Yuri//pov
"Angge tumabi na muna tayo." Sabi ko at pinayuko ko yung ulo niya sa palumpong. 
Maya maya ay tumigil na ang mga pagsabog at nagtaka naman kami ni Angge. "Anong nangyare?" Tanong niya. "Aba malay ko, hindi ko na kontrolado ang daloy ng kwento." Sabi ko.
"May iba pa bang naririto?" Boses ulit iyon ng prinsipeng si Claude.
Well, sa daydreaming ko naririnig ko boses nila kaya madali kong marerecognize, "Ano lalabas tayo?" Tanong ni Angge. "Gusto mo mamatay?" Sarkastikong tanong ko.
"Hanggang sa muli nating pagkikita, Claude." Boses naman iyon ni Dawn, ang prinsipe ng mga Perians. 
"Hoy anong ginagawa mo?" Pabulong na tanong ni Angge nung sinubukan kong sumilip sa taasan ng palumpong. "Maaari na kayong makalabas." Utos ni Kai, kaibigan ng prinsipeng si Claude.
"A-Aray" Usal ni Angge at napaupo sa lupa. Nakita ko namang may gumapang na ahas mula sa amin palayo kaya sinubukan ko iyong hulihin at sinubukan kong pabagalin ang kilos niya para mahuli ko. "Kaya ko pa pala kontrolin kahit papano." Usal ko habang hawak hawak ang ahas.
May sugat yung mata ng ahas at alam kong may mayroong ganito ay ang mga Perians dahil iyon ang ginawa ko para mas kakaiba ang kanilang paniniwala sa kanilang kaharian. "Anong ibig sabihin mong kontrolin binibini?" Tanong ng isa pa sa mga kaibigan ni prinsipe Claude na si Rhym, pinangalanan ko siya ng ganyan dahil mahilig siya sa musika ngunit nahihirapan siyang itono ito.
Naalala ko naman si Angge kaya tinanggal ko muna yung dalawang pangil nung ahas at nilagpasan sila papunta kay Angge."Angge! Gising!" Pagyugyog ko sa kanya. Naalala ko naman na may nilikha akong pagamutan dito at yung manggamot na iyon ay ama ni Kai. "Ano ang nangyari sa kanya?" Tanong ng prinsipe. "Nakagat siya ng ahas." Sagot ko.
"Ikaw ba ay maaaring kumalma? kailangan lang sipsipin ang lason ng ahas mula sa kanya at magiging maayos na ang iyong kaibigan." Sabi ni Kai. 
"Hindi!" Sigaw ko.
"Wala kang karapatan upang sigawan ako." Sabi niya at lumapit sa akin, "Kapag may nangyaring masama sa kapatid ko tiyak na buburahin ko kayong lahat sa mundo na ito." Sabi ko at pinunit ng paikot ang Bistida ko pata ibalot sa mga paa ni Angge.
"Kung ikaw ay magsalita parang isa kag diyos sa mundo na ito." Sabi ni Rhym ngunit hindi ko sila pinansin at pinasan sa aking likod si Angge. 
Wala akong pake kung hindi nila ako tutulungan kailangan kong maihatid si Angge kay Anciano, ang pangalan ng ama ni Kai na naggagamot sa kanilang bayan.
Nilagpasan ko sila at naglakad patungo sa silangan dahil naaalala ko pa ang lugar na ito, kabisado ko pa kung saan ang bahay ni Anciano at alam ko din ang sekretong taguan ng tatlong ito kung saan sila nagpaplano ng kung ano-ano.
Ang itatagal ng kagat ng kayumanggi na ahas. "Tulungan na kita binibini." Si Claude iyon at kinuha si Angge mula sa likod ko at binuhat niya na pang-kasal at medyo nagulat ako nun kasi nahahawakan niya kami. Nanaman.
"Sumakay ka na rito, binibini." Si Rhym naman ito at inalalayan akong makasakay sa kabayo niya at sumakay na din si Claude dala dala si Angge sa kanyang kabayo.
Nakatingin ako ngayon sa likuran dahil iniba ko ang aking pwesto at ngayon ay ang harap ko ay ang likuran ng kabayo. Kitang kita ko pa mula dito ang palumpong kung saan kami nagtago kanina.
