*-*-*-*-*-*-*-*
(ii)
--------------------
"Ma, nakita niyo po ba yung mga libro ko last year?"
Pasigaw na tanong ko kay Mama habang naghahalukay sa maliit na bookshelf sa sala.
"Baka nasa taas 'nak."
Sigaw din ni mama. Nasa kusina kasi siya at kasalukuyang nagluluto.
"Bakit mo hinahanap?"
"Basta po."
Sagot ko at nagpatuloy sa paghahanap. Hirap ako sa pakikipag-usap sa mga tao. Makipag socialize kumbaga. Nasanay kasi akong mga libro at notebooks lang ang kasama. Ang kapatid ko naman na si Desi ay umuwi doon sa lola namin sa probinsya sa Sorsogon. Hindi ko alam kung saan dahil hindi pa ako nakakapunta. Madalas, mas gusto ko pang manatili lagi sa bahay at magbasa.
--------------
"Good morning!"
Ngumiti lang ulit ako kay Stella sa malakas niyang bati nang pumasok ako sa pinto. Agad akong umupo at kinuha ang math book na para sa grade 9. Napatingin muna ako sa wall clock para i-check kung anong oras na.
Tinignan ko rin ang schedule ng Ace na 'yon. Wala siyang vacant ngayon kaya hindi ko tuloy alam kung pa'no mauumpisahan ang unang araw ng pagtu-tutor ko sa kaniya.
"Diba pang grade 9 'yan?"
Pang-uusisa ni Stella. Tumango lang ako at nagsulat ng mga posible problems na alam kong tinuturo sa kanila ngayon base sa pagkakaalala ko.
"Bakit binabasa mo ulit?"
Huminga muna ako ng malalim bago siya tinignan nang seryoso.
"Uhm, Stella? Nagbabasa kasi ako eh. Uhh- importante kasi. Sorry."
Mahinahong sabi ko habang nakatingin sa kaniya. Natigilan siya at awkward na tumawa.
"Ah! Hahaha oo nga pala. Sige, doon lang ako."
Hindi niya man sabihin, bakas sa tono ng boses niya na na-offend siya sa sinabi ko. Sinundan ko siya ng tingin habang naglalakad papunta sa mga kabarkada niya.
"Aish."
Nasambit ko na lang habang sinasabunutan ang sarili. Ganito ako lagi, madalas nasasabihang mataray at suplada. Kinakain tuloy ako ng konsensya at parang gusto kong kausapin si Stella.
Lumipas ang ilang oras at hindi ko namalayan na lunch time na naman pala. Pagkalabas ng mga kaklase ko para maglunch ay agad kong kinuha ang pack lunch ko at kumain habang binabasa at nir-review ang ituturo ko mamaya.
Napag-isipan kong may halos 1 and a half hour pa naman bago magpatuloy ang klase sa hapon kaya yung matitirang oras ay ilalaan ko para i-tutor ang Ace na 'yon.
Matapos kong kumain ay dumiretso ako sa building ng grade 9 at tinungo ang classroom ng Newton na nasa dulo pa. Kaunti pa lang ang nandoon at malamang ay nasa canteen pa ang iba o 'di kaya naman ay umuwi sa kaniya-kaniyang bahay para kumain ng lunch.
"Uhm, excuse me,"
"Ano po 'yon, ate?"
Tanong ng isang babae sa 'kin habang nagwawalis. Tinignan ko ang buong classroom. Magulo, kalat kalat at wala sa ayos ang upuan. Marumi rin ang mga dingding dahil halos mapuno ito ng mga vandal. Ang chalkboard ay sira ang halos kalahati at ang teacher's table ay ganoon din. Nagtakha tuloy ako kung anong klaseng discussion ba ang nangyayari dito araw-araw.
"Kaklase mo ba si Ace Vergara?"
Tanong ko matapos tignan ulit ang class schedule na binigay ni ma'am sa'kin.
"Ah oo po. Nasa canteen pa po yata eh."
"Pwede pasabi sa kaniya na pumunta sa library? Sabihin mong may naghihintay sa kaniya roon.
"Sige po, ate."
"Salamat."
Sumilip ulit ako sa loob bago tuluyang umalis. Kung doon ako mag-aaral, malamang ay nabato ko silang lahat ng chalk dahil sa sobrang gulo nila.
Nakarating ako sa library bitbit ang mga kakailanganin kong papel at libro. Mahigit isang oras na ang nasayang at ewan ko na lang kung magpapakita pa ang lalaking 'yon.
Inip na inip na ako. Bukod sa halos 15 minutes na akong nakaupo ro'n ay hindi pa rin dumarating ang dapat sana ay tuturuan ko. Nasasayang ang oras ko. Tumayo ako at pumunta sa mga bookshelf at tinignan ang mga libro na matitipuhan kong basahin. Isang makapal na Math book ang nakita ko sa taas. Tingin ko ay makatutulong ito sa 'kin.
