Nagising ako ng mga alas-tres ng madaling araw. Tulad nang inuutos sa'kin ng kapatid ko ay ginawa ko na yung poster niya. Binalot ko pa yun ng acetate para di madumihan o magkalukot-lukot.
Lumabas ako ng kwarto dahil sa tumutunog na ang tiyan ko, bukod kasi doon sa pasta na kinain ko kahapon sa unit ni Fynlae ay iyon lang ang laman ng tiyan ko. Hindi na ako kumain ng hapunan dahil alam kong puro sermon lang ang malalamon ko.
Pumunta ako sa kusina para magtimpla ng kape, wala ng ulam as usual, kahit naman alam nila na may hindi pa nakakain, hindi man lang nila pagtirhan.
Umakyat agad ako sa kwarto nang matapos sa pagtitimpla, baka magising ng maaga si Mama at mapagbawalan na naman ako. Binuksan ko ang bintana ng kwarto ko, maganda sana ang view kaso may mga underwear na nakasampay kaya hindi ko masyadong makita iyong buwan.
I suddenly got bored so kinuha ko yung phone ko sa study table at nag-scroll na lang ako sa Facebook, I got 50+ notifications kaya in-open ko iyon.
Nanlaki ang mata ko nang makitang nag-sent ng friend request yung kapatid at manliligaw ni Eisha.
Fynlae Gyllan Cezar sent you a friend request
Confirm || Remove
1 mutual
Eisren Calez Garcia sent you a friend request
Confirm|| Remove
1 mutual
Huminga muna ako ng malalim at nag-isip isip pa, hindi ko alam kung bakit sila nag-sent, e hindi ko naman sila ka-close at isa pa, wala ng space sa friends list ko!
Para mawala ang stress ay in-open ko na lang ang IG ko at hindi ko inaasahan na sabog na naman notifications ko rito. I got 345 notifications?!
Unang bumungad sakin ay–
F.gyllan follows you
Eisren follows you
At ang mas nakakaloka ay flood likes pa siya sa mga post ko! Hindi ba siya aware na nag-no-notif sa'kin? Grabe naman ang isang ito!
I didn't follow them back but I stalk Eisren's account.
Eisren
156 post |56K followers | 14 following |
Napaawang ang labi ko sa aking nakita! How come he follows me when he's freaking famous? My god!
Nai-stress na ako! Tiningnan ko na ang Twitter ko baka doon naman nagkakalat at hindi nga ako nagkamali. Ngayon ay siya na lang ang nag-follow sa'kin at hindi na kasama si Fynlae.
I got 100 notifications, and halos lahat ng recent tweets ko ay ni-like niya!
Eisren follows you
I stalk him again and I'm not surprised anymore, he's really a freaking  famous!
Eisren
Engineering student
✨You and I would add up better than a Riemann sum.✨
3 following | 234K followers
Nanlaki pa lalo ang mata ko nang makita ang mga tweets niya.
Eisren: how can you be cute and hot at the same time?
Eisren: Damn, I've never been attracted with someone who's younger than me!
Eisren: gusto  kita na mapasakin kahit na mali🎶
Eisren: hindi ko naman alam na meet the parents agad, sana nagdala na pala ako ng lechon😂
Eisren: I badly want to bite those chubby cheeks!
Halos maubos ko agad ang kape kahit na mainit pa ito at bigla akong nahiya sa sarili ko. I don't wanna assume but I'm just the only girl na kasama nila kanina bukod pa kay Eisha, and they met my parents!
Tumingin na lang ako sa labas at humihiwalay na ang dilim at lumalapit na ang liwanag. Nakarinig ako ng mahihinang katok mula sa aking pintuan kaya naman agad ko iyong nilapitan at binuksan. Bumungad sa'kin ang nakasimangot na mukha ng aking kapatid.
“Nasaan na ang poster ko?” parang boss na  tanong ni Kuya Deyn at bahagya akong lumunok.
Kinuha ko agad iyon sa study table ko at agad na binigay sa kanya, hinablot niya iyon sa'kin at agad na umalis sa'king harapan nang wala man lang pasalamat. Naitikom ko ang nakaawang kong labi at sinundan siya ng tingin. Natagalan pa ako sa gano'n na posisyon at nagpasyang isarado ang pinto ng kwarto ko.
Naupo ako sa kama at tumingala sa picture frame na kung nasaan ang imahe ni Lord. I pray silently.
Lord, hanggang kailan? Hanggang kailan ko ba ipagsisiksikan ang sarili ko sa pamilyang ito? Lord, ang sakit, ang sakit-sakit na, sa tingin ko ay hindi ko na kaya...I'm always there for them, but they aren't here with me when I'm fighting my silent battles. I badly want to tell them my day, my mistakes, my achievements, my failures and many more, but they aren't interested...they just want me to reached their expectations...Madalas ko nang itanong sa sarili ko kung worth it ba talaga ako? Kasi hindi ko alam kung ano pa bang halaga ko. Lord, please stay with me, I'll heal myself and thank you for always giving a reason to fight over and over. Thank you for being the reason why I'm still here, fighting for my life.
