ROMANCE NOVELLA V. 1 series #3
SUDDENLY AT THE COURT ROOM
Copyright © by lucky_patch (2022)
The moral right of the author has been asserted.
DISCLAIMER. This is a work of fiction. All names, characters, businesses, places, events and incidents in this story are either product of the author's imagination or used in fictitious manner and any resemblance to actual person, living or dead, or actual events is purely coincidental.
~
Si Adley. The perfect man with a perfect life. Si Raj. The lost man in the midst of revenge. Si Alexa. The gorgeous mysterious woman. Si Rico. The carefree guy. Bawat isa ay may itinatago. Bawat isa ay may pinaglalaban. Bawat isa ay may inaasam. At bawat isa ay may nais mapatunayan. Their world's would about to collide suddenly at the court room.
~
CHAPTER FIVE: The Trial Court
Continuation…
~~
"ATTY. Rajvir Fleur Al Sharif."
"Sino ito, Ybarro?" takang tanong ni Adley na makita ang file na ibinigay sa kanya ng assistant.
Ngumiti muna si Ybarro bago nito sagutin ang tanong sa kanya ni Adley.
"Baguhan lamang sa law firm. Nagtatrabaho siya sa Public Attorney's Office. Balita ko nga ay kakapasa pa lang niya sa bar exam one year ago."
"What? Paano siya nakahawak ng ganitong kahirap na kaso gayong baguhan pa lang siya sa law firm?" gulat na saad ni Adley.
Hindi ito makapaniwala na may ganoong uri ng pagkakataon. Lahat ng mga baguhang abogado ay mas pinipiling kumuha ng madadali at hindi gaanong mabigat na kaso kumpara sa mga kasong hinahawakan ng mga tulad niyang gamay na ang sistema ng batas. Dahil doon sila mas makakasiguro na maipapanalo ang kasong hawak nila. At kung minsan ay ipinapasa ng mga ito sa kanila ang kasong sa tingin nila ay hindi nila maipapanalo. Kaya naman hindi siya makapaniwala na ang isang baguhang abogado ay agad na kukuha ng mahirap at mabigat na kaso.
"Mahirap lang kasi ang mga nagsampa ng kaso, walang sapat na pera para mag-hire ng mga professional lawyer tulad mo. Tatanggapin na sana nila ang abogadong ibinigay ng gobyerno ng biglang dumating iyan at nag-aaply. Ayon sa source ko, wala daw siyang hinihinging bayad. Hinala ko nga ay alam niyang sa iyo pupunta si Mr. Mercader. Ano pa nga ba ang mas makakatulong sa kanya para umangat agad sa industriya ng abogasya? Kundi ang makalaban at matalo ang nag-iisang Adley Marquees."
Napatango na lang si Adley sa mga sinabi ng binatang assistant. Tama si Ybarro. Gagamitin lang nito ang kaso at ang pangalan niya para umangat at maging sikat sa larangan ng abogasya. Bakit nga ba hindi? Karamihan sa mga abogado ay nais at gusto siyang makalaban. Marami ang gusto siyang siraan para lamang umangat bilang abogado.
"Any background information tungkol dito kay Atty. Rajvir Fleur Al Sharif?"
Mabilis na nilabas ni Ybarro ang isang folder, laman ang background information ni Atty. Al Sharif. Natuwa naman sa kanya si Adley. Maaasahan niya talaga si Ybarro sa pagkuha ng mga mahahalagang impormasyon.
"Lahat ng tungkol sa kanya ay nasa loob na ng folder na iyan." sambit nito.
Kinuha niya ang folder at sinimulang basahin ang lahat ng tungkol kay Atty. Al Sharif. Thirty one years old na ito. Kasalukuyang nagresign sa pagtuturo ng Political Science sa SMCU. Doon din siya nag-graduate bilang Magna cum laude sa course na A.B Political Science. Nakapagturo agad iyon matapos maka-graduate sa kolehiyo.
