Chapter 4
Concentrate
"E-Excuse me? A-Anong sinasabi mong magkasama kayo ni Trina, ha? Grant pangalan mo diba? Hoy, Grant! Explain!"
"I saw her a while ago, she was sitting under the tree and she... gave me this, the copy of our class sched---"
"Oh my god! N-N-N-Nani?!"
"Shut up, Kelly. Huwag kang OA. Sorry, bro. She's immature."
"W-What the heck, Kyle? Ang kapal ng mukha mo, ikaw nga 'tong mas immature!"
"Ah, ah, ah..."
Sobrang... nakakahiya.
Hindi ako nakagalaw sa kinatatayuan ko habang pinapanood sila. Nahihiya ako sa ginagawa nilang dalawa. Sa harap pa mismo ni Grant. Nakakatakot ang mga kaibigan ko. Madalas ay hindi ko na alam kung nasa tamang pag-iisip pa ba sila o... nilamon na ng kabobohan ang mga utak nila.
Gusto kong magsorry kay Grant dahil sa nangyari. Crush ko si Grant... kaya sobrang nakakahiya talaga 'yung ginawa nila Kelly!
Sa nangyaring iyon, natatakot akong baka layuan ako ni Grant. Ngayon pa kayang kaklase namin siya. W-Wait, what?
Kaklase namin si Grant... Meaning---
Bigla akong napabangon sa kama ko sa kalagitnaan ng gabi. Oh, shit!
Simula nang umuwi kami galing school ay hindi na ako nakapag-isip ng tama. Hanggang ngayon na dapat ay natutulog na ako, wala pa rin ako sa katinuan. Hindi ako makatulog dahil sa nangyari kanina sa school. At lalo na... ngayon ko lang narealize na totoo pala 'tong nangyayari. Kaklase ko si Grant!
Ibig sabihin, mas lalo niya pa ako---kaming makikilala. Notorious pa naman kaming tatlo. Aish! Mas lalong nakakahiya 'to!
Malalaman ni Grant na lagi kaming nagka-cutting classes. Hindi kami gumagawa ng assignment. Lagi kaming lowest sa quiz! Lagi kaming napapatayo at napapagalitan. And the worst... malalaman niyang mahina ako sa lahat ng subject dahil bobo ako. Tapos, matu-turn off na siya sa akin!
Arghhhhhhh! Nakakahiya!
Bahala na! Kailangan ko nang matulog.
Ito talaga ang mahirap kapag kaklase mo ang crush mo. Hindi nawawala ang pressure at nerbyos. Natatakot na akong magkamali. Ayokong mapahiya sa tuwing nakatingin siya sa akin. Kinakabahan ako.
Mukha ngang nakita ko na ang katapat ko.
Kinabukasan, hindi ko inaasahang maaga pa akong magigising. Late na akong nakatulog kagabi kaya nakakapagtakang excited pa akong pumasok. Kumain na rin ako ng breakfast at sobrang natuwa si Mommy roon.
Hindi papasok ngayon si Daddy kaya hinatid niya ako sa school. Sobrang gaan ng pakiramdam ko. Ganito pala ang feeling kapag maaga ka ng 20 minutes. First time e.
"Kilala mo ba?"
"Hindi e, pero ang narinig ko ay galing daw sa Taiwan."
"Mayaman?"
"Oo! Sila 'yung may-ari ng malaking bahay sa Scout Tobias."
"Napunta siya sa section 1? The freaked squad are there too. Malas niya lang."
Huh, The freaked squad? Kami 'yon ah?
Hindi ako lumingon nang madaanan ko ang grupo ng mga kababaihang nagchichismisan sa daan. Nalaman ko lang na kami 'yung pinag-uusapan nila nang marinig ko ang 'The freaked squad' kuno.
Sumikat sa lahat ng fourth year ang pangalan na 'yon sa amin. Madalas kaming napapagalitan ng teacher at kilala kaming tatlo sa mga kasalanan namin sa aming mga teacher. Hindi naman kami bully, kami pa nga mismo ang nabubully dahil sa ginagawa namin. Pero, matapang si Kelly at Kyle. Palasagot sila sa mga seniors namin noon palang.
The only reason kung bakit kami nananatili sa first section ay ang Daddy ni Kelly. Si Vice Mayor Villarante. Takot nalang ng mga estudyante, kaya hindi nila kami nabubully physically. Sa mga masasakit na salita nalang sila bumabawi. Pero hindi naman kami natatakot. Hindi sila big deal.
Nang makapasok ako sa classroom ay si Harris pa lang ang nasa loob. Pumasok na rin ako at inilapag ang bag ko. Tss, this guy.
