Lumaki sa Probinsya ng Batangas si Beatrice kasama ang kanyang magulang. Ang kanyang nanay ay isang mananahi habang ang tatay niya naman ay isang magsasaka. Siya ay mayroong nagiisang kapatid na babae na si Carla. Lumaking responsable si Beatrice na tumutulong sa kanyang mga magulang sa pamamagitan ng pagtitinda sa palengke. Tinagurian syang Prinsesa ng Palengke dahil sa taglay nitong ganda. Maputi at makinis ang kanyang balat, matangos ang ilong , mapupula ang labi na para bang palaging nakalipstick at mamula mula ang pisngi. Hindi nga siya mapapagkamalan na anak ng magsasaka kung siya ay magdadamit ng maganda. Subalit kahit ganon ay napakabait na dalaga ni Beatrice.
" O nak , mabilis na naubos ang mga isda mo ah. , " Masayang sabi ng nanay niya.
" Opo nay. Pinakyaw po ng mga suki natin kaya hindi ako nahirapan na ibenta ang mga isda.
" Naku , sa ganda at bait ga naman ng Prinsesa ng Palengke ay tiyak na kagigiliwan talaga yan lahat ng mamimili diga? ," ani ng tatay niya na may pagmamalaki sa kanya.
" Ikaw talaga Tay , Kaya ako'y sayo e . Palagi mo ga na lang akong binobola , " sabay yakap nito sa Tatay.
" Hindi yun bola , Anak . Pawang katotohanan lamang lahat ng aking tinuran . O siya na , tayo'y umuwi na ga at nakahain na ang masasarap na gulay na aking inani na may masarap na tinapa ," yaya ng tatay nito.
Masayang kumain ng hapunan ang mag anak. Bagamat simple lang ang kanilang pamumuhay ay napakasaya naman nila . Kinagawian na din nila na bago matulog ay magkukuwentuhan muna silang mag anak ng nangyari sa maghapon nila. Subalit nagulat na lamang sila ng may biglang kumatok sa pinto.
Binuksan ito ni Beatrice.
" Bestie ! may ibabalita ako sayo, " ani ng matalik nyang kaibigan na akala mo ay hangos na hangos kakatakbo makarating lamang sa kanilang tahanan.
" Ano ga yun ? at gabing gabi napasugod ka pa Bestie ," Tanong nito sa matalik na kaibigan.
" May kontes na gaganapin sa barangay na " Search for Prinsesa ng Palengke " gusto mo ga sumali ? Balita ko malaki ang papremyo don , Bestie , " Kuwento ni Donna na matalik niyang kaibigan.
" Gusto ko sana Bestie , kaso ano ga ang alam ko sa pageant na yan? saka saan naman ako kukuha ng gown ,diga ? , " malungkot na sagot ni Beatrice.
" Kaya nga andito ako ! Ako at ang mga bakla nating kaibigan ang bahala sayo Bestie. O anu susunduin na lang kita bukas para makapagrehistro ka? , " alok ni Donna.
Tinuring na nitong sagot ang tango ni Beatrice. Sinuportahan naman siya ng magulang sa kanyang pagsali at binigyan siya ng lakas ng loob para ituloy ang pagsali. Kinaumagahan ay agad siyang sinundo ni Donna para makapagrehistro.
" Naku tiyak na mananalo ka na diyan , Bestie ! Ikaw pa naman ang Prinsesa ng Palengke para sa amin , " pagtitiyak ni Donna.
" Excuse me , Eunice is here ! Yes you have the face , But do you have the poise ? ," sabay tawa nito na may halong pang aasar
" Naku , pigilan mo ga ako Bestie manghihiram ito ng mukha sa aso bago pa man ang pageant ," gigil na wika ni Donna.
" Hayaan mo na ga siya Bestie. Makakaasa ka sa akin na hindi kita ipapahiya sa araw ng kontes , " pang aalo nito sa matalik na kaibigan .
Natapos na ang pagrerehistro nila para sa pageant. Agad agad din siyang tinuruan ng mga kaibigan nilang bakla kung paano ang wastong paglakad. Dumating na ang kompetisyon mas lalong nagmukhang Prinsesa si Beatrice. Naka pula itong gown na mas lalong naglabas ng kaputian niya . Nakuha niya lahat ng tinuro sa kanya .
"At ang ating Prinsesa ng Palengke ay walang iba kundi si Binibining Beatrice Salazar !, " ani ng tagapagsalita.
