Halos kalahating oras na yatang nakatayo si Diwata sa tabi ng chocolate fountain. Hindi pa rin bumabalik ang asawa niya.
Saan na kaya ito nagpunta?
"Wala pa rin si Sweetheart baby Hail. Baka iniwan na niya ako dito ah?" aniya sa sarili habang hinihimas ang alagang aso. Ang daming naliligo sa pool at nagkakagulo.
Akala niya ay Masquerade Party lang iyon pala ay pool party din.
Naaasiwa na siya sa suot niyang mask pero hindi niya iyon tinatanggal sa mukha niya.
Maya-maya ay napangiti siya dahil natanaw na niya ang asawa niya na naglalakad palapit sa puwesto niya. Kilalang-kilala na niya ang tindig nito. Saan kaya ito nanggaling at ngayon lang siya naisipang balikan?
Palapit na ito ng palapit sa kaniya ngunit napakunot ang noo niya nang mapansin na tila iba na ang suot nito. Nagpalit ba ito ng damit? Kaya siguro nawala ito ng matagal. Ngumiti siya nang tuluyan na itong makalapit sa kaniya. Bahagyang dumilim ang ilaw sa paligid at kasabay niyon ay ang sigawan sa pool. Tila sinadya ang ganitong klaseng set-up ng ilaw para sa mga nagkakasiyahang bisita. Lasing na ang karamihan dahil maingay na ang mga ito.
"Sweetheart bakit ang tagal mo? Saan ka ba nagpunta?" kaagad siyang umangkla sa braso ng lalaki. Hindi naman ito nagsalita at natigilan ito.
"Ang dami ko ng nakain na strawberries dito. Hehe! Ang sarap, gusto mo?"
Hindi pa rin nagsasalita ang asawa niya at nakatitig lang ito sa kaniya. Kumunot ang noo niya dahil hindi akma sa mga mata niya ang liwanag ngayon ng ilaw na tumatama sa pwesto nila. Sumasakit ang mata niya.
Tumingin siya sa chocolate fountain at nilagyan ang strawberry ng tsokolate saka niya inakmang susubuan ang asawa niya.
"Sweetheart ahh ka na, masarap 'to," aniya kay Lee.
"Tss! Isip-bata talaga."
Hindi niya masyadong narinig ang sinabi ni Lee dahil mahina lang iyon pero alam niyang nagsalita ito. Maingay ang paligid kaya hindi niya ito naintindihan.
"Ano, Sweetheart may sinasabi ka ba?"
Hindi umimik ang asawa niya kaya inilapit na lang niya sa labi nito ang straberry. Napangisi siya nang makitang dumampi sa labi nito ang tsokolateng nakalagay sa strawberry.
"What the fuck?" sambit nito at pagkatapos ay pinahid ng daliri nito ang tsokolateng nasa labi nito. Nakita niyang napilitang tikman iyon ng asawa niya para mawala ang dungis nito sa labi. Napangiti siya.
"Ang sarap 'di ba? Hmm. Siya nga pala. Naiihi na ako, pwede bang hawakan mo muna 'tong si Hail?"
Ibinigay niya kay Lee ang aso at nagmamadaling umalis para mag-cr. Walang imik ang asawa niya kaya nawiwirduhan siya pero winalang-bahala na lang niya iyon. Minsan kasi talaga ay bigla na lang nawawalan ng imik iyon si Lee.
-
Lukot na lukot ang kilay ni Hale habang hawak-hawak ang asong iniwanan sa kaniya ng babaeng wirdo. Nagsisisi na talaga siya kung bakit pa siya lumapit dito. Ano nga ba kasing masamang hangin ang nagtulak sa kaniya para puntahan ito? Napagkamalan pa siyang asawa nito. Hindi siya makapaniwala na may asawa na ang babaeng 'yon. Mukha lang kasing 15 years old ang babae kung umakto palagi. Tss! Sino naman kaya ang malas na lalaking umibig sa babaeng 'yon? He's wondering kung paano lumilipas ang araw ng mga ito bilang magkasintahan.
He sigh when the dog utter a bark.
Shit!
Iskandaloso pati ang asong ito. Manang-mana sa amo.
Napapasong umalis siya sa pwesto niya dahil pinagtitinginan na siya ng mga tao.
Nakasuot pa ng magarang damit ang aso at may malaki pa itong ribbon sa leeg. Seryoso kaya talaga ang babaeng iyon sa pinagagagawa nito sa buhay?
Muling tumahol ang aso kaya inis niyang binulungan ito.
"Wag ka ngang maingay kung ayaw mong pakawalan kita dito at matapak-tapakan ka ng kung sino-sino!" aniya habang inis na naglalakad. Huminto sa pagtahol ang aso at tila ba naintindihan siya nito.