"Trina, nagbreakfast kana ba?" tanong ni Harris.
"Yeah."
"Oh, may extra sandwich ako. Gusto mo ba?"
Hindi ako lumingon sakaniya at kinuha ko nalang ang camera ko sa loob ng bag. "Busog pa ako."
Tumayo na ako at lumabas muna ng classroom para maglibot-libot. Kinuhanan ko ang mga puno at iba pang buildings sa paligid. Kakaunti palang ang mga estudyante, pangit din kasi ang maging maaga. Nakasarado ang mga room kapag wala pa ang teacher. Mabuti nalang at maaga laging pumapasok si Ma'am Sally.
"Trina!"
Napatingin ako sa sumigaw. Palihim naman akong napairap nang malamang si Katty iyon. Grade 10 na rin siya at nasa section 3. Sikat siya sa mga lalaki dahil maganda at sexy siya. Laging nakalabas ang legs niya kapag nasa labas na ng school. Dance troupe leader din, pride ng school pagdating sa sayawan.
Pero hindi niyon nababago ang katotohanang plastik siya. Walang galang, mataas ang tingin sa sarili kahit bobo naman. Basura ang ugali niya. At ngayon, lumalapit na naman siya sa akin.
"Picture-an mo ako!" sigaw niya.
Huminga ako ng malalim at ngumiti ng peke. "Sure."
"Wait, saan ba magandang background?"
"Sa impyerno." Umiling ako at tumawa. "Joke. Pose ka nalang kahit saan."
Pumwesto si Katty sa sinag ng araw, sunkissed kuno. Pero mukha niya mukhang sunburned.
"Medyo look up, then turn-around, face here, little stolen, and stand straight." Sunod-sunod kong sabi at ginawa naman niya. Pagkatapos ay nag-thumbs-up ako. "Done."
"Email mo sa akin ah? Thanks!" Kumindat pa si Katty bago na ako iniwan.
Gano'n lang ang kailangan niya. Gusto niyang magbayad pero hindi ako tumatanggap ng pera. Kahit salamat lang ay ayos na. Parang practice ko na rin ito para mas lalo pa akong gumaling sa pagkuha ng mga litrato. Sadyang naiinis lang talaga ako sa mukha ni Katty.
Nang bumalik ako sa classroom ay marami nang nasa loob. Nandoon na rin sina Kelly at Kyle na nag-uunahan pa sa pagkain ng burger.
"Tsk, umagang-umaga." Sita ko sakanila dahilan para sabay nila akong irapan.
Nanlaki ang mga mata ko nang makitang nasa seat na ni Grant ang bag niya. Pagtingin ko sa gilid ko ay muntik na akong mahulog sa kinauupuan ko. Nakatayo na siya ngayon sa gilid ko, shit!
Umiwas ako ng tingin. Bigla akong nauhaw! Inilabas ko ang tumbler ko at agad uminom ng tubig sabay punas sa pawis ko. Damn it.
"Uy, Grant! Sabay ka sa amin mamaya sa cafeteria!" Sigaw ni Kyle.
Naibuga ko ang iniinom kong tubig sa narinig. Mabilis akong pinagtawanan ng klase dahil sa ginawa ko. At pinakamalakas na roon ang tawa nina Kyle at Kelly. At si Grant...
Argh! Ang bobo ko! Ang bobo ko! Ang bobo ko! Nakakahiya! Nakakahiya! Nakakahiya! Dugyot ka, Trina!
"Yuck si Trina! Ambastos! Kadiri!" humagalpak pa sa tawa si Kyle na sinabayan ng pambabato sa akin ni Kelly ng tissue.
"S-Sorry..." nahihiya akong yumuko kay Grant habang nagpupunas na ng desk ko. Palpak ka talaga kahit kailan, Trina!
Sino ba naman kasing hindi magugulat sa sinabi ni Kyle?! Niyaya niyang sumabay sa amin mamaya si Grant!
Kung kasabay namin mamaya ang lalaking 'yon, paano ako makakakain ng maayos? Paano ako kikilos? Paano ako... Argh!
Iniisip ba nilang... manliligaw ko talaga si Grant? Mga tanga talaga!
"Good morning, class."
"Good morning, Ma'am Sally!"
Nagdiscuss lang si Ma'am Sally. Nakatunganga ako sa bintana at hindi na nag-abalang tumingin pa sa board. Kinakabahan din akong humarap kay Grant dahil pakiramdam ko anumang oras ay lalabas ang mga eyeballs ko at hindi ko na makakayanang ibalik pa iyon sa katawan ko.
