"Anong ginagawa ng multo rito?"
Si Cali. Nakangiti na naman ito. Isa siyang multo sa horror booth at dahil nga naririndi na siya sa sigaw ng mga estudyante ay umalis muna siya sa horror booth.
"Di ba pari ka ng marriage booth? Ginagawa mo rin dito?" Nasa may likod sila ng gym na dalawa.
"Pinalitan muna ako ni Peter James kahit di kapani-paniwala na pari 'yon." biro pa nito.
Kakatwa ang itsura nilang dalawa. Makapal ang eyeliner ni Magnolia. Putlang-putla ang mukha sa make-up. Gula-gulanit sa baba ang suot niyang puting bestida na may mantsa ng dugo ng baboy. Isa siyang babaeng nagmumulto matapos brutal na murder-in. Siya ang pinili ng batch dahil kahit normal siya ay may ibang natatakot sa kanya. Di niya alam kung matatawa o maasar o ano sa mga kaklase niya.
Si Cali ay nakasuot ng sotana at may dala pa itong isang bote na animo'y holy water. Ito ang pinili maging pari ng batch kahit na maraming nagboluntaryo maging pari.
"Sasabuyan mo na ba ako ng holy water at nang matahimik na kaluluwa ko?" biro niya sa hawak nitong bote.
"Di na. Baka mas takot pa ang multo sa hitsura mo eh." Inirapan na lang niya ang hirit nito pero nakangiti.
"Saka na ako babalik roon. Sakit sa tainga ng mga tao kahit di naman totoo."
"Sinong baliw naglagay ng mga lamang-loob ng hayop sa horror booth? Kadiri iyon." Napangiwi ito.
Sinadyang igusot ni Magnolia ang ilong niya. "Kalokohan nila. Pero effective naman. Daming natakot. At nandiri. Masaya lang naman sila na nalikom na pera."
"Sa gabi. May gathering. Kaunting kainan lang. Magpapagabi ka ba?"
"Hindi ko alam." Pag nagtagal siya, paano na lang ang bahay? Ang nanay niya? Siguradong mag-alala na naman ito.
"Gusto mo kumain tayo? Sa labas lang. Streetfood. Nakakagutom pala magbasbas ng mga newly-weds."
Bahagya siyang natawa ngunit di umabot sa mga mata niya. "Sure ka? Na ganito ang suot?" tukoy niya sa mga suot nila.
"Wala namang masama."
"Pari at multo. Ang weird." nasabi na lamang niya.
"Ayaw mo lang ata ako makasama eh." hirit nito na may himig pa na pagtatampo.

"Para kang ewan."

"Oy, andito pala kayong dalawa."
Napalingon silang dalawa sa dumating. Si Jared at si Andrea.
Naglaho ang ngiti ni Magnolia nang makita si Andrea na hindi nagustuhan na magkasama silang dalawa.
Kahit hindi nagsasalita si Andrea, ramdam ni Magnolia na may gusto ito kay Cali. Kaya nga lumalayo siya kay Cali dahil kay Andrea. Ayaw niyang maipit. Makulit lang talaga si Cali dahil lumalapit ito sa kanya.
"Kayo ha, kaya pala nawala kayo bigla sa booths dahil magkasama lang kayong dalawa rito." panunukso ni PJ na may kasama pang pameywang.
"Hinahanap ka sa horror both, Magnolia." sabi ni Andrea, passive ang ekspresyon sa mukha.
"Nagkataon lang na andito rin ako no'ng dumating si Cali." depensa niya kay PJ.
Nagkatinginan silang dalawa ni Cali at Peter James. Tumango lang si Andrea at umalis na saka naman siya sumunod rito.
Maganda ang panahon. Di gaanong mainit at nakasilip lang ang araw sa mga ulap na tumatakip rito sa kalangitan.
Uwian. Sa Molave street na naman ang tungo niya. Hindi niya alam kung bakit parang may hinihintay siya roon kaya mabagal lamang ang paglalakad niya.
Ngunit naisip niya na mas mabuting bilisan na lamang niya. Ang paradox naman ng dating na ang taong mismong iniiwasan niya ay bigla niyang hihintayin roon.
