ROMANCE NOVELLA V. 1 series #3
SUDDENLY AT THE COURT ROOM
Copyright © by lucky_patch (2022)
The moral right of the author has been asserted.
DISCLAIMER. This is a work of fiction. All names, characters, businesses, places, events and incidents in this story are either product of the author's imagination or used in fictitious manner and any resemblance to actual person, living or dead, or actual events is purely coincidental.
~
Si Adley. The perfect man with a perfect life. Si Raj. The lost man in the midst of revenge. Si Alexa. The gorgeous mysterious woman. Si Rico. The carefree guy. Bawat isa ay may itinatago. Bawat isa ay may pinaglalaban. Bawat isa ay may inaasam. At bawat isa ay may nais mapatunayan. Their world's would about to collide suddenly at the court room.
~
CHAPTER FOUR: The Lamentation
Continuation…
~~
Maghuhubad na sana ng damit si Adley nang marinig niya ang mahinang katok sa pintuan ng kanyang kwarto. Iisang tao lamang ang kumakatok ng ganoon sa kanyang kwarto. Ang kanyang Auntie Esmeralda.
Binuksan niya ang pintuan at nabungaran ang nakababatang kapatid ng kanyang ama. Nakapusod ang mahaba nitong buhok na marami ng puti at kitang kita na ang mga kulubot nito sa dulo ng mga mata tuwing nakangiti ito. Tuwina ay nababasa niya doon ang pagmamahal ng kanyang tiyahin.
"Happy Birthday Adley!"
"Auntie … "
Napangiti siya ng makita ang sweater na hawak nito. It was color red and he's sure that his Auntie Esmeralda made them.
"Maganda ba?" tanong nito matapos iabot ang regalong sweater sa kanya.
"They are lovely, Auntie. Lahat naman ng gift niyo sakin ay magaganda at talagang gustong gusto ko."
"Oh siya, isukat mo na nang makita ko kung bagay nga sa iyo."
Pumasok si Esmeralda sa kwarto nito at maingat na isinara ang pinto. Tiniyak pa nito na naka-lock ang pintuan bago pinahubad ang pamangkin. Nang maalis na ni Adley ang amerikanang suot ay napadako ang mga mata ni Esmeralda sa dibdib ng pamangkin.
Namuhay ang guilt sa dibdib nito dahil sa nagawa nila noon sa pamangkin. At iyon ang patunay at ang tanging bagay na sumagip sa tuluyang pagkakasira sa pamangkin na itinuring na niyang parang tunay na anak.
"Bagay ba, Auntie?" nakangiting sambit ni Adley.
"O - Oo. Bagay na bagay." sagot nito at pilit na ngumiti sa harap ng pamangkin.
Ngunit napansin ni Adley ang kalungkutan sa mata ng tiyahin.
"Auntie?"
Napaupo si Esmeralda sa gilid ng king sized bed ni Adley. Kagat nito ang mga labi habang nakatunghay sa pamangkin.
"Hanggang ngayon ay nakokonsensiya pa rin ako sa ginawa namin ni Enrique sa iyo."
Naiintindihan ni Adley ang tiyahin. Bitbit pa siguro nito ang mga ala ala ng nakaraan.
"Wala kang dapat ipag-alala, Auntie. Kagustuhan ko din ito. Desisyon ko pa rin ang nasunod. Pinapili ako ng Papa noon di'ba? At ganitong uri ng buhay ang pinili ko at kailan man ay hindi ako nagsisisi."
"Masaya ka ba sa, kinahantungan mo ngayon?"
"Masayang masaya Auntie, lalo na ngayon."
Nabawasan ang kalungkutan na nadarama ni Esmeralda sa tugon ng pamangkin. Ngunit may panibagong takot na naman ang muling gumulo sa kanyang isipan.
"P - Paano ... paano kung umibig ka?"
Isang malakas na tawa ang pinakawalan ni Adley.
"Ako? Iibig? I will not let that happen. I will not fall in love, Auntie. Just like you."
Umiling naman si Esmeralda sa tinuran ng pamangkin.
"Umibig din ako noon, Adley. Ngunit tutol si Enrique sa lalaking mahal ko dahil isa lamang siyang mahirap na lalaki. And just like any typical love stories na napapanood natin sa tv, hindi pwede magsama ang isang anak mayaman at anak mahirap. Dahil sa pagtutol ng ama mo noon, sinunod ko na lamang siya kaysa mapahamak pa ang lalaking mahal ko, kaya nanatiling dalaga ako hanggang ngayon. Ninais kong maging ganito kaysa naman ipakasal ako sa mga nanliligaw sa akin dati na gusto ng ama mo para sa akin pero hindi ko naman mahal."
Niyakap ni Adley ang tiyahin.
"Huwag niyo akong alalahanin, Auntie. I already learned how to manage and control my emotions and feelings. And besides, wala naman akong pinatulan na mas mababa ang katayuan at katangian kaysa sa akin."
~
KINAUMAGAHAN, isang matabang lalaki ang nadatnan ni Adley sa loob ng kanyang opisina. Naghihintay pala ito sa kanya, ayon na rin sa secretary niyang si Hailey at sinabi na rin nito ang pakay sa kanya ng naturang bisita.
"Siya si Homer Mercader." pakilala ni Hailey sa lalaki.
Pamilyar sa kanya ang lalaki. Ilang beses na rin niyang nabasa sa mga news article at reports ang tungkol sa kanya. Lagi niya rin itong napapanood sa telebisyon. Ayon sa news, isa itong prime suspect sa panggagahasa at pagpatay sa isang batang babae.
"Handa akong magbayad kahit magkano, attorney. Masyado ng pinalalaki ng media ang kasong ito. Wala pang desisyon ang korte pero sinasabi na nilang ako nga ang may gawa niyon."
"Naiintindihan ko, Mr. Mercader." aniya.
Matapos ay matamang pinagmasdan ni Adley ang lalaki. Makikita sa mukha nito ang malalaking eyebags na halatang ilang araw ng walang maayos na tulog.
"Hahawakan mo ba ang kaso ko, Attorney?" tanong ng lalaki.
Nanatiling tahimik lamang si Adley. Nag-iisip kung tatanggapin ba ang kaso nito. Simula ng maging abogado siya, tanging mga mahihirap na kaso lamang ang tinatanggap niya. Kadalasan pa nga ng mga kasong iyon ay ang mga tinatanggihan at inaayawan ng ibang abogado ang kinukuha niya.
"I'll take your case, Mr. Mercader." sagot ni Adley.
Ngumisi naman ang lalaki.
"Thank you, Attorney. Ngayon pa lang ay tiyak ko ng malilinis ang pangalan ko."
"Kilala mo ba kung sino ang prosecutor in charge sa kaso mo?"
Umiling naman ito. Makalipas ang ilang oras pagkatapos magpaalam at umalis ni Homer Mercader ay hawak na ni Ybarro, ang kanyang assistant, ang pangalan at information tungkol sa prosecutor in charge ng kaso nito.
"Atty. Rajvir Fleur Al Sharif."
~
To be continued...
~
Up Next...
Chapter Five: The Trial Court
~
ROMANCE NOVELLA V. 1 series #3
SUDDENLY AT THE COURT ROOM
© lucky_patch 2022