Nagmamadaling umakyat sa entablado ang kanyang mga magulang ,pati na din si Donna at ang mga kaibigan nitong bakla . Sila ay nagpakuha ng litrato kasama ang Prinsesa ng Palengke. Niyaya ni Beatrice ang mga ito sa Pansitan ni Aling Pasing para sa simpleng pagdaraos ng pagkapanalo niya . Pagkauwi nila ng bahay ay agad nitong ibinigay ang natirang pera sa kanyang mga magulang .
" Nak , itago mo na ito . Ikaw ang naghirap niyan , ipangbili mo ng pangangailangan mo , " pagtanggi ng ama niya .
"Para sa inyo po yan ni Nanay , wala naman po ga akong kailangang bilhin para sa sarili ko. Makakatulong po yan sa pang araw araw nating gastusin sa bahay , " nakangiting sabi ni Beatrice.
" Maraming Salamat Anak , napakaswerte talaga namin sayo. , " ani ng ama niya.
" Mas maswerte ga naman ako sa inyo, " paglalambing na sagot ni Beatrice.
Kinabukasan , naghanda ang kanyang Nanay ng lahat ng paboritong almusal ni Beatrice. Mayroong mainit na sinangag , itlog , tawilis na may sawsawang kamatis at bagoong , hinog na mangga at mainit na kape. Kaya pagkagising ni Beatrice ay agad niyang naamoy ang masarap na almusal.
" Kaya ako'y sa inyo , Nanay at Tatay. Sino ga naman ang maghahanap pa ng ibang magulang kung ganito palagi kasarap ang almusal ," ani ni Beatrice na takam na takam sa nakikita.
" Naku ikaw talaga. Kaya mahal na mahal ka namin , " sagot ng kanyang Nanay.
Natapos ng masaya at busog na busog ang almusal ng maganak. Pagkatapos ng kanilang almusal ay agad agad na silang pumunta sa kanya kanya nilang trabaho .Nang makarating si Beatrice sa Palengke ay binati siya ng mga tao dahil sa kanyang pagkapanalo sa kontes. Mas lalo niyang nadala ang titulo na pagiging Prinsesa ng Palengke. Subalit may isang hindi masaya sa kanyang tagumpay.
" So are you happy now ?, " sarkastik na tanong ng Engliserang si Eunice .
" Eunice , hindi ko naman ginawa yun para sumikat sa palengke. Gusto ko lang ga na makatulong sa aking mga magulang , " paliwanag ni Beatrice.
" Really ? O eto ang mga isda , saluhin mo bilang ikaw ang Prinsesa ng Palengke , di ga ? " inis na sagot ni Eunice.
Binato ni Eunice ang ilang isda ni Beatrice sa mukha niya. Nang aakma siyang babato ulit ay agad nitong hinawakan ang kamay.
" Sige Eunice , isa pang bato sa mga paninda ko ay isasampal ko na sa pagmumukha mo ang tilapiang ito . Hindi mo ga naman gugustuhin na mapalitan ang makapal mong makeup ng kaliskis ng isda , diga ? Matapang na sambit ni Beatrice.
Inis na umalis si Eunice . Pinagpalakpakan ng mga tao sa palengke ang ginawa ni Beatrice. Mas lalo silang nanindigan na ito nga ang nagiisang Prinsesa ng Palengke. Hindi ginusto ni Beatrice ang pagsikat niya sa buong Palengke pero unti niya ng dinala ang titulong ito. Sobra din siyang pinagmamalaki ng kanyang magulang dahil sa kabila ng kasikatan nyang natatamasa ay hindi ito kinakitaan ng kayabangan bagkus ang pinakita lamang nito ay pawang kababaan ng loob sa kanyang mga kababayan. Kung kaya , hindi imposible na madaming nagkakagusto sa kanya. Isa na dito ang kanyang kababata na si Francis na kung tawagin ay Isko. Ito ay isang matikas na binata. Matangkad , kayumanggi ang kulay at matipuno. Siya ay may taglay din na kagwapuhan.
" Kailan mo ga kasi ako papayagang manligaw sayo , magandang binibini ?, " tanong ni Isko sa kanyang kaibigan na may halong pagtawa.
" Naku Isko . Wag mo ga ako tanungin ng mga ganyang bagay alam mo naman na wala pa yan sa isip ko ngayon. Nais ko ga munang makatulong sa aking mga magulang , " sagot ni Beatrice.
" Ito naman , nagpapraktis lang ga ako ng mga linya para sa aking liligawan. Tingin mo ga liligawan kita e parang magkapatid na tayo , " pagbawi ni Isko para hindi siya masyadong mapahiya.