Nasa gilid na siya ng kalsada, naghihintay ng jeep nang makita niyang tumakbo papalapit sa kanya si Cali.
"Intay muna. Usap tayo." hingal na hingal ito at napayuko pa, humagap ng hangin. Nang makabawi ay nagsalita itong muli. "Bakit mo ako iniiwasan?"
Ibinuka niya ang bibig niya pero itinikom ulit iyon.
"Akala mo, hindi ko iyon napapansin?"
"Ayoko ng gulo." nasabi na lamang niya.
"Gulo? Ano namang gulo?" takang tanong nito.
Kulang na lang irapan niya ito.
Manhid ba ito? Sa pagkakaalam niya, may mga lalaki namang mabilis makaramdam kung gusto ito ng babae. Masama ang tingin ni Andrea sa kanya at dahil nga napapansin nito na nasa kanya ang atensiyon ni Cali.
"Kay Andrea. Hindi mo ba nakita? Gusto ka ng tao. Ayokong ako pa ang balakid sa inyong dalawa kahit hindi naman. Ayoko ng gulo."
Natahimik ito. Pinoproseso ang sinasabi niya. Magpapara na sana siya nang pigilan siya nito sa braso.
"Anong kinalaman ni Andrea doon? Kung sino man ang lapitan kong babae. Wala na siya doon. Wala naman kaming relasyon." nakakunot-noo nitong wika.
"Tell me, Lia. May iba pa bang dahilan kung bakit umiiwas ka?"
'Meron. Ayokong mapalapit sa iyo.' nasabi ni Magnolia sa sarili niya ngunit ayaw niyang isatinig iyon kay Cali.
"Wala. Uuwi na ako." sabi na lamang niya at saka nagpara ng jeep.
"Kahit iwasan mo ako, babalik pa rin naman ako. Para lang naman akong boomerang. Pag nilayo mo masyado, mas lalong babalik. Trust me, Lia."
Iyon ang huling kataga nito nang sumakay ng jeep. Kasamang tinangay ng jeep ang hininga niya.
"Kanina ka pa inip na inip ah."
Napaangat ng ulo si Cali sa kaibigan niyang si Peter James. Ngumuso ito sa isang banda ng gym nila. "Ayaw mo bang isayaw si Andrea? Naghihintay siya."
Dumako tuloy ang mga mata ni Cali kay Andrea na nakasuot ng mint dress. Bumaling tuloy ito sa kanya at ngumiti nang matamis. Hindi bulag si Cali at hindi rin siya dense na suspetsa ni Lia. Ayaw lang niyang pansinin kung ano ang damdamin ni Andrea sa kanya.
"Hindi ako interesado."
"Ikaw lang ang mukhang bored sa prom bro. Kahit katakam-takam ang mga pagkain rito. Ayaw mo rin pansinin."
Napapalatak pa si Peter James. "May problema ba?"
Paparating na sa puwesto nila si Jane, ang girlfriend ni Peter James.
"Sinusundo ka na ng girlfriend mo."
"Prom 'to uy. Di lamay. Itsura mo, parang nagluluksa."
May hinahanap kasi si Cali at wala roon ang hinahanap niya. Ayaw ba talaga nito ng prom? Minsan lang mangyari ang ganitong event sa buhay nila. Tapos wala ito. Masyado itong hard sa sarili nito. Ang dami na nitong nami-miss sa buhay.
Uminom lang ng juice roon si Cali. Di rin niya trip ang slow dancing na ginagawa ng mga may date sa prom nila. At kahit bakante si Andrea ay wala siyang balak isayaw ito. Ito ang dahilan kung bakit dumidistansiya si Lia.
Paano kung kausapin na lang kaya niya si Andrea? At diretsahin ito?
Namalayan na lang niyang papalapit na siya sa table nito kasama ang mga kaibigan nitong napansin siya. Kulang na lang itulak ng mga ito si Andrea sa kanya. Nahihiyang hinarap siya ni Andrea.
Doon lang tinablan ng kaba si Cali.
"Hi." panimula niya.
"Hello."
Bahala na nga.
"Puwede kang makausap?" Tiningnan niya ang mga kaibigan nito. "Nang tayo lang?"
(End of Chapter 6)