Ipinikit ko na lamang ang aking mga mata at ipinatong ang aking ulo sa likuran ni Rhym. "Anong susunod na mangyayari?" Kausap ko sa aking sarili ngunit bigla namang sumagot si Rhym. "Sa tingin mo anong mangyayari?" Tanong niya din. "Hindi ko din alam." Sagot ko.
"Nga pala binibini hindi pa namin alam ang iyong ngalan, pwede bang malaman ang iyong ngalan?" Tanong ni Kai. 
"Angelita ang pangalan ng babaeng iyan at Yuri naman ang pangalan ko." Pakilala ko at nanatiling nakapikit.
"Kay kakaibang ngalan, saan kayo nagmula?" Tanong ng prinsipe. "Malayo." Sagot ko. "Anong ibig mong sabihing malayo?" Tanong ni Rhym kaya napadilat ako. "Malayong malayo." Nasabi ko na lamang.
"Nasa bayan na ba tayo?" Tanong ko. "Wala pa, ngunit para sa pag-iingat sa aming kaharian mapapasailalim kayo sa isang kulungan dahil hindi kayo taga rito. Iba ang iyong kasuotan at iba rin ang inyong pananalita." Sabi ng prinsipe. 
"Ihatid niyo ako kay Aciano." Utos ko. "At bakit naman namin gagawin yan sa isang estranghera?" Tanong ni Rhym. "if you do not, I will do it." Sabi ko at bumaba ng kabayo dahil naglalakad lang naman ang kabayo at mabagal lang.
"Sandali." Pigil ni Kai sa akin. "Kailangan kong pagalingin agad ang kapatid ko dahil hindi ko mapapatawad ang sarili ko kapag nasaktan siya." Sabi ko. "Akin na si Angge, ako na magdadala sa kanya kay Aciano." Sabi ko ngunit hindi ibinaba ni Claude si Angge. 
"Nagustuhan ko ang iyong dahilan para mailigtas ang iyong kapatid, hayaan mong ihatid ka namin kay Aciano, binibini." Sabi ng prinsipe na ikinagulat ko. 
"Tara na binibini." Sabi ni Rhym at hinila ako pasakay sa kanyang kabayo. "Kumapit ka ng mabuti." Bilin ni Rhym. Sa gulat ko kasi napahawak ako sa kasuotan niya sa kaniyang tagiliran. "Paumanhin." Paghingi niya ng pasensiya ng marinig ko ang kanyang pagkagulat.
'Kaya mo yan Angge malalagot talaga ako kay Tita kapag natagalan tayo dito.'
.
.
.
"Tayo ay dumarito na." Nagising ako sa boses ni Rhym kaya idinilat ko ang aking mga mata. "Nasaan tayo? Night Market?" Biro ko at bumaba ng kabayo ni Rhym.
May inutusan siyang tao at kinuha ang kabayo nilang tatlo. "Dito ang daan." Sabi ng prinsipe habang buhat-buhat si Angge. 
"Magandang Gabi, Prinsipe."
"Ang Guwapo talaga ng Prinsipe."
"Salamat sakin." Bulong ko sa aking sarili.
"Pakisabi kay Tanda may naghahanap sa kaniya." Utos ni Kai sa isang lalaki na agad namang tumango at pumasok sa isang bahay.
"Pumasok raw kayo." Sabi ng lalaki kaya ako yung pinauna dahil ako ang kakausap. 
"Isang binibini? Ano ang iyong kailangan at bakit ikaw ay naparito?" Tanong niya. "Magandang Gabi Aciano kailangan ko ang tulong niyo para sa kapatid kong may sugat." Saad ko at humukod.
"Ano ang inyong ngalan?" Tanong niya. "Yuri ang aking ngalan at Angelita ang pangalan ng aking kapatid. Nakagat siya ng kayumanggi na ahas." Sabi ko, "Ayoko ng magpadaloy daloy pa, tatlong araw lamang ang itatagal ng kagad ng isang kagat ng kayumangging ahas." Pahabol ko sa aking sinabi.
"Paano kang nakikisigurado sa iyong sinabi? Ipasok niyo rito ang sugatang babae." Utos niya sa kila Kai.
"Ngunit bakit ikaw ay nakatalikod? Alam niyo ba na kabastusan ang tinatalikuran ang inyong kausap?" Sarkastikong tanong ko. "Paumanhin, humarap man ako o tumalikod hindi ko malalaman ang iyong kinatatayuan." Saad niya at humarap sa akin na may puting mga mata.