Matapos ang isang taong pagtuturo sa SMCU ay nakilala nito ang fiancée na si Lorraine Jones. Dalawampung apat na taon ito noon. Umabot rin ng tatlong taon ang pagsasama nila bago naisipang magpropose ni Raj. Ngunit isang taon din ang nakalipas bago pa man ikasal ang dalawa ay namatay sa isang aksidente ang babae. Napatigil sandali si Adley sa pagbabasa. Pamilyar sa kanya ang pangalang Lorraine Jones, ngunit hindi niya matandaan kung saan at kailan.
Muli, pinagpatuloy niya ang pagbabasa. Nang mamatay ang fiancee nito ay kasalukuyan siyang nag-aaral para sa masteral's degree ng abogasya. Kasabay ang pagtatrabaho bilang assistant sa Gracia Moral Prosecutor's Office, isang maliit na law firm sa Makati at pagtuturo sa SMCU. Nakasama din ito sa top ten na kumuha ng Board Exam sa Political Science.
"Anong masasabi mo sa kanya Adley?" tanong ni Ybarro ng makitang tiniklop na nito ang folder.
"Magaling siya. Ngunit natitiyak ko na mahihirapan siyang maipanalo ang kasong ito."
~
"Sigurado ka ba talaga sa gusto mo, Mr. Al Sharif?" ilang ulit na tanong ni Dr. Ortega, ang Dean ng SMCU College of Arts and Sciences.
"Yes Sir. I'm very sure of this. Maaapektuhan ng husto ang pagtuturo ko oras na magstart na ang hearing sa kasong hawak ko."
Napailing na lamang ang matandang lalaki. Nanghihinayang sa pag-resign ni Prof. Rajvir Al Sharif. Madali lang makakuha ng papalit sa kanya ngunit hindi siya nakakatiyak kung magiging katulad ba nito ang mahahanap nila. Isang matalino at dedicated talaga sa trabaho.
"Well," isang buntong hininga ang pinakawalan ni Dr. Ortega bago magpatuloy sa nais sabihin. "Ano pa nga bang magagawa ko. Wish you luck on your chosen career."
"Thank you Sir."
Nagkamay ang dalawa.
"Although the university will be losing one of its best professors, I'm sure na madadagdagan naman ang mga magagaling na lawyers dito sa ating bansa."
Napangiti na lamang si Prof. Raj Al Sharif. Kilala sa buong SMCU ang pagiging masungit na dean ni Dean Bernardino Ortega at ang pagiging perfectionist nito sa lahat ng bagay. Bihira lamang makarinig ng anumang papuri mula dito. Batid niyang walang halong pagkukunwari ang mga papuri sa kanya ni Dr. Ortega.
Inihatid ni Dr. Ortega si Raj sa may pintuan ng faculty room.
"Siyanga pala, is it true that the lawyer for the defense is Atty. Adley Marquees?" tanong ni Dr. Ortega ng makarating sila sa labas ng faculty room.
"Yes Sir." agad namang sagot ni Raj.
"Mabigat na kalaban iyon. Pero oras na maipanalo mo ang kaso, tiyak na ang pagsikat mo at magkakaroon ka na ng maraming kliyente."
"Hindi ho kasikatan ang habol ko kaya pinili kong maging lawyer. Mas importante pong mabigyan ng justice ang mga biktima. Mauuna na ho ako Dean Ortega."
Saka ito tumalikod at linisan ang SMCU. Nanghihinayang rin siya kahit papaano sa biglaang pag-resign niya bilang professor, pero kailangan niyang gawin iyon. Hindi dahil gusto niyang maging lawyer, kundi upang maisakatuparan niya ang kanyang balak na paghihiganti.
~
To be continued...
~
Up Next...
Chapter Six: An Eye for an Eye
~
ROMANCE NOVELLA V. 1 series #3
SUDDENLY AT THE COURT ROOM
© lucky_patch 2022