"I'M SORRY, Ma'am. But Sir Ylac is busy right now." magalang na sagot ng sekretarya ni Ylac kay Freya ng tanungin niya ito kung pwede ba niyang makausap ang boss nito. Nagpunta muli si Freya sa YB Jewelry para personal na kausaping muli ang binata sa naging atraso niya rito. Hindi susuko si Freya hanggang sa hindi niya makumbinsi si Ylac na huwag na nitong ituloy ang banta nito. Wala pa naman sa bokabularyo niya ang salitang pagsuko."Miss, this is important matter. Kailangan ko talagang makausap ang boss mo." hindi sumusukong wika ni Freya. Hindi talaga siya aalis hanggang hindi niya nakakausap si Ylac."Ma'am busy po talaga si Sir Ylac ngayon. Mahigpit po kasing bilin ni Sir na huwag siyang istorbuhin ngayon. Kausap niya kasi si Attorney Feliz."Nanlaki ang mata ni Freya ng marinig ang sinabi ng Sekretarya. Lalo na ng maisip kung sino ang kausap ni Ylac ngayon. "A-attorney Feliz?" banggit niya sa pangalan ng kausap ng lalaki."Yes, Ma'am." Shit!
"Hmm...Miss, may ideya ka ba kung ano ang pinag-uusapan nila?" nagbabakasakaling tanong niya. "I'm sorry, Ma'am. Wala po akong ideya." Tumango lang si Freya. Kinagat din niya ang kuko sa daliri. Paraan niya iyon para makapag-isip siya ng maayos kung ano ang gagawin niya para makausap at kung paano niya makukumbinsi si Ylac. Palakad-lakad din siya sa Hallway habang mataman nag-iisip kung ano ang susunod niyang hakbang. Napahinto siya sa paglalakad ng biglang bumukas ang pinto sa opisina ni Ylac. At may lumabas na isang matandang lalaki roon. Nahinuha ni Freya na ito si Attorney Feliz na tinutukoy ng secretarya ng binata na kausap nito.Nang tuluyan ng nakalabas at nakaalis ang matandang lalaki ay binalingan niya ang sekretarya ni Ylac. Lumapit siya rito at ipinatong ang kamay sa table nito.
"Hmm...Miss, may ideya ka ba kung ano ang pinag-uusapan nila?" nagbabakasakaling tanong niya."I'm sorry, Ma'am. Wala po akong ideya."Tumango lang si Freya. Kinagat din niya ang kuko sa daliri. Paraan niya iyon para makapag-isip siya ng maayos kung ano ang gagawin niya para makausap at kung paano niya makukumbinsi si Ylac. Palakad-lakad din siya sa Hallway habang mataman nag-iisip kung ano ang susunod niyang hakbang. Napahinto siya sa paglalakad ng biglang bumukas ang pinto sa opisina ni Ylac. At may lumabas na isang matandang lalaki roon. Nahinuha ni Freya na ito si Attorney Feliz na tinutukoy ng secretarya ng binata na kausap nito.Nang tuluyan ng nakalabas at nakaalis ang matandang lalaki ay binalingan niya ang sekretarya ni Ylac. Lumapit siya rito at ipinatong ang kamay sa table nito."O, Miss. Umalis na iyong kausap ni Sir Ylac. Baka pwede ko na siyang makausap. Pakisabi hinahanap siya ni Freya Martinez." nakangiting wika niya sa babae.Nagkamot ito ng ulo pero tumango naman. "Salamat." aniya rito.Mayamaya ay pinindot nito ang intercom na nakalapag sa mesa nito. "Excuse me, Sir Ylac. A certain Freya Martinez wants to talk to you." imporma nito sa lalaki."Hindi niyo po siya kilala, Sir?" wika ng sekretarya na nakatingin sa kanya. Napakunot ang noo si Freya ng marinig niya ang sinabi nito. Abat! ang magaling na lalaki. Hindi daw siya kilala?
