PALINGON lingon sina Tiberius at Aloysius. Dina nila itatangging napapagod na nga sila kakahintay kay Kenia.
Mag-iisang Oras na silang naghihintay. Tiyak na nag-aalala na sina Donovan sa ibaba.
Nakatulog nalang si Aloysius at nagising na pero wala parin si Kenia. "Saan na kaya yun?"
Nauuhaw narin siya pero ang tubig sa Batis ay Gamot lang. Baka mapaano pa sila kapag uminom sila noon.
"Maglalakad lakad lang ako sandali." Ani Aloysius. Tumango nalang siya.
Umalis na nga ito. Siya naman ay nakatingin lang sa Tubig sa Batis. Gustong gusto na niyang uminom roon pero pinipigilan lang niya ang sarili.
Napatayo siya ng makarinig ng Sigaw. Sigaw ni Aloysius. Agad siyang tumakbo patungo dito. Nakahiga ito sa Damuhan habang isang Ahas naman ang nakatayo malapit dito.
Agad niyang tinalon ang Ahas saka sinaksak. Hindi niya ito tinigilan hangga't dina gumagalaw ang buntot nito. Nang tingnan niya si Aloysius ay may kagat ito. Namumutla nadin ito.
Agad niyang naisip ang Mansanas.
Tinulungan niyang makatayo si Aloysius pabalik sa Batis. Siya namang pagdating ni Kenia at dinaluhan sila.
"Anong nangyari sa kanya?"
"Nakagat siya ng Ahas."
Napabuntong hininga naman ito. "Mabuti at nakabalik agad ako. Namimiktima talaga sila kapag wala ako... Kaya madaming diwata ang namatay." Lumipad ito patungo sa Puno atsaka kumuha ng isa.
Inabot nito sa kanya iyon kaya agad niyang pinabuka ang bibig ni Aloysius na ginawa naman nito.
Bumalik na ang kulay nito pero nawalan naman ng malay.
"Pasensya na kayo sa tagal ko sa pagbalik..." Ani Kenia, kapagkuwan.
Ngumiti nalang siya. Wala naman na siyang magagawa doon. "Nagpunta ako rito para hingin ang tulong mo. Ang Palasyo-"
"Alam kona iyan ngayon. Kaya di agad ako nakabalik ay dahil sa mga Uwak. Muntik ng mamatay si Maria, mabuti nalang at nakarating ako kaagad. Nagpunta lang ako dito para kumuha ng mahiwagang Tubig. Pupunta nadin ako sa Palasyo niyo. Nalaman ko ang nangyari sa iyong Ama."
"Maraming salamat. Kailangan na kailangan talaga namin ang tulong mo. Si Avadis, diko alam kung-"
"Patay na siya. Nakita moba si Mariposa kanina?" Tumango naman siya. "Nagpakita lang siya sa inyo kasi susunduin na niya ang katawan ni Avadis."
Napayuko siya. Napakabuti ni Avadis sa kanila.
"Umalis na tayo, kapag napaaga tayo'y mas marami tayong maliligtas."
Napatango siya saka itinayo si Aloysius. "Okay lang ba siya?"
"Oo. Pero diko matitiyak kung kailan siya magigising. Depende rin kasi iyon sa Katawan ng kakagat kung tatanggapin ba niya ang Gamot."
Napailing nalang siya. Dapat tanggapin iyon ni Aloysius. Hindi na niya gustong isipin na may mawawala na naman.
"Humawak ka sa Tubig sa Batis. Ang mga Tubig ay dadaloy sa iyo at sino mang hawakan mo'y gagaling sa Sugat na natamo."
Napatango naman siya at sinunod iyon.
Gumawa si Kenia ng isang Malaki at lumulutang na Kumot. "Dito na tayo sumakay. Makakakuha tayo ng pahinga."
Tumango siya. Ginawa ni Kenia na maliit si Aloysius at inilagay sa Bulsa niya. Nahiling nalang niya na di maipit si Aloysius doon.
Sumakay na nga sila sa Kumot at nagsimula na iyong lumipad. Gumawa ng Mahika si Kenia.
"Para saan yan?" Tanong niya.
"Para di nila tayo makita. Oras na makita nila tayo'y mabubulilyaso ang Balak natin."
Napatango naman siya. Hinimas ni Kenia ang Kumot atsaka tumingin na sa daraanan. Napatitig naman siya sa magandang mukha nito.
