Chynna
Nang makadating ako sa school, agad kong pinuntahan ang classroom nina Peruianna. Nag-abang ako doon pero halos bente minuto na ang nakalipas pero wala pa rin ito. Sumilip ako sa bintana at tanging si France lang ang kilala kong nakita ko.
Nakatuon ang mga itim nitong mata sa ginagawa. Hindi ko masyadong makita kung nagsusulat ba siya o gumuguhit. Kumatok ako sa pinto at lahat sila ay napatingin sa akin. Lumapit sa akin ang isang binata na naka-wheel chair at mas nilawakan pa ang pagbukas ng pinto.
"Ano po iyon?" mahinahon niyang tanong. Tinuro ko si France na hindi man lang tumitingin sa akin. "Kakausapin mo po ba? Sige lang po."
Nginitian ko siya at sa lumakad ako papalapit kay France. Tumayo ako sa likod niya at pinapanood ang ginagawa niya.
Gumuguhit siya at talagang napakagaling niya dahil realism style ang ginagawa niya - gumuguhit siya ng isang babae na nakangiti. Parang namumukhaan ko kung sino ginuguhit niya, si Peruianna! Dali-dali akong humawak sa balikat niya at kinuha ang papel para pagmasdan ito.
Inaagaw niya ito sa akin pero pilit ko itong iniiwas sa kanya. Pinagmamasdan kong maigi ang drawing niya kay Peruianna at masyado akong namangha sa mga detalye.
"Ang galing mong magdrawing!" sigaw ko na umalingawngaw sa loob ng classroom. "Ang ganda nang pagkakadrawing mo kay Peruianna." biglaan niyang inagaw ang papel at tinupi sa gitna. Tinago niya ito sa loob ng notebook niya at tumingin ng masama sa akin.
Tinulak niya ako papalabas pero nilalabanan ko siya sa pamamagitan nang paghawak ng mahigpit sa pinto. Napahinto ako sa kinatatayuan ko nang makita ko si Peruianna na may kasamang binata. "Peruianna!" sigaw ko. Ngumiti siya abot tainga at hinahatak ang kasama na lumapit sa direksyon ko.
Napansin ko rin na lumungkot ang mukha ni France nang makita si Peruianna na may kasamang ibang lalaki. Medyo nanibago ako kasi tuwing nakikita ko si France na kasama si Peruianna, masaya ito.
Lumakad papalit sa amin sina Peruianna at nang mahawakan ako ni Peruianna, agad niya akong binati. "Chynna? Anong ginagawa mo sa room namin?" tanong niya.
Nginitian ko siya at kinurot ang matambok nitong pisngi. "Hinihintay kita, yayayain sana kita after school."
"Saan?"
"Diyan sa nadaanan kong cat cafe."
"Ganoon ba? Sige. Magpapaalam ako kay mama mamaya." pumalakpak ako sa galak at lumingon kay France.
"Sumama ka na rin para may aalalay kay Peruianna!" napayuko ito at tumingin sa lalaking katabi ni Peruianna. "By the way Peruianna, sino pala siya?" tinuro ko ang kasama niya dahil excited na rin akong makilala siya.
"Ay oo nga pala," tugon niya. "Nakalimutan ko siyang ipakilala. Siya nga pala si Danmark, friend ko since preschool." dagdag niya pa.
Namangha ako sa tagal ng pagkakaibigan nila, sa panahon kasi ngayon wala nang tumatagal at gamitan na lang. "Nagkasalubungan kami sa may main gate nang makita siya ni mama."
Inabot sa akin ni Danmark ang kamay niya para makipag-kamay. Malugod ko naman itong tinanggap. "Ako nga pala si Chynna!" sunod niyang kinamayan si France at nginitian.
"You must be France?" tanong nito at sa tinanguan lang siya nito. "Nice to meet you."
———
"Sure ka na hindi ka na magpapasama?" tanong ng mama ni Peruianna na nakasilip sa bintana ng kotse nila. Hindi na kasi siya pinababa ni Peruianna kasi paalis na rin kami.
"Opo, kasama ko naman si Danmark. Ihahatid niya na lang ako pag-uwi." sambit ni Peruianna habang nakahawak ng mahigpit sa kababata na inaalalayan siya.
Huminga ng malalim ang kanyang mama at tumingin sa kanya na may pag-aalala. "Sige... Danmark, bantayan mo si Peruianna ah?" tumungo ito at lumapit na sa amin.
Humarurot na paalis ang sasakyan ng mama niya kaya dumiretso na rin kami sa cat cafe.
Habang naglalakad, dali-dali akong dumais kay France na nasa likuran lang nina Peruianna at Danmark na nagkukwentuhan. "Hoy, why are you so tahimik naman?"
Napahinto ako nang saglit nang maalala ko na wala nga pa lang kakayahan na makapagsalita si France. Bigla akong nakaisip ng isang idea para makapag-usap kami. Kinuha ko ang cellphone ko sa bag at nagtype dito.
'Dito tayo usap'
Binigay ko sa kanya ang cellphone ko at pinagtype siya ng gusto niyang sabihin.
Mabagal siyang nagtype sa notes at ibinalik din ito sa akin pagkatapos.
'Ano na naman?'
