Huminga ako ng malalim at ngumiti kay Theros. Kailangan kong magpa-impress. Siguro nga may magagawa ako para baguhin ang buhay ng iba at ang buhay ko rin.
“Pupunta ba ako sa mansion niyo?”  naibulalas ko na nagpangiti rin kay Theros.
Oh, how I love that genuine smile of yours, Theros.
“I'll pick you up on Saturday then. Thank you so much,  Addi!” he exclaimed. Kulang na lamang ay yakapin niya ako ngunit baka ma-issue pa kami rito sa dami ng nakatingin kaya nakipagkamay na lamang siya sa akin.
Gusto ko pa naman siyang mayakap at ipamukha sa lahat na may namamagitan sa aming dalawa. Nang sa ganoon ay magalit sila sa inggit at katotohanang kusa akong nilapitan ni Theros.
Napaisip ako tungkol kay Nhaian. Ano nga bang gagawin ko sa kanya? Baka batuhin at balewalain niya lang ang kagandahan ko. Ni wala nga iyong kakilig-kilig sa katawan, wala masyadong experience sa labas at sa pakikipaghalubilo at higit sa lahat, walang experience sa pagmamahal.
Wait...what if Nhaian falls in love with me?
Would that be possible?
KINABUKASAN
Halos mahimatay ako sa takot nang tawagan ako ng mommy ni Bella. Halatang nag-aalala ang boses nito at narinig ko pang sumisinghot si tita.
“Saan ba naman ang punta ni Louisse? I told her dad already to stop that arranged marriage but he wasn't listening. Look what happened!” paghihinagpis ni tita sa nawawalang anak. Kahit ako ay wala akong kaide-ideya sa nangyayari sa bestfriend ko.
Bella, ako ang naiipit dito. Minus points na ako sa palagiang pagsisinungaling ko.
Bella texted me yesterday. She's somewhere far from Arcadeo. Ewan ko na lang sa babaitang iyon. Sinabihan ng 'wag ituloy ngunit hindi pa rin nakikinig.
Hindi sa lahat ng bagay, pagtatago o pagtakas ang solusyon sa problema. You need to face it, in order to end it.
“Addi, if she'll call you, tell me. Walang alam sa pagiging independent ang anak kong 'yon. I hope she's fine,” humihikbing paalala ni tita na ikinakagat ko sa aking labi.
Hanggang kailan ba ako magsisinungaling?!
Nagmukmok ako sa kwarto dahil sunod-sunod ang problemang dumating sa tahimik na buhay ko. Una, 'yong injury kong kay tagal kung gumaling. Gusto ko na ulit sumayaw ngunit pinaglilinis pa ako ni tadhana ng bola. Pangalawa, si Nhaian. Natatakot akong mahulog siya sa karisma ko at baka pakasalan niya pa ako sa sobrang obsession. Ngayon naman, si Isabella na pilit akong ginagawang sinungaling para sa kapakanan niya.
Hays, buhay. Ang hirap maging maganda.
Daming bitter at hadlang.
Pambabatok ang inabot ko kay mommy nang datnan niya akong nagmumukmok sa aking kwarto. Nakalimutan kong nag-aaral pa pala ang mga magaganda at pumapasok pa pala sa paaralan. “Papasok na nga, mom! Aray, tama na!” reklamo ko dahil binatukan niya ulit ako.
“Kahapon ka pa tulala, a? Tell me the truth. Are you on dr*gs or brokenhearted ka lang?” Natawa ako sa tinanong ni mommy kaya nakatanggap ulit ako ng pambabatok.
“Really, mom? Sa ganda kong 'to...magiging adik ako? *Kay Theros pwede pa*.”
“You're too immature to enter a relationship. Kakalbuhin ka ng daddy mo 'pag nalaman niyang may boyfriend ka na,” babala ni mommy na ikinangiwi ko.
Natigilan ako sa sinabi ni mommy nang may matanto. Paano kung malaman nilang makikipagdate ako kay Nhaian?
Nalintekan na!
Itutuloy ko pa ba ang date o magpapakalbo na lang kay daddy?!
Shemay, hadlang pa nga!
KINABUKASAN
Napapahikab ako habang binabaybay ang daan papunta sa classroom namin. Hindi ako nakatulog ng maayos sa sobrang pag-iisip. Hindi ko na alam ang gagawin at kung sino nga ba ang susundin. Minsan lang nanghingi ng pabor si Theros sa akin ngunit maaaring ikagalit din 'to ng daddy ko.
Siguro mas mabuting tanggihan ko na lamang 'yong pabor na hinihingi ni Theros. Ayaw kong galitin pa si daddy at dumagdag sa problema niya. Wala rin naman akong paki' sa Nhaian na 'yon. Ni wala nga sigurong balak ang lalaking iyon na humingi ng tulong galing sa katulad ko.
“Hi, Addi. Good morning,” bati ni Theros sa akin na kasunod ko lang pala sa paglalakad. Sumabay siya sa paglalakad at naging usap-usapan ito ng mga estudyanteng nakasaksi.
“H-Hello,” bati ko pabalik na tipid na ngumiti. Ni hindi ako makatingin ng maayos sa kanya. This is so unusual.
“Addi, 'yong usapan natin. Saturday I'll pick you up.” Kumaway siya at tipid din akong nginitian. Tatanggihan ko na sana siya nang tuluyan na siyang makapasok sa kanyang silid.
Shemay, pa'no na 'to?!
“Class reminder lang. May audition daw sa cheering squad. Magdadagdag daw sila ng bagong member at hahanap din daw 'yong coach ng bagong leader dahil sa pag-alis ni Isabella,” anunsiyo ni Gelene.
Nakatayo pa ako sa may pinto nang sabihin niya iyon. Interesadong-interesado ako sa audition ngunit hindi pa ata kakayanin ng paa ko ang mga stunts. “Mukhang interesado ka ata, Addi. Gusto mo? Ay, sayang 'di ka na pala makakasayaw gaya ng dati,” panunukso ng isa sa kaibigan ni Ciara na may blonde na buhok.
“Hindi pa. Tingnan lang natin kung sino ang mapipili ni coach. Magiging leader din ako.”
“It isn't impossible tho', sa panaginip mo.” Nagtawanan silang magkakaibigan dahil sa pagsingit ni Ciara.
Makikita niyo! Makakaabot ako sa audition. Hayst, sana nga gumaling ang paa ko ng mas maaga.