Masama ba maging masama? Minsan kasi, hindi naman tama ang maging tama na lang palagi. Nakakasakal. Mahirap kaya maging Santa sa harap ng lahat kung ang totoo naman ay may kasamaan kang tinatago kapag nakatalikod na sila.
Hindi ako pinalaking sinungaling pero hindi rin naman ako 'yung tipong mabait. Sabihin nating matapat ako pero maldita. Wala akong pake.
Kung ano ang gusto kong sabihin, 'yun ang lalabas sa bibig ko. Kahit masakit man at least walang plastikan. Kung ayaw ko sa'yo, malalaman mo agad 'yon dahil talagang hindi ako makikisama sa'yo. Remember, ayoko maging plastic.
Hindi ako plastic e.
"Ary, sama ka sa'min? Birthday ni Ryvo. Invited kami kaya..alam mo na? Pwede kaming mag-invite." Napatingin naman ako sa babaeng nagsalita sa tabi ko. Nakangiti pa siya at parang sincere na gusto talaga akong isama. As if naman!
Si Ryvo ay isa lang namang heart throb ng campus. Maraming babae ang talagang humahanga sa kagwapahun niya. Playboy din, typical sa mga sikat.
Napairap ako.
"Sige." Walang ano-ano'y tumayo na ako at naglakad palabas ng classroom namin. Ayokong tumagal kaharap ang isang babaeng humaling na humaling kay Ryvo. Kadiri!
Hindi ako sinungaling kaya talagang gora ako sa party na 'yon. Like duh? I love parties more than boys. Kung papipiliin ako between party or boy siguradong party agad ang isisigaw ko.
Hindi ako man-hater pero hindi rin naman ako lover. Duh? Wala lang talaga akong amor pagdating sa mga lalake.
Dumeretso na ako sa bahay namin. Bumungad naman sa'kin agad ang sweet moments nina Mommy at Daddy.
"Gadness gracious! Nasa taas lang naman ang kwarto Mom and Dad. Kaloka kayo." Palagi talaga silang naglalambingan kahit saan. KAHIT SAAN TALAGA, AS IN. Sanay naman na ako pero syempre, sana naman ay respect sa single 'di ba? Echos.
"Oh..Hahaha.. naandito ka na pala baby. There's meryenda in kitchen. I'll get it after you change your clothes." Nakangiting lumapit sa'kin si Mom saka hinalikan ang kanang pisngi ko. Si Dad naman ay sa kaliwa ko.
Naalala ko pa ang dahilan kung bakit kailangan ay doon talaga si Mom sa kanan. Sabi niya, "I'm on the right side because I'm always right!"  At ang dahilan naman kung bakit si Dad ay sa kaliwa, "and you! You should be on the left side 'cause you always leave me after our love session."
Natatawa nga ako sa part na 'yon. Ewan ko kung yung green ba ang ibig sabihin ni Mom or what. LOL.
"Okay Mom... Punta na'ko sa kwarto. Tuloy niyo na ni Dad," pang-aasar ko sa kanila. Tumawa lang si Daddy kaya hinampas siya ng mahina ni Mommy sa balikat niya.
Pagkapasok ko sa kwarto ay pabagsak akong humiga sa kama ko. Nakapapagod pala talagang mag-aral. Pero mas nakapapagod kung sa huli ay magiging palaboy na lang dahil sa walang pinag-aralan.
Tamad akong tumayo at nagpalit ng damit ko.
Naisipan kong maghanap muna ng madadamit ko mamaya sa birthday na pupuntahan ko. Madalas ay sa bar ang party ni Ryvo kaya pinili ko ay ang mga damit para sa ganoong lugar.
Hindi naman ako nahirapan makahanap ng damit dahil wala naman akong dahilan para magpaganda talaga.
