Chapter 06
Writer
Lahat ng nangyayari sa ibang tao ay ipinapakita ng mga writer gamit ang mga salita.Ipinapakita nila sa mga taong hindi aware kung anong nangyayari sa iba dahil hindi naman lahat ng tao ay iintindihin ka.
Naniniwala ako na makaka-survive rin ako sa mundong ito katulad n'ya rin na puro sakit mula sa nakaraan n'ya na araw-araw s'yang binabagabag nito.S'ya ay isang writer na nagsusulat para ipakita kung ano nga ba ang ibig sabihin ng buhay sa mundong ito.
"Ano na?Ano na ang score ni Mandrake sa'yo"chismosong tanong ni Geoffrey at sinamaan ko naman s'ya ng tingin.
Napaka-chismoso talaga ng taong ito,hindi man lang tubuan kahit kaunting hiya sa makapal n'yang mukha.Kaya minsan gusto ko pang hindi s'ya kasama dahil lagi na lang ako ang tinutubuan ng hiya dahil sa kanya.
"Bakit ko naman sa'yo sasabihin?"taas-kilay na tanong ko sa kanya habang nakapameywang pa sa harapan n'ya.
"Ang damot mo naman...sana hindi ka magkaroon ng jowa habang buhay."parang batang sabi n'ya sabay halukipkip habang may binubulong.
Wala naman talagang nangyari sa pagitan namin ni Mandrake pero nililigawan na n'ya ako ngayon at hindi naman ito masyadong halata.Ayaw ko kasing malaman nila Mama ang tungkol sa panliligaw ni Mandrake sa akin,baka kung ano-ano pa ang sabihin nila.Baka sabihin nila na baka maaga akong mabuntis dahil sa kalandian na taglay ko.Ang hirap pa naman magsabi ng totoo sa mga magulang ko dahil natatakot talaga ako baka kung ano-ano na naman ang sasabihin nila sa akin.
Para bang hindi nila naiisip ang pwede kong maramdaman kapag sinabi nila ang bagay na 'yun.Kumbaga,nagsasalita sila pero hindi nila iniisip ang mararamdaman ko.Hindi naman ako pwedeng magreklamo baka sabihan nila ako na walang utang na loob.
"Eh,ikaw?Kamusta ang panliligaw mo sa ex mo?"tanong ko sa kanya habang pinaglalaruan ang ballpen.
"Ayun...laging palpak,lagi na lang akong napapahiya sa harap ng ibang tao."malungkot na sagot n'ya habang kumakain ng banana chips.
May nanliligaw rin sa ex girlfriend n'ya at buti na lang at hindi pa ito sinasagot pero sadyang napapahiya na minsan si Geoffrey sa kanyang mga ginagawa.Kahapon nga ay nakita ko s'yang umiiyak habang hawak ang isang bouquet ng rosas at sirang-sira na ito.Naiintindihan ko naman ang ex girlfriend ni Geoffrey kung saan n'ya napupulot ang galit n'ya pero hindi naman 'yun sapat para ipahiya sa harapan ng ibang tao si Geoffrey.
"Alam mo ba 'yung feeling na pinapahiya ka n'ya sa harapan ng ibang tao para iparamdam sa'yo ang galit na nararamdaman n'ya sa'yo.She's been treating me like I'm the only who did wrong in our relationship but she did a mistake too.She's been folding something that I should know when we're still in our relationship.Hindi lang ako ang may pagkakamali,Callie...may pagkakamali rin s'ya sa relasyon namin,ayaw n'ya lang aminin 'yon."paglabas n'ya ng hinanakit na nararamdaman n'ya sa kaloob-looban n'ya.
Laging nagsasabi ng katotohanan si Geoffrey kahit pa loko-loko s'ya.Kahit pa puro chismis ang sinasabi n'ya sa amin ni Hershey.Kung hindi s'ya lang ay may pagkakamali,paniguradong pinapahiya s'ya dahil nga may pagkakamali rin ang ex girlfriend n'ya.
