Nasa bahay na ako ni Leonardo habang nakaupo kaharap si Levi na nagrereview about quadratic equation. Nagulat pa nga ako noong una dahil napaka advance niya eh samantalang ako kahit isang formula ay walang alam. Kaninang alas otso pa ako narito at ngayon ay mag-aalauna na.
"Levi spelling nalang aralin mo. Nakakalula ang numbers na yan" reklamo ko kahit hindi naman ako ang nag-aaral. Napasulyap ako kay Leonardo na naghahanda sa pag-alis dahil nagtututor kasi siya every weekend. Bukas ay hindi na rin ako babalik dito dahil uuwi na ang Tita niya na siyang nagbabantay sakanila.
"Dali na. May ipapaspelling ako sayo" saad ko. Tiniklop naman niya ang notebook at bumaling saakin.
"Ok po" kinuha ko ang phone ko para maghanap ng words.
"Ok. No. 1 spell Amiable" he paused for a while before answering.
"A-M-I-A-B-L-E"
"Ang galing mo ah. Ok no. 2 spell Onomatopoeia" humagikhik pa ko dahil medyo complicated ang word na ito.
"O-N-O-M-A-T-O-P-O-E-I-A"
Napanganga ako at napabaling kay Leonardo na nakangisi.
"Anong gatas nito noong bata? Ang talino eh!" Manghang sabi ko kay Leonardo.
"Walang uso gatas saamin. Sadyang matalino lang" nagkibit balikat pa siya pagkatapos. Halatang nang-aasar. Yabang!
"Psh. Ok Levi no. 3 napaka easy lang nito. Spell maganda" tumawa si Levi bago sumagot ng mabilis
"M-A-G-A-N-D-A"
"Levi ang easy lang hindi mo masagot? Nasa harapan mo na ang clue!" Kunot noo niya akong tinignan.
"My answer is correct Ate"
"No. The correct spelling is A-M-A-R-Y-L-I-S-S" ngumiti ako ng malawak pero ang muka ni Levi ay hindi pa rin maipinta at agad tinapik ang balikat ko.
"Ok lang yan Ate. Alam kong gutom lang 'yan. Huwag kang mag-alala, papabili tayo ni Kuya ng pizza" ako naman ngayon ang hindi maipinta ang muka habang si Leonardo ay humagalpak ng tawa.
"Stop with the nonsense. Mag-aral ka na lang ulit diyan Levi. Aalis na' ko"
Napatingin ako kay Leonardo na may dala-dalang mga papel.
"Huwag kayong lalabas. Tsaka kung may kailangan kayo tumawag kayo saakin"
"Ok Daddy" I said ang giggled.
"Hindi ka bagay maging anak ko" aniya
"Ano bang bagay saakin?" Pabalik kong tanong at ngumisi. Inaasar siya.
"Ewan ko sayo" sagot niya at diretsong lumabas ng bahay.
Dahil bored at wala naman akong ginagawa ay kinuha ko ang phone ko at nag open ng instagram. Pinagpasiyahn ko ring istalk si Leonardo pero private ang IG niya kaya finollow ko nalang.
Habang nagsscroll ay nakita ko ang post ni Marc mula kahapon. May sash siyang Mr. Intramurals. Siya ang nanalo? Ang katabi naman niya ay iyong representative ng ABM.
I typed and commented on his photo
@Amaryliss29
Congrats Marc!
Maya-maya pa ay may nag popped up na notification.
@LeonardoValencia accepted your follow request
@LeonardoValencia started following you.
Dali-dali kong kinlick ang profile niya at nagulat ako ng makitang andami niyang followers! Pero kaunti lang ang finofollow niya. Ganun din ang mga pictures niya na tatlo lang.
Hindi naman ako mag heart doon dahil baka akalain niya interested ako sa buhay niya.
Eh ano nga ba ang ginagawa ko sa IG niya?
Inilagay ko nalang sa bulsa ko ang phone at humiga. Malaki rin kasi itong couch nila Leonardo eh.
