ROMANCE NOVELLA V. 1 series #3
SUDDENLY AT THE COURT ROOM
Copyright © by lucky_patch (2022)
The moral right of the author has been asserted.
DISCLAIMER. This is a work of fiction. All names, characters, businesses, places, events and incidents in this story are either product of the author's imagination or used in fictitious manner and any resemblance to actual person, living or dead, or actual events is purely coincidental.
~
Si Adley. The perfect man with a perfect life. Si Raj. The lost man in the midst of revenge. Si Alexa. The gorgeous mysterious woman. Si Rico. The carefree guy. Bawat isa ay may itinatago. Bawat isa ay may pinaglalaban. Bawat isa ay may inaasam. At bawat isa ay may nais mapatunayan. Their world's would about to collide suddenly at the court room.
~
CHAPTER TWO: The Gloomy Penchant
Continuation...
~
PIGIL ang hininga ng bawat isa sa loob ng court room dahil sa paghihintay ng magiging hatol sa case ni Mr. Mercader na hindi lang naka-attract sa media kundi pati na rin sa pagkakakilanlan ng baguhang abogadong si Rajvir Al Sharif.
"The court finds the accused, Jonas Homer Mercader ... "
Nagsimulang basahin ng judicial clerk ang hawak na papel. Hindi masyadong pinakinggan ni Adley ang iba pang mga sinasabi nito. Nakatuon lamang ang kanyang pandinig sa mga salitang nais niyang marinig.
" … guilty beyond reasonable doubt."
"He was sentenced to Reclusion Perpetua for the crimes of rape under Section 1 of Republic Act No. 8353 and homicide under Article 249 of the Revised Penal Code. The Supreme Court has held that proper amounts for the award of damages should be Php 75, 000 as civil indemnity, Php 75, 000 as moral damages, and Php 75, 000 exemplary damages with a total of Php 225, 000. Case closed."
"This court is adjourned."
'This is not yet the end, Rajvir Al Sharif. Nagsisimula pa lang ang totoong laban.'
~
~ FLASHBACK ~
Few Days Before the Trial...
MULING napasulyap sa maliit na salamin na kanyang hawak si Hailey Buenavista. Tinitiyak niya kung maayos ba ang pagkakalagay niya ng make-up sa kanyang mukha sapagkat nasisiguro niyang anumang oras mula ngayon ay darating na si Adley Marquees. Siguro naman ay mapapansin na siya ng kanyang boss sa kanyang ayos ngayong araw.
Mahigit dalawang taon ng nagtatrabaho si Hailey bilang secretary ni Atty. Eshaanth Adley Marquees o mas kilala bilang Adley Marquees. At sa loob ng mga panahong iyon ay lalong lumaki ang paghanga nito sa binata.
Bakit naman hindi? Ang iba nga isang beses lamang nagkita ay nagkaka-crush na agad, siya pa kaya na araw araw niyang nakakasama ang binata?
Bumukas ang pintuan ng opisina at iniluwa noon ang hinihintay niyang boss. Si Adley. Sa tuwing dumarating ito sa opisina ay parang namamalikmata siya.
Mataas si Adley, sa height na 5'7. Hindi ganoong malaki ang katawan nito ngunit hindi rin naman payat. Palagi itong nakasuot ng amerikana o long sleeves na polo. Hindi pa niya ito kailan man nakikitang magsuot ng t-shirt o magsuot ng maong man lamang. Ngunit hindi niya iyon pinagtakhan pa. Dahil na rin siguro sa trabaho nito bilang abogado ay dapat palaging disente at pormal ang ayos nito.
Ang buhok ng binata ay dark brown na ang pagkakagupit ay maikli sa batok at litaw ang tainga. Mahahaba ang mga pilik mata nitong pumapalamuti sa mapupungay nitong mga mata na kulay dark brown. Marami ang nagsasabi na nagliliyab ang mga mata nito kapag galit, ngunit kapag nakangiti naman ito ay walang babaeng may sapat na lakas para hindi dito maakit.
At isa na siya doon sa mga babaeng nahuhumaling sa binata.
"Good morning Hailey!" masayang bati ni Adley Marquees sa kanyang secretary.
Iyon lang at nagtuloy tuloy na ito sa kanyang private office. Labis naman ang pagkabigo na nadama ni Hailey. Tuwing umaga ay ganoon parati ang routine nito. Babatiin siya at pagkatapos ay diretso na ito sa loob ng private office nito. Napabuga na lamang siya ng malalim na buntong hininga. Bakit hindi pa siya masanay sanay gayong araw araw ganoon ang nangyayari sa loob ng opisina?
Kinuha niya mula sa kanyang drawer ang isang regalo. Balak niya itong ibigay kay Adley kanina pero hindi pa nga niya ito binabati ay agad ng nagkulong ito sa opisina nito. Mukhang hindi uubra sa amo niya ang mga subtle moves niya. Dapat siguro ay maging liberated siya. Yung tipong lantaran kung magpa-impress.
Tumayo siya mula sa swivel chair niya habang hawak ang regalo at walang sabi sabi siyang pumasok sa opisina nito. Napaangat ang isang kilay ni Adley nang makita ang secretary niyang pumasok ng walang pasabi. Kasalukuyan siyang may kausap sa phone ng pumasok ito.
"Sandali lang pare," saka tinakpan nito ang phone. "Yes?" baling niya sa dalaga na ngayon ay nakatayo sa likod ng pinto.
Lumapit ito sa kanya at iniabot ang isang regalo.
"Regalo ko sa iyo. Sa pagkakapanalo mo sa hawak mong kaso kahapon." nakangiting sambit ni Hailey.
Kinuha naman iyon ni Adley at inilagay sa ibabaw ng mesa.
"Thanks Hailey!"