"Sinabi n'ya sa akin na hindi ako karapat-dapat sa pag-ibig n'ya at kung sino man.Sabi n'ya ay hindi ako karapat-dapat na pagkatiwalaan ng kung sino dahil sisirain ko lamang daw ito.Alam ko naman na naramdaman n'ya na wala na akong pagmamahal sa kanya pero napagod ako that time sa kanya."paliwanag n'ya at kulang na lang ay bumagsak ang mga luha sa kanyang mga mata.
"So,naramdaman n'ya na hindi mo na s'ya mahal?Pero wala naman s'yang karapatan sa sabihin 'yon sa'yo.Kahit sabihin pa n'yang nasaktan mo s'ya,nasaktan ka rin naman,'di ba?Natatakot ka lang na sabihin sa kanya ang totoo tungkol sa mga sakit at pagdurusa na dinadanas mo.Ayaw mong ipakita sa kanya ang tunay na ikaw."tugon ko sa kanya.
Nagulat si Geoffrey tungkol sa sinabi ko dahil nahahalata ko na kung paano n'ya sinasabi ang mga bagay tungkol sa kanya at sa ex girlfriend n'ya na ayaw n'yang ipakilala sa akin.
"Masyado kang madaling basahin,Geoffrey.Sa sobrang tagal na ng pagkakaibigan natin ay alam na alam ko na ang ugali mo at kaya na kitang basahin kahit papaano.Sinasaktan mo ang sarili mo dahil ayaw mong ipaalam sa kanya ang katotohanan.Sinasaktan mo ang sarili mo para patunayan sa sarili mo na kaya mong mabuhay kahit wala s'ya sa tabi mo."
Hindi ko kayang makitang sinasaktan ni Geoffrey ang sarili n'ya dahil lang sa dati n'yang kasintahan pero hindi ko ito maaaring pigilan dahil mahal pa rin n'ya ito.I hope that his ex girlfriend will realize that Geoffrey is worth for something.Geoffrey is worth for anything...sadyang galit ang umiiral sa kanyang ex girlfriend kaya hindi nito napapansin ang ginagawa ni Geoffrey.
"So,gusto mo ba talagang malaman ang tungkol sa ex ni Geoffrey?"tanong ni Mandrake at tumango naman ako bilang sagot.
"Well,kahit naging kaibigan ko pa si Mandrake ay wala akong alam tungkol sa ex girlfriend n'ya.Nakikita ko rin ito minsan na kasama n'ya noon may relasyon pa sila pero kahit isang beses ay hindi n'ya ito pinakilala sa amin."sabi n'ya at napagbuntong-hininga ako.
Kay Mandrake ako nagtatanong ngayon tungkol sa ex girlfriend ni Geoffrey dahil hindi ko makita o mahagilap si Gab Gab sa school.
"Si Gab Gab ba ay may alam tungkol sa ex girlfriend ni Geoffrey?"tanong ko sa kanya at tumango ito.
"Alam n'ya kung ano ang katotohanan.Patago n'yang sinusundan si Geoffrey dati kapag kasama nito ang girlfriend.Ang sabi sa akin ni Gabriel ay kilala n'ya ang girlfriend ni Geoffrey pero hindi n'ya sinabi sa amin ang pangalan ng girlfriend ni Geoffrey."paliwanag n'ya at kumunot naman ang noo ko.
Kung kilala ni Gab Gab ang ex ni Geoffrey...ibig sabihin may chance na kilala ko rin ito.Kailangan ko na talagang makausap si Gab Gab at kung kailangan pilitin ko s'ya ay pipilitin ko talaga s'ya.Kailangan kong malaman kung sino ang ex ni Geoffrey.
"Sa tingin mo ba ay kilala ko ang ex ni Geoffrey kung kakilala ito ni Gab?"tanong ko kay Mandrake since baka nahalata n'ya ang sinabi sa kanya ni Gab.
"Well,baka kilala mo or baka hindi mo kilala at si Gabriel lang ang nakakilala sa kanya."paliwanag na sagot n'ya at napatango naman ako.
"Then how about...?Talk to Gabriel right now wala kaming klase ngayon."suhestiyon n'ya at napatango naman ako dahil maganda ang kanyang suhestiyon.
"Bakit ba ayaw mong sabihin,Gab?"tanong ko sa kanya.