After that, I just found out myself crying silently in my pillow. Minsan nahihiya na ako sa mga unan ko, palagi na lang sila ang iniiyakan, palagi na lang silang nadadamay sa mga drama ko.
Nakatulugan ko din ang pag-iyak. Nagising na lang ako sa sigaw ni Mama.
“Anong oras na, Danica! Hanggang ngayon ay nakahilata ka pa rin d'yan sa pesteng kama na yan! Tanghali na, nakapaglinis na ako't lahat-lahat ay dinaig mo pa ang mantikang tulog!” aniya saka narinig kong hinila niya ang sasakyan ng electric fan.
Huminga ako ng malalim at minulat ko ang aking mga mata, one thing I like with my eyes, hindi sila namamaga once na kinatulugan ko ang pag-iyak. Umupo ako sa kama at tinanggal ang kumot na nakasabagal sa aking katawan.
“Tingnan mo at pabagal-bagal pa! Maghilamos ka na nga at linisin mo iyang kwarto mo! Ka-dalagang tao ay hindi man lang marunong maglinis!” sermon niya na pinakinggan ko at pinalabas din sa kabilang tenga.
Imbes na maghilamos ay naligo na ako at nagbihis ng pambahay, pagkatapos ay nilinis ko lahat iyong wala kahit isang alikabok na makikita.
Lumabas ako ng kwarto at nakasalubong ko si Ate Deanne, inirapan niya ako bago ko siya lagpasan, attitude amp!
Pumunta ako sa kusina at nadatnan si Mama na nagluluto ng pananghalian, tiningnan ko pa kung may almusal ba na nakahain sa mesa ngunit wala naman. Ngumuso ako at bumalik na lang sa kwarto ko para mag-advance reading for the 2nd quarter this school year.
Busy ako sa pagha-highlight ng mga keywords sa iPad ko nang biglang mag-ring ang cellphone ko. Hindi na ako nag-abala pang tingnan kung sinong tumatawag at agad ko itong sinagot.
“Hello, sino 'to?” sagot ko.
“It's Eisren.” bigla akong kinilabutan nang marinig ang pangalan n'ya.
Pumarte ang mga labi ko dahil sa hindi ko alam kung bakit siya tumatawag, hindi ko naman kasama si Eisha, at wala naman akong ibang alam na dahilan para tawagan niya.
“Oh, bakit ka po napatawag?” tanong ko at tinatago ang kaba.
He chuckled. “I want to ask a favor sana.” nag-aalangan na sabi niya.
“Ano po iyon?” tanong ko ulit.
“Can you check-up on Eisha, I wanted to know of her whereabouts sana.” diretsong sagot niya.
Napatango naman ako. “Sure po.” walang pag-aalinlangan na sagot ko.
“Thank you, ahm, hindi kasi ako gumagamit masyado ng Messenger, can I have your number na lang?” medyo mahihimigan ang hiya sa kanyang tono, nakarinig pa ako ng tawa ng mga lalaki sa tabi niya.
“Send ko na lang po mamaya sa account n'yo, nag-aaral po kasi ako, e.” nahihiya ding sagot ko.
“Oh! Sorry, Danica, take your time, I can wait.” aniya at hindi ko alam kung ano ang nararamdaman ko sa tuwing siya ang bumabanggit ng pangalan ko.
Nagpaalam na ako sa kanya at agad na bumalik sa pagaaral, though I'm  a bit nervous on what will happen next, I don't know how to update  on someone's whereabouts, bakit ba kasi ako pumayag?
Grabe naman kasi, bakit kailangan ako pa? At saka bakit hindi na lang ang kapatid niya ang tanungin niya? Bigla ko namang naalala iyong mga nangyari kay Eisha last year, her Mom and Dad got annulled and I don't know what happened about his Kuya, they're literally close pa nga kahapon, e.
After reading some text in my English book, iyong math naman ang pinag-aralan ko, medyo nahihirapan kasi talaga ako sa Math dahil na rin sa hindi maayos ang pagtuturo ng teacher namin, parang babaeng bersyon lang siya ng teacher namin sa Math last year, puro kuda pero di ko talaga maintindihan.
Ilang minuto lang ay nakarinig na ako ng katok sa pintuan, di ko iyon kaagad na nabuksan kaya naunahan ako ni Mama, pagbaling ko sa kanya ay seryoso na agad siyang nakatingin sa'kin.
“Kumain ka na muna sa baba, pagkatapos mo ay hugasan mo ang mga pinagkainan.” aniya at lumabas na din kaagad.