"Anong nangyari sa iyong mga mata?" Tanong ko sapagkat hindi ko nilikha si Aciano na bulag. "Ang Perians ang may gawa niyan sa kanya, binihag siya nakaraang araw lamang at iyan ang ginawa sa kanya." Sabi ni Kai.
"Gusto kong pagalingin mo ang aking kapatid kapalit ng iyong paningin." Sabi ko.
"Ha?!" Sabay sabi ng tatlo.
"Ikaw ba ay nahihibang na ang kaisipan binibini?" Tanong ng Prinsipe. 
"Nasisiraan ka na ba ng ulo?" Tanong naman ni Kai.
"Kayang pagalingin ni Aciano ang kahit sino kahit hindi niya ito nakikita, hindi mo naman kailangan na ibigay ang iyong mga mata kapalit ng pag-galing ng iyong kapatid." Sabi naman ni Rhym.
"Hindi ko naman ibibigay ang mata ko." Sabi ko.
Lumapit ako kay Aciano at hinawakan ang magkabilang sentido niya. "Maaari ho ba kayong pumikit?" Aking tagubilin na agad niya namang ginawa.
Huminga ako ng malalim. 
'Du kannst sehen'
'Du kannst sehen'
'Du kannst sehen'
"D-Du kannst sehen." Sabi ko at nakaramdam naman ako ng hilo bago ko siya bitawan. "Binibini ayos ka lang?" Tanong ni Rhym nung sinalo ako nung bigla akong mapaupo sasahig. 
"A-Aciano, pwede mo ng buksan ang iyong mga mata." Utos ko at dahan dahan niya naman itong binuksan. Dati madali naman kung sasabihin ko lang yung mga gusto ko sa mundong ito pero andaming nagbago.
"Maraming salamat binibini." Kalmadong pagpapasalamat ni Aciano. Nilikha ko siyang kalmado at hindi sobrang saya sa kung anong magandang nangyari.
"Paanong nangyari iyon?" Tanong ni Kai. "Hindi kayo taga rito binibini, tama ba?" Sumangayon naman ako kay Aciano. "May kakaiba kayong kapangyarihan?" Tanong ng prinsipe. "Ako lamang, ngunit hindi ko pwede siyang pagalingin dahil dito siya nasugatan hindi sa mundo namin." Sabi ko.
"At ang ahas na iyon galing sa Perians, sa kwento na ito hindi ko na kayo matutulungan pero sasabihin ko na lamang na matatalo kayo laban sa Perians." Pahabol ko pa.
Ginamot niya na si Angge at ako naman ay nagpapahinga lamang sa tabi ni Angge, "Hangang kailan kayo paparito?" Tanong ng prinsipe kasama ang dalawa at umiinom naman ng tsaa si Aciano sa maliit na lamesa niya at pinagmamasdan kami.
"Kung sakaling magising siya ay babalik na kami." Sabi ko. "Babalik uli kayo dito?" Tanong ni Rhym at tumango lamang ako.
"Anong ibig mong sabihin ulit na matatalo kami mula sa Perians?" Tanong ng prinsipe. "Mas malakas ang Perians." Sabi ko. 
"May iba pa bang paraan para matalo sila?" Tanong ni Kai, "Kung mababago ang kasunod ng kwento, matatalo niyo si-" Napatigil ako sa pagsasalita ng may naisip ako.
"May problema ba, binibini?" Tanong ng prinsipe.
"Nabago na ang daloy ng kwento." Sabi ko.
*Cough*
Napaupo naman ako para ipatong si Angge sa aking hita. "Maayos na ba ang pakiramdam mo?" Tanong ko. "M-Medyo, anong nangyari?" Tanong niya at iniangat ang ulo. "Nasaan tayo? at sino sila?" Tanong ni Angge na naguguluhan.
"Your Prince." Saad ko at itinuro ang prinsipe na agad naman niyang tinitigan. "Oh tama na baka matunaw." Biro ko at iniwas ang ulo niya papunta sa akin. "Rhym at Kai at syempre ang iyong pasalamatan si Aciano." Sabi ko at agad naman siyang nagpasalamat kay Aciano.
"Hindi gumagana ang relos ko." Sabi ko. "Anong oras na sa relo mo?" Tanong ni Angge. "Alas dose pa din." Sabi ko.