Chynna
Makalipas ng dalawang linggo, naka-assign sa buong 1st year to 4th year highschool ang isang theatrical presentation bilang paggunita sa English month. Lahat ng class presidents sa bawat section ang bumunot kung anong play at sino-sino ang makakasama nila sa pagbibigay buhay sa napiling play.
Nabunot namin ang Hamlet na paborito kong play kaya agad akong nagtungo sa section nina Peruianna at France para ibalita ito. Saktong nasalubong ko sila kaya agad kong niyakap ang napaka-cute na si Peruianna. "Hi babe!" bati ko at nakita kong inismidan ako ni France na para bang nandidiri siya na may halong inggit dahil nagagawa kong makayakap kay Peruianna.
"Hulaan mo nabunot na play ng section namin." sambit ko at sa umangkla ako sa kamay niya. "Isang kiss kapag hindi mo nasagot ng tama."
Nagtawanan kami ni Peruianna, samantalang hindi na nakakarelate si France sa usapan namin. Napahawak si Peruianna sa kamay ni France na naging dahilan para mapaggitnaan namin siya. Namula sa kilig si France kaya napaiwas siya ng tingin.
Mainosenteng bumungisngis si Peruianna na halos nakapagbukas sa kalangitan at maliwanagan siya na parang isa siyang anghel.
Hindi na nakayanan ni France ang super cute attack ni Peruianna kaya may tumulo na dugo sa ilong niyo. Agad niya itong pinunasan kaya hindi ko na masyado itong inintindi.
"Phantom of the Opera?" paghuhula niya sa sagot. Dahil mali siya, agad ko siyang hinalikan sa pisngi kaya kinikilig din ako. Ang cute niya promise.
Halos lahat na ng play nabanggit niya pero hindi niya pa rin nahuhulaan kung ano ang play na nabunot ng section ko. Namula tuloy ang pisngi niya dahil sa mga halik ko.
"Hindi ko talaga alam."
"Sige na nga sasabihin ko na... Hamlet ang nabunot ng section ko."
Napanganga siya at napailing. "Hindi ko alam iyon." sambit niya at lumungkot ang ekspresyon ng mukha niya pero agad din siyang sumaya nang magsalita ulit siya. "Kaming special section ay isinama sa isa pang section at ang nabunot namin na play ay tungkol kana Romeo and Juliet."
Napahinto ako at tumititig sa masasayang mata ni Peruianna at doon ay nakita ko kung gaano siya kaexcited sa play na nabunot nila. Nabaling ang tingin ko kay France na may ipanapabasa sa akin sa papel na sinulatan niya.
'The role of Juliet suits her.'
I agree. Ugali at kagandahan ni Juliet ay nakikita ko kay Peruianna pero dama ko hindi siya mapipili sa role na iyon dahil sa condition niya.
"I wish I could have the role of Juliet." tumingin kami parehas ni France kay Peruianna na nakangiti. "Pero, I don't think na makukuha ko iyon. Bulag ako eh, baka maging pabigat lang ako. Sa props committee na lang ako sasali." nakangiti pa rin si Peruianna na para bang hindi siya apektado nito pero alam ko na masakit iyon para sa kanya.
Para mabawasan ang bigat sa damdamin niya, naisipan kong ilibre na lang siya ng ice cream para naman sumaya siya. Vanilla ice cream gusto niya kaya simula ngayon, vanilla ice cream na rin ang favourite flavor ko. Yes I simp.
"Anyways, sino ba ang napiling gaganap na Juliet sa play niyo?" tanong ko habang nakaupo kami sa hagdan.
"Si Capulet, 'yung pinsan mo."
———
"Tita, alam mo bang si Ate Letlet ang gaganap na Juliet sa play?" sigaw ko habang naghahanda kami ng hapunan. Nakaupo ang magkapatid sa sala - si Ate Letlet ay nanonood ng fashion show tas si Kuya naman ay nagbabasa ng libro. Parehas silang napatingin sa akin nang isinigaw ko ang role na nakuha ni Ate Letlet.
"Ikaw pala ang female lead, sige manonood kami ni mama, kailan ba iyan?" pang-aasar ni Kuya Jan sabay lapag ng libro sa maliit na lamesa para kilitiin si Ate Letlet.
"Hindi ako ang Juliet, ayoko." pagtanggi niya. Pinatay niya ang TV at lumipat nang panonood sa cellphone. "Kung si Felix 'yung Romeo, sige." kinurot siya nang malakas ni Kuya Jan kaya napaatras siya. "Ano ba? Kulang ka sa aruga?"
"Ang harot-harot mo."
"Paki mo ba? Wala ka lang love life eh. Mapapakasalan mo ba 'yung mataas mong grades sa future? Di'ba hindi? So why study?"