Pero hindi ko na napigilan pa. Kusa nang umikot ang ulo ko at tumingin sakaniya. Kahit hindi ko gusto ay parang mga mata ko na mismo ang nagsasabi na tumingin kay Grant.
At hindi ako nagsisi. Pagkatingin ko sakaniya ay nakafocus ang mga mata niya sa papel. Nagi-sketch siya. Hindi ko masyadong makita ang nasa sketch pad niya dahil sa sinag ng araw pero alam kong mukha iyon. Baka mukha ni Ma'am Sally.
"Tsk, science na naman!" Ungot ni Kyle.
Kakatapos lang ng klase namin sa English at Science na ang susunod naming subject. Nakasimangot na si Kyle habang kumakamot sa ulo niya. Bobo talaga neto sa Science.
"May quiz ba?" Tanong sa akin ni Kelly.
"Ewan, sana wala."
"Hindi ka rin nagreview? Bobo naman!" Halakhak sa akin ni Kelly kaya binatukan ko siya.
"Bakit, nagreview ka ba?"
"Hindi."
"Edi bobo tayong dalawa!" Ngumisi ako at tinulak na siya papasok ng classroom. Hindi lang pala kaming dalawa. Tatlo kami.
Muntik nang mahimatay si Kyle nang makita ang mga formula sa board ni Ma'am Jona. Para sa akin ay lenggwahe iyon ng mga iba't ibang uri ng Titan sa paradis island. At si Eren lang ang nakakaintindi niyon. Kaso patay na si Eren kaya madedepress si Mikasa at mag-aalaga nalang siya ng mga kalapati. Maiinlove siya sa isang parasitic jeager at hindi na siya magmamahal ulit lalo na sa mga gwapong kabayo na tulad ni Jean.
"Excuse me, Ms. Calderon, nakikinig ka ba?"
"P-Po, Ma'am? Ako po? Bakit po?" Gulat kong tanong nang marinig ang pangalan ko.
"Oo, ikaw. Kanina ka pa nakatulala riyan, Ms. Calderon. Iniisip mo ba ang crush mo?"
"Ayieeeeeee!"
"M-Ma'am! Hindi po!" Tanggi ko. Naghiyawan pa ang mga kaklase ko.
Tsk! Anong crush?! Hindi lang nila alam! Mga Titans ang iniisip ko! Crush-crush, daming alam.
"Ma'am, iniisip niya siguro si Grant!" gatong ni Kyle.
"Aaaaaaaaa! Yieeeeee! Trina! Grant pala ah?"
"Yieeeeeeeeee!"
Pinanlakihan ko ng mata si Kyle at sinamaan siya ng tingin. Tangina! Tangina! Tangina! Tangina mo, Kyle!
"So, iniisip mo ba si Mr. Arceo?" Tanong pa ni Ma'am.
"Ayieeeeee! Si Trina! Iniisip daw si Grant!"
"H-Hindi nga po! Ano ba 'yan, Kyle! Papansin ka!" Nanggagalaiting sigaw ko at padabog nang umupo.
Nang dumapo ang tingin ko kay Grant ay biglang nanindig ang mga balahibo ko. Nakatitig siya sa akin... Fuck!
"Okay, enough. Iniinis niyo si Ms. Calderon." tumawa si Ma'am. "Let's get back to our topic."
Nag-head's down nalang ako dahil sa kahihiyan. Kotang-kota na ako! My goodness! Wala na akong mukhang ihaharap kay Grant!
"Gusto kong magreview kayo sa mga nadiscuss ko ngayong araw dahil bukas, magkakaroon tayo ng group quiz. Surprise nalang ang magiging group members niyo para malalaman ko talaga kung sino ang naghanda at kung sino ang mga hindi. Understood?"
"Yes ma'am!"
"Okay, good. Dismiss!"
Badtrip kaming lumabas ng classroom. Tinatamad akong magreview---shit.
Kinakabahan ako. Kapag hindi kami nagreview ay kawawa kaming tatlo bukas!
"Huwag na tayong pumasok sa math! Tinatamad na ako!" ungot ni Kelly.
"Hindi. Kailangan nating pumasok." Seryosong usal ko habang nakatingin ng diretso sa lapag.
Nakatanggap ako ng batok mula kay Kelly.
"For the first time in forever~"
"Manahimik ka, Kelly. Seryoso ako." Nag-evil smile ako sakanilang dalawa.
"Utot mo, seryoso!"
Tinawanan lang nila akong dalawa bago na naunang maglakad sa hallway. Nagkasalubong ang kilay ko at mabibigat ang mga hakbang na tumakbo para abutan sila.
Malas lang dahil habang naglalakad na kami papalayo sa math room namin ay nakasalubong namin si Ma'am Lara. Hehehe... patay.
