Inis na pinatay ni Stephanie ang alarm clock , antok na antok pa siya dahil galing siya sa bar hopping kagabi. Napapikit siya ulit subalit nagulantang na lang ng biglang naalala na ngayon nga pala yung big project niya at kailangan niyang makipag meet sa Engineer na makakasama niya para sa proyekto. Agad agad siyang bumangon at dinaan na lamang sa paliligo ang sakit ng kanyang ulo.
Sinuot niya ang isang polo na de buhol habang may panloob na tube. Naglagay din siya ng light makeup at inilugay ang kanyang mahabang buhok. Nagmaneho siya papunta sa site ng project nila. Bahagyang napalingon si Rayver habang naghihintay sa makakapareha niyang Architect sa nasabing project. Nakita niya ang isang dalagang naglalakad na animo'y anghel sa kagandahan dagdagan pa ng sikat ng araw na dinadaanan niya. Hindi naiwasan ni Rayver na mapatulala sa Dalaga. Kaya't hindi niya namalayan na nasa harap na pala niya ito.
" Excuse me , I'm architect Stephanie Lim and you are ?" seryoso nitong sabi sa kanya.
" Ahm. I-I'm Engineer Rayver Soriano. Nice to meet you," Abot nito ng kanyang kamay sa dalaga.
Nakipagkamay dito ang Dalaga at binawi agad ang kamay . Humingi ito ng paumanhin sa kanyang pagka late. Pinag-usapan na nila kung ano ang mangyayari sa proyekto nila . Nang magtanghalian na ay niyaya nito ang Dalaga na magtanghalian.
Subalit tumanggi ito .
" Thanks, but No, Thanks. I prefer to be alone . " pagtanggi nito sa binata.
Kung kaya't kumain na lang mag-isa si Rayver sa Karinderya. Pinagmamasdan siya ni Stephanie mula sa kanyang kotse. Napapailing na lang ang dalaga. Pagkatapos nilang magtanghalian ay pinakita ni Stephanie sa kanya ang proposal layout niya para sa project nila. Humanga si Rayver sa angking galing niya sa pagguhit.
" Ang ganda naman ng layout na ito. I think masasatisfy natin ang client natin," pagpuri sa kanya ng binata.
Tipid na ngumiti Stephanie. Para sa kanya ay hindi na yun bago sa pandinig niya. Natapos ang kanilang araw . Sumakay si Stephanie sa kanyang kotse habang si Rayver naman ay matyagang nagcommute.
Pagdating ni Rayver sa kanilang tahanan ay sinalubong siya ng kanyang mga kapatid ng mainit na yakap. Nag -aabang ang mga ito sa kanyang pasalubong na 3in1 Ice Cream na isang Litro.
" Hayaan niyo Reyna at Remy kapag nakasweldo na si kuya sa malaking project nya hindi lang ice cream ang pasalubong ko sa inyo , bibilhan ko din kayo ng cake , manok at lahat ng pagkain na gusto niyo ," masayang sabi ni Rayver.
" Naku , iniispoiled mo naman masyado yung mga kapatid mo. " nakangiting sabi sa kanya ng Nanay Melay nito.
Lumaking mapagmahal si Rayver sa kanyang pamilya. Ni minsan ay hindi niya nakalimutan ang responsibilidad niya bilang Breadwinner ng kanyang pamilya. Hindi rin siya umangal , bagkus ay tinanggap niya ito ng buong puso kahit pa naging kapalit nito ay ang pagiging working student niya para siya ay makapagtapos. Wala na ang kanyang tatay dahil sa sakit sa puso ang naiwan na lamang sa kanya ay ang kanyang nanay at mga kapatid na babae.
Likas na madaldal ang kanyang mga kapatid .Gawain na ng mga ito ang magpakwento sa kanya sa tuwing dumadating ito kung kaya't naikuwento nito sa mga ito ang nakilala niyang Architect.
" Maganda siya , mapungay ang mga mata , matangos ang ilong, maputi at matangkad ,pero mukhang masungit e." kuwento niya sa mga ito na mukhang nadismaya sa huling sinabi.
" Uy , inlove si Kuya ! " Tukso ng mga ito sa kanya.
"Inlove agad , kakikilala ko pa lamg dun sa tao e." Sabi nito na namumula.
Naputol ang kanilang pag-uusap ng may biglang tumawag kay Rayver. Ito ay ang kanyang kaibigan, sinabi niya dito na kailangan ng waiter reliever ng kanilang bar dahil napakadaming customer at nag-absent ang isa nilang waiter.
Dahil sa pangdagdag na kita din ito ay pumayag naman si Rayver. Para sa kanya ay wala naman masama na makita ang isang Engineer na umeextra sa isang bar lalo na't marangal na trabaho naman ang kanyang ginagawa.
Alas -nuwebe ng gabi ay nasa bar na si Rayver. Siya ay nakauniporme na pang waiter na at naghahanda na sa shift niya. Sa kabilang banda ay naghahanda din si Stephanie na pumunta na ulit sa bar. Nagsuot siya ng miniskirt at tube. Naglagay din siya ng pulang lipstick at eyeliner na mas nakapagpaganda sa kanya.
Abala si Rayver sa pagseserve sa mga customer. Nang bigla siyang narinig na para bang nagkakagulo. May isang dalaga na hinaharas ng isang foreigner . Lasing na lasing ito kaya tila ba'y wala ng lakas upang manlaban pa. Agad niya itong pinuntahan at sinaway ang banyagang bumabastos dito subalit nagsimula ng isang suntok ang lalaki at wala siyang nagawa kundi lumaban na lamang. Umalis nang galit na galit ang Foreigner , habang ang dalaga ay halos nakahandusay na at walang lakas upang maglakad dahil sa sobrang kalasingan .
Pinilit niya itong ibangon subalit nagulat siya nang makita ang pamilyar na mukha ng Dalaga.
"S-Stephanie ?" buong pagtataka nitong sinabi.
Binuhat niya ito at sandaling napatitig ito sa kanya sabay sabing "E-enginee-" Sumuka ito sa puting uniporme ni Rayver.
Napailing na lamang ang binata habang buhat niya ang babae. Hinanap nito ang susi ng kotse ng dalaga at pinagmaneho ang dalaga. Dahil hindi nito alam ang bahay ni Stephanie ay dinala na niya muna ito sa kanilang bahay.
Dahil nakagawian na ni Melay na hintayin ang kanyang anak ay naabutan pa nito si Rayver na may dalang babae. Gulat na gulat ito nang may makitang buhat na babae ang kanyang anak.
" Anong nangyari nak,?" gulat na tanong nito.
Kinuwento ni Rayver ang nangyari at kung sino ang dala niyang babae. Binihisan naman ng kanyang Nanay Melay si Stephanie habang si Rayver ay nagtatanggal ng suka sa kanyang katawan.Ang binata ay natulog na lamang sa sala at pinagamit kay Stephanie ang kanyang kwarto. Bago ito matulog ay tiniyak na muna niya na maayos ang lagay ni Stephanie.