"Marunong ka naman palang umintindi. Mukhang mas madali ka pa kausap kaysa do'n sa baliw mong amo. Baliw nga talaga, sinong sira ulo ang magsasama pa ng aso sa party? Tsk!" muli siyang napailing hanggang sa matanaw siya ni Damon.
Lumapit ito sa kaniya. Wala na ang kasama nitong si Gonzalo.
"Hey! Saan ka ba nanggaling at ano 'yan? Bakit may dala kang aso?" nagtatakang tanong nito sa kaniya. Bumuntong-hininga siya.
"Iniwan sakin nung wirdong babae!"
"H-ha? Sinong babae?"
Tumingin siya sa pinanggalingan niya kanina at naroon na ang babae na palinga-linga. Nakabalik na ito at mukhang hinahanap na siya nito saka ang aso nito.
Inginuso niya kay Damon ang babae.
"Yun oh!"
Tumingin naman si Damon sa babae at napangiti ito.
"Y-yung magandang babae na naka-blue? Sino 'yon? Nobya mo ba 'yon?"
Binatukan niya si Damon. Saan naman kaya nito napulot ang tanong na 'yon?
"What was that for?!" gulat na sambit nito sa kaniya at hinimas ang batok.
"Kung ano-anong sinasabi mo. Hindi ko nga kilala ang babae na 'yun eh. For your information, napagkamalan niya akong asawa niya at inabot niya sakin 'tong lintek na aso," sagot niya.
Natawa si Damon.
"What? Are you fucking serious?!" hindi makapaniwalang tanong nito at nagpapalit-palit ng tingin sa kaniya at sa babae.
"Are you fucking deaf?" sarkastikong balik nya rito ng tanong.
Ngumisi ito ng nakakaloko at sinundot ang tagliran niya.
"Eh 'di gustong-gusto mo? Ang ganda eh! Ang sexy pa!" tudyo nito sa kaniya. Napailing na lang siya. Wala talagang kwenta kausap 'tong si Damon kahit kailan tapos ngayon ay magiging kapitbahay niya pa ito. Diyosmisyo Marimar!
Tiningnan niya ang babae at palinga-linga pa rin ito.
Hindi niya naiwasang pagmasdan ito. Tama naman si Damon. Maganda at sexy ang babae at hindi niya inaasahan na makikita nya ito ngayon sa ganoong klase ng kasuotan. Mukha itong prinsesang naliligaw sa kaharian nito. Pinigilan niya ang matawa sa isiping iyon. Palagi kasi itong nakasuot ng pajama noong nakikita niya ito, now she look so gorgeous and elegant. Simple ang mukha ngunit hindi nakakasawang pagmasdan. Wala na itong suot na mask kaya malaya nila itong napagmasdan ni Damon kahit sa malayuan. Bigla siyang napaisip kung sino ang asawa nito pero pinigilan din nya ang sarili.
Fuck!
Kailan pa siya naging interesado?
"Ibalik mo na 'yang aso. Kung gusto mo ako na lang ang magbabalik? Hinahanap ka na niya oh. Bakit ba kasi hindi ka umangal noong napagkamalan ka niyang asawa niya? Gusto mo rin eh!" muli siyang tinudyo ni Damon kaya matalim niya itong tiningnan.
Humakbang sya pabalik sa babae para ibigay ang aso.
Napailing siya nang makita itong dinudutdot na naman ang chocolate fountain.
Tsk! Kanina pa ito pinagtitinginan ng ibang mga tao.
"Sweetheart!" anito sa kaniya nang makita siya nito. Lumiwanag ang mukha nito. Kanina pa kasi ito hanap ng hanap sa aso.
Walang imik na inabot nya rito ang aso kaya natigilan ito sa pagdutdot ng tsokolate. Nang makuha nito ang aso ay muli itong bumaling sa ginagawang pagdutdot doon. Napabuntong-hininga siya.
Para siyang nanonood ng dalawang taong gulang na batang babae na naglalaro at tuwang-tuwa sa tsokolate. Nagulat siya nang bigla siyang hilahin nito sa braso at sumandig ito sa balikat niya.
"Sweetheart, nauuhaw ako," anito sa kaniya. Nalukot ang kilay niya. Gusto niya sanang sabihin na paanong hindi ito mauuhaw eh kanina pa nito tinitira ang tsokolateng iyon. Problema niya pa ngayon kung paano ito hahanapan ng tubig. Hindi naman siya ang asawa nito.
Magsasalita na sana siya para sabihin ditong hindi siya ang asawa nito pero may isang babae ang biglang dumaan sa gilid nila at nagsalita.