"Sorry, guys. Mission failed." Hinalakhakan kami ni Ma'am Lara habang hinihila na kaming tatlo papasok ng classroom niya.
Aish!
As usual, hindi kami nakikinig. Nakikipagtitigan nalang ako sa mga postcards na hawak ko. Kousei Arima, Kaori, Tsubaki, at si Watari. Favorite anime ko 'to noong nasa elementary ako.
Gutom na gutom na ako nang tumunog na rin sawakas ang bell. Ako na mismo ang humila kay Kelly palabas ng room. Pero bigla ko nalang naalala 'yung sinabi ni Kyle...
Sabay kami ni Kelly na napatingin sa pintuan nang makitang nakaakbay na si Kyle kay Grant na 'di hamak namang mas matangkad sakaniya.
The heck? —_—
"Ha! Sasama si Grant sa atin!" pagmamayabang ni Kyle.
"S-Sigurado ka ba? Alam mo namang gago 'tong si Kyle! Ni-blackmail kaba niya?" Galit na tanong ni Kelly habang pinipingot si Kyle.
"Uh, no."
Napalunok-lunok ako habang nakatingala kay Grant. Lahat nalang ng bagay sakaniya ay maganda!
"Yown! Ba't naman ako mamba-blackmail? Anong akala mo sa akin? Mafia boss?" dagdag pa ni Kyle. "Oo, Kelly. Alam kong gwapo ako pero hindi naman ako mafia!"
"Wow! Ang kapal ng mukha mo! Kasing kapal ng kalyo mo! For your information, Kyle. Mukha kang galunggong na may halong tulingan!"
"Hoy! You're so mean!"
"Mean mo, ulo mo!"
Tumakbo si Kelly at dali-dali naman siyang hinabol ni Kyle. Awtomatikong nanginig ang tuhod ko nang marealize na kaming dalawa nalang ni Grant ang naiwan. Punyeta talaga ang dalawang 'yon!
"Come on?"
Napahawak ako sa leeg ko nang marinig na naman siyang nagsalita! Behave, Trina!
"M-Mmm!"
Hindi ako makalakad nang maayos dahil sa presensya ni Grant. Bawat hakbang ko ay parang matatalisod ako ng wala sa oras!
Parang hinihintay niya ang bawat hakbang ko, parang sinasabi niya na mauna ako sa paglalakad. Hindi siya mabilis maglakad kaya napapansin ko iyon. Ahm... he's a gentleman.
Nakagat ko ang pang-ibabang labi ko nang makitang wala pa 'yung dalawa sa cafeteria! Ano ba?! Nasaan na 'yung mga tangang 'yon?
"W-Wala pa sila..." mahinang sabi ko. "G-Gusto mo bang dumiretso na tayo sa t-table namin...?"
Tumingala ako sakaniya. Dalawang beses siyang tumango na muntik nang maging dahilan ng pagkatunaw ng mga tuhod ko. Sisisihin talaga kita, Grant! Sa oras na mahimatay ako habang pinagmamasdan lang ang bawat galaw mo!
"Oh my gosh, totoo ba 'to?"
"Siya 'yung lalaking kakatransfer lang diba?"
"Oo! Grabe, mas gwapo pala siya sa malapitan."
"Wow, really? Kasama niya si Trina?"
"Funny! Baka turuan lang nilang mag-cutting 'yan!"
"Excuse me? Huwag nga kayong haharang-harang sa daan!"
Nagulat kaming lahat nang umalingawngaw ang maarteng boses ni Kelly sa pagitan nung mga babaeng pinag-uusapan kami.
"K-Kelly..."
"Oh, ano? Sabi ko, umalis kayo sa daan! Cafeteria 'to, hindi dyaryo! Mga chismosang hipon! Tabi!"
Napatingin naman ako kay Grant na nasa sketch pad lang ang atensyon. Mukhang gustong-gusto niya ngang mag-drawing. Magaling din siya. Sobra. Nakita ko na 'yung mga paintings niya sa The Vinci. At hindi ko inaakalang gawa iyon ng isang sixteen years old.
"S-Sikat kana sa school..." out of nowhere na sabi ko. "Pinagtitinginan tuloy ako ng mga babae---"
"Don't mind them." He answered. "Stop looking around, look at me instead."
Napako sakaniya ang mga mata ko. Hindi ko alam kung anong isasagot dahil ang mga salita niya ay parang mga balang tumatagos sa puso ko. Now tell me... paano ako makakapag-concentrate sa pagkain nito?!
"T-Tch." tanging naiusal ko sabay iwas ng tingin.