Ryle's POV
Hindi ko na lang tinanong si Zeni tungkol sa trust issue na sinasabi niya. Pati ba naman kuya ko? Lol, nagpapatawa ba siya? Tahimik lang naming tinahak ng hallway papuntang classroom ko. Nang makarating na kami doon, humarap siya sa akin at seryosong nakatitig siya sa akin.
"Sabay tayo uuwi mamaya."
Aniya, tumango lang ako saka mabilis na tumalikod sa kanya pero natigilan ako ng bigla niya akong hawakan sa kanang braso at pinihit paharap sa kanya.
"Take care."
Nakangiting sabi niya sabay hawak sa magkabilang balikat ko at tumingkayad pa siya upang mahalikan lang ako, matamis ang ngiti niyang tumingala sa akin nang umayos na siya ng tayo at hindi pa rin ako makagalaw sa kinatatayuan ko. Ang init ng pakiramdam ko. Smack lang yun Ryle.
"Para saan yun?"
Bulong ko sa kanya, ramdam ko ang mga tingin ng mga estudyante sa hallway, at classroom namin.
"Good luck kiss."
Aniya sabay tapik sa braso ko at iniwan niya akong nakatanaw sa kanya papalayo.
Gusto kong masuka, pero wag na, ayoko magkalat dito. Bwisit yung babaeng yun ah, pabigla-bigla. Nagalit siya nung pasimple kong hinipo ang dibdib niya tapos ngayon hahalik siya sa akin? Dapat siguro nagalit ako kanina para patas kami, pero masyadong nakakabakla na yun. Saka aminin ko man o Hindi , na turn on ako doon. Damn.
"Oh masarap ba kumiss si Girlfriend?"
Doon na ako nakagalaw ng nagsalita si Ryan sa tabi ko, Hindi ko napansin ang pagdating niya. Ngumiwi naman ako saka umiling.
"Nasusuka nga ako eh."
Ngumisi naman siya saka tiningnan ako ng nakakaloko. At tumango-tango pa siya.
"Kaya pala namumula ka at nakatulala diyan, kasi nasusuka ka. Very very nice dude!"
Sarkastikong bulong niya sa akin kaya siniko ko siya.
"Pasok na nga tayo sa room, saka ka na mag-imagine diyan."
Dagdag niya pa sabay hila sa akin, nagpatianod nalang ako sa kanya. Hindi pa rin mawala ang matamis na ngiti ni Zeni sa akin, pati na rin yung smack niya. Damn! Bakit ko ba iniisip ang amazonang yun?
Pagkatapos ng morning class nag lunch na kami, nagtungo agad kami sa canteen.
"Ako na oorder dude, kanina ka pa wala sa sarili mo eh, bakit kasi hindi mo na lang sinuka?"
Nakangisi niyang bulong sa akin kaya sinamaan ko siya ng tingin at sinenyasan ko siyang lumayas na. Natatawa naman siyang pumila.
Nasaan na kaya ang Zeni na yun? Kumain na kaya siya? Pumasok ba siya? Aish!
"Dude, set B na lang in-order ko, ayos lang ba?"
Tumango lang ako Kay Ryan.
"15 minutes daw."
Aniya sabay upo sa tapat ko.
"Malapit na periodical exam natin, nag-iisip na rin ako ng plano kung saan natin ilalagay ang mga posibleng sagot sa tanong kung bakit hindi ako nasuka kanina."
Sinipa ko agad siya sa tuhod niya.
"Tumahimik ka."
Mariin kong bulong, ngumisi naman siya.
"Okey lover boy."
Sinamaan ko siya ng tingin saka binaling na lang ang atensiyon ko sa iba, baka mapatay ko tong nasa harapan ko.
*BLAAAAG*
Biglang natumba ang pinto ng canteen na kinatili ng mga babae at kinatayo ng lahat.
Kasunod ng pagkatumba ng pinto ay ang isang lalaking duguan, college student siya base sa sout niyang uniform.
"Sino gumawa niyan?"
"Tulungan natin siya."