Hanggang sa di ko namalayan na nakatulog na pala ako at nagising nalang dahil sa naririnig na tawanan. Dahan-dahan kong iminulat ang aking mga mata at nakita si Levi at Leonardo na nakatingin sa phone nila.
Agad akong napabalikwas ng bangon at napatingin sa orasan pero wala naman akong orasan na nakita.
"Anong oras na?" Tanong ko at sabay naman silang napatingin saakin.
"Alas tres na. Kanina ka pa ba natulog diyan?" Tanong ni Leonardo at inilagay sa bulsa niya ang kaniyang cellphone.
"Hindi ko alam. Pagkaalis mo kasi kanina ay humiga lang ako dito"
"May dala akong pizza. Kumain ka."
Dahil nga gutom ako ay kumain ako ng dala niyang pizza. Nakakain na pala sila at tinirhan lang nila ako. Hindi daw nila ako ginising dahil tulog na tulog ako.
Maya-maya ay napagpasiyahan ko ng umuwi dahil hapon na rin naman.
"Bye Ate! Bumalik kayo ulit dito ha" ngumiti aka kay Levi at niyakap siya. Nakakalungkot lang dahil hindi niya magawang lumabas at makipaghalubilo sa mga tao.
Hinatid ako ni Leonardo sa labas ng kanilang bahay at may iniabot na sobre.
Binuksan ko iyon at nakita ang dalawang limang daan.
"1,000 yan. Uuwi na kasi si Tiya bukas kaya hindi mo na kailangan bantayan pa si Levi" aniya.
Kinuha ko ang limang daan at iniabot sakanya.
Tinignan niya ako ng nagtataka.
"Ito nalang 500 pang baon ko dahil hindi pa ako binibigyan ni Venice. Tsaka wala naman akong masyadong ginawa. Nakaupo lang naman ako sa bahay niyo at nagkasala pa ako sa'yo"
Nakatitig lang siya saakin habang nagsasalita kaya ibinalingin ko nalang ang tingin ko sa sobre.
"No, you've done too much. You made Levi happy" napaangat ang tingin ko sakanya dahil sa kaniyang sinabi. A smile appeared on my lips.
I made someone happy.
"Ito nalang kasing 500. Sapat na 'to" kinuha ko ang kamay niya pero tinikom niya iyon para hindi ko mailagay ang 500 sa kamay niya.
"Hays sige na nga" pagsuko ko
"Ililibre nalang kita sa eskwelahan kapag may time ako"
"Busy ka ba sa eskwelahan? Wala ka namang ginagawa" pang-aasar nito.
"Psh. Uwi na nga ako. Bye na" tumalikod na ako pero bigla niya akong pinigilan.
"Hatid na kita"
"Sasakay nalang ako ng tric----"
"Hatid na nga kita. Wait here, I'll get my keys" wala na akong nagawa dahil pumasok na siya sa loob.
Nang makarating sa bahay ay umalis din naman siya agad dahil walang kasama si Levi.
"Nasaan si Amaryliss Hon" napahinto ako sa paglalakad papasok ng bahay ng marinig ang boses ni Daddy. Nag vi-video call sila ni Venice.
"Uhmmm" nag-isip pa ito ng isasagot pero lumapit na ako sakaniya at humarap kay Daddy sa phone.
"Hi Dad" bati ko na ikinagulat ni Venice. Inilayo niya ng kaunti ang muka niya sa camera para hindi siya makita ni Daddy at tinignan ako ng masama.
"Amaryliss! Saan ka galing anak?" Tanong ni Dad.
"Sa bahay po ng kaibigan ko"
"Oh ok. How's school anak? Baka nagboboyfriend ka na ha" sumulyap ako kay Venice bago nagsalita.
"Ok lang po sa school at hindi pa po ako nagboboyfriend"
"No Hon. She and Hugo are friends and I think there will be something in them soon" sabat ni Venice. Napakunot ang noo ko at nakuyom ang aking kamay. Here she is again.
"Sino si Hugo?" Nagtatakang tanong ni Daddy.
"Pamangkin ni Mayor Hon"
Napaangat ng kilay si Daddy at ngumisi.