"Miss, sabihin mo kilala niya ako." pamimilit niya rito. Muling nagkamot ito ng ulo. "Pakisabi na lumabas siya sa opisina niya para makita niya ako at makilala." pagpapatuloy niya."Okay, sir. I'll let her in." nakahinga ng maluwag si Freya ng sa wakas ay pumayag na rin si Ylac na makapasok siya sa opisina nito para makausap niya ito."Thank you, Sir Ylac." sinadya niyang lakasan ang boses para marinig ng binata iyon.
-----"PLEASE sit down, Miss." iminuwestra ni Ylac kay Freya ang visitor chair na nasa tapat ng mesa ng binata."Thank you, Sir." pasasalamat niya rito ng tuluyan na siyang nakaupo. Pagkaupong pagkaupo niya ay agad niyang pinagsalikop ang mga kamay dahil sa kabang nararamdaman ng sa wakas ay magkaharap na sila ng binata."Ikaw iyong babae kagabi." ani Ylac mayamaya. Ahh! Akala niya ay hindi siya nito matatandaan. Mabuti naman at natatandaan na nito ang mukha niya.Nakangiting tumango si Freya. Mabuti naman at nakilala na siya ngayon ni Ylac. "Nice meeting you again, Sir Ylac." wika niya. Nanatiling nakapaskil ang ngiti sa kanyang labi kahit ang totoo ay kinakabahan siya. Lalo na sa klase ng tinging ipinagkakaloob nito sa kanya. Pero tinatagan lang niya ang kalooban. "By the way, I am Freya Martinez." pagpapakilala niya sa sarili."What do you need from me?" hindi nito pinansin ang pagpapakilala niya. Masyado din itong straight forward kung magsalita at magtanong.Hmm...Masyado ding stiff! Halikan ko kaya?
Tumikhim siya. "Narito ako para humingi ulit ng patawad sa inyo." sabi niya agad sa pakay kung bakit siya naroon sa opisina nito. Hindi na siya nagpatumpik-tumpik pa rito. Ayaw niyang sayangin ang precious time nito. "Sir, please kahit ano gagawin ko. Huwag niyo lang ituloy iyong pagde-demanda." napasandal agad si Freya mula sa kinauupuan ng pasadahan siya ng tingin ni Ylac mula ulo hanggang paa. Isinara din niya paitaas ang zipper ng suot niyang jacket ng huminto ang tingin nito sa mukha niya. Tumaas yata ang lahat ng balahibo niya sa katawan sa sandaling iyon habang nakatitig siya sa itim na itim na mata ni Ylac. Suma-total kasi ay may ideya na si Freya kung ano ang laman ng utak ni Ylac."I need you."Sabi na nga eh!"S-sir?" sa sandaling iyon ay gusto na niyang magtatakbo paalis sa opisinang iyon at kalimutan na ang balak na kausapin at kumbinsihin ito. Pero ang walang hiyang mga binti niya ayaw makisama. Parang may malaking tipak na bato ang nakadagan do'n at hindi siya makaalis o makagalaw man lang. Huminga na lang siya ng malalim.Tumikhim din siya para maalis ang bara na namumuo sa kanyang lalamunan. "I'm s-sorry. Pero hindi ako sang-ayon sa one night stand, Sir. Iba na lang ang hingiin niyo." lakas na loob na sabi niya kay Ylac. Napakurap si Freya nang makita ang bahagyang pangsungaw ng ngiti sa labi ng binata. Pero hindi niya alam kung ngiti ba iyon o ano. Bigla kasing nawala iyon. Pero kapansin-pansin ang kislap sa mata nito. Lalo tuloy itong gumwapo sa paningin niya. Natutukso tuloy siyang sumang-ayon sa nais ni Ylac. Natutukso siyang makipag-one night stand rito! Napatili si Freya sa isip sa itinatakbo ng isip niya sa sandaling iyon. Marahan din niyang ipinilig ang ulo para maalis kung ano man ang iniisip niya."It's not what I meant." Ylac said.
