KINABUKASAN, agad na silang naghanda ni Aloysius. Ngayon na ang pagpunta nila kay Kenia. Alam naman ni Aloysius kung saan patungo.
"Bakit di natin gamitin ang Baston ni Avadis sa paghahanap kela Teslyn?" Tanong ni Josue.
Tumango siya. "Puwede naman. Pero anong magagawa nun? Dipadin natin sila maililigtas."
Napatango naman ang mga ito. "Aw sige. Basta mag-ingat kayo." Ani Josue.
"Kayo rin." Isinuot na niya ang Kapa saka pinapatong sa balikat niya si Aloysius. Saka siya lumabas at lumipad.
Itinuturo naman ni Aloysius ang daan. Nahirapan sila lalo pa't nagroronda ang mga Uwak. Dapat di sila makita ng mga ito.
Minsan nagpapahinga sila sa Puno kapag napagod pero babalik rin agad sa paglipad. Hindi sila dapat magsayang ng Oras.
Huminto lang sila ng isang Malaking Tarangkahan ang nakaharang sa himpapawid. Tiningnan niya si Aloysius, "Anong ibig sabihin nito?"
"May Bugtong na dapat sagutin bago tuluyang makapasok."
Tumango siya. Ilang saglit pa'y may nakasulat na sa Tarangkahan.
"Bugtong bugtong..." Basa niya, "Ano ang Prutas na binabantayan ng Diwata?"
Nagkatinginan sila ni Aloysius. Diwata? Sinong Diwata? Sa pagkaalala niya'y dilang naman si Kenia ang Diwata.
Pero sa pagkakataong iyon, mukhang si Kenia ang ibig sabihin.
"Mansanas." Ani Aloysius.
"Mansanas." Ulit niya sa malakas na Boses.
Nagliwanag naman ang Tarangkahan at bumukas. Nang makapasok sila'y nagsara rin.
Itinuro ulit ni Aloysius ang daan. "Malapit na tayo sa Batis."
Napatango nalang siya. Mabuti nalang at kasama niya si Aloysius. Hindi niya kasi alam kung ano ang Bunga ng Punong iyon.
Nabanggit lang kasi iyon ni Avadis sa kanya ng minsang itanong niya si Kenia. Pangalawang beses na niya iyong nakita ang Babae kaya tinanong na niya si Avadis.
Nakarating nga sila sa Batis pero ilang beses na nilang tinatawag si Kenia ay di ito sumasagot. Mukhang umalis ito.
"Hindi tayo puwedeng umalis dito hangga't di natin siya nakakausap. Baka mahirap na ang Bugtong sa susunod." Ani Aloysius. Tumango siya. Tama ito.
"Maghiwalay kaya tayo." Aniya. Umiling ito.
"Baka may mga kalaban."
"Ano kaba? Wag ka matakot."
"Hindi ako natatakot. Pero nakakamatay ang kagat ng Ahas."
"Ahas?"
"Oo." Bigla itong lumaki at itinuro ang isang Tabi. "Nakikita mo ang mga Butong iyon?"
Napatango siya.
"Iyan ay buto ng mga Diwatang nakagat ng Ahas. Tanging Mansanas ang makakapagbalik sa lakas. Pero tiyak mahihirapan tayo kapag may kagat na."
Agad siyang tumango at inilibot ang tingin. Baka nga may Ahas doon. Kailangan parin nilang mag-ingat.
"Teka. May Paru paru." Anito.
Sumunod naman siya.
Nilapitan ito ni Aloysius. "Asaan ang Diwatang si Kenia?"
Lumaki naman ang Paru paru at naging Diwata. "Ako si Diwata Mariposa. Ang Diwata ng mga Paru Paru. Tungkol sa iyong tanong, umalis si Kenia at babalik din mamaya."
"Saan siya nagpunta?" Tanong niya. Bakit pa ito ngayon umalis?
"Dinalhan niya ng Gamot ang aking Kapatid na si Maria. Kilala niyo siguro siya, ang aking kapatid na Diwata ng mga Hayop."
Tumango siya. Narinig na nga niya iyon. "Saan kaya kami puwedeng maghintay?"
"Gusto ko mang sabihin sa inyo'y pinagbabawal iyon dito. Isa sa mga Patakaran ang bawal tumulong. Liban nalang kung kinakailangan talaga." Anito saka bumalik sa pagiging Paru paru.
Nagkatinginan naman sila ni Aloysius.
SA KUWEBA, nagising na ang Mahal na Haring Taraguz. Agad itong tumayo kahit anong pigil nina Donovan. Nilapitan ni Josue ang huli.