Black-leather sleeveless dress ang napili ko. Backless ang style sa likod kaya ang mahabang strap lang ang nagdudugtong ng harap na tela hanggang sa likod. Padiretso lang ang style ng strap. Silver three-inch heels lang ang ginamit ko. Ni-ready ko na rin ang silver purse ko. Tadah! Ready na ang outfit pero hindi pa nakakapaalam.
Wala naman akong problema, sure naman kasi ako na papayagan nila ako. Hindi sila strict sa'kin. Alam naman nila na kaya kong protektahan ang sarili ko. Saka hindi naman ako gagawa ng bagay na makakadisappoint sa kanila.
Bumaba na'ko para kumain ng meryenda na sabi ni Mom.
"Eat this baby.." Pagkababa ko ay iyon na agad ang bungad sa'kin ni Mom.
"Thank you Mom." Tinikman ko ang bake niyang cupcakes at cookies.
"Sarap nito mom ah? Bago 'to sa panlasa nila, sure ako ro'n." May bakery saka restau kasi si Mom na pagmamay-ari kaya siguradong idadagdag niya ito sa menu niya roon.
Ako kasi ang taga tikim bago niya pagpapasiyahan kung patok nga sa negosyo.
"Sure baby.."
Mabilis ang oras kaya ito ako, nag-aayos para sa party na dadaluhan.
Kinuha ko na ang purse ko saka lumabas sa kwarto.
Madilim na ang hallway. Tiyak na tulog na sina Mom at Dad.
Nagpaalam naman na ako kaya ayos lang. Ayoko lang na magising sila.
Susunduin naman daw ako ni Hely--- 'yung babaeng nag-aya sa'kin--- papuntang party.
Narating ko naman agad ang gate nang walang ingay. Well, sanay na e.
"Let's go?" Tumango na ako sa kaniya saka sumakay sa Lamborghini niya na latest.
Mabuti na lang at hindi masyadong nagtagal ang biyahe dahil siguradong baka nasuffocate na'ko sa loob ng kotse ni Hely. Sanay ako sa byahe, ang problema lang ay hindi ako sanay sa kasama ko na si Hely.
Lumabas na ako ng kotse at bumungad nga sa'kin ang inaasahan ko. Bar.
"Gad. Pasok na tayo, mukhang enjoy na sila doon." Humalakhak pa siya. Pasimple akong umirap. Plastic ka gurl?
Pumasok na kami sa loob. Sobrang ingay saka marami talaga ang tao. Kung hindi ka sanay sa mga lights ay siguradong mahihilo ka.
"Doon tayo kina Avia." Sumunod naman ako sa kaniya. Gusto ko rin naman na may kasama. Malay ko? Baka mabored ako rito kung mag-isa lang ako.
Nakita ko ang isang grupo na maingay. Mukhang doon kami papunta kaya baka na'ndoon ang tinutukoy niyang si Avia saka mga kasama niya.
"Okay lang naman sa'kin if sa ibang table ako. Baka hindi ako welcome, haha." To be honest lang. Mahirap ng makisama.
"Of course not! Welcome ka ano." Humalakhak din siya. Tumango na lang ako. May kumaway na babae sa direksyon namin kaya sure na baka iyon ang tinutukoy niyang si Avia.
"Hi guys!" Kumaway na rin si Hely.
"Oh, Hely. May kasama ka pala?" Tanong ng isa. Nabaling tuloy ang tingin sa akin ng iba pa nilang kasama.  May iba na kung makatingin akala mo hinuhusgahan ako. Meron naman na malagkit ang tingin. Yuck!
"Ahh, yeah! Guys, eto nga pala si Ary." Pinakilala niya rin sa'kin isa-isa ang mga barkada niya. Edi sanaol!
Kumuha sila ng mga beer, wine at whiskey. May mga pagkain din na pinakuha.
"Mamaya pupunta rito sa table natin si Ryvo, gad! Excited na ako!" Halata nga sa tono ng babaeng nagsabi. Nakalimutan ko na pangalan niya e.