"Mabuti naman kung ganoon." nakahinga si Freya ng maluwag. Akala niya ay ang virginity niya ang kabayaran sa kasalanan na nagawa niya rito. Kahit gwapo ito ay hindi niya ibibigay ang katawan niya rito para lang mabayadan ang naging kasalanan niya.Weh? Kanina nga gusto mo siyang halikan, anang intrimedang isipan. At kanina nga natutukso kang makipag-one night stand sa kanya.Umaayos ng upo si Freya. Tumikhim muli siya. "So, ano po ang ibig niyong sabihan na, you need me?" tanong niya kay Ylac."Do you know how to cook?" sa halip na tanong nito."Yes.""What about household chores?""Yes." sagot niya. Hindi maintindihan ni Freya kung bakit tinatanong sa kanya ni Ylac ang mga bagay na iyon. Gayunman ay sinasagot naman niya ang mga tanong nito ng maayos. Marunong naman kasi siya sa mga gawaing bahay. Dahil pinili ni Freya ang maging independent kailangan niyang matuto. Kailangan niyang pag-aralan ang mga gawaing bahay. At proud siya sa sarili dahil kahit lumaki siya sa isang marangyang pamilya ay kayang-kaya niyang gawin ang lahat. Magluto, maghugas ng pinggan, maglaba, maglinis ng bahay at higit sa lahat ang maglinis ng sariling banyo. Sisiw na sisiw na iyon sa kanya. Sa tagal ba naman niyang nanirahan mag-isa ay kayang-kaya niya ang mga iyon."Good." ani Ylac tumatango-tango. "I want you to be my housemaid for two weeks." dagdag nito.Muntik ng malaglag ang panga ni Freya ng marinig niya ang sinabi ni Ylac. Hindi, nalaglag nga! Hindi siya makapaniwala sa sinabi nito. Siya, si Freya Martinez? Gagawin nitong housemaid? Aba! Aba! Ibang usapan na ito. Kung tutuusin ay maliit lang naman ang kasalanan niya rito kayang-kayang solusyonan. Iyon nga lang ay ayaw ni Ylac na magpa-areglo sa naging kasalanan niya rito. Masyado kasing ma-pride ang Ylac na ito.
Akmang magpo-protesta si Freya ng magsalita ito. "I don't want to hear any protest from you. Now, you choose. I'll talk to my lawyer about this issue or you would be my house maid for two weeks?" seryosong wika nito.Nakaramdam ng bahagyang alinsangan si Freya sa sandaling iyon kahit may aircon sa loob ng opisina ni Ylac. Ibinaba niya ang zipper ng suot niyang jacket."W-wala ka bang mga katulong?" sa halip na tanong niya."Choose." masyado talagang dominante ang lalaking ito. Hindi man lang nito sinagot ang tanong niya. Bakit kasi sa dinami-dami ng kotse na pwede niyang mabangga kotse pa ng dominanteng lalaking ito ay nabangga niya. Ang buhay nga naman! Saklap!Bumuntong-hininga na lang si Freya. Mas gusustuhin pa niya ang maging housemaid nito for two weeks kaysa ituloy ang pagdedemanda sa maliit na kasalanan niya rito. Mas pipiliin niyang magpaalipin rito ng dalawang linggo kaysa maalipin siya habang buhay kapag nalaman ng ama niya nagawang kapalpakan uli niya. "Okay. Payag na ako." pagpayag na lang niya. Napataas ang kilay ni Freya nang makita ang bahagyang pagsungaw ng ngiti sa labi ni Ylac."OUCH!" daing ni Jade ng pitikin ito ni Freya sa tainga ng tumawa ito ng malakas ng matapos niyang ikwento rito kung ano ang kinalabasan ng pag-uusap nila ni Ylac kanina ng pumunta siya sa opisina ng huli. Tinawagan