"Donovan, okay kalang?"
Tumango naman ito. "Siguro. Nag-aalala lang ako kela Tiberius. Sana'y magtagumpay sila sa pagharap kay Kenia."
Ngumiti siya. "Kaya niya iyon. Huwag ka ng gaanong mag-alala."
"Tama ka. Magaling nga si Tiberius. Kaya niya iyon." Anito. Nilapitan naman nila ang Haring Taraguz. Abala ito sa paghahanda sa Espada nito.
"Mahal na Hari-"
"Pupunta tayo ngayon para iligtas si Hestia at Teslyn."
"Huwag ho muna tayong magpadalos dalos. Baka mahuli rin ho tayo."
Tumango naman ito.
Nakarinig sila ng Huni ng Ibon. Agad silang nakatunog at lumabas. Si Perrin.
May sugat ito habang inaalalayan ng mga Lambana. Hawak naman ni Perrin ang Korona. Pinaupo nila ito.
"Namumuno na sa Palasyo ang mga Mangkukulam. Nagdiriwang sila sa kanilang bagong Reyna. Si Celestina."
"Sino si Celestina?" Tanong niya.
Tiningnan naman siya ni Perrin. "Diko siya kilala, Josue. Parang di siya Diwata. Ah hindi. Ewan, naguguluhan ako. Ang mukha niya'y di kagaya ng isang Mangkukulam. Para bang isa siyang Tao."
Nagkatinginan sila. "Tao? Tao ang Mangkukulam?"
"Oo na hindi. Diko maipaliwanag. Naguguluhan din ako. Pero isa lang ang masasabi ko. Di siya kagaya natin. Kahit iba siya sa Mangkukulam ay mas malakas siya satin."
Nilingon niya ang Mahal na Hari. Tahimik lang ito habang nakatingin sa hawak na Korona.
"Nagiging Bato ang mga Kawal!" Anang Lambanang si Basil.
"At pati ang mga Ibon!" Segunda naman ng Lambang si Meiko.
"Lahat ng mga kakampi natin." Ani Dakota. Lambana din.
Nagkatinginan sila. Di alam ang sasabihin. Naguguluhan narin kasi sila.
Si Donovan ang bumasag sa katahimikan. "Si Avadis. Anong nangyari sa kanya?"
"Namatay na siya." Anang Lambanang si Lasif.
"Sinalo niya ang Sibat na para kay Perrin." Sabay na ani ni Malania at Sapid.
Tumango naman si Perrin. "Angsabi niya'y mas kailangan niyo ako kesa sa kanya. Mas mabuti raw na mamatay na siya kesa makaharap pa niya ang Kapatid niya."
"Ibig mong sabihin ay ano?"
"Diko alam. Hindi rin niya sinabi sakin."
Napaisip naman sila. Si Avadis ay may isang Kapatid lang. At iyon ay si Levia. Hinarap niya si Perrin. "Kamukha ba ni Levia si Celestina?"
Umiling ito. "Hindi. Pero medyo may kapareha sila-"
"Imposible." Putol ni Donovan. "Imposibleng mangyari iyon. Hindi ba't pinatay na si Levia? Diba iyon ang sabi ni Avadis."
Umiling si Haring Taraguz. "Buhay siya... Buhay si Levia."
Napatingin sila dito lahat. "Ano ho?"
"Hindi kayang saktan ni Avadis ang Kapatid niya. Kaya imbes na patayin. Ipinatapon nalang namin si Levia sa Mundo ng mga Tao. Sa Pag-asang magbabago siya. Ngayon, Ramdam ko'y pumasok siya sa Katawan ng isang Tao. Sa katawan ni Celestina."
"P-paano niyo ho nalaman na siya yun?"
"Ang unang Kapangyarihan na inilabas niya'y inilabas narin ni Levia noon. Kaya nagulat ako't di napaghandaan ang sumunod niyang atake."
Tumango naman sila.
"Tulong!" Isang Palaka ang Dumating. Agad tumayo si Perrin ng makilala ito.
"Ang Palaka ni Prinsesa Teslyn."
"Anong ginagawa mo dito? Okay lang ba siya?" Tanong niya.
Tumango ito. "Sa tingin ko'y oo naman. Pero gusto na niyang makalabas doon."
"Eh ang Reyna Hestia? Nakita moba?"
"Hindi pa. Hahanapin ko siya pagbalik ko."
Napatango sila. "Magpupunta kami roon at ililigtas sila pagbalik nina Tiberius."