Huminga muna ako ng malalim bago ako sumunod, tilapia ang ulam at agad akong napanguso. Humanap ako ng tuna sa cupboard at buti na lang ay mayroon pa, kinuha ko iyon at ang chicken spread.
Tinabi ko na iyong tilapia at iyong tuna ang inulam ko kasama ng chicken spread. Nakadalawang plato pa nga ako ng kanin bago ako tuluyang matapos sa pagkain.
As usual, nilinas ko pati iyong lahat ng pinagkainan nila, pagkatapos niyon ay lumabas na ako ng kusina. Nakasalubong ko si Ate Denise.
“Nilinis mo ba lahat ng pinagkainan?” istriktang tanong niya.
Tumango ako at ngumiti ng bahagya.
“Oo, Ate,” sagot ko.
Inirapan niya lang ako at agad siyang tumungo kung saan ako nanggaling. Pumunta ako sa sala at nakitang nagkalat ang mga kagamitan sa coffee table. Nagpasya akong linisin muna iyon.
Habang nilalagay ko ang suklay sa organizer ay biglang bumukas ang pinto at niluwa niyon si Kuya Darylle. Nginitian n'ya ako bago siya tumuloy sa kanyang kwarto.
Nang matapos akong mag-ayos ng sala ay tumungo ako sa kwarto para magpahinga, my head hurts. Pinikit ko ang mata ko ngunit hindi naman ako makatulog, iniisip ko na baka kapag pinilit kong matulog ay lalong sasakit ang ulo ko.
Bumangon ako sa kama at kinuha ang bag ko na nasa study table, may mga gamot akong binili nu'ng isang Linggo dahil laging sumasakit ang ulo ko kapag 'di ako nakakatulog ng maayos. Uminom ako ng paracetamol at tubig. Kinuha ko din ang cellphone ko na nasa study table at binalik naman ang bag.
Nakita kong nag-message si Eisha sa'kin kaya naman bigla kong naalala iyong kapatid n'ya na humihingi ng number ko.
I opened her message.
Eisha:
- Girl! Finallow ka ni Kuya! Grabe kung magtatanong siya sa'yo about sa'kin, you can tell him pero sana h'wag yung mga medyo nakakahiyang pangyayari, kay?
Natawa ako nang matapos kong basahin iyon, Eisha is so cute! I replied “Alright:)”.
Nag-chat naman ako kay Eisren.
Danica Mae Talde:
- Hi, this is my number:) 09142365218
Agad naman siyang nag-reply.
Eisren Calez Garcia:
- Thank you!
I reacted heart on his message and I close the chat box.
Ni-lock ko ang phone ko saka nahiga ulit sa kama, hindi ko alam kung paano ako nakatulog, nagising na lang nang mag-ring yung phone ko.
It's from unknown number. Kinancel ko ang tawag niya at chineck ko kung message ba nang makitang wala, iba-block ko na sana ang number niya kaso bigla itong nag-message.
Unknown number:
- Hey it's Eisren:) Is it okay to call? Sorry for disturbing.
Napasinghap ako at natulala, nagising ako, wala pa ako sa huwisyo akala ko naman emergency!
Nag-reply ako nang makabawi ako.
Me:
- sorry, kakagising ko lang, is it emergency?
Ilang segundo ang hinintay ko at nagreply din naman siya. Pinalitan ko na din ang pangalan n'ya sa contacts ko.
Kuya Eisren:
- Hindi naman, I'll just ask if kasama mo ba si Eisha? Wala daw kasi siya sa bahay sabi ni Nanay Edna.
Napalunok ako, hindi ko alam kung anong ire-reply ko, tinitigan ko muna ng medyo matagal ang mensahe bago nagpasyang i-chat si Eisha, baka kasi iba ang masabi ko at mapagalitan siya.
Danica Mae Talde:
- Bebs, saan ka?
Mga tatlong minuto bago ito mag-reply.
Eisha Clarize Garcia:
- Sa Kalentong po, nagpasama si Gelo na bumili ng ireregalo sa bebe n'ya, punta ka?
Napabuntong hininga ako at nagreply na lang.
Danica Mae Talde:
- Hindi ako pwede, btw, natanong ko lang kung nasaan ka kasi nag-chat sa'kin yung kapatid mo, hinahanap ka daw sa bahay n'yo pero wala ka, I'll tell your brother na kasama kita, okay?
Pagkatapos kong ma-send iyon ay ni-replyan ko naman si Eisren.
Danica Mae Talde:
- Hi, Kuya! Slr, oo kasama ko po si Eisha, lumabas lang siya para bumili ng pagkain daw namin hehe
Kinabahan ako nang i-send ko iyon, paano kung hindi n'ya iyon paniwalaan? Pinatay ko ang cellphone ko, hindi ko yata kakayanin kung anong magiging reply n'ya!