ang magiging group members niyo para malalaman ko talaga kung sino ang naghanda at kung sino ang mga hindi. Understood?"
"Yes, Ma'am!"
"Oh my... Oh my..."
M-May quiz kami sa science ngayon?!!!!!
Narinig ko ang malakas na halakhak ni Kelly na sinabayan pa ni Kyle. Tinatawanan nila akong dalawa habang hinahampas sa akin ang mga hawak nilang notebook.
"Oh? Sinong tanga? Sinong mayabang, ha? Ha? Hahahahaha! Yabang mo ah, 'di ka rin pala nagreview! Bobo!" Asar sa akin ni Kelly.
Nanginig ang mga kamay ko at mabilis na kinuha ang notebook ko sa science para magreview. Shit! Bakit ko nakalimutan? Hindi ako pwedeng ma-tanga sa quiz!
"What the? Bakit wala akong notes?!" Nanggagalaiting sigaw ko habang binubuklat ang notebook kong wala man lang kahit ni isang patak ng ink.
Hindi tumigil sa kakatawa sina Kyle at Kelly. May hawak silang mga reviewer na sa pagkakaalam ko ay hiniram lang din nila sa mga kaklase namin. Asa pang may reviewer ang dalawang 'yan. E hindi rin naman sila nagsusulat!
Napatingin ako kay Grant na nakapalumbaba lang at parang pilit din na pinipigilang matawa.
E-Excuse me? Tinatawanan niya rin ba ako?!
Argh! Ang tanga-tanga mo talaga, Trina! Ang tanga-tanga mo kahit kailan! Nakakahiya! Ang yabang-yabang ko pa namang pumasok kanina... habang naglalakad ako papasok ng classroom ay nagpapacute pa ako tapos... Aish! Malas! Malas! Malas!
"You can borrow my reviewer."
"H-Ha?" Huminto ang paghinga ko nang lumutang ang reviewer ni Grant sa harap ko. Oh my god, stop! "S-Sure ka?"
"Mmm, you still have 35 minutes to review. Wala si Ma'am Sally so this is our vacant time." Ani Grant sabay abot na sa akin ng reviewer niya. "Good luck."
G-Good luck? Sincere ba 'yon o insulto?! Hmfk!
"K, s-salamat." Nahihiya kong sagot at tumalikod na bitbit ang reviewer.
Umupo na ako sa upuan ko at sinimulang basahin ang reviewer na iyon. Namangha ako nang makita kung gaano kaganda ang sulat ni Grant kumpara sa sulat kong parang binagyo. Organized. Malinis at understandable.
Sobrang dami nito... Halo-halo na ang nakasulat dito dahil hindi eksaktong sinabi ni Ma'am kung ano ang dapat i-review. Parang dudugo na ang utak ko!
Pagtingin ko sa orasan ay nakita kong malapit na pala ang next subject namin. Science na... Science na... Science na...
Pero wala pa ring pumapasok sa isip ko!
"Hoy, Trina! Hahaha! Handa kana bang makulelat?" Mayabang na tanong sa akin ni Kyle.
"Yabang mo! Kala mo naman natatandaan mo 'yang mga nireview mo." Pambabara ni Kelly na parang hindi umiiyak kanina dahil isa rin siyang hindi nagreview.
Inirapan ko silang dalawa at nagconcentrate. Sana... Sana matandaan ko 'yung mga binasa ko!
Tumingin ako kay Grant. Hindi ko nakikita sa mukha niya na natataranta siya o kinakabahan. Sigurado akong nagreview 'yan! Huhuhu... sana naman nagreview 'yung magiging ka-group ko.
"Good morning, Class." Bati sa amin ni Ma'am Jona. Base sa ngiti niya ay mukhang pinaghandaan niya talaga ang araw na 'to. Patay talaga ako.
"Good morning, Ma'am Jona."
Tumawa si Ma'am at napailing-iling. "Mukhang wala kayong energy ngayon ah? Sigurado akong nagreview kayong mabuti."
What? Nagreview ng mabuti? T__T Ma'am, kung alam mo lang...
"Let's start na ba?"
"Ma'am! Wait lang po!" Sigaw nilang lahat.
"Alright, I'll give you 5 minutes para magreview muna. Habang nagrereview kayo, pwede ko na bang sabihin ang mga ka-group niyo?"
"Okay, Ma'am."
Hindi ko alam pero bigla akong kinabahan.
"Group one... Group two..."
Kailangan kong magdasal! Sana matatalino ang mga ka-group ko! Sana nakapagreview sila! Sana hindi ko ka-group sina---
"Group three, We have Kelly Villarante, Kyle Santiago, Patrina Calderon and... Grant Arceo."
W-w-w-w-what?!
OH MY GOD? O__O
"WAHAHAHAHAHAHAHAHAHAHAHA!"
Napatingin ako kay Kyle at Kelly nang sabay silang nagtawanan ng malakas. Patakbo silang lumapit sa akin at muli akong pinaghahampas ng reviewer.
Punyemas! Bakit kayo tumatawa? Hindi niyo ba alam na pare-pareho tayong mga bobo?!
Teka... Kelly... Kyle... Ako... At si...
"G-Grant?" Pabulong kong tanong nang umupo na si Grant sa harap ko.
Oh my god, ka-group din namin siya?!
Jusko! Mukhang hindi kami malas ngayon! Thank you, Lord! Thank you very much!
"Sinong mag-aakalang suswertihin ka ngayon pare at ka-group mo kami!" Mayabang na anas ni Kyle at pabagsak pa kunwaring umupo sa tabi ni Kelly. "Napakapalad mong nilalang."