niya si Jade na magkita sila sa paborito nilang coffee shop matapos ang pag-uusap nila ni Ylac. Kailangan kasi niya ng makakausap sa sandaling iyon. "Ang sakit naman niyon, Freya." palatak nito sa kanya habang hawak-hawak ang nasaktang tainga."Magiging housemaid na nga ang beauty ko. May gana ka pang tumawa diyan." nakasimangot na wika niya kay Jade."Anong masama kung tumawa man ako?" nakataas ang isang kilay ni Jade."Para kasing pinagtatawanan mo pa ang sinapit ko." nakasimangot pa rin na wika niya. At ang magaling na kaibigan niya tumawa pa nga! Tumigil lang ito sa pagtawa ng tiningnan niya ito ng masama. Kinuha ni Jade ang order nitong cappuccino na nakalapag sa mesa saka ito sumimsim mula roon."Dapat nga masaya ka pa dahil hindi na itutuloy ni Ylac iyong pagsampa niya sa'yo ng demanda sa kasalanan mo sa kanya." ani Jade
Sunod-sunod ang ginawa niyang pag-iling. "Siyempre, hindi 'no!" sagot ni Freya. "Kilala mo naman si Kuya Anthony, hindi ba? Kapag nalaman ni Kuya ang bagay na ito ay hindi mo siya mapipigilan makialam." aniya. "Baka sa halip na makatulong siya sa'kin ay baka mas lalong lumaki ang problema ko." patuloy niya. Masyado kasing overprotective ang nakakatandang kapatid sa kanya. Dahil pareho silang naninirahan sa lungsod ay dito siya hinabilin ng mga magulang. Twice a week ay pumupunta ang Kuya niya sa kanyang condo para kamustahin. Kahit abala din ito sa trabaho ay naglalaan ito ng oras para magkita at magkasama silang dalawa. Lagi nga nitong ibinibilin sa kanya na lagi daw siyang mag-ingat. Lalong-lalo na kapag hawak niya ang manibela. At kung may pupuntahan daw siya na malayong lugar ay dapat ipaalam niya rito. Lalong-lalo na kung sino ang kasama niya para hindi daw ito mag-alala. At alam din ni Freya na inire-report nito ang bagay na iyon sa kanilang ina.---------------------------------------------------------------------------------------------------------------------------------------------------------------------------- IBINAGSAK ni Freya ang sarili sa sofa sa kanyang condo unit pagkarating niya roon matapos niyang makipagkita sa kaibigang si Jade. It was very tiring day for her. Wala naman masyadong ginawa si Freya sa araw na iyon para mapagod. Nakausap lang naman niya si Ylac at ang kaibigan niya. Pero pakiramdam niya lahat ng lakas niya ay biglang nawala sa katawan. Para siyang cellphone na drain ang baterya.Marahang bumuntong-hininga si Freya. Bumangon siya mula sa pagkakahiga sa sofa. Dinampot niya ang shoulder bag na basta na lang niyang initsa kung saan at kinuha mula roon ang kanyang cellphone. Kailangan pala niyang makausap ang Kuya Anthony para makapagpaalam. Pero bago niya i-dial ang numero nito ay nag-practice pa si Freya kung ano ang sasabihin sa kuya niya. Kung ano ang isasagot niya sa posibleng itanong nito sa sasabihin niya. Nang makapag-practice na si Freya ay i-d-nial na niya ang numero ng nakakatandang kapatid. Nakatatlong ring iyon bago nito sinagot ang tawag niya."Anong problema, Freya?" bungad agad na tanong ni Anthony sa kanyang tawag. Hindi naman napigilan ni Freya ang mapangiti dahil doon.