'Bakit ka malungkot?'
'Kailangan ba galak na galak ako habang naglalakad?'
'Hindi naman pero napansin ko na gumanto lang pagkikilos mo nang makita mo si Peruianna kasama si Danmark?'
Tinitigan ako nang masama ni France kaya dinukot niya ang cap niya sa loob ng bag at sinuot ito. Hindi niya na ako sinagot pa at binilisan ang paglakad.
Nang makarating kami sa cat cafe, agad kami naghanap ng pwesto at tumingin sa menu. "Balita ko masarap ice cream dito," sambit ni Danmark na katabi si Peruianna. "Ano flavor gusto niyo? My treat."
"Really? Then mine is chocolate." masigla kong sambit.
"Ikaw France, anong gusto mo?" tanong ni Peruianna. Tinuro ni France ang strawberry-flavored ice cream kaya. "Nakapili ka na?" hinawakan ni Peruianna ang mukha ni France at sa tumango ito. "Ah," ngumiti si Peruianna. "Buti naman at nakapili ka na."
Kumuha na ng pera si Danmark sa bag niya at umorder sa counter. Habang nag-aabang, hinihimas namin ang mga balahibo ng mga pusa sa cafe. May iilan na tulog at may iilan din na nagpapakamot sa mga customers.
"Ang cute ng mga pusa!" sigaw ko.
Tuwing may pumapasok sa cafe, laging kumakalembang ang maliit na bell sa tuktok ng pinto. Kumalembang ito kaya napatingin ako sa likuran. Nagulat ako nang makita ko si Felix kasama ang isang babae na maliit. Nagtago ako sa pamamagitan ng pagtatakip ng mukha gamit ng menu book habang sinisilip sila ng palihim.
Dinukot ko ang cellphone ko at pinicturan sila for proof. Kung sakali lang na malaman ni Ate Letlet ito at itatanggi niya, may proof kami.
"Saglit lang ah?" tumayo ako sa pagkakaupo ko at nilapitan si Felix. "Felix..." mahina kong pagtawag. Lumingon siya sa akin at nagulat nang makita ko.
"Chynna!" tumayo siya at pinaupo ako sa tabi nila. Nagtataka ako bakit ganito ang kinikilos siya. Dapat kabahan siya kasi nahuli ko siya na niloloko ang pinsan ko. "Tamang-tama ang pagdating mo!"
Nagtaka ako sa sinabi niya at ipinakita sa akin ang pictures sa cellphone niya. Pictures ito nang mga singsing at may iba't ibang design at style. "Ano meron?"
"Malapit na birthday ni Capsi Caps, ano sa tingin mo babagay sa kanya?" napahawak ako sa bibig ko nang malaman na wala pa lang kalandiang iba si Felix.
"Didn't I told na mas bagay sa kanya ang design na ito?" tinuro ng maliit na babae 'yung picture ng singsing na may flower.
"Let's consider din ang answer ng pinsan niya Ruth! Mas kilala niya si Capsi Caps. By the way, this is Chynna pala." kalmado pero madiin na saad ni Felix. "She is Capulet's cousin."
Masungit akong nginitian ni Ruth at humalumbaba na lang siya. Tinitigan ko lahat ng pictures ng singsing at tinuro ang singsing na pa-crown ang style. "I think she would love this design," pinakita ko sa kanila ang picture sa kanila. "Ate Letlet is self-centered, a crown is the best thing that can describe her."
"Oh yes," pagsang-ayon sa akin ni Ruth. "She is greedy, crown would really suit her."
"Ruth!"
"Oops sorry." she rolled her eyes once again and then ordered her favourite refreshment in the counter.
"Pagpasensyahan mo na si Ruth, asaran talaga sila ni Capsi Caps araw-araw."
———
Hindi pa rin umiimik o ngumingiti si France hanggang ngayon na pauwi na kami. Pagkalabas ng cat cafe, kami ni Peruianna ang magkahawak kamay. Pinagmamasdan ko si France habang naglalakad kami pauwi.
Nahuhuli ko siyang sumusulyap ng tingin kay Peruianna na nahihirapan sa paglalakad kaya inalalayan ko siya nang maigi.
"Ako ng bahala kay Peruianna," sambit ni Danmark at sa hinawakan si Peruianna. "Dito ang daan namin."
Tumango ako at sa pinanood ang dalawa maglakad papauwi.
Pinagmamasdan ni France ang paglakad nila papalayo. Nakita kong namumula ang pisngi niya at napangiti nang makitang kumaway sa amin si Peruianna.
"Hey." kinalabit ko si France na titig na titig sa kaibigan. Lumingon siya sa akin at agad na tinakpan ang namumulang mukha gamit ng cap niya.
"I see what's happening here..." masaya kong sambit habang tinitigan siya. "You like Peruianna, don't you?"
Umiling siya at hinablot ang cellphone ko sa akin. Agad niyang binuksan ang notepad sa cellphone ko at nagtype.
Kukunin ko sana ang cellphone ko pero may gusto siyang sabihin sa akin kaya hinayaan ko na siya.
Binato niya ang cellphone ko sa akin at sa kumaripas siya ng takbo papalayo. Nagtaka ako kaya tinignan ang tinaype niya.
'I don't like her, I love her.'