Kanina ko pa s'ya kinukulit na sabihin sa akin at dumayo pa ako dito sa classroom nila na sobrang layo sa classroom namin.Grade 12 na s'ya katulad ni Mandrake kaya kinailangan ko pang dumayo dahil tinataguan pala ako ng mokong.
"Sinasabi ko ang totoo sa'yo,Callie.Hindi ko kilala kung sino ang ex ni Geoffrey.Kahit sa akin ay walang sinabi si Geoffrey tungkol sa ex n'ya."sagot naman n'ya na halata naman na nagsisinungaling s'ya dahil sa paraan pa lang ng pagsasalita n'ya eh.
"Sinungaling ka...sinabi sa akin ni Mandrake na alam mo kung sino ang ex ni Geoffrey."naging tugon ko naman at napatigil s'ya sa pagbabasa ng libro.
"Wala pa rin akong sasabihin sa'yo,Callie.Ayaw kong madamay ka sa kung ano meron sa ex ni Geoffrey at sa kanya."tugon n'ya at iniwan lang ako ng mokong.
Bumuntong-hininga ako habang napailing-iling dahil hindi ko maintindihan kung bakit ayaw n'yang sabihin...teka lang.Hindi kaya ay kilala ko talaga ang ex ni Geoffrey?So...it's means na pwedeng matagal ko ng kilala ang ex ni Geoffrey pero hindi ko alam na ex s'ya ni Geoffrey.
Aalis na sana ako kaso napabaling ang tingin ko sa libro na binabasa ni Gab kanina.Kinuha ko 'yun at doon ko napagtanto na hindi talaga s'ya libro.Mukha lang s'yang libro dahil sa cover nito at makapal ito.Binuksan ko ang libro at may nakasulat as in sulat kamay talaga.Nilipat ko sa ibang pahina at isa itong kwento pero isinulat ito gamit ang kamay.Agad akong lumabas sa classroom nila habang hawak-hawak ko parang libro.
"Ate Carlie,nasaan sila Mama?"tanong ko sa kanya noon makitang s'ya at ang mga kaibigan n'ya ang nandito kasama rin si Mandrake na nakatingin sa akin ngayon.
"Umalis si Mama,pupuntahan daw n'ya ang Ninang mo na kakagaling lang sa ibang bansa.Si Papa naman ay overtime daw sa trabaho n'ya kaya mamaya pa s'ya uuwi."sagot ni Ate Carlie sa akin.
"Gusto mo?"alok n'ya sa akin ng cheesecake pero umiling ako.
"Ang aga mo yata ngayon."takang sabi n'ya.
Lagi kasi akong ginagabi ng uwi at ngayon lang ako nakauwi ng maaga dahil kating-kati na talaga akong basahin ang nakasulat ang libro na iniwan ni Gab sa mesa n'ya kanina.
"Gagawa pa kasi ako ng assignment,kaya wala akong panahon na gumala ngayon.Baka bukas gabihin ulit ako ng uwi."paliwanag ko sa kanya bago umakyat sa hagdan.
"Kapag gusto mo ng kumain,pwede ka ng kumain.Nagluto muna ng hapunan si Mama bago umalis."huling sabi n'ya habang nakadungaw sa hagdan.
Agad akong pumasok sa kwarto ko at sinigurado kong naka-lock ang pinto.Binuksan ko ang ilaw ng kwarto ko dahil sobrang dilim ng kwarto ko.Agad kong kinuha ang libro...isa talaga s'yang mga notebook na pinagtagpi-tagpi lang.Agad akong umupo sa upuan at inilagay sa ibabaw ng study table ang notebook.
Sa unang pahina ay nakasulat ang description tungkol sa kwento.At sa ikalawang pahina ay nakasulat ang prologue...ang simula ng kwento.Hindi ko alam pero parang gusto ko talagang malaman kung anong laman ng kwento ito.
Nakakainggit naman na ang ganda ng sulat n'ya habang ako kinahig ng manok ang sulat ko.Pero napansin ko na may bahid ng dugo ang ibang parte ng kwento.As in dugo talaga s'ya.
"Nagsinungaling s'ya sa akin dahil kaya nagdurusa ako ngayon."pagbabasa ko sa huling nakasulat sa huling pahina na may sulat.
