Naihatid na ako ni Liandre sa bahay. Magpapaalam na sana siya ngunit naabutan siya ni mama sa labas kaya naman pinapasok niya muna ito at sinabihang kumain na muna bago umalis. Nagmano si Liandre kay mama at tinugunan naman siya nito ng, 'God Bless You' Naks! Nakilala niya pa si Mama! Sana naman hindi siya maki-marites sa amin. Exclusive bonding namin 'yon ng nanay kong maganda. Like me, syempre.
Pumasok na kami sa loob. Naghahanda si mama ng kakainin at ako naman ay nagpaalam muna kay Liandre na magbibihis lang saglit sa taas. Alangan namang uniform pa rin, 'di ba? Puro pawis na 'yon at dumi. Yuck!
Nagsuot ako ng taslan shorts na khaki at spaghetti strap na sando. Bababa na sana ako para kumain nang marinig ko si mama at Liandre.. Nagchichismisan ata. Ayan na nga ba sinasabi ko! Hindi pwede! Ako lang ang ka-chismisan ni Mama araw-araw. Walang makikiapid!
"Iho.. Sana'y iingatan mo ang anak ko, ha? Hindi ko na kakayanin pang mawalan ng anak. Sa nakikita ko naman ay wala kang masamang intensyon sa kaniya. Kaya kahit kailan mo gusto pumunta dito, ayos lang at welcome ka." Saad ni Mama kay Liandre. Ay, nagbibilin lang pala. Okay, okay, okay!
"Opo, tita. Iingatan ko po si Thalia. Ipagpapaalam ko po sana siya sa inyo, kung pwede po ba siya sumama sa akin bukas sa bahay namin.. Gusto niya raw pong makilala ang bunso kong kapatid.. Babae po 'yon at magkakasundo po sila." Tugon naman ni Liandre. Naks! Pinaalam pa ako, oh! Nice one! Bukas na pala agad? Sana magkasundo kami ng sister niya.
"O siya, sige ba! Basta't ihahatid mo si Vian rito, ha? Teka, ayos lang ba sa magulang mo na naroon ang anak ko? Baka makaabala siya sa inyo.." Saad ni Mama habang naglalagay ng mga kutsara at tinidor sa plato at sinaksak kay Liandre. Charot lang! Syempre naghahain siya. Hindi naman siguro kami magkakamay sa gabi, beh? Scheduled ang pagkakamay, sa umaga lang pwede. Eme!
"Wala po ang mga magulang ko roon.. Pero ayos lang po sa kanila 'yon dahil mabait naman po 'tong si Thalia. Salamat po sa pagpayag, tita! Pag mababait talaga, magaganda, eh!" Pambobola ni Liandre kay Mama. Humagalpak ako ng tawa at paguloy na bumaba upang makasabay na kumain sa kanila. Si Mama binobola niya ako hindi? Hindi pwede! Charot.
Kumain na kami at patuloy na nagkukwentuhan si Mama at Liandre. Parang sila pa ang mag best friend.. Nakikitawa na lang ako.. Maging si Mama ay napapatawa ni Liandre.. Hihi enube.. Mamaya hindi na makahinga 'yan! Sasamain talaga 'to si Liandre sa akin kahit pa gwapo siya!
Matapos namin kumain ay nag volunteer sil Liandre na maghugas ng pinggan ngunit hindi siya pinayagan ni Mama. Bisita raw siya at sila dapat ang pinagsisilbihan. Sabi naman ni Liandre, "Tita, ako lang po 'to! Pogi lang po ako pero hindi po ako prinsipe! Hehe." Saad niya kay Mama habang hinahawi ang buhok niya papunta sa likod. Naghalgapakan kami sa kakatawa. Hayy.. Binibigyan ng liwanag ni Liandre ang buhay ko.. Lagi na lang ako masaya basta't nandiyan siya. Nauubos na ka-astigan ko, ah! Leche xia!
Sana paglaki ko, katulad ni Liandre ang mapakasalan ko.. Alam ko namang hindi siya ang pwede kong pakasalan paglaki ko dahil bakla siya.. Hindi 'yon papayag.. Pero 'di ba? Malay mo naman.. Hihi!