"Wala akong problema, Kuya." sagot niya. Nakagat niya ang ibabang labi dahil sa muling pagsisinungaling niya sa mga taong malapit sa kanya. Kinakailangan naman niyang gawin iyon para sa kapakanan niya at para na rin hindi mag-alala ang mga ito."So, bakit ka napatawag?" ani Anthony."Bawal na bang tawagan ang kuya ko ngayon?" nakataas ang isang kilay niya kahit hindi nito iyon nakikita. Freya smiled when she heard him chuckled over the phone."Sige na, Freya. Direktahin mo na ako kung ano ang gusto mong sabihin sa'kin kung bakit ka tumawag.""Okay. Magpapaalam sana ak—"Where are you going?" putol nito sa akmang sasabihin niya."I'm going to Batangas tomorrow." she anwered."Anong gagawin mo roon?""Vacation." tanging sagot niya. Ayaw niyang dugtungan ang sagot. Mahirap na baka mahalata nitong nagsisiningaling siya. Kilala pa naman ang Kuya Anthony niya."Sinong kasama mo roon?" tanong muli nito."Mag-isa lang ako.""Mag-isa ka lang?" ulit nito sa sinabi niya.0"Oo.""Bakit ang tipid ng sagot mo?"Napakamot ng kilay si Freya sa sumunod na tanong ng Kuya niya. Baka kasi mahalata mo ako na nagsisinungaling. "Sinasagot ko lang naman ang mga tanong mo sa akin, ha." nakangiwing wika niya."May nililihim ka ba sa akin. Freya?" mayamaya ay tanong nito."Wala ah!" defensive na sagot niya. Oops. Natutop agad niya ang bibig.Freya, relax ka lang. Baka makahalata ang Kuya mo na may inililihim ka, paalala ng isipan sa kanya."Kuya Anthony, wala akong inililihim sa'yo 'no. Gusto ko lang naman magbakasyon. Gift ko na rin ito sa sarili ko matapos iyong gallery." paliwanag niya."Okay, okay. Basta inform mo ako kapag nasa Batangas ka na. At mag-iingat ka sa pupuntahan mo. Kapag nagka-problema ka itawag mo sa'kin."Freya smiled. "I will, Kuya."
NAKATAYO si Freya sa labas ng condo unit ni Ylac. Nanatili siyang nakatayo at nakatitig sa nakasarang pinto sa kanyang harapan. Ngayon ang araw na napag-usapan nila ni Ylac na mag-uumpisa siya bilang housemaid nito. Umpisa na rin ng paghihirap niya.Huminga ng malalim si Freya bago niya pinindot ang doorbell. Naghintay siya ng ilang minuto para pagbuksan siya ng pinto pero limang minuto na ang lumipas pero wala pa rin nagbubukas ng pinto para sa kanya."Maaga sigurong umalis." bulong ni Freya sa sarili. Bumuntong-hininga siya. Binuksan niya ang hand bag at kinuha mula roon ang susing ibinigay sa kanya ni Ylac kahapon. Sabi kasi nito na baka hindi daw niya ito maabutan sa condo nito kapag pumunta siya roon dahil maaga daw itong umaalis ng condo nito. Kaya ibinigay nito sa kanya ang isang duplicate key just in case na hindi niya ito maabutan o madatnan. Mabuti na lang at naisipan ni Ylac na bigyan siya ng duplicate key dahil kung hindi ay baka maghintay pa siya doon ng matagal. Isinuksok na ni Freya ang susi. Pagkatapos niyon ay pinihit niya ang seradura para buksan iyon. Pagkabukas ay inuha niya ang bitbit na travelling bag na naglalaman ng mga gamit bago siya tuluyang pumasok sa loob. Iginala ni Freya ang tingin sa kabuuan ng condo unit ni Ylac. Malaki, maganda at maayos. At higit sa lahat ay malinis iyon. Napangiti si Freya ng pagkatamis-tamis. Iisa lang kasi ang ibig sabihin niyon. Hindi siya mahihirapan na linisin ang buong bahay dahil malinis na iyon.What a life!Mayamaya ay napalingon si Freya sa kanyang gilid ng maramdaman may bumukas na pinto. Paglingon niya ay hindi niya napigilan ang mapatili sa nakita. Iyon na yata ang