"Linyahan iyan ng mga bagsak at tamad mag-aral"
"Whatever." tumayo si Ate Letlet at ibinaba ang remote sa sofa. Umakyat siya sa kwarto niya at sumigaw, "wala na akong gana kumain."
Piningot ni Tita ang tainga ni Kuya at napapapikit na siya sa sakit ng pingot. "Sinimulan mo na naman. Magsorry ka sa kapatid mo."
Sumunod naman si Kuya at mukhang mas natuwa pa siya. "Sige." umakyat siya sa taas at nagulat kami ni Tita nang makita namin na buhat-buhat niya na si Ate Letlet na pumupumiglas.
"Bitawan mo ako o papatayin kita?" sigaw ni Ate Letlet.
"Kill me with love, sister."
"Ew... Ma, si Kuya oh!" humanap ng kampi si Ate Letlet sa aming dalawa ni tita pero napailing na lang kami dahil sa bangayan nilang magkapatid.
Pagkatapos kumain, nakita ko ang magkapatid sa sala - nanonood si Ate Letlet habang tinitirintas ni kuya Jan ang mahaba nitong buhok. Kahit nasa wastong edad na si ate Letlet, tinuturing pa rin siyang bata sa pamamahay na ito dahil nga na bunso ito.
Naiinggit ako sa kanila, bakit hindi pa kasi gumawa ng bagong anak sina mama at papa eh. Gustong-gusto ko na magkaroon ng kapatid.
"Chynna," tawag ni Tita sa akin at hinawakan ako sa balikat. Hawak niya ang telepono sa kabilang kamay at inabot ito sa akin. "Tumatawag mama mo."
Inabot niya ang telepono sa akin at dali-dali ko namang pinatuyo ang kamay ko at kinuha ang telepono. Si Tita ang nagtuloy ng paghuhugas kaya pumunta ako sa taas para makausap ng pribado si mama.
"Hello ma?"
"Kumusta ka na diyan? Maayos naman ba ang pag-aaral mo?"
"Opo ma! May mga kaibigan agad ako dito."
"Ganoon ba? Eh di wala na pala akong kailangang intindihin pa?"
"Opo! Maayos naman ang lahat dito... atsaka may project kami per section - play! Si Ate nga gaganap na Juliet eh, sure na talo agad section ko."
"Ah ganoon ba? Hayaan mo at pupunta ako diyan para mapanood kayo."
"Sige po!"
Pagkatapos ng tawag, agad kong binaba ang telepono at nag-ayos na ng script para sa play dahil iyon ang task na naka-assign sa akin habang wala pa napipiling gaganap sa mga tauhan.
Nahagip ng paningin ko si Ate Letlet na pumasok sa kwarto niya. Hindi ko na siya pinansin at agad tinapos ang script para makatulog na ako.
———
"Ew, ano iyan?" tanong ni Ate Letlet habang kumakain ng adobong kuhol si Felix. Inilapit nito ang isang kuhol sa mukha ni Ate Letlet at pinapatikim ito. "No." hinampas ni Ate Letlet ang kamay niya.
"Ang arte mo naman, kinakain talaga ito!"
"Abay wala akong paki, iyan jowain mo."
"Ito naman, hindi mabiro..."
Umupo si Ate Letlet sa tabi nito at humawak sa braso niya. "Ikaw ba 'yung napiling male protagonist sa play niyo?" tanong nito at sa tumango naman si Felix. "Sino female lead?"
Nadadama namin na magdudulot lang ito ng selos kaya pinilit kong baguhin ang usapan. "Ate, mamaya ia-announce na sa amin kung ano role namin sa play. Excited na ako."
"Super happy for you... Felix?" nakangiti siya nang sambitin ito pero dama ko na sarkastikong pagpuri niya ito dahil binalik niya agad ang atensyon sa jowa.
"Si Charlotte 'yung partner ko. Maganda at magaling naman siya so makakapasa kami sa project-"
"So hindi ako maganda? Hindi rin ako magaling?"
Ito na nga ba ang sinasabi ko eh, masyadong sensitive si Ate. Kahit nagpapaka-honest ang mga tao sa paligid niya, akala nilalait siya. Parang timang.
"Tinanong mo ako eh, iyan napapala mo." pabirong sagot ni Felix.
"So totoo nga?"
"Hulaan mo."
Sumama ang tingin niya kay Felix at mukhang hindi niya na naguguluhan ang pinasok niya. "Okay."
"Ayie tampo siya, sinabihan lang kita na ang cute mo tuwing nagtatampo, sinulit mo naman araw-araw." napangiti si Ate Letlet at mukhang tama ang sinabi ni Felix. Naghampasan sila at nagtawanan. Nilalanggam ako, kainis.