"Oh! Study first muna anak ha. Kahit anak pa 'yan ng Presidente"
Venice groaned. Hindi ipinapakita ang muka sa camera. She don't deserve Daddy!
"Kaibigan lang po kami at wala akong balak na maging higit pa doon ang pagkakaibigan namin" saad ko ng hindi sigurado.
Friends ba kami ni Hugo?
"I'm here as her guardian Hon and I won't let anyone court our daughter"
I cringed because of what Venice said. Liar!
"Dad aakyat po muna ako sa taas. Maliligo lang po"
Hindi ko kayang marinig ang kaplastikan ni Venice.
"Ok anak" ngumiti ako bago umalis sa sala.
Isang linggo ang nakalipas at mas naging busy sa school dahil binigyan kami ng activity. Kailangan naming gumawa ng movie about certain issues sa society. By section ang paggawa kaya halos kalahati ng kaklase ko ay props lang at tagatulong. Ako naman ay naging isa sa mga cast bilang isa sa mga prostitute. Kasi naman, ang topic naman ay about human trafficking at isa ako sa mga victim.
"Amaryllis sama tayo sa Canteen" napaangat ang tingin ko kay Annie na nasa tabi ko. Katatapos lang kasi naman mag meeting about sa gagawin at napagpasiyahan din namin na sa linggo kami mag shoshooting at doom kami sa bahay nila Annie.
"Sige" tumayo ako at sinamahan siya papuntang canteen. Binilhan niya rin ako at pagkatapos ay sa kabilang daan kami dumaan kung saan nadaanan namin sina Marc at Hugo na nagshoshoot. May ibang scenes siguro sila na sa school ishoshoot.
"Bro you should make a move before anyone can get your girl" ani ni Marc kay Hugo. Iyon pala ang linya niya.
Kami naman ni Annie ay napahinto at nanood nalang. Hindi naman nila kami napapansin dahil focus na focus sila sa kanilang line.
"Tonight bro. I will make sure she'll be mine" ani ni Hugo at ngumisi. Napaka creepy ng boses niya at sobrang layo ng character niya sakaniyang sarili.
Naramdaman ko ang pagkapit saakin ni Annie at ng lingunin ko siya ay nagpipigil siya ng ngiti habang nakatingin kay Hugo. Napaangat ang kilay ko. Crush niya ba si Hugo?
Tumingin nalang ulit ako kay Marc na siya na ang magsasalita pero napatingin siya sa gawi ko. Nagpipigil ako ng tawa dahil halatang ayaw niya akong manood.
"Bro that's - - - - - arghhh! Cut muna" ani ni Marc.
"Pwedeng pa request? Paalisin niyo nga si Amaryliss. Tumatawa eh, natatawa ako" saad ni Marc kaya tinaasan ko siya ng kilay.
Napatingin naman si Hugo sa gawi namin at ngumiti lang.
"Kung magaling ka talagang aktor ay hindi ka madidistract" saad ko sakanya.
"Hindi ko naman sinabing magaling akong aktor ah. Baka nga spy ka ng section mo eh kaya ka nandito"
Napa cross arms ako.
"Iba topic namin no"
"Baka nandito ka para mangopya ng strategy" aniya
"Ang kapal mo! Halika na nga Annie" hinila ko si Annie paalis doon.
Narinig ko pa mahinang tawa ni Marc bago kami nakaalis ng tuluyan.
"Close ba kayo?" Tanong ni Annie ng makaalis kami roon.
"Hindi naman masyado"
"K-kayo ni Hugo? Close kayo?" Nilingon ko siya ng nakangisi.
"Crush mo ba siya?" Agad siyang namula sa tanong ko at nag-iwas ng tingin.
"H-hindi ah"
"Aysus huwag ka ng mahiya"
"Hindi nga"
"Ok sabi mo eh" hindi nalang ako nagsalita dahil baka magalit.
Ng maghapon ay sumabay si Annie saakin palabas ng room habang nakakapit siya sa braso ko. Medyo naiilang ako kasi hindi naman ako sanay na laging may kasama na clingy.