pinakamalakas na itili niya sa buong buhay niya, kulang na lang kasi ay lumutang lahat ng ugat niya sa katawan."Will you stop yelling?" kunot ang noo na sita ni Ylac sa kanya. Tumigil naman si Freya sa pagtili pero nanlaki naman ang mga mata niya. Hindi naman niya masisisi ang sarili kung ganoon man ang naging reaksiyon niya nang makita si Ylac. Paano ba naman siya hindi titili ng malakas? Paanong hindi manlalaki ang mata niya eh, nakahubad baro ang lalaki. Wala itong suot na pang-itaas kaya kitang-kita ng mata niya ang magandang hubog ng katawan nito. At ang broad chest nito at isama na ang six-pack abs nito. Naka light gray striped pajamas din ang binata. Halatang bagong-gising lang si Ylac dahil magulo pa ang buhok nito. At lalong nadagdagan ang sex appeal nito dahil do'n. Shit lang, pero bigla siyang nakaramdan ng bahagyang alinsangan sa katawan. At nang mapadako ang mata ni Freya sa mukha ni Ylac at ng maghinang ang mata nila ay hindi niya maintindihan kung bakit bigla na lang bumilis ang tibok ng puso niya. Kakatwang isipin pero naging abnormal ang tibok ng puso niya sa sandaling iyon. She couldn't take off her eyes on him too. Para bang may magnet na naghihila sa kanyang mata na makipagtitigan kay Ylac. Para ding may mahika ang itim na mata nito dahil may pinupukaw itong emosyon at damdamin na hirap niyang intindihin. Hindi kasi niya maipaliwanag sa sarili kung ano iyon. Marahang ipinilig na lang ni Freya ang ulo para iwaksi ang mga naiisip niya.
"You're early." napakurap-kurap si Freya ng marinig ang baritonong boses ni Ylac. At aaminin ni Freya sa sarili na maganda at masarap pakinggan ang boses nito. It's like music to her ears."G-good morning, Yla—Sir." bati ni Freya sa halip na sagutin ang sinabi nito. Tinanguhan lang siya ni Ylac bago ito humakbang papunta yata sa kusina. Sinundan naman ni Freya ng tingin ang nakatalikod na bulto ng binata. Pinunasan ni Freya ang imaginary pawis niya sa kanyang noo habang sinusundan pa rin niya ng tingin ang magandang hubog ng katawan ni Ylac.Shit! Trouble, trouble!----"TAKE a seat." utos ni Ylac kay Freya habang iminuwestra nito sa kanya ang mahabang sofa sa kanyang harapan. Umupo naman siya roon pero nanatiling nakatayo si Ylac sa harapan niya at nakahalukipkip. At dahil matangkad ito ay kailangan pa niya itong tingilain. Nakasuot na ngayon si Ylac na puting T-shirt. But he still wearing his light gray, striped pajamas."Alam mo naman kung ano ang magiging trabaho mo rito." simula ni Ylac. Tumango si Freya dahilan para ipagpatuloy ng binata ang pagsasalita. "You're going to be my housemaid for two weeks kapalit ng naging kasalanan mo sa akin." pagpapatuloy nito. Nanatili naman siyang nakikinig sa sinasabi nito at nanatili din siyang nakatitig sa gwapong mukha nito. Pinagmamasdan niya ang bawat pagbuka ng bibig nito habang nagsasalita ito. Hay! Kahit saang anggulo ay gwapo pa rin ito sa paningin niya. Hindi nakakasawa ang kagwapuhan ng binata, kahit titigan pa niya ito ng buong magdamang. "You need to cook breakfast and dinner. Hindi mo na kailangan magluto ng lunch for me dahil hindi naman ako umuuwi o kumakain ng lunch dito sa condo. Pero magluto ka para sa'yo para may makain ka habang nandito ka sa bahay ko." lihim na napangiti si Freya sa sinabi ni Ylac. May concerned din pala sa katawan ang lalaki. Akala niya ay wala. "Ikaw din ang bahala sa kaayusan at kalinisan sa buong bahay." ani Ylac.
