First meet
Nathan's Pov
Ang aga kong nakarating sa school. Hindi pa naman ako sanay na pumasok ng maaga kung hindi lang dahil sa lintik na Anthony na 'yon. Ayoko naman kasing mag-stay sa bahay, ayokong kasama si kuya kahit magkaiba kami ng kwarto. Ewan ba, naiinis ako sa pagmumukha niya.
Ang sama ko talaga.
Habang naglalakad papasok ng gate may bigla nalang tumakbo sa gilid ko sabay hablot ng bag kong nakasabit sa balikat ko. Nagulat ako at nataranta dahil akala ko na-snatch na 'yong bag ko. Pero nang tignan ko kung sino 'yong siraulo na may gawa noon ay mas lalong nagsalubong ang kilay ko.
"Kingina mo talaga!! Bumalik ka dito" Sigaw ko bago habulin si Anthony. Siya ang humablot ng bag ko at tuwang-tuwa pa siya sa kalokohan niya.
Nang makarating kami sa building namin ay kusa rin siyang huminto at pabatong ibinalik sa'kin ang bag ko.
"Hahahahah nakakatawa itsura mo kanina, Ethan." Tawa siya ng tawa na may paghampas pa sa tuhod niya. Sinamaan ko naman siya ng tingin bago ako lumapit sa kaniya at binigyan siya ng malutong na kutos.
Agad na nagreklamo ang loko. "Masakit 'yon, ah." Hihimas-himas pa siya sa ulo niya pero hindi ko na siya pinansin. Nilampasan ko siya at dumeretsyo na sa pwesto ko sa likod.
Apat ang upuan dito sa likod, katabi ko si Anthony at katabi naman niya sa kabilang side niya si James, isa pa naming kaibigan na laging late kung pumasok tapos matutulog lang naman sa klase. May isang bakanteng upuan sa tabi ko pero walang nangahas na umupo dito dahil na rin sa takot sa akin. Hindi naman ako bully para katakutan nila.
Kami lang tatlo ang nahihiwalay sa kanila ng upuan.
Mas gusto kasi namin dito dahil madalas may sarili rin kaming mundo.
Nilingon ko si Anthony nang maupo siya sa tabi ko. "Ang aga mo yata? Excited ka na bang makilala 'yong bago nating classmate?" Mapang-asar niyang tanong, tumataas baba pa ang kilay niya sabayan pa ng nakakaloko niyang ngiti.
"Maaga akong pumasok dahil bwisit ka!" Sagot ko. Narinig ko naman ang tawa niya pero hindi ko na siya pinansin.
Inilabas ko nalang 'yong cellphone ko at nagsoundtrip. Inilabas ko na rin ang earphone ko at isinuksok sa tenga ko bago ako dumukdok sa lamesa at pumikit. Ngayon ko naramdaman ang antok at dahil maaga pa naman kaya matulog muna ako.
Nagising ako nang maramdaman kong may naupo sa katabi kong upuan, doon sa walang umuupo. Iniangat ko ang ulo ko, kinukusot ko pa ang mga mata ko nang lingunin ko kung sino 'yong umupo sa tabi ko. Napaayos ako agad ng upo nang makitang isang babaeng maputi at medyo singkit ang nasa tabi ko. Nilingon pa niya ako pero nang makitang titig na titig ako sa kaniya ay agad din siyang umiwas ng tingin.
"Who told you that you can sit here?" Maotoridad kong tanong. Naramdaman kong lumingon sa'kin ang mga katabi ko at nilingon din kami ng mga kaklase naming malapit lang din sa inuupuan namin.
Nilingon niya ako. "S-sabi ni Ms. Jade dito daw ako umupo dahil eto lang naman ang b-bakanteng upuan." Aniya na halatang natatakot sa'kin. Hindi kasi siya makatingin sa akin ng maayos at nanginginig din ang kamay niyang magkahawak na nakapatong sa lamesa.
Hinarap ko siya "stand up, and go get find another sit. I don't want to have a seatmate." Kunot-noon kong saad.
Kinalabit ako ni Anthony "gago dude, hayaan mo na dahil wala naman ng bakanteng upuan."
"Wala akong pakialam kong wala ng bakanteng upuan. Ayoko ng may ibang katabi." Sagot ko nang hindi humaharap sa kaniya at nakatuon lang ang paningin dito sa katabi kong babae.
Hindi ko din alam kung bakit pero bigla nalang akong nainis ng makita ko siya. Alam ko, alam kong hindi ko naman siya kilala pero uminit agad ang dugo ko sa kaniya.
"Saan ako uupo? Kung may bakanteng upuan hindi naman ako tatabi sayo. Ang sama ng ugali mo." Nagulat ako sa pagsagot niya sa'kin. Akala ko kasi hindi siya papalag pero sinungitan niya ako.
Wala pang sumasagot sa akin ng ganun. Lalong wala pang nagsasabi sa'kin na masama ang ugali ko.
Tinignan ko siya ng masama. "Kung hindi ka aalis d'yan kakaladkarin kita paalis." Banta ko sa kaniya. Pero hindi manlang siya natinag. Sinalubong din niya ang tingin ko at mas sumama pa ang tingin sa'kin.
Aba mukhang palalag.
