Rei's P.O.V
"Nanay nandito na po ako!" bati ko kay nanay pagkagaling sa school.
"Oh nariyan na pala ang maganda kong anak! Kumusta ang araw mo?" sabi ni nanay.
"Nay ha baka maniwala na ako sa inyo n'yan, sabi ko naman sa inyo bawal magsinungaling, magagalit si Lord. Kelan pa naging maganda ang mukhang taong grasa na ito?" 'Diba sabi ko na naman sa inyo na ang nanay ko lang ang nagsasabing maganda ko?'
"Hmm, totoo naman anak ha, sa akin ka kaya nagmana ng kagandahan." pagpapatawa ni nanay.
"Uy grabe si nanay oh! Hindi rin maganda ang makapal ang mukha nay." natatawang sabi ko.
"Ikaw talagang bata ka ang dami-daming sinasabi. Saan mo ba napupulot yang mga iyan ha?" tanong niya.
"Sa kanto po nay, sa mga marites sa kalye. Sabi po kasi nila yung kapitbahay nating si Aling Linda eh feeling maganda daw, ang kapal daw ng mukha." sagot ko.
"Marites? Sino naman yang marites na iyan at nang mapagsabihan ko, kung ano anong tinuturo sa iyo?" tanong ulit niya.
"Si nanay nagpapatawa, hindi naman po 'yon tao, 'yon lang ho ang tawag ngayon sa mga tsismosa, alam mo naman sa social media kung anu-ano nalang ang pinapauso." nangingiti kong sabi.
"Ah ganon ba? Hay naku, kawawa naman pala ang mga may pangalang Marites at baka 'di nila magustuhan." may pag-aalalang sabi niya.
"Oo nga po nay eh!" pagsang-ayon ko sa sinabi niya.
"Sige nay punta lang po muna ko sa kwarto ko para makapagpalit at maghihilamos muna ako, nanlalagkit na ang katawan ko eh." Paalam ko kay nanay.
"O siya sige bilisan mo at ng makakain na tayo." sabi ni nanay.
Nagtungo na ako sa kwarto ko, inilapag ko ang bag ko sa lamesita na katabi ng kama ko. Tiningnan ko ang closet ko at kumuha ng t-shirt at pajama tsaka nagpunta sa banyo sa labas para maghilamos. Maliit lang kasi ang bahay namin kaya walang sariling banyo ang kwarto ko. Pagkatapos ko ay dumiretso na ako sa kusina, gutom narin naman kasi ako. Naaamoy ko na ang niluluto ni nanay.
"Hmm, nay ang bango naman ng niluluto mo mukhang masarap, natatakam na ako. Tapos na ba 'yan? Gutom na talaga ako, nag-aalburoto na mga alaga ko sa tiyan." sabi kong natatakam-takam.
"Oo nak, tamang-tama luto na 'to. Pasensya kana at simple lang ang ulam natin ngayon, piniritong tinapa at talong lang, naggisa din ako ng bagoong at may kamatis tayo d'yan. Wala kasi tayong pambili ng karne 'nak. Tipid tipid lang muna tayo ngayon. Hindi pa ako sumahod sa paglalabada ko." sabi ng nanay sa akin.
"Naku nay ano kaba ayos lang 'to, ang sarap kaya neto. Paborito ko ang isda, ayoko ng baboy nakaka highblood. Kahit nga araw-araw isda okay lang, bukas daing na bangus naman, sa susunod tilapia o kaya pwede rin tuyo." natatawa kong sabi.
"Ikaw talagang bata ka mamaya magkabuntot na tayong dalawa n'yan." tawa niya.
"Dyesebel lang ang peg nay?" Natatawa kong sabi. "Oo anak!"
"Hahaha!" sabay naming tawa.
Nagsandok na ako ng kanin para sa aming dalawa. Kumuha ako ng platito at piniga ang kamatis at nilagyan ng bagoong. (Iniimagine niyo no, ang sarap 'diba?). Mapapadami na naman ako ng kain ngayon neto. Nagsimula na nga kaming kumain, nakakamay lang ako at itinaas ko pa ang paa ko sa silya. Ang sarap kaya kumain ng ganoong pwesto, relax lang. (Aminin niyo ginagawa niyo rin iyon.)
Habang kumakain ay nagkukwentuhan kaming dalawa ni nanay, ganito ang lagi naming ginagawa. Ganito lang kasi kami nakakapag-usap ng matagal dahil nga maghapon ako sa school at siya naman sa trabaho. Kaya nga sinusulit namin ang mga ganitong pagkakataon. Dito ko rin lang naman kasi nailalabas ang totoong ako, sa school kasi tahimik lang ako at madalas mag-isa, alam niyo na ako lang naman ang tampulan ng tukso doon. Ginagawa nila akong katatawanan, 'di naman ako clown, tsk!
"Alam mo nay gusto kong maging architect balang araw, mag-iipon ako para makapag-aral ako sa kolehiyo. Tapos pag nakagraduate na ako, magtatrabaho ako sa isang malaking kompanya. Pag nakaipon ako, magpapagawa tayo ng bahay natin. Gusto ko ako ang magdedesign ng magiging bagong bahay nating dalawa. Gusto kitang mabigyan ng magandang buhay. Pag dumating ang araw na iyon hindi mo na kailangan maglabada pa, ako na ang bahala sa lahat. Ang sarap siguro n'on no nay? Ang sarap mangarap. At isa pa po, gusto ko rin pong hanapin si tatay balang araw. Ayos lang ba 'yon sa iyo nay?" Nag-aalangang tanong ko sa kanya.
"Oo naman anak ayos lang sa akin tsaka wala namang bayad ang mangarap. Ang bait mo talagang bata, napakaswerte ko talaga sa iyo. Basta mag-aral ka lang ng mabuti para maabot mo lahat ang mga minimithi mo sa buhay. Sana nga matupad mo lahat ng mga pangarap mo. Nawa'y gabayan ka ng ating Panginoon. Huwag kang makakalimot na tumawag sa Kanya." pangaral niya.
"Opo nay, sana nga! Iyan talaga ang lagi kong dasal." isang masayang turan ko sa mabuti kong nanay.
Natapos na kaming kumain at ako na ang nagpresintang maghuhas ng mga pinagkainan namin para makapaghinga narin siya.
"Sige nay doon kana sa sala para makapagpahinga kana, ako nalang bahala dito, sandali lang naman 'to." ang sabi ko.
"O siya sige at ako ay manonood muna ng TV. Pagkatapos mo diyan ay magpahinga kana rin at maaga pa ang pasok mo bukas." Saad niya.
"Yes, my mother dear!" Sabi ko habang ngumingiti.
"Ito talagang batang ito, pa english english kapa, bilisan mo na nga d'yan."
Natapos na nga ako... "Sige po nay sa kwarto na po ako!" paalam ko sa kanya.
"Okay! Matulog ka ng maaga at huwag kang magpupuyat sa kakadrawing at kakalaro sa cellphone mo. Ikakalabo pa yan ng mga mata mo. Goodnight anak!" habilin niya.
"Okay po, goodnight, love you nanay!" masayang sagot ko.
"Love you din 'nak..."
Pagpasok sa kwarto ko, gumawa muna ko ng mga assignments ko at nag-aral ng kaunti, baka mamaya biglang magpa-quiz ang teachers namin at wala akong masagot. Natapos ko naman agad ang mga dapat kong gawin. Mga 10 pm ay nakaramdaman na ako ng antok kaya nahiga na ako kagaad sa kama at 'di ko namalayan na nakatulog na pala ako, marahil siguro ay sa pagod maghapon.