"Naku! Magpapapicture ulit ako sa sa kaniya hahahaha!" Flirty 'yung tono ng boses niya kaya sigurado akong hindi lang pagpapapicture ang balak niya.
"Sayaw muna kami sa dancefloor." Paalam ng iba kaya tatlo na lang kami ang naiwan rito.
Kumuha ulit ako ng whiskey.
Tahimik silang dalawa kaya hindi ko kailangan makinig o makipag-usap din.
Maya-maya ay para bang kinakabahan sila at hindi mapakali. May tinitingnan sila kaya napatingin na lang din ako.
Ah, kaya naman pala!
Papalapit lang naman sa'min si Ryvo, the barumbado.
Palihim akong umirap saka lumagok ng whiskey na hawak.
"Alis na ako," paalam ko sa dalawa. Ayokong makaestorbo 'no!
"H-huh? No! Dito ka lang muna Ary. Ang aga pa kaya." Pagpigil sa'kin ni Hely.
"Duh? Dyan lang ako sa kabilang table." Kinuha ko ang braso ko na hawak niya.
"E-eh? Wait lang! Batiin mo muna si Ryvo." Humigpit ang pagakakahawak niya sa braso ko kaya nagsalubong na ang kilay ko.
"O sige." Sabi ko na lang para bitawan niya na ang kamay ko.
Binitawan niya nga ang kamay ko. Umupo na lang ako ng maayos.
"O-oh Ryvo! Happy B-birthday..." Tss. Kailangan bang mautal? Katawa naman 'tong si Hely.
"Salamat naman." Nakangising sabi ni naman ni Ryvo.
"Happy birthday Ryv." Sabi ng Avia saka siya tumayo. Nagkasalubong tuloy ang kilay ko nang tumayo rin si Hely.
"A-ah sige.. s-sayaw muna kami.." Sumulyap pa sa'kin si Hely bago sila dali-daling umalis ni Avia.
Binaling ko nama ang tingin sa Ryvo na'to. Hindi ako nagkamali ng naiisip nang makita siyang nakangisi. Nakatingin din siya sa katawan ko. Mukhang sinusuri kung papasa ba sa standards niya.
Sabi na nga ba! May balak talaga si Hely sa pag-imbita sa'kin.
"Happy birthday." Pagkatapos kong sabihin iyon ay tumayo na'ko at hahakbang na sana nang pigilan niya ako.
"Teka lang... Aalis ka agad? Ang daya naman." Ngumuso pa siya.
Napairap naman ako.
"Welcome." Saka ko hinablot ang kamay ko sa kaniya. Kumuha ako ng isang bote ng whiskey at dire-diretsong nilagok iyon.
Nang maubos ko ay agad ko iyong ipinatong sa table. Sinulyapan ko si Ryvo.
"Wow! Ang lakas ah?" May panunuya sa boses niya. Ngumisi rin ako.
"Oo, kaya nga kinaya ko nang iwan mo'ko roon e." Natigilan naman siya. Naalala siguro ang nangyari noon.
Inirapan ko muna siya bago tuluyang umalis.
Umalis na ako sa bar na 'yon. Mukhang naparami ata ang inom ko.
Hindi pa naman ganoon kahataw ang mundo sa paningin ko. Mataas ang alcoholic tolerance ko kaya hindi pa ako malalasing ng tatlong bote ng whiskey lang.
Paano 'to? Sana pala dinala ko na lang talaga ang kotse e. Mamroroblema pa tuloy ako ngayon.
Mas mabuti ng mapagalitan bukas at least nakauwi ng maayos. Kaysa papagalitan na nga pero hindi pa siguradong makakauwi nga.
Nagpalinga-linga ako sa paligid.
Walang mga taxi, jeep or kahit ano man lang ang medyo dumaraan.
Ah! Grab is the answer!
Kumuha nga ako at sakto dahil may available pa.
Naglakad-lakad muna ako, sa malapit lang naman sa bar na 'yon.