"Eh, kung ikaw kaya ang kaladkarin ko palabas ng room? Magtigil ka na makikinig na ko kay Miss." Masungit niyang sagot. Magsasalita pa sana ako pero biglang nagsalita si Ms. Jade sa harapan.
"Is there a problem, Ashley?" Tanong ni Miss. habang nakatingin dito sa katabi ko.
Umiling siya. "Wala naman po Miss." Nakangitin niyang sagot at tumingin sa'kin nang masama.
Dinig ko ang mahinang pagtawa netong katabi kong hunghang. Siniko ko siya kaya nilingon niya ako.
"Ano? Hindi ka nakapalag? Wala ka pala, eh. Isang anghel lang pala magpapatikom ng bibig mo." Bulong niya sa'kin habang tumatawa. Halatang tuwang-tuwa siya dahil ngayon lang talaga may kumalaban sa'kin.
Hindi naman ako bully at wala akong pakialam sa mga taong nakapaligid sa'kin. Pero sa hindi ko maintindihang dahilan, bigla nalang akong nainis dito sa katabi ko. Hindi ko alam kung dahil ayokong may katabing babae o dahil hindi ako sanay na may nakaupo dito sa katabi kong upuan.
Muli akong lumingon dito sa babaeng katabi ko. Nagsusulat na siya sa notes niya at nang mapansin niyang nakatingin ako ay nilungon niya rin ako bago taasan ng kilay.
Ahitin ko kaya kilay neto.
"Ano?" Masungit niyang tanong.
Hindi ko nalang siya pinansin at kumuha nalang din ako ng notebook ko at nagsulat.
•••
Ashley's Pov
Hindi ko alam kung anong problema ng kupal kong katabi. Kung may bakanteng upuan naman maliban dito sa inuupuan ko, hindi naman ako makikitabi sa kaniya. Kala mo naman kagwapo-han kung umasta. Akala niya yata hindi ako papalag sa kaniya.
Hindi ko nalang din siya pinansin. Itinuon ko nalang ang atensyon ko sa harap at nakinig kay Ms. Jade.
Nasa kalagitnaan na kami ng klase nang may biglang kumatok sa pinto at pumasok ang isang lalaking halatang inaantok pa. Gulo-gulo pa ang buhok niya na halata ring hindi sinuklay, maayos naman ang uniform niya pero halata sa kilos at mata niya na gusto pa niyang bumalik sa higaan.
Psh, gwapo sana kaya lang mukhang masungit. Katulad netong katabi kong balimbing.
"Mr. Phelminton, masyado ka naman yatang maaga para sa klase mo bukas. Hiyang-hiya sayo ang mga Teachers at Dean ng school na ito." Sermon ni Ms. Jade.
Napakamot nalang ng ulo 'yong lalaki at yumuko. "Sorry Miss. Na-traffic lang po ako." Pagdadahilan niya pero hindi na siya pinansin ng guro. Bumalik nalang ito sa pagsusulat sa white board.
Dumeretsyo siya ng lakad papunta dito sa gawi namin. Nakita ko pang nginisian niya 'yong katabi netong kupal na katabi ko bago maupo sa dulo.
"Siya 'yong newbie?" Dinig kong bulong nung lalaking kararating lang.
"Oo, inaway nga agad ni Ethan, eh. Hahahahahah late ka na naman kasi, edi sana nakita mo kung paano siya natameme nung sinungitan siya." Hindi ba sila aware na katabi lang nila 'yong pinag-chi-chismisan nila? At Ethan  pala ang pangalan niya? Hindi bagay sa kaniya.
"Awit sayang naman. Ang sarap kasing matulog, eh. Anong itsura ni than nung sinungitan siya?"
"Natameme nga hahahahaha hindi nakapalag." Tatawa-tawang kwento nung isa.
"Ano bang problema niyan? Hindi naman siya dating nang-aaway ng babae o kahit sino?" Curious na tanong nung Phelminton.
Dinig na dinig ko talaga 'yong bulungan nila. Hindi ako makapag focus lalo na't kami ang topic nila.
Mga lintik na kupal kayo.
"Ewan ba jan. Masama ata ang gising tas 'yong katabi napagbun..." Hindi na natapos nung isa ang pagsasalita niya. Bigla silang natahimik kaya napalingon ako sa gawi nila.
Kahit naka sideview siya sa'kin, kita ko 'yong talim ng tingin niya sa dalawang katabi at ang pagsasalubong ng kilay niya.
Psh, takot sila jan?
"Parang wala ako dito, ah. Pagchismisan niyo pa ako. Gusto niyo pag-untugin ko kayong dalawa?" Maangas na sabi niya.
Napaiwas naman ng tingin iyong dalawa at sabay pang nanguha ng notebook at nagsulat. Takot?
Bigla namang umayos ng upo etong katabi ko at nahagip niya akong nakatingin sa kaniya. Tinaasan niya ako ng kilay. "What?" Masungit niyang tanong.
Hindi naman ako sumagot at itinuon nalang ulit ang atensyon ko sa harap. Pero hindi na naman ako makapag focus dahil ramdam ko ang mga titig niya sa'kin.
"Maganda ka pala?" Sabi niya. Agad akong napalingon sa kaniya at kita ko ang ang pilyong ngiti niya. Sasagot palang sana ako ng dugtungan niya iyong sinasabi niya. "Kung hindi ka lang naging panget."