Napadaan kami sa hallway at nakita si Leonardo na nakatayo roon. Halatang may hinihintay.
Ng malapit na kami sa pwesto niya ay
napatingin siya sa gawi namin kaya nginitian ko siya. Hindi siya kumibo pero maya-maya naman ay tumango lang.
"Sino hinihintay mo?" Tanong ko ng nasa tapat na niya kami. Medyo nagtaka naman si Annie kung bakit ko kausap si Leonardo pero hindi naman siya nagtanong.
"Saan kayo?" Tanong niya. Hindi sinasagot ang tanong ko.
"Sa mall kami!" Gulat akong napatingin kay Annie at nginitian niya lang ako. Hindi namin pinag-usapan yun ah.
"Ikaw sino nga hinihintay mo?" Tanong ko pabalik.
"Wala naman"
"Leonardo!" Napatingin ako sa kabilang banda at nakita si Morgana na papalapit. Napataas ako ng kilay.
"Sabi mo wala kang hinihintay?" Tanong ko sakanya.
"Meron. Pero hindi siya" kunot noo ko siyang tinignan.
"Huh? Ang gulo mo"
"Hi Amaryliss!" Napalingon ako ulit kay Morgana na nasa tapat na namin. Nag hi din siya kay Annie at sinuklian naman siya nito ng ngiti.
Naka pony tail si Morgana at hulmang-hulma ang maliit at maganda niya muka.
"Samahan mo naman ako Leonardo, bibili ako ng libro" ilang segundo bago nakasagot si Leonardo. Tumingin muna siya saakin bago sumagot.
"Sige"
"Kayo saan kayo?" Pagbaling ni Morgana saamin.
"Sa mall kami" si Annie na ang sumagot.
"Talaga? Sama nalang kayo saamin tutal sa National Book Store naman ako bibili"
"Okay! Sa National Book Store din naman ako pupunta eh. Kami ni Amaryliss"
Naglalakad lang kami papunta sa mall dahil malapit lang naman ito.
Ng makarating ay dumiretso kami sa bookstore. Sina Morgana at Annie ay namimili habang ako ay nakatingin lang sa mga libro. Ang daming magaganda pero wala naman akong pera.
Kumislap ang mata ko ng makita ang libro ng Little Woman. Kinuka ko iyon at tinitigan.
"Gusto mo?" Agad kong ibinalik ang libro ng tumabi si Leonardo saakin.
"Hindi" pagsisinungaling ko.
"Psh. Liar" tinignan ko siya ng masama. Some of his hair strand was falling on his forehead. Pero mas dumagdag lang iyon sa kagwapuhan niya.
Nagulat ako ng kinuha niya ang libro.
"Hoy huwag mo ng bilhin" inagaw ko sakanya ang libro pero inilayo niya.
"Bibilhin ko to para sa sarili ko. Babasahin ko" napatigil ako at agad namula. Kakahiya!
"Amaryliss pumili ka bibilhan kita" napatingin ako kay Annie pero umiling lang ako.
"Huwag na. May libro pa ako sa amin na hindi ko pa tapos nabasa."
"Ah okay."
"Leonardo come here! Ok ba to?" Tinawag ni Morgana si Leonardo at pinakita ang napili niyang libro. Nakangiti lang si Morgana habang sobrang lapit kay Leonardo na seryosong nakatingin sa libro.
Agad akong napaiwas ng tingin ng maramdamang nasobrahan ako sa pagtitig sa kanilang dalawa.
Maya-maya pa ay binayaran na nila ang napili nila pati si Leonardo. Ako lang ata ang walang bitbit palabas eh.
Si Morgana naman ay agad ding nagpaalam dahil nandiyan na ang driver niya kaya kami nalang tatlo ang magkasama.
"Wait lang. May tumatawag" pagpapalaam ni Annie ng tumunog ang kaniyang phone.
"Maganda ba to?" Biglang tanong ni Leonardo tungkol sa libro.
"Oo maganda yan" sagot ko ng hindi nakatingin sakanya.
"Sa'yo nalang" napaangat ako ng tingin sakanya at hindi kaagad nakasagot.