"Aish"
Kahit anong gawin kong pagtingkayad ay hindi ko ito maabot. Wala rin naman akong ibang mahihingan ng tulong at bukod pa ro'n ay hindi rin ako mahilig umasa sa ibang tao.
"Bakit ba ang taas nito."
Mahinang bulong ko. Akmang patingkayad na ako nang may isang kamay ang umabot nito. Lumingon ako at nakita ang isang lalaki. Nakasuot ng gray na headphone sa leeg at may hawak na libro.
Walang pasabing iniabot niya ito sa 'kin at tumalikod. Kinuha ko naman yung libro at nagpasalamat. Hindi ko lang sigurado kung narinig niya ba o hindi.
Napairap ako sa hangin nang makitang wala pa rin ang taong hihintayin ko dapat. Naiinis ako pero pilit kong kinalma ang sarili at sinubukang basahin ang librong kinuha. Nakarinig ako ng malakas na pagbagsak kaya napalingon ako sa gilid ko. May isang lalaki ang nakasubsob sa table at hindi ko alam kung ulo niya ba yung bumagsak na matigas o ano.
Natandaan ko agad ang kulay gray na bagay na nasa may leeg niya. Siya yung lalaking tumulong sa'kin.
Nagitla ako nang tumunog ng malakas ang bell. Hudyat na magsisimula na ang klase matapos ng sampung minuto. Napaiwas ako ng tingin nang mag-angat ng ulo ang lalaki. Tumingin ito sa relo niya bago tuluyang tumayo. Dumaan siya sa likod ko.
Napakurap ako at natauhan. Male-late nga pala ako sa first subject kung hindi pa ako kikilos. Binalik ko na ang librong kinuha at agad na inayos ang gamit ko. Mabuti na lang at sa taas lang ng library ang floor ng grade 10. Inis man dahil hindi ako sinipot ng lalaking 'yon ay ayos lang.
--------------------
"Hindi ka pa nagli-linis."
Sambit ko sa kaklaseng lalaki na balak na sanang umuwi. Tinignan niya muna ako bago inayos ang bag niya. Kinuha ko ang checklist ko at minarkahan siya ng ekis. Tanda na hindi siya tumulong sa paglilinis kahit sweeper siya ngayon.
Kasalukuyan akong nag-aayos ng mga upuan nang may kumatok sa pinto. Dahil abala sa paglilinis ang iba kong kaklase ay ako na mismo ang sumilip.
Agad napakunot ang noo ko nang makita ko kung sinong nandoon. Nakangiti ito na nakakainis sa paningin ko. Tulad ng unang kita ko sa kaniya ay may nguya-nguya na naman itong chewing gum na kung minsan ay pinapalobo niya pa.
Tinalikuran ko siya at nagpatuloy sa ginagawa ko. Narinig ko ang mahina nitong tawa na hindi ko na pinansin.
"Hoy."
Tinignan ko siya ng masama nang makita siyang nasa harap ko na bigla at tila sinusundan pa ako. At nakakaasar 'yon.
"Bawal ka rito."
Tumawa lang ito kaya lalo akong nainis at sinamaan siya ng tingin.
"Chill. Sorry hindi ako nakapunta kanina."
Inaasahan ko na may maganda at valid reason kung bakit hindi siya nakapunta. Kung bakit pinaghintay niya ako sa wala at nasayang lang ang effort ko. Pero hindi, lalo lang akong nainis dahil sa sunod niyang sinabi.
"Akala ko kasi isa sa mga babaeng nagkakagusto sa 'kin yung naghihintay raw sa library."
Tinignan ko siya nang seryoso. Hindi ko tuloy alam kung tatawa ba ako (kahit hindi ako natawa) o ano. Nagmistulan akong sinampal ng hangin dahil sa kayabangan at kahanginan niyang taglay.
"Hahaha. Ang seryoso mo naman masyado."
Saad nito at kumurap kurap pa kaya napairap na lang ako at tinalikuran siya. Kinuha ko ang bag at nagbilin na lang sa kaklase ko na may hawak ng susi na i-lock ang pinto kapag uuwi na siya.
"Hoy, teka lang."
Tawag pa nito. Hindi na ako nag-abala pang lumingon dahil paniguradong puro kahanginan lang naman ang lalabas sa bunganga niya. Nasobrahan yata sa chewing gum.
"Woah!"
Manghang turan nito. Hahawakan niya sana ako sa braso pero mabilis ang katawan kong lumingon sa kaniya at balak sanang apakan ang paa niya na agad niya namang naiwasan.
"Grabe, sa'n ka ba pinaglihi at ganiyan ka kaseryoso?"
"Wala kang pakialam."
Hindi ko alam kung pang-ilan beses na 'to pero umirap ulit ako sa kawalan at mas binilisan pa ang lakad. Rinig ko ang pagsipol nito habang tumatawa tawa na hindi ko na lang pinagtuunan pa ng pansin.
Hanggang sa makasakay ako sa tricycle ay parang naririnig ko pa ang nakakaasar na tawa nito.
'Pwede bang magback-out na lang ako?'
Napailing na lamang ako sa naisip.