Madumi ang pagkakasulat nito at parang umiiiyak ang ballpen n'ya at may bahid itong dugo.Mukhang kilala ko na kung sino ang ex girlfriend ni Geoffrey dahil naghihinala na talaga ako.At itong kwento at sulat kamay ay ang nagpatunay na totoo ang hinala ko.Bumalik ako sa pahina ng prologue kung saan nakakita ako ng isang pangalan na parang pamilyar.
Nanlaki ang mga mata ko noon may naalala ako tungkol sa ex ni Geoffrey.Agad akong bumalik sa pahina kung saan nakasulat ang prologue...ang simula ng kwento.Agad kong hinanap ang pangalan na kanina ay nakita ko.Parang hindi ako makapaniwala noon makita ko ang pangalan...ang pangalan na hinahanap ko.
Kilala ko kung sino ang writer ng kwento 'to,hindi ko lang basta kilala...kilalang-kilala ko.Pero napaka-imposible naman na s'ya ang ex ni Geoffrey.After all,sabi n'ya ay wala s'yang panahon para magkaroon ng boyfriend dahil mas gusto n'ya munang maging isang sikat na writer at mag-graduate muna bago magkaroon ng boyfriend
Bumalik ako sa reyalidad ng biglang may kumatok sa pinto ko.Agad akong tumayo at binuksan ang pinto.Mukha ni Mandrake ang bumungad sa akin.
"May kailangan ka ba sa akin?"tanong ko sa kanya.
"Nakausap mo na ba si Gabriel?"tanong n'ya habang sinisilip pa n'ya ang loob ng kwarto ko.
"Oo,kanina bago ako umuwi ay nakausap ko na s'ya pero ayaw n'yang sabihin sa akin."sagot ko sa kanya at sinarado ko ng bahagya ang pinto para hindi n'ya makita ang nasa loob ng kwarto ko.
Trust me,mukha lang akong malinis pero dugyot ko pagdating sa kwarto ko lalo na sa mga damit ko.Hindi ako marunong maglinis dahil lagi na lang nagugulo kapag darating ako o kapag buong araw ay nasa kwarto lang ako.
"Kapag kailangan mo ng tulong,nandito lang ako.Nandito lang ako lagi para sa'yo."nakangiting sambit n'ya at nabigla ako noon niyakap n'ya ako.
Napangiti ako at niyakap ko s'ya ng pabalik.Pinapakita ni Mandrake na karapat-dapat talaga s'ya para sa pag-ibig ko pero natatakot pa rin akong umibig dahil sa isang pangyayari sa buhay ko na ayaw ko ng maalala.
"Mukha tayong mga tanga."reklamo ni Hershey habang nakasilip kay Geoffrey na naglalakad at papunta ito sa classroom ng ex girlfriend n'ya.
Napagdesisyunan ko...namin ni Hershey na sundan si Geoffrey para malaman at kating-kati na talaga ako kasi gusto kong malaman kung kilala ko ba talaga ang ex girlfriend ni Geoffrey.
"Hayaan mong magmukha tayong tanga para hindi masyadong halata."tugon ko sa kanya habang dahan-dahan tumakbo.
"Mas masyado tayong halata dahil sa ginagawa natin.Para tayong mga tanga at baliw na detective eh."naging tugon naman n'ya at napaayos ako ng tayo dahil tama nga naman s'ya.
Naglakad kami ng mabagal at medyo malayo kami ni Hershey kay Geoffrey para hindi kami mahalata.Mahirap na kapag nahalata e'di nasira na naman ang plano ko.Minsan na lang nga magplano,masisira pa.
Nagtago kami sa isang pader noon makita namin na may kausap na isang babae si Geoffrey at paniguradong ex girlfriend n'ya 'yun.Nabigla kami noon itinapon ng ex n'ya ang bouquet sa mukha ni Geoffrey.Pero ang mas matindi na naging dahilan para manlaki tuluyan ang mga mata ko ay noon mapagtanto ko na talagang kilala ko kung sino ang ex girlfriend ni Geoffrey.Hindi ako makapaniwala sa nalaman ko at nakita ng mga mata ko.
"Tara na,Geoffrey.Tama na 'yan,p're."awat ni Gab kay Geoffrey na kakadating lang.