"Sa'yo nalang" pag-ulit niya at iniabot saakin ang libro.
"Huwag na. Basahin mo na - - - -"
Hindi ko na natapos ang sasabihin ko ng hinila niya ako at binuksan ang aking bag. Nilagay niya ang libro sa loob at sinara iyon pabalik.
Hindi ko alam pero napangiti ako.
"Guys pinapauwi na ako ni Dad. Sabay ka saakin Amaryliss?" Aya ni Annie ng tapos na siyang sumagot sa tawag.  Agad  akong umiling sa offer niya. Sasakay nalang ako ng tricycle.
"O sige. Bye Leonardo! Bye Amaryliss!"
Nang magpaalam ay binalingan ko si Leonardo.
"Uuwi na rin ako"
"May nakakalimutan ka ata"
"Ano naman?"
"Libre mo" mas lalo akong nagtaka
"Anong libre?"
"Sabi mo kung hindi ka na busy ay illibre moko" napaawang ang labi ko ng marealize ang sinabi niya.
"Oh! S-sige saan mo gusto?"
"Street foods nalang. Gusto kong kumain ng tempura"
Halos pagtinginan kami ng iilang estudyante habang naglalakad. Uwian na rin kasi kaya marami-rami na ang naglalakad.
Binibilisan ko nalang ang paglakad para hindi ako masyadong kasabay kay Leonardo.
"Gutom ka ba? Ang bilis mong maglakad" reklamo niya at binilisan rin ang paglakad.
"Huwag kang masyadong sumabay saakin. Baka pagkamalan tayong mag jowa" saad ko. Hindi siya sumagot kaya liningon ko siya na seryosong nakatingin saakin.
"Ok lang naman na iyon ang isipin nila" aniya at ngumisi. Nagtatahip ang puso ko dahil sa sinabi niya.
"May gana ka pa talagang mang-asar" ani ko at naglakad ulit ng mabilis.
Nang makarating ay agad siyang nagpaluto ng tempura habang saakin naman ay fishball. Madami-dami ring estudyante na bumibili kaya nakaramdam ulit kami ng titig mula sakanila. Ang iilan ay junior high at meron ding senior. Buti at wala roon ang mga classmates namin.
"Anong topic niyo sa movie niyo?" Tanong ko kay Leonardo ng maluto ang tempura na pinapaluto niya.
"Bullying" tipid niyang sagot. "Kayo anong topic niyo?"
"Human trafficking"
"That's hard" aniya at kumain ulit.
"Anong role mo?" Tanong ko na naman.
"I'm the bullied one"
"Oh ikaw ang bida?"
"Yeah. Ikaw anong role mo?"
"I'm one of the prostitute" halos mailuwa niya ang kinakain niya kaya bahagya akong napatawa.
"What the--- anong costume niyo diyan?" Tanong niya at hindi na nakatuon ang atensiyon sa tempura kung hindi saakin na.
"Mahabang saya tsaka jacket ang susuotin ko" sarkastiko kong sagot.
"Isa." May pagbabanta sa boses niya kaya napatawa ako ulit.
"Siyempre sexy na damit. Psh"
"Hindi bagay sayo maging prostitute. Bagay sayo maging Lola." Pinaningkitan ko siya ng mata pero hindi niya iyon pinansin.
"Ikaw hindi bagay sa'yo ang maging bida. Bagay sa'yo maging bully" asik ko. Hindi niya ako sinagot bagkos ay inubos na niya ang kinakain niya.
"Busy ka ba next week?" Bigla niyang tanong na ipinagtaka ko.
"Ha? S-siguro kasi mag sh-shoot kami"
"Message me kung hindi ka busy. Ako naman manlilibre sa'yo" nakatitig lang ako sakanya habang inaabsorb ang sinabi niya. Kaibigan na ba kami?
"Are we friends na?" Tanong ko. Ilang segundo bago siya nagsalita.
"No we're not" napayuko ako sa sagot niya. Sino nga ba ang gustong maging kaibigan ako diba?
"Cause we're going to be more than that"
                     ;-) ✏ ✏ ✏