Iilan yan sa mga bulungan ng nga estudyante. Akmang lalapit ako sa lalaki na hirap na hirap ng tumayo ng may tumilapon na namang isa pa, kaya napaatras ako , duguan din kagaya niya ang lalaki.
Hinanap ng mga mata ko Ang gumawa nun , at ganun na lang ang panlalaki ng mga mata ko ng makita ko si Zeni na sakal sakal ang isa pang college student. Mas malaki pa to sa kanya pero parang wala lang sa kanya Ang bigat neto.
Lalapit na sana ako para pigilan siya nang may humawak sa balikat ko.
"If I were you, hindi ko gagawin yan."
K-kuya Rath? P-paanong?
"Anong ginagawa mo dito kuya?"
Gulat kong tanong sa kanya.
"Hinatid ko ang girlfriend ko sa department niya, naalala kita kaya dumaan na rin ako dito."
Tumango lang ako saka nilingon ulit si Zeni, kahit may mga sugat pa siya parang hindi man lang siya nahirapang gulpihin ang tatlong lalaki, ganun na ba talaga siya kasanay sa gulo? Parang hindi normal.
"Kuya pipigilan ko siya."
Matigas Kong sabi sabay alis pero may pumigil ulit sa akin.
"Nakuha, naku, Hindi magandang ideya yan Ryle. Wala ngayon sa mood si Boss eh."
Nakangising bulong ni Zeus sa akin.
"Bakit ginagawa niya iyan?"
Takang tanong ko. Nagkibit balikat lang siya.
"Sino ang nag-utos sa inyo?!"
Sigaw ni Zeni sa tatlong lalaking hinang-hina na sa sahig.
"Wala kaming sasabihin."
Nahihirapang sagot ng isa. Kinuha ni Zeni ang tinidor na nakita niya sa sahig. Napasinghap ang mga estudyante at makikita mo ang takot nila kay Zeni at awa nila sa estudyante.
"Wala talaga kayong sasabihin?"
Nanghahamong aniya sabay hawak sa ulo ng isa.
"Sabihin niyo sa akin kung sino ang nag-utos sa inyo na paulanan kami ng mga pesteng Black arrows o babalatan ko kayong tatlo gamit itong tinidor dito mismo sa canteen."
Banta niya sa tatlo.
"Wala talaga kaming alam!"
Sigaw ng isa pa. Ngumisi naman si Zeni.
"Wala talaga?"
Nakangising pang-uulit ni Zeni sabay tayo at lapit sa nagsalita.
"Wala talaga?"
Ulit niya pa, mariin naman siyang umiling at makikita mo sa mga mata niya ang takot at sindak.
Biglang tinaas ni Zeni ang tinidor kaya napapikit ako.
"Wala kang silbi."
Dinig ko pang sabi niya. Please Zeni, wag mong gawin.
"Zeni."
Naimulat ko agad ang aking mga mata ng may tumawag sa kanya mula sa kung saan, hindi pamilyar ang boses na yun.
"Tama na yan."
Isang lalaki? Sino siya? Ngayon ko lang siya nakita. Sa tantiya ko nasa 6'9 ang height niya at malaki ang pangangatawan, halatang tambay sa gym. Maputi siya at mistisuhin. Kulay green ang mga mata niya at parang si Kuya Rath lang ang awra, kalmado palagi. Sino naman siya?
Lumapit siya kay Zeni at kinuha ang tinidor na hawak neto, tinapon niya iyun sa basurahan ang hindi nakatingin pero pumasok iyon. Hinawakan niya si Zeni sa kanang braso at hinawakan din niya ang beywang neto saka tinayo, hindi pa rin makakilos si Zeni, sino ba siya? At kaya niyang pakalmahin Ang amazonang iyan?
"Let's go."
Bulong niya kay Zeni na nagpatangay lang sa kanya. Susunod na sana ako pero pinigilan ako ni Zeus.
"Wag mo na silang sundan."
Seryoso aniya sabay alis.
Sino ba yun? Saan niya dadalhin ang girlfriend ko?