" Buti naman at alam mo ," pagtawa ni Beatrice .
Umuwi na naman na luhaan si Isko . Kahit gusto niya talaga ang kababata ay wala naman itong magawa kundi respetuhin na lang ang kagustuhan ng dalaga. Habang siya ay naglalakad , nadaanan niya ang tiyuhin niya sa inuman. Sila ay umiinom ng kumpare niya ng lambanog. Niyaya ng mga ito si Isko at dahil na din sa pagkabigo na naramdaman niya sa dalaga ay napapayag din siya. Mga ilang ikot ng bote pa lamang ay nahihilo na si Isko. Pero tinuloy tuloy pa din niya ang pag inom nang hindi niya na talaga kaya ay nagpaalam na ito pauwi. Pagewang gewang siyang naglakad sakto naman na inutusan lumabas si Beatrice at ang kanyang kapatid na si Carla. Nakita nila si Isko na lasing na lasing.
“ O , L- lasing ga lamang ako ? T-totoo ka ga P-Prinsesa ng P-palengke ?, " utal utal na tanong ni Isko dahil sa kalasingan.
"Gusto mo ga na masampal para malaman mong totoo ako ?, Kanina lang matino ka ng magkausap tayo ngayon naman lasing na lasing ka , " sagot ni Beatrice.
" Tara Carla , tulungan mo ga akong dalhin itong Kuya Isko mo sa bahay natin , " yaya ni Beatrice sa kapatid.
" Kaya ko ga maglakad. O T-tingnan niyo " pagmamayabang na sagot ni Isko na kinasubsob niya sa buhangin kaya tinayo siya ng magkapatid at dinala sa bahay nila.
Pagdating sa bahay ay agad niyang pinaginit ng tubig si Carla upang mahimasmasan si Isko sa kalasingan niya. Kinausap niya si Isko habang naghihintay sa mainit na tubig .
" Ano ga ang problema mo at naglasing ka ?, " inis na tanong ni Beatrice.
" A-alam mo ga kung b-bakit ? H-hindi ako g-gusto ng b-babaeng m-mahal ko. , " sagot ni Isko na may pagsinok pa .
". Sino ga kasi yun , hindi naman ako mag iingay kapag sinabi mo sa akin , " tanong ni Beatrice na may halo pang pang-aasar.
Sasagot na sana si Isko ng bigla syang nagsuka. Nang matapos itong magsuka ay napahiga na lamang ito sa papag nila Beatrice sa bakuran hanggang sa makatulog ito . Pinunasan na ng dalaga ang mukha nito ng mainit na tubig pababa sa katawan niya para mahimasmasan ito. Sa pag angat niya ng damit ni Isko ay namalas niya ang matikas nitong katawan na kinamula niya.
" O bakit ga namumula ka Ate , " panunukso ng kapatid niya.
" Magtigil ka nga diyan , mabuti pa kumuha ka na lang ga ng damit ni Tatay at nasukahan na ng maoy na ito ang damit niya , " utos niya sa kapatid.
Pikit mata niyang pinalitan ng damit si Isko dahil ayaw na niyang makita pa ng kapatid niya ang pamumula niya. Wala naman siyang nararamdaman para sa binata pero hindi niya naiiwasang mamula dahil sa tikas nito at pagiging matipuno. Kung tutuusin madami naman talagang babae ang pwedeng magkagusto kay Isko dahil guwapo ito , matipuno , mabait at responsable . Pero siya pawang pagkakaibigan lamang ang tanging kaya niyang ibigay sa binata. Hindi din niya maintindihan ang sarili kung bakit hanggang ngayon wala pa din siyang balak pumasok sa isang relasyon, nasa wastong edad naman na siya. Pero pakiramdam niya ay may kulang sa pagkatao niya. Pakiramdam niya ay may kailangan siyang hanapin bukod sa lalaking makakasama niya habambuhay.
Naputol ang kanyang pagmumuni muni ng gulatin sya ng kanyang kapatid.
" Ano ga ate , hindi ka pa ga papasok ? Lumalalim na ang gabi maaga ka pa sa palengke , " Paalala ng kapatid niya .
Kung kaya pumasok na ang dalaga matapos nitong bigyan ng unan at kumot ang binata. Mahimbing na ang tulog ng magulang nila. Kaya hindi nila namalayan ang pagpasok ng magkapatid. Bukas na lamang sila magpapaliwang kung bakit doon nakatulog si Isko , tutal naman ay bukas naman din ang bahay nila para kay Isko. Dahil alam nila kung gaano kabait ang binata.