Pero totoo, crush ko na talaga si Liandre. Kanina pa hindi tumitigil sa pagtibok 'tong puso ko.. Nakakabaliw! Baliw na baliw ako sa 'yo, bawat silakbo ng puso ko!
Ay pota! Nainlove lang naging aegis na! 'Di ka mag-sing, vebs!
Nagpaalam na si Liandre na uuwi na siya dahil alas otso na ng gabi at baka hinahanap na raw siya sa kanila. Nagbilin naman si Mama na mag-iingat siya at magmessage sa akin kapag nakauwi na.. Nag thank you na rin ako kay Liandre sa paghatid niya sa akin.. Bait pala nito kahit makulit. Nakaka-fall lalo! Ehe!
Pumasok na ako sa loob ng bahay at nakita ko si Mama na ngingiti-ngiti.. Ano kayang pinag-usapan nila ni Liandre habang nasa taas ako kanina? Naririnig ko kasi nagsasalita sila nang tuloy-tuloy, hindi ko naman maintindihan ang mga salita. Magchichismisan na lang, hindi pa lalakasan ang volume! Jusko naman! Ang hirap pahabain ng ears ko, beh!
"Anak, huwag ka muna magboboyfriend, ha? Hintayin mo na lang na may manligaw sa 'yo.. Dapat 'yong kilala ko, ha!" Ngingiti-ngiti pa ring saad ni Mama. Anong nakain nito? Pero ayos lang sa akin.. Hihintayin ko na lang.. At saka, gaya ng sabi ko, bata pa naman ako at ayaw ko muna ng ganiyan. Pero kung si Liandre, why not naman? Charot!
"Ahay! Sana si Liandre 'yon." Pabulong na sabi ni Mama na akala niya'y hindi ko narinig. Hinayaan ko na lang at mukha namang nagbibiro lang si Mama.
Alam mo na, basta maganda, palabiro! 'Di ka kiligin, Mama!
"Vian! Anak gising!" Paggising sa akin ni Mama kasabay ng pagyugyog niya sa aking balikat. Ano ba 'to si Mama! Ang aga aga naman, eh! Pasalamat lang siya at mahal ko siya.
"Mmm.. Ma.. Ano ba 'yon? Alas singko pa lang ng umaga, oh.." Inaantok kong tugon sa kaniya habang nagkukusot ng mga mata. I am tired.. Charot! Inaantok pa ako.
"Nandiyan si Liandre sa baba.. Hindi mo naman sinabi na pupunta pala siya ngayong umaga.. Buti na lang ay naghanda ako ng maayos na almusal. Pero naroroon pa rin naman ang paborito mo, ikaw pa ba!" Sagot sa akin ni mama habang nakaupo siya sa gilid ng aking kama. Teka.. Si Liandre? Nandito? Alas singko ng umaga? Ano namang gagawin niya dito? Masyado pang maaga. Wala naman ba 'tong ginagawa sa bahay nila? Mamaya ay pagalitan siya! Babatukan ko na 'to, eh.
Naghilamos at nagsipilyo agad ako. Mabilis na naman ang pintig ng aking puso at tila hindi na naman mapakali. Nagsuklay na rin ako at naglagay ng pulbos para mukha akong presentable sa harap niya. Kasabay ng mabilis na tibok ng puso ay ang paglamig ng aking mga kamay at paa. Excited akong makita siya.. Yuck ang rupok ko roon, ah.
Bumaba na ako sa hagdan at natatanaw ko rito si Liandre na nakaupo sa sofa habang nanonood ng TV namin na ang palabas ay balita.. Kailan pa ito nahilig sa panonood ng balita? Lakas maka daddy vibes, ah!
"Good Morning, Thalia! Wow, ang cute! Sana ako rin pag gigising ganiyan ka-cute. Woke up like this!" Pang-aasar niya sa akin habang pinagmamasdan ang mukha ko. Inggit ba 'to? Inggit pikit.
"Baliw. Anong ginagawa mo rito? Sobrang aga pa.. Hindi ka ba pagagalitan sa inyo?" Tugon ko sa kaniya. Nambulabog ka pa talaga. Aga aga, eh! Azar beh!