"Hayop talaga ang tadhana. Bakit tayo pa ang magkakagroup? Bakit kailangan pang ka-group natin si Kyle?" Untag ni Kelly sabay pabulong na nagmura.
"Kapal! Matalino ka ba, ha?"
"Oo, mas matalino ako sayo! Ano, palag?"
"Sige nga, one plus one?!"
"Group three! Paalala lang, may deduction ang grupong maingay at magulo!" Sigaw sa amin ni Ma'am Jona na siyang nagpatahimik sa dalawa. "Okay, let's start."
HA?! LET'S START NA AGAD?!
"We have four members in each of the ten groups. Matira ang matibay. Syempre first is the easy round, then average and difficult. Isang grupo lang ang mananalo at magkakaroon ng pinakamataas na grade na ibibigay ko sa quarter na ito. And the rest, may additional points pa rin naman pero hindi na katulad sa points na ibibigay ko sa mananalo. Naintindihan ba?"
"Yes, Ma'am!"
"Alright. Tandaan na ang mga questions natin ay mixed. Hindi ko alam ang mga nasa bowl of questions dahil kinuha ko lang ito sa ginamit ng mga former students ko. So, magsimula na tayo."
Shit. Kinakabahan ako!
Isa-isa nang binigay ang mga white boards at white board marker sa bawat grupo. Ibinigay sa akin ang mga iyon dahil ako na raw ang magsusulat at sila na ang mag-iisip ng sagot.
"Ako nang bahala rito, chill lang kayo." Sabi ni Kyle.
"Ulol, magsama kayo ni Trina. Manahimik kayong dalawa dahil pareho kayong hindi nagreview." Sabi naman ni Kelly.
"Okay! Huwag ibababa ang mga board habang hindi ko pa nasasabi kung tama o mali ang answer niyo. No cheating!" Babala ni Ma'am Jona. "Okay! Question number one!"
"Oh, alam ko 'yan, alam ko 'yan!"
"Gago, wala pa!"
"Group three! Last warning!" Galit na sita sa amin ni Ma'am.
Hinampas ko ng board si Kyle at Kelly saka ko sila sinamaan ng tingin.
"Question number one, It is an instrument that indicates the direction of the wind."
Napatingin ako kay Kyle nang lumapit siya sa akin.
"Trina! Thermometer!"
Natawa si Kelly at malakas na pinagsasapak si Kyle. "Bobo!"
"It's Wind Vane."
Sabay-sabay kaming tumingin kay Grant nang sumagot siya. Naramdaman ko ang pag-init ng mga pisngi ko bago na dali-daling isinulat ang sinabi niya. Shit! Ang angas niya! Bakit ako kinilig?!
"Three... Two... One... Up!"
Tama ang sagot namin. Nakipag-apir si Kelly kay Grant habang si Kyle ay nakangisi lang dahil mali ang sinagot niya kaninang thermometer. Tss.
"Number two, It is also called Crude oil, comes from oil wells deep down---"
"Petroleum." Bulong ni Grant.
Isinulat ko iyon agad at muli, tama na naman ang sagot namin.
"Strong flexible tissues that hold together the bones that meet in a joint."
"Bone marrow 'yan!" Ani Kyle.
"No, it's Ligaments."
"Terminal branches of arteries that end in capillaries."
"The answer is Arterioles."
Ang galing niya...
"The upper plastic like portion of the Earth's mantle is..."
"Asthenosphere."
"A tube leading from the bladder to the outside of the body."
"Urethra, for sure."
"A change in which a new substance is formed."
"Homogenous mixture."
"A thick, puffy cloud that develops when rising---"
"That's the Cumulus."
"Carries codes for making proteins."
"Ribonucleic acid."
Sobrang galing niya!
Natutuwa ako dahil wala pa kaming mali at umabot na kami sa difficult round! Nakakamangha! Tatlo nalang kaming natitira na grupo. Ang group five, group eight at ang group namin.
"AIDS, stands for?"
Napatingin ako kay Grant. Lahat kami ay seryoso na rin habang nag-iisip. Kahit alam namin na si Grant lang naman talaga ang nagpapanalo sa amin. Tss, kayabangan ni Kyle! Mali-mali naman sagot!
"Acquired Immune Deficiency Syndrome."
"Group three, check!"
"Yes!" Sigaw naming apat.
Napahinto ako sa kinauupuan ko nang makita kong dumapo ang mga kamay ko sa kamay ni Grant. O__O
N-Nag-apir kami...
Aaaaaaaa! Shit! Bakit ganito... Bakit mas lalo akong kinabahan? Bakit sobrang bilis ng tibok ng puso ko? Bakit parang mahihimatay na ako?!
"Alright! Two groups left! Group Three and Group Five. Sino kaya ang mananalo?"
"Damn, last question na ata 'to! Kung sinong makakuha nito ay siya na ang panalo." Bulong ni Kelly.
"What is... the chronic lung disease caused by the inhalation of fine silicate or quartz dust? Sinasabi rin na ito ang longest english---"
"That's easy. It's Pneumonoultramicroscopicsilicovolcanoconiosis." Grant whispered.
What the heck? Anong klaseng salita 'yon?
Nanlaki ang mga mata ko sa sinabi niya at agad na iniabot sakaniya ang hawak ko.
"I-Ikaw na magsulat... hindi ko alam spelling..." Nahihiya kong saad sabay takip ng mukha.
Nakita ko ang pag-ngisi ni Grant dahil sa sinabi ko bago na niya kinuha sa akin ang white board.
"We have a winner! Congratulations, Group number three!"