"Girl, tigilan mo na 'yang pagdutdot sa tsokolate. Hindi ka ba nahihiya sa mga tao?" sabi ng babae sa babaeng nakakapit sa braso niya.
Parang biglang sumama ang timpla niya dahil sa narinig. Nakaramdam siya ng inis sa tono ng pananalita ng babae.
"Excuse me? Sino ka ba? Wag mo nga syang pakialaman. Gusto mo pagawan kita ng chocolate fountain na kasing laki ng village na 'to?!" hindi niya napigilang sabi sa babae. Agad itong lumayo sa kanila dahil sa pagsusuplado niya. Huli na para mapagtanto niyang pumatol siya sa isang babae.
Ano bang nangyayari sa kaniya?
Naramdaman niyang napatingin sa kaniya ang babaeng katabi niya at halatang-gulat na gulat ito. Malakas ang boses niya kaya malamang na may napagtanto na ito.
"S-sino ka?" tanong nito sa kaniya at agad na kumalas sa pagkakahawak sa braso niya.
"H-hindi ikaw ang asawa ko?" naguguluhang wika nito. Hindi siya sumagot.
Tumingin ito sa likod niya at may lalaking papalapit sa kanila ngayon.
Nang makalapit ito sa kanila ay humalik ito sa pisngi ng babae. Sigurado siyang ito ang tunay na asawa ng babae dahil humalik ito dito.
Mukhang hindi naman nito nakita na nakakapit sa kaniya ang babae kanina. Hindi sila nagkakalayo ng tindig ng lalaki kaya siguro sya napagkamalan ng babae na asawa nito, pero isang bagay ang nagpabigla sa kaniya nang mapagmasdan niyang mabuti ang mukha ng lalaking bagong dating.
Hindi sya pwedeng magkamali. Ito yung lalaking nakita niya kanina na may kahalikang ibang babae.
Bigla syang natauhan.
Kung gayon ay pinagtataksilan nito ang asawa nito? Ang asawa nitong isip bata at tila walang muwang sa mundo.
Naningkit ang mga mata niya. Sinadya niyang alisin na ang maskara nya upang makilala siya ng babae. Kaya siguro siya napagkamalang asawa nito ay dahil pinagupitan nya ang kulot niyang buhok.
Nagpapalit-palit ng tingin ang babae sa kaniya at sa tunay nitong asawa. Punong-puno ng pagtataka ang mga mata nito.
Umangat ang isang sulok ng labi niya nang magtama ang mga mata nila.
"Ikaw?!" gulat na sabi ng babae.
"Uh, excuse me? What's going on?" singit ng asawa nito. Halatang naguguluhan din ito dahil magkasama sila ng babae. Tumingin siya sa lalaki.
Suddenly nakaramdam sya ng awa para sa babae. Malinaw na niloloko ito ng asawa nito. Those eyes full of innocence. Hindi niya maimagine kung paano nakakaya ng lalaking ito na lokohin ang asawa nito. Parang bigla ay gusto niya itong suntukin.
"Nothing," tipid niyang sabi sa lalaki. Pigil niya ang emosyon ng pagkainis.
"A-akala ko ikaw siya," sabi naman ng babae.
"What? Anong akala mo ako siya?"
"Napagkamalan kita na siya," sabi ng babae sa asawa nito.
Umangat ang sulok ng labi niya.
"Akala ko rin hindi mo siya asawa. I saw him kissing with other girl," sambit niya sa babae. Natigilan ang lalaki at nanlaki ang mga mata nito.
"A-anong sinasabi mo?"
"C'mon. Don't try to play with me. I said what I said. I know it's you,"
Alam niyang naunawaan ng lalaki kung ano ang sinasabi niya dahil totoo namang may kasama itong ibang babae kanina. Malinaw na malinaw iyon sa kaniya.
Tila hindi man lang nagsink-in sa utak ng babae ang sinabi niya sa asawa nito. Wala man lang itong reaksyon.
"Sweetheart, wala kang narinig hindi ba? Wag kang maniwala sa lalaking 'yan. Hindi naman natin siya kilala," anang lalaki sa babae.
Mahina siyang napamura sa sarili at hindi na siya nag-abala pa na makipag-usap ng matagal dito dahil nilukob na talaga ng inis at habag ang buo niyang pagkatao.
Damn!
Bakit parang pinipiga ang puso niya? Naaawa siya sa babae. Halatang isip bata ito at wala pang masyadong muwang sa mundo. Ang gago ng asawa nito. Halatang tini-take-advantage nito ang babae dahil sa pagiging childish nito.
Yeah! It's none of his fucking business anyway, pero hindi niya mapigilan ang panghihinayang na dumadaloy sa isipan niya ngayon kung bakit napunta ito sa lalaking iyon? Hindi nito deserve iyon.