"Pati ang kwarto mo, Sir?" hindi niya napigilang itanong. Baka kasi mamaya hindi siya entitled na pumasok sa loob ng kwarto nito. Karamihan kasi sa mga lalaki ay ayaw ang ibang tao na may pumapasok sa loob kwarto ng mga ito. Well, mayroon naman exception of the rule ang mga lalaki, ang mga girlfriend at mga flings nila. Siyempre, saan naman dadalhin ng lalaki ang girlfriend nila kapag nagkayayaan na. Di ba sa kwarto?Pwede rin sa sofa or sa kusina, sagot ng malanding isipan niya. Lihim na lang siyang napangiti sa itinatakbo ng isipan."Ikaw ang bahala sa kaayusan at kalinisan ng buong bahay." ulit na wika ni Ylac. "So, that means it includes my room. Understood?" dugtong na wika nito.Ibinaling naman ni Freya ang mukha sa kanyang gilid para itago ang pagsimangot niya. "Malay ko ba. Mamaya niyan ayaw mo akong pumasok sa kwarto mo." naiinis na bulong niya."Were you saying something?" ibinalik niya ang tingin kay Ylac. Nakakunot ang noo nito habang nakatingin sa kanya.She smiled at him sweetly. Pero sa kaloob-looban niya ay minumura niya ito. "Naiintindihan ko, Sir." sa halip na sagot niya kay Ylac.Nakakunot ang noo pa rin ni Ylac habang nagpatuloy ito sa pagsasalita. "Ikaw din ang bahalang mag-grocery sa mga kakailanganin dito sa bahay. You don't need to wash my clothes dahil may binabayaran ako para gawin iyon para sa'kin."Mabuti naman kung ganoon, sabi ni Freya sa isip. Bawas-bawas din iyon sa paghihirap ko."Iyon lang, Sir?" tanong niya. Baka kasi may nais pa itong idagdag sa magiging trabaho niya."I almost forgot." mayamaya ay wika ng binata.Okay, brace yourself Freya for another set of work. sabi niya sa isip.
"Ayoko ng may ibang tao kang pinapasok rito sa condo ko. Lalong-lalo na kung lalaki iyon. Maliwanag?" ani Ylac.Tumango-tango naman siya. "Cleas as sparkling water, Sir!" sabi niya kay Ylac. "May sasabihin pa ba kayo?""Wala na." maikling sagot nito bago ito umalis sa harap niya. Ayy ang bastos! Hindi man lang nagpaalam ng maayos sa kanya. Turuan kaya niya ito ng tamang etiquette? Kasi parang hindi nito iyon alam.Nagpakawala na lang si Freya ng marahang buntong-hininga bago niya tinawag ang pangalan nito dahilan para huminto ito sa paglalakad. Salubong ang kilay na lumingon ito sa kanya."What?" paangil na tanong nito. Gusto ding niyang angilan ito pero nagpigil lang siya.Tumayo siya mula sa pagkakaupo sa sofa. "Hmm..." sambit niya."If you want to say something. Just say it, woman. Hindi iikot ang buong oras ko sa'yo." masungit na wika ni Ylac.Kung wala lang akong kasalanan sa'yo at kung hindi ka lang gwapo kanina ka pa nakatikim ng uppercut sa'kin. "Saan ang magiging kwarto ko habang nagta-trabaho ako bilang housemaid mo ng dalawang linggo?" nakasimangot na tanong niya kay Ylac.Hindi mapigilan mapataas ang isang kilay ni Freya nang makitang sinapo ni Ylac ang noo nito.Ano? supalpal ka?Buti nga sayo!