"Hindi 'no. Gusto ko kasi sumama sa 'yo manood ng sunset.. Kaya maaga kitang pinuntahan dito.. At saka, sabay na rin tayo pumasok." Nahihiyang sagot niya sa akin habang kinakamot ang kaniyang batok. Makati ba batok niya? Kinagat siguro ng alagad kong lamok.
"Ah, k." Masungit kong tugon sa kaniya. Ang aga aga naman kasi! Hindi naman ako araw-araw nanonood ng sunset at sunrise. May hang-over pa ata ako mula sa pagkakatulog. Pero aaminin ko naman na masaya ako sa dahilan ng pagpunta niya rito. Gusto pala ako makasama, eh! Sino bang inaantok? Wala, ah! Walang inaantok dito, uy!
"Sungit!" Sagot niya at saka pinisil ang pisngi ko. Masakit! Babatukan ko 'to sa panga. Sabihin n'yo lang 'gawa'.
"Pag lumawlaw 'yang pisngi ko Liandre sasabunutan kita." Pagtataray ko sa kaniya. Pero taray-tarayan lang 'yon, 'no.
"Oh siya siya siya! Umagang-umaga nag-aaway kayo. Kumain na muna kayo rito at nagluto ako, oh.." Pag-awat sa amin ni Mama. Kiniss niya ako sa noo at binigyan ng nanunuksong tingin. Problema nito ni Mareng Vivlan ko?
Kukuha na sana si Liandre ng tuyo nang pitikin ko ang kamay niya. Leche 'to, ah! Crush lang kita, pero pag tuyo ang usapan, tao ka lang! Swerte ng tuyo, pinaglaban ko siya.
"Aray! Ano ba 'yon, Thalia? Kukuha lang naman ako ng tuyo! Mama oh!" Nagsusumbong na saad niya sa Mama ko. Mama?! Mama ko 'yan, beh! Akin 'yan, ha!
"Aba! Anong Mama? Hoy! Mama ko lang 'no! At saka, Liandre, paborito ko kasi itong tuyo.. Lahat ng niluluto ni Mama na tuyo araw-araw ay ako lang ang kumakain! May kasama pang kamatis! Kaya akin na yan. Ayon ang Tinapa, oh! At adobong kangkong, masarap 'yan!" Sagot ko sa kaniya. Ang dami-daming ulam! Pinag-interesan pa ang tuyo ko! Sapakin ko kaya 'to sa bungo?
"Hahahaha! Nakakatuwa kayong panoorin! Anak, bigyan mo na si Liandre nang matikman niya naman ang paborito mo.. Lulutuan kita ng marami niyan bukas.. Tag dalawang balot kayo ni Liandre.." Natatawang saad ni Mama. Lumapit na siya sa lamesa, naupo na rin siya roon at kumain.
"Narinig mo 'yon, Thalia? Bigyan mo na raw ako sabi ni Mama!" Nakakunot noo at tila nang-aaway na sagot ni Liandre. Baka nakakalimutan niyang nasa palasyo ko siya? The nerve!
"Oh! Isa lang, ha?! Akin na 'to. Mama mama pa, ako lang naman ang anak!" Sigaw kong saad sa kaniya. Sinabunutan ko siya at inalog ang ulo niya. Tumawa lang siya. Nakakatawa ba 'yon? Boring nito! 'Di gumaganti, walang thrill!
Tumawa siya at kinuha ang tuyo. Kumain kaming tatlo nila Mama at Liandre habang masayang nagkukuwentuhan. Kinuwento rin ni Liandre kung paano kami nagkakilala at si Mama naman ay tuwang-tuwa at nagpasalamat kay Liandre sa pagtulong na ginawa sa akin.
Natapos kaming kumain at sinabihan ko si Liandre na maiwan ko muna siya sa baba dahil maliligo ako at maghahanda sa pagpasok para hindi na kami babalik dito pagkatapos manood ng sunset. Yes! Kasama ko crush ko manood ng sunset, oh! 'Di ako kikiligin, vebs! Mamamatay lang. Charot!
-<3♡