Muntik pa akong matipalo nang may maapakan ako.
"Hahaha..kung minamalas nga naman." Yumuko pa ako para makita kung ano ang natapakan ko.
Medyo madilim sa part na'to kaya kailangan ko pang tingnan ng mabuti ang bagay na'yon.
"Ah! Libro?" Ewan ko kung bakit pinulot ko pa 'yon saka tiningnan ng mabuti.
"Ano ba 'to?" Bumalik ako sa may bar na parte dahil may lights doon kaya makikita ko ng mabuti ang nakasulat sa librong 'yun.
Maliit lang siya. Parang diary nga e. Makaluma ang disenyo. Pinagdaanan na ng maraming panahon kumbaga.
"Bongga! Ano kaya nakasulat?" Dali-dali ko naman tiningnan ang nakasulat na mga letra sa pabalat ng libro o diary o ano man 'to.
Hu---ano ba 'to? Ang dumi ba naman kaya hindi masyado mabasa ang nakasulat.
Pinahid-pahid ko ang dumi na humaharang sa letra para mabasa ko.
Ayan! Much better.
"Hu-hul-hulyana's" Parang kinder tuloy ako kung magbasa. Medyo umiikot kasi ang paningin ko. Malabong lasing na ako nito.
Pinalapit ko ang libro na 'yun sa mukha ko.
"Me-memoir?" Pagpapatuloy ko sa pagbasa ng ikalawang word na nasa baba ng una.
"Hulyana's Memoir?" Natawa pa ako.
Mukhang pagmamay-ari ito ng nagngangalang Hulyana. Diary niya ata ito.
"Psh! Uso pa pala 'to?" Sinuri ko pa ang disenyo ng libro.
Ang pagkakasulat ng title ay cursive at itim ang kulay ng mga salita. Kulay brown ang kulay ng papel ng pabalat. 'Yung parang makapal na brown paper noong unang panahon. Ganoon ang style niya. May hindi pa ako maintindihan na disenyo nito sa likod. Medyo madumi na nga kasi.
"Jusme! May dalagang Pilipina pa pala? Pero bakit naandito 'to banda malapit sa bar?" Tumawa pa ako. Okay, parang baliw na nga ako sa ginagawa.
Itatapon ko na sana dahil wala naman akong pake kung kanino iyan, kasi wala naman akong balak hanapin ang nagmamay-ari. Pero sa curious ko ay hindi ko na lang tinapon.
Chismosa rin ako minsan. Iyon ang umiral ngayon kaya sa halip na itapon ay binuklat ko iyon sa unang pahina.
Napapikit ako nang biglang makaramdam ng pagkahilo.
Pest! Hindi pa naman ako lasing ah?
Napahawak ako sa ulo ko.
Medyo nawala naman na ang sakit kaya dahan-dahan kong minulat ang mata ko.
Binasa ko ang nakasulat sa unang pahina.
June 28, 1875
Minamahal kong bagong kaibigan,
        
              Ito ang aking pinakaunang pagsusulat sa iyo. Ako nga pala si Hulyana, ang magiging tagapag-alaga mo na ngayon. Nais ko lang na may mapagkwentuhan ng aking buhay kaya ikaw ang aking napagkatiwalaang pahayagan nito. Kabibili lamang sa'yo ng ina ko kanina bilang handog sa'kin. Labis ang galak ko kaya agad kitang sinulatan. Sa ngayon ay wala pa naman akong ibabalita.
                               Iyong tagapag-alaga,
                                        Hulyana
Bigla na lang akong nahilo at parang mawawalan ng balanse. Hindi ko alam kung bakit. Kanina naman ay parang okay pa ako.
Parang umiikot na rin ang mundo ko. Nanlalabo!
Pumikit ako at dumilat muli baka sakaling mawala lang din naman pero parang mas lumala.
Maya-maya ay nandilim na ang paningin ko. Nabitawan ko na rin ang hawak na diary.