SINULYAPAN ni Josue si Donovan. Nasa labas ito ng Kuweba habang nakatingin lang sa kawalan.
Si Perrin ay ginagamot pa ng mga Lambana.
"Bakit antagal nila Tiberius?"
Tumabi siya rito. "Baka natagalan silang hanapin si Kenia."
"Ganun ba kahirap hanapin iyon?"
Umiling naman siya. "Nakakapagod sa Pakpak pero madali lang naman. Iyon ngalang, may Bugtong na dapat sagutin. Pagkatapos, kailangang iwasan ang mga Ahas doon."
"Di naman siguro sila nakagat ng Ahas noh?"
"Sana nga. Kasi ramdam kong naguguluhan nadin ang Mahal na Hari sa anong dapat gawin."
"Andito lang pala kayo." Anang Lambanang si Dakota. Nginitian niya ito.
"Nagpapahangin lang."
"Napakarami ng Bantay na Uwak." Anito. Tumingin naman siya sa kalangitan. Oo nga, napakarami ng nagroronda.
Ngunit saan ang mga iyon galing?
"Nangangamba ako sa Dami nila."
Tumango siya. "Ako rin. Saan galing ang mga Uwak na iyan? Bakit tila mas rumarami pa sila?"
"Hindi natin alam." Ani Donovan. "At dina natin pa pag-aaksayahan ng pagkakataong alamin pa."
"Tama si Donovan, Josue. Isipin man natin, wala din naman tayong magagawa para mapigilan iyon. Hilingin nalang natin na sana'y naging maayos ang lakad ni Tiberius. Sana'y walang masamang nangyari."
DAPIT hapon na ng makarating sina Tiberius sa Lupa. Kung saan nakatayo ang naging Batong Kabayong may Pakpak.
Nilapitan nila ito ni Kenia.
"Dito nagpunta si Teslyn..."
Napatango siya. "Nabanggit na sakin ni Aloysius. Siya ang nagpapunta kay Teslyn. Hindi naman niya akalaing ganoon ang mangyayari kaya dikona siya sinisisi."
Ngumiti naman ito. "Napakabait mo, Tiberius."
"Ikaw rin naman."
Tumawa ito. Pero saglit lang ng makita nito ang kalangitan ay tumahimik ito. "Hindi maaari."
"Bakit?" Napasunod siya ng tingin sa Langit. Madilim na nga.
"Dumating na ang Bilog na Buwan. Magbubukas ang Lagusan."
"Anong-"
"Mauna kana, gagawin ko ang makakaya ko para di makalabas dito ang mga Mangkukulam. Baka mangambala sila sa mga tao."
Napatango siya. "Tutulungan kita."
"Hindi. Kailangan mo ng bumalik doon sa Kuweba. Tila may papunta doon."
"Paano mo nalaman?"
"Diko din alam. Pero tila iyon ang sinasabi ng isip ko. Bumalik kana doon. Ako na ang bahala."
Tumango naman siya saka Lumipad na. Hindi nadin niya nilingon pa si Kenia. Katulad nito, ramdam niyang may panganib na paparating sa Kuweba.
At tama nga siya, pagdating niya'y nakikipaglaban na sina Josue at Donovan sa mga Taong Uwak.
Agad siyang lumapit at kumuha ng Patpat. Kahit papaano ay marunong di siya sa paggamit nun para makipaglaban. Minsan ay nagsasanay sila ni Josue.
Sinalubong siya ng isa, Tinusok naman niya ang Mata nito saka sinabayan ng malkas na pagaspas ng Pakpak niya. Nilipad ito.
Iyong isa naman ang sumugod. Agad siyang yumuko at pinuntirya ang Paa nito pero mabilis naman itong nakalundag. Itinaas niya ang Patpat kaya natusok ito.
Di naman iyon nakakamatay pero di niya tintigilan sa paghampas hangga't di nawawalan ng malay.
Agad siyang nilapitan ni Josue ng magsialisan na ang mga Taong Uwak. "Buti nakabalik na kayo. Teka, asaan si Aloysius?"
Inilabas naman niya sa Bulsa si Aloysius. "Nakagat siya ng Ahas pero ginamot nadin siya ni Kenia. Ngayon, umalis na tayo dahil tiyak isusumbong tayo ng mga Uwak na iyon sa Pinuno nila."