Humanda talaga sa aking ang mokong na 'to.Wala pa lang alam,huh.Agad akong lumapit sa pwesto nila at naramdaman ko naman ang pagsunod ni Hershey sa akin.
"Ano ang hindi mo alam,Gab?!"tanong ko sa kanya habang nakangiti at ipinakita ko ang kamao ko.
"Callie...!Sorry na insan,ayaw kasing ipagsabi ng mokong na 'to kaya s'ya ang may kasalanan."paninisi n'ya kay Geoffrey habang nakaturo ito.
"Aba't!Sinisi mo pa si Geoffrey,s'ya na nga 'yung tinapunan ng bouquet tapos s'ya pa ang sisisihin mo?!"inis na tugon ko sa kanya at napabaling ang tingin ko kay Hershey na nakatingin sa malayo ngayon.
"Sino ba kayo?"tanong ng isang lalaking mukhang mayabang,lakad pa lang alam mo na eh.
"Pinsan n'ya ako."sagot ko sabay turo kay Cecilia na hindi maipinta ang reaksyon ngayon.
"Pinsan mo s'ya?"tanong ng isang lalaki na nasa tabi at tumango si Cecilia.
Panigurado s'ya 'yung lalaki na sinasabi ni Geoffrey na nanliligaw kay Cecilia
"No wonder parehas kayong maganda at sexy."nakangising sabi ng mukhang kurimaw habang pinagmamasdan ang katawan ko.
"Bastos!"inis na sabi ko sabay suntok sa mukha n'ya.
Dumugo ang ilong n'ya dahil sa ginawa ko.Ang bastos naman ng mga kaibigan ng manliligaw ni Cecilia,mas gugustuhin ko pang si Geoffrey na lang ang manligaw sa kanya eh.
Susuntukin na sana ako ng isa sa mga kaibigan ng kurimaw pero hindi natuloy kasi pinigilan ni Mandrake ang kamao n'ya.Napa-aray naman ang lalaki at mukhang masakit ang pagkakahawak ni Mandrake sa kamao n'ya.
"Subukan mong saktan si Callie,sisiguraduhin ko na makakita ka ng isang demonyo."walang emosyon ang mukha ni Mandrake habang nagsasalita.
"Sana all."side comment ni Gab at inirapan naman s'ya ni Hershey na nasa tabi n'ya.
"Anong sana all ka d'yan?May atraso ka pa sa akin,mokong ka."naging tugon ko sa kanya at nagpeace sign naman s'ya.
Tinulungan ko naman makatayo si Geoffrey at alam kong umiiyak s'ya habang mahigpit ang kapit sa bouquet na alam kong pinaghirapan n'yang bilhin tapos itatapon lang sa mukha n'ya.
Kinuha ko kay Hershey 'yung notebook na pagmamay-ari ni Cecilia.May gusto akong sabihin sa kanya at kahit pinsan ko pa s'ya ay baka hindi ko s'ya maintindihan kung bakit n'ya ginagawa ang bagay na ito kay Geoffrey na gusto lang naman s'yang mahalin ulit.
Itinapon ko 'yung sa harapan n'ya at kinuha naman n'ya.Nanlaki ang mga mata n'ya ng mapagtanto n'yang sa kanya 'yun.
"Sa'yo 'yan,'di ba?Sana man lang ay makita mo ang mga bagay na hindi mo pa alam.Sana bago ka maghusga ay makita mo muna ang katotohanan.Masyado kang nilamon ng galit at imahinasyon mo kaya may ilang bagay kang hindi napapansin sa paligid mo."seryosong sabi ko sa kanya.
"Dapat lagyan mo nng bandage ang sugat na mayroon ka dahil sa nakaraan mo dahil sa sugat na iyon ay nakakalimutan mo na kung sino ka na nga ba.Maging aware ka sana sa pwedeng mangyari kung puro galit ang papairalin mo."
Isa s'yang writer na puro pagdurusa na lamang ang nangyari sa kanyang buhay.Akala ko ay kilalang-kilala ko na s'ya pero hindi pala.Lahat puro akala na lang dahil isa s'yang writer na pilit itinatago ang isang bagay na ayaw n'yang malaman ng iba