Iyon lamang at muli nitong ipinagpatuloy ang pakikipag-usap sa phone. Napilitang umalis ang dalaga. Wala talaga siyang mapapala sa boss niya. Kung hindi manhid ang boss niya ay baka bakla ito!
Ngunit, bakla? Isa iyong napakaimposibleng bagay!
Dahil si Atty. Eshaanth Adley Marquees ang pinakalalaking tao na nakilala niya.
~
"Alam mo bang kahawig mo si Tom Cruise?"

"Sino?"
Napahinto sa pagsubo ng kanyang pagkain si Adley sa tinuran ng dalagang kaharap.
"Si Tom Cruise! Yung amerikanong gumanap sa Mission Impossible at Top Gun."
Napangiti naman si Adley. Naalala na niya kung sino ang tinutukoy ng dalaga. Ang sikat at napakagwapong aktor sa Hollywood na si Tom Cruise. Sa totoo lang, hindi lamang si Natasha ang nakapagsabi noon sa kanya. Marami rami rin tulad ng mga katrabaho niya sa law firm. At higit sa lahat ay si Hailey.
"Is that a compliment?" biro pa niya.

"Of course! Ano naman sa akala mo?"

"Anyway, thanks."

Ipinagpatuloy na muli ng binata ang pagkain. Hindi rin kaila sa kanya na konti lamang ang kinakain ni Natasha. Madalas ay sinusulyapan siya nito na waring may hinihintay mula sa kanya. At alam na alam niya kung ano iyon. Hinihintay nitong magtapat siya ng pag-ibig para dito.
Ilang buwan na nga ba silang lumalabas ni Natasha? Mag-aapat na buwan na yata. At halos lahat ng mga kakilala at kaibigan niya ay sang-ayon sa pakikipagrelasyon niya kay Natsha. Bakit naman hindi? Maihahalintulad nito si Natasha sa mga nanalo sa Miss Universe. Maganda ito, sexy, mayaman at higit sa lahat mataas ang pinag-aralan. Family friend din ng kanilang pamilya ang pamilya ni Natasha. Investor ng kanilang law firm ang kapatid nitong lalaki. At higit sa lahat, kaibigan ng kanyang busnong kapatid si Natasha.
Kaso, isang napakalaking problema ang ngayon ay kinakaharap niya. At iyon ay ang hindi naman talaga niya gusto o mahal si Natasha. Kaya naman hindi niya alam ang agagwin kung paano sabihin sa dalaga ang totoo. Ayaw naman niyang saktan ang dalaga ngunit ayaw rin naman niyang paasahin pa ito.
Tapos na silang kumain at umiinom na lamang ng red wine nang magsalita si Natasha.
"Balita ko ay isang engrandeng birthday party ang ihahanda sa iyo ni Tito Enrique ayon kay Daddy. How come you didn't even bother inviting me?" bakas sa tono ng pananalita nito ang pagkauyam.
Natawa si Adley sa tinuran ng dalaga. At dinukot ang isang invitation mula sa bulsa ng kanyang amerikana.
"Because I want a special delivery of my invitation for you."
Bago pa man nito ayain si Natasha na mag-dinner sa labas ay nakahanda na ang invitation para dito na siya mismo ang magbibigay. Tuwang tuwa naman si Natasha. Kinuha nito ang invitation sa kanyang kamay at mariing pinagmasdan.
"Ohh, Adley. You really know how to please a girl."
May sasabihin pa sana si Adley sa dalaga ng bigla itong dumukwang para bigyan siya ng halik sa labi. Isang mabilis na pagbaling ng ulo sa kanan ang ginawa ni Adley. Kaya naiwasan niya iyon at sa kaliwang pisngi niya lumapat ang mga labi ni Natasha.
"Thank you." nakangiting sambit ni Adley kahit ang totoo ay sobra ang gulat at nerbiyos niya ng oras na iyon.
Napilitan na lamang ngumiti si Natasha kahit pa hindi nito natuloy ang balak. Nagtataka ito kung bakit at paano sa pisngi ni Adley tumama ang halik niya.
"Oh by the way, I want you to wear your most beautiful gown on that party. You will be my date and muse on that party."
Nangislap ang mga mata ng dalaga dahil sa tuwa.
"Really?"
Tumango ang binata. At bago pa man may ibang gawin ang dalaga sa kanya dahil sa sobrang nitong tuwa ay tinawag na niya ang waiter at binayaran ang bill nila.
~
To be continued...
Author's Note:
Sorry for the lame chapter. Nevertheless, I'll make it up on you for the next chapters. And for everyone's info I hope you don't mind, Rajvir's name is pronounced as 'ravir flur al sharif', Adley's name is 'ishan adley markes' and Ybarro is 'ibaro'.
Thank you for reading my story and please do support me in here. Love lots.
~
Up Next...
Chapter Three: The Festivity
~
ROMANCE NOVELLA V. 1 series #3
SUDDENLY AT THE COURT ROOM
© lucky_patch 2022