Kinaumagahan ay nagising si Stephanie. Nagulat siya nang makita ang sarili na nasa mallit na kuwarto. May electric fan at isang bintana. Nabigla na lamang siya ng may nakitang larawan ng lalaki sa kuwarto. Napabalikwas siya , wala siyang maalala sa mga nangyari kagabi . Sakto naman na pumasok si Rayver .
" Gising kana pala, tara na at magkape na tayo sa ibaba," yayang nakangiti ni Rayver .
" E-Enginee - " gulat na sabi niya nang makita ang binata.
Naalala na niya ang nangyari bago siya mawalan ng malay . Tama nga siya sa nakita niya. Naputol na lang ang kanyang pagninilay nilay nang biglang sumagot si Rayver.
" Tawagin mo na lang akong Rayver.Wag kang mag-alala si Nanay ang nagbihis sayo, " sabi ng binata nang napansin niyang nagulat ang dalaga na iba na ang kanyang suot na damit.
"S-sige , susunod na lang ako sa baba." sagot ni Stephanie.
Muling nilibot ni Stephanie ang kanyang mga mata . Hindi niya akalain na sa trabaho ngayon ng binata ay doon pa lamang sila sa ganoon kaliit na bahay nakatira. Hindi naman sa minamata niya ang kabuhayan nang mag-anak subalit hindi lamang nito inakala na sa tindig ng binata ay galing pala ito sa pangkaraniwang pamilya . Tumayo na ang dalaga , maghihilamos sana siya bago bumaba kaso walang banyo sa loob ng kwarto .
Bumaba na ito. Hindi niya alam kung paano siya kikilos dahil nasanay na siya na pinagsisilbihan sa kanilang mansyon. Hindi niya alam kung paano siya magtitimpla ng kape. Nagkatinginan si Rayver at ang Nanay Melay niya na sinasabi sa anak na timplahan niya ng kape ang Dalaga. Kaya't kumilos na si Rayver upang timplahan ng kape si Stephanie.
Paghigop pa lang ng kape ni Stephanie ay napatigil siya. Magkasing sarap ng timpla ng kape si Rayver at Dexter. Hindi niya alam kung ano ang nilagay ng binata sa kape at nakuha nito ang timpla na gusto niya.
"O bakit? Hindi ba masarap ?" nag-aalalang tanong ni Rayver .
" W-wala," tipid na sagot ni Stephanie.
Naputol ang pagkakape ni Stephanie nang bigla siyang tinawagan ng kanyang Daddy. Sobrang nag-aalala ito sa anak nang malaman na hindi pala ito umuwi. Kung kaya't nagmamadaling umalis si Stephanie. Pinahiram muna siya nang damit ni Melay na kanyang masusuot dahil puno pa ng suka ang kanyang damit kagabi . Nagpasalamat siya sa binata at sa pamilya nito sa pagtulong sa kanya.
Tanghali nang nakasunod si Stephanie sa site ng projet nila. Siya muna ay dumaan sa kumpanya ng Daddy niya upang magpaliwanag sa kung anong nangyari sa kanya. Nakita nito si Rayver na nakikipagkwentuhan sa mga Construction Workers. Kung kaya't hindi na muna siya lumapit dito. Nang siya ay makita ni Rayver na nag-iisa ay lumapit ito sa kanya. Naglakas loob na din ito na magtanong kay Rayver.
" Why are you working at the bar ?" tipid na tanong nito kay Rayver.
" Kasi kailangan. Kailangan kong kumayod ng doble para sa aking pamilya, kaya kapag may extra na trabaho , Go lang ," nakangiti nitong paliwanag.
Tumango na lamang ang Dalaga dito bilang sagot . Napakamot na lang si Rayver na tila ba ay nabagot sa sagot ng Dalaga. Pinagpatuloy na lamang niya ang pagkukuwento kahit matitipid na sagot lamang ang binibigay sa kanya ng Dalaga.
Dahil sa nakalimutan ni Stephanie magbaon ay nagtanong ito kung may Restaurant o Fast food na malapit dito. Subalit dahil sa liblin ang lugar ay nabigo siya na makahanap ng Fastfood . Gutom na gutom na siya at kumukulo na ang kanyang tiyan . Narinig ito ni Rayver at pasimpleng tumawa.
" Tara na , mahirap magtiis ng gutom. Ikaw din ," Dinala niya ito sa Karinderya.
" Safe ba dito Rayver ?" mahinang tanong nito .
" Oo naman , sa araw-araw ba naman akong kumakain dito ay buhay na buhay pa din ako. Kaya't wag kang mag-alala, safe na safe ka diyan," sagot ni Rayver para mapawi ang pag-aalala ng Dalaga.
Pinilian ni Rayver ng Best Seller ng Karinderya si Stephanie dahil mukhang mga pagkain na sosyal lamang ang alam nitong kainin. Hindi naman nagkamali si Rayver dahil nagustuhan naman ito ng Dalaga . Nakipagkuwentuhan na naman ang binata sa kanya.
" Gabi-gabi mo ba ginagawa yon ?" tanong ni Rayver na tinutukoy ay ang pag-iinom nito .
" Hindi naman ," tipid na naman nitong sagot.
Hinayaan na lang muna kumain ni Rayver si Stephanie dahil parang wala naman itong gana na makipag usap sa kanya. Natawa na lamang siya nang makarinig ng makalakas na dighay mula sa Dalaga.
Dahil sa gusto munang makahinga ni Stephanie sa ginawa niyang kahihiyan kagabi ay hindi na muna siya nag-inom sa bar. Sa halip ay kumuha na lang siya ng wine at doon uminom sa kuwarto niya. Hawak hawak na naman niya ngayon ang larawan ng kanyang nobyo .
" D-Dexter , I really miss you so much" Lumuluhang sambit ni Stephanie.
Inaalala niya ang mga masasaya nilang ala-ala ng kasintahan na ngayon ay bigla na lamang naglaho. Halos isang taon na ang nakakalipas subalit hindi pa din mawala sa isip at puso niya ang nobyo. Tinitigan nito ang singsing na dapat sana ay ibibigay sa kanya ng nobyo upang magpropose.
Subalit hindi natuloy ang dapat na masaya nilang kasal nang dahil sa isang aksidente. Nakikita na naman ni Stephanie ang sarili na umiiyak. Nakatulog na lamang siya sa pag-iyak. Habang si Rayver naman ay kinausap ng kanyang Nanay Melay.
" Mukhang may mabigat na dinadala ang batang yon ,Nak" sabi nito sa binata.
" Oo nga po Nay , naku nay kapag nagkukuwentuhan kami . Halos isa sa tatlong salita lamang palagi ang kanyang sagot. Minsan na nga lang ay napapakamot na lang ako ng ulo," Kuwento ni Rayver na bahagyang natatawa.
" Malay mo sobrang lungkot niya ,kaya ganoon siya katahimik. " Konklusyon ng kanyang nanay.
Naputol na lang ang kanilang paguusap ng dumating sina Reyna at Remy . Niyaya na nila ang ina na matulog . Naglalambing ngaun ang dalawa niyang dalagita.