Narinig niyang bumuntong-hininga ito. "Follow me, woman." wika nito bago ito nagsimulang naglakad.Nakasimagot pa ring kinuha ni Freya ang travelling bag na nakalapag malapit sa sofa at sinundan si Ylac. Kulang na lang ay magdabog siya habang sinusundan niya si Ylac. Huminto si Ylac sa isang kwarto katabi ng pintong nilabasan nito kanina. Binuksan ni Ylac ang pinto."Ito ang magiging kwarto mo habang narito ka." pagkasabi niyon ay agad siya nitong tinalikuran. Akmang bubuksan ni Ylac ang pinto ng kwarto nito ng tawagin niya ulit ang pangalan nito. Napahinto ito sa akmang pagbukas at nilingon siya. As usual, salubong na naman ang mga kilay nito. Pero wala siya pake."My name is Freya, not woman." sabi niya. Hindi na niya hinintay na magsalita o mag-react ito. Pumasok na siya sa kwartong inilaan ni Ylac sa kanya at isinara ang pinto. Pagkasara ay awtomatikong hinawakan ang kaliwang dibdib sa lakas ng dagundong niyon."Grabeng Ylac iyon, ah." iiling na wika niya habang humahakbang siya palapit sa kama. "Grabeng magpalakas ng kabog ng dibdib." dugtong niya habang umuupo siya sa gilid ng kama. Tanging si Ylac lang kasi ang nagpapakabog ng ganoon sa kanyang dibdib.Bumuntong-hininga si Freya, then she scans the room. Napataas ang isang kilay niya matapos niyang igala ang buong tingin ang loob ng kwarto. Para kasing hindi maid's room ang kwartong inilaan ni Ylac para sa kanya. Parang guestroom iyon sa laki at ganda na rin. Napadako ang tingin ni Freya sa inupuang kama. Maganda, malambot at malaki din iyon. Tulad ng kama niya sa kanyang kwarto. Well, mabuti na rin iyon at least hindi siya mahihirapan matulog.Tumayo na si Freya sa pagkakaupo. Binuksan niya ang travelling bag at inilabas niya ang dalang mga gamit. Una niyang inilabas ang art materials at sketchbooks niya. Nagdala siya niyon para naman hindi siya maiinip kapag tapos na siya sa trabaho niya o wala siyang ibang ginagawa. Maingat na inilapag iyon ni Freya sa ibabaw ng kama. Sunod niyang inilabas ay ang mga damit niya. Inilagay niya iyon sa cabinet na naroon sa kwarto. Malapit na siyang matapos ng makarinig siya ng sunod-sunod na katok sa pinto ng kwarto. Dali-dali siyang humakbang patungo roon at binuksan ang pinto.Pigil ang hininga ni Freya ng mapabuksan niya si Ylac ng pinto. Hindi din niya maiwasan pagmasdan ito mula ulo ang paa. Mamasa-masa pa ang buhok ni Ylac. Naamoy din niya ang sabon na gamit nito and his manly scent. Ylac is now wearing a white long sleeved. Nakasampay sa balikat nito ang black suit nito. Para sa kanya ay walang panama ang mga hollywood actors and supermodels sa gwapong lalaking nasa harapan niya. Napasipol tuloy si Freya sa isipan."I'm going to office now. Ikaw na ang bahala rito." ani Ylac sa seryosong tinig. Nakita niyang may dinukot ito sa suot nitong slacks. Mula roon ay inilabas nito ang wallet nito. Binuksan nito iyon at inilabas nito ang ilang lilibuhin saka nito inaabot iyon sa kanya. Tiningnan lang naman ni Freya ang mga iyon."Walang laman ang fridge at cupboard. Bahala ka ng mag-grocery." anito. Sa pagkakataong iyon ay kinuha niya ang perang inabot nito. "Isarado mo ang pinto pagkalabas ko." dagdag na wika nito bago ito tumalikod.Hindi na naman nagpaalam, nagngi-ngitngit na wika niya sa isip. Gayunman ay sinundan pa rin niya ito para ihatid hanggang sa may pinto."Ingat, sir." hindi niya napigilang sabihin iyon rito ng buksan na nito ang pinto. Pigil ni Freya ang sariling huwag mapasinghap ng lingunin siya ni Ylac. His expressions were now soft. O, baka naman namamalikta lang siya? Walang sinabi si Ylac sa halip ay tumango lang ito bago ito tuluyang lumabas sa pinto ng condo nito. Nasundan na lang ni Freya ang papalayong pigura nito.