"Saan muna tayo?" tanong ko kay Jace na may hawak na papel.
Tapos na ang recess ng hapon kaya vacant ko na at kailangan ko na siyang samahan na mag picture around the campus.
"Sa faculty room, principal's office, basketball court? Magkakalapit lang 'yung mga 'yon, 'di ba?" he asked and I nodded. Nauna ko siyang dinala sa principal's office at sumunod naman sa faculty room dahil halos magkatabi lang. Sa tapat naman no'n ay ang basketball court na malapit sa main gate ng school.
"I remember playing basketball here before. Good times." he smiled. Natawa ako habang tinitignan siyang naglilibot ng tingin.
"Oo, tapos doon ka nadapa oh." tinuro ko sa gilid malapit sa flag pole kaya napasimangot siya.
"Hindi kasi naitali sintas ko noon." he defended and flicked my nose. "And I think you forgot, masyado kang ngang nag-alala noon, tumakbo ka pa papunta sa'kin para tignan kung may sugat ako." he smirked.
"Hoy! Siyempre! Kawawa ka kaya noon, mukha mo pa naunang lumagapak."
Natawa kami pareho nang maalala. Nagtilian pa mga nanonood, nakakakilig daw kaya ayun, parehas kaming nahiya. Siya, dahil nadapa. Ako naman ay dahil hindi ako tinantanan ng mga kaklase namin noon.
"Sa computer lab, magpi-picture ka?" tanong ko nang mapadaan kami doon. Katabi lang kasi 'yon ng faculty room.
"Ah, oo. Pwede kaya?" he asked and I nodded. Kumatok muna ako dahil baka may nagkaklase at bumungad naman si Sir Troy.
"Hi, sir. Magpi-picture lang para sa brochure, okay lang ba kung makaistorbo kami saglit?" I asked, glancing at his students. Advisory class ko pa pala eh!
"Sige lang, ma'am." aniya at tumango. Sinenyasan ko si Jace na kaagad namang pumasok at nagpaalam sa mga estudyante.
Pumagilid nalang ako malapit sa pintuan habang inaantay siya.
"Pogi ng kasama mo ma'am, ah? Nakikita ko 'yan sa mga billboards." biglang bulong ng anak kong malapit sa'kin.
"Ha?" halos hindi ko pa narinig kaya natawa siya.
"Pogi, ma'am."
"Ikaw talagang bata ka." natawa ako at pabirong pinalo ang braso niya.
"Bagay kayo ma'am, pansin ko lang." sabi naman ng katabi niya.
"Kayo talaga, gawin niyo na 'yang pinapagawa sa inyo. Inaasar niyo na naman ako eh." natawa ako at tinuro ang libro nila. Mukhang may sinasagutan yata kasi silang activity bago kami pumasok.
"Okay na." lumapit si Jace sa'kin.
"Thank you, Sir." I smiled at Sir Troy. Nakita ko naman ang pagtango sa kanya ni Jace at ngumiti 'rin.
Sir Troy gave us a small smile and a wave kaya lumabas na kami.
"Saan pa?" I asked Jace who's looking at the pictures he took.
"Canteen, tapos 'yung new building?" he asked.
Una ko siyang dinala sa new building. Four years ago lang ito itinayo kaya new building ang tawag namin. Building ng mga grade 10 at senior high.
Sa kabialng side naman ang kabilang parte ng building. Connected sila ng hagdan at corridor sa second at third floor. Bali, nasa magkabilang gilid sila pareho at ang gitna ay open field.
"Ito na ngayon 'yung rooms ng mga grade 8 at 9. Sa third floor 'yung science lab."
"What happened to the old class rooms?" tanong niya habang nagpi-picture.
"Ah, ipapabakbak na kasi luma na. Gawa pa sa kahoy 'yung mga 'yun eh, baka biglang gumuho." sabi ko habang pinapanood siya.
Umakyat pa muna kami sa science lab bago tumungo sa canteen at gymnasium, magkatapat lang kasi.
"Pati 'yung cateen dati, sarado na?" he asked. Tumango naman ako.
"Kasama sa mga ipapabakbak. Ito na 'yung canteen ngayon, mas maluwang na." I said. Kumpara sa canteen dati, open erea na ang cateen ngayon at nasa gilid lang ng field. May bubong lang para hindi mainit pero hindi siya closed area, which is good. 'Yung canteen kasi 'nung nag-aaral palang kami, parang classroom na masikip tapos kaunti lang ang mga lamesa.
"The school looks a lot more different now compared to how it looked before. Ang tagal ko na din palang 'di pumunta dito." aniya habang nakatingin sa stage ng gym. Tumabi naman ako sa kanya at tumango.
"Remember when you fell off the stage?" seryosong sabi niya kaya napanganga ako at pabirong pinalo ang balikat niya.
Napatawa siya at tinuro 'yung hagdan sa right side. "Doon mismo oh, 'nung nag practice tayo para sa pageant. Tapos muntik ka pa nga umiyak noon eh. Binuhat pa kita papuntang clinic."
"Nakakainis naman kasi, 'di naman ako marunong mag takong. Siyempre matatapilok ako, first time ko kaya 'yon. Epal nito." inismidan ko siya kaya mas lalo siyang natawa.
"But you did great! Miss Intrams ka nga eh." aniya at malapad na ngumiti.
Ngumuso ako para pigilan ang pag-angat ng labi.
"Oh? Nag salita ang Mr. Intrams." I crossed my arms.
He chuckled and took a stolen picture of me again kaya napairap ako.
Saktong uwian na ng mga bata nang matapos kami sa pag pi-picture kaya nagkalat na ang mga estudyante. Tuwang-tuwa naman 'tong is na kumuha ng dagdag na shots.
"Tignan mo 'yung dalawang 'yon, nagliligawan." tumawa siya at may tinuro na dalawang estudyante sa may mga concrete chairs and tables sa ilalim ng puno, malapit sa new building.
"May pa-flowers pa si totoy oh." he laughed when the boy handed the girl some flowers. Napangiwi ako nang makitang baka pinitas niya 'yon sa garden ng faculty. Bawal kaya mamitas doon!
Gusto ko sanang sitain pero 'wag nalang, moment niya 'yan. Baka mapahiya pa sa liniligawan niya.
"Oh, nag study date pa nga." bulong bulong ni Jace at bigla silang pinicturan. Nasa malayo kami kaya hindi nila kami nakikita o naririnig.
"Wala pa yata silang balak umuwi." tumawa ako at sumulyap sa wristwatch para tignan ang oras. Naglabas pa kasi sila ng notebooks eh, baka magre-review?
"Hay, high school romance. Nakaka-miss din pala ma-in love." humalakhak siya.
"Wala kang girlfriend? Imposible naman." I laughed at him.
"Wala. 7 years akong single." he made a face.
"Oh? Talaga? Kahit linigawan, gano'n?" hindi ako makapaniwala.
"Oo nga. Wala na din akong balak." he shurugged.
"Talaga?" nilingon ko siya. "Tatanda kang mag isa niyan." ngumisi ako.
"Yeah, I won't mind."
"Akala ko ba sabi mo noon gusto mo magka-pamilya?" takang tanong ko. He told that to me countless of times before.
"Well, I wanted to. Not until the woman I love left me. I never believed in love and romance anymore since then."