Kokak
Masayang-masaya ako ng makarating sa bahay. Wow! hindi na ako mag ta-trabaho bilang waitress at ang taas pa talaga ng sahod ko. Tama! pupunta na lang ako mamaya sa fast food chain na pinagta-trabahuan ko para mag paalam. Magiging masaya si Inay mamaya pag narinig ang ibabalita ko. Para akong lumulutang sa alapaap. Agad akong pumasok sa kwarto ko ng walang madatnang tao. Tamang tama at mababayaran ko na ang mga bills ngayong buwan. Kinuha ko ang sobre na naglalaman ng pera at binilang iyon. Nanlaki ang mga mata ko ng makitang nasa sampung libo ang bunos ng bagong amo ko sa akin. Salamat naman Lord! sa isip ko. Inyos ko muna ang damit ko at lumabas ako ng bahay. Nagpalinga-linga pa ako at nagbabasakaling makita ko si Inay.
"Hay nako Inay! nag ma-Marites ka na naman sa kapit-bahay natin!" sabi ko sa sarili ko habang naglalakad. Ngunit napa hinto ako ng marinig ang kumpulan sa kabilang kanto kaya naman ay napatakbo ako roon. Oo na alam ko na ang mga iniisip niyo! mana talaga ako sa Inay kong Marites! Nakisilip ako kung sino ang nag aaway. Nanlaki ang mga mata ko ng makita sina Mang Juan at Mang Tomas na inaawat ng ibang kapit-bahay namin at mas dumoble ang laki ng mga mata ko ng makita si Inay Marites na umiiyak. Agad kong hinawi ang mga tao para makaraan ako.
"Inay!" histerekal kong sigaw. Nang makalapit ay agad ko itong hinawakan sa kanyang mukha at tiningnan siya ng mabuti.
"May nangyari ba? nasaktan ba kayo?" sunod-sunod kong tanong dito.
"H-hindi anak," humihikbing sagot nito.
"Ano ba kasing nangyayari rito?!" sigaw kong tanong sa kanila. Matatalim na tiningnan ko sina Mang Juan at Mang Tomas. Umiwas ng tingin si Mang Juan sa akin.
"Ano? mag titigan lang ba tayo? ngayon ko lang nalaman na ang mata ay bibig na!" maanghang kong sabi sa dalawa.
"Ang tatanda niyo na at nag-aaway pa kayo? sana man lang hindi masali ang Inay ko dahil sa mga isip bata kayo!" pag sesermon ko. Yes feel na feel ko munang manermon hahahaha.
"Yang Inay mo nga ang dahilan ng pag-aaway ng dalawa eh!" sigaw ng echoserang kapit-bahay namin. Tumaas kaagad ang kilay ko. Wow ha! ang haba ng hair ni mader! pwede bang pa hila ng buhok at baka liparin na lang bigla sa lakas ng hangin.
"Totoo ba 'yon Inay?" tanong ko kang Inay Marites.
"Oo, pasensya na anak ah!" parang nahihiyang sabi ni Inay Marites.
"Inay, pwede bang gupitin natin ang buhok mo?" seryoso kong tanong dito.
"Ha? maikli naman ang buhok ko ah? bakit mo pa gugupitin?" takang tanong ng Inay ko at napahawak pa talaga sa buhok niya.
"Hindi na Inay! ang haba na ng hair mo eh! baka liparin ng hangin!" sabi ko sabay tawa.
Ayan tuloy dahil sa pang-aasar ko nabatukan pa ako. Hmp!
"Inay naman eh!" reklamo ko. Ikaw kaya batukan ko kung hindi masakit.
"O ngayon! to be continued tayo sa ating diskusyon!" sabi ko ulit.
"Bakit ba kayo nag-away?" tanong ko sa kanilang dalawa at pinaglipat-lipat ang tingin ko sa kanilang dalawa.
"Eh! sa ako ang unang nanligaw kay Marites! at ngayon gusto niyang tumigil ako?" sabi ni Mang Tomas. Aba palaban si Mang Tomas ah.
"Aba! kahit naman ikaw ang naunang nanligaw eh sa akin may gusto si Marites! anong magagawa mo?" sigaw ni Mang Juan. Palaban din si Mang Juan ah. Sino kaya ang magwawagi at 'yan ang aabangan niyo.
"Ops! tigil muna ang debate okay?" pagpapatigil ko sa kanila. Magiging referee muna ako ngayon dahil Inay ko pala ang pinag aagawan ng dalawang 'to.
"Si Mang Tomas, bakit ka pa nag aaksaya ng oras? batid mo namang ika'y wala ng pag-asa? gawin na lang kitang sawsawan sa ulam naming daing! bow!" pagtutula ko pa.
"Aba't batang ito! ginawa mo pa akong sawsawan!" galit na galit na sabi ni Mang Tomas. Napakamot pa tuloy ako sa ulo ko.
"Mang Tomas naman eh! di ka ba nanonood ng telebesyon?" naka nguso kong sabi rito.
"Ikaw naman Mang Juan! dinaig mo pa ang teenager sa pa ninja moves mo! aba naman! hindi ko pa nga alam na kayo na ng Inay ko ay may pa-kiss-kiss na agad kayo! baka gusto niyong maging pulutan sa burol mo?" pag tutula ko na nakatingin kay Mang Juan.
"Kokak!" si Inay na nahintakutan sa sinabi ko.
"Bakit na naman Inay! ang sakit na nga ng pangalan ko, maging tenga ko ay babasagin mo!" maktol ko nang sumigaw ito sa bandang tenga ko.
"Ano na naman ba 'yang lumalabas sa bibig mo!" at ayon nakatikim pa ako ng palo sa braso ko.
"Inay naman eh! hindi ka ba nanonood ng telebesyon! diba parating may advertise na Mang Juan? sarap kaya non pamulutan," nakanguso kong sabi.
"Heh! at bakit may burol?" tanong pa ni Inay. Natawa ako sa reaction niya.
"Ay si Inay! lab na lab si Mang Juan at pinag tatanggol!" kantiyaw ko rito na siyang ikina-pula ng buong mukha nito. Napangisi tuloy si Mang Juan.
"Huwag mo muna akong iburol Kokak at pasasayahin ko pa ang Inay Marites mo!" si Mang Juan na malalagkit ang tingin kay Inay. Habang si Inay naman ay kilig to the max. Hmp! mapapa sana all ka na lang talaga.
"So, ano Mang Tomas! lalaban ka pa ba?" taas kilay kong tanong.
"Ipaglalaban ko si Marites hanggang sa huli!" malakas ang loob na sabi nito.
"Okay! kung gayon ay sumunod kayo sa akin at sa bahay tayo mag tutuos!" sabi ko sa kanila at nagmartsa na ako paalis at syempre hinila ko si Inay. Hindi siya pwedeng maiwan sa dalawang Mang na mga iyon!
Nang makarating sa bahay ay agad kong pina upo ang mga bwisita ni Inay.
"Dapat naka handa na kayo sa gagawin niyong laro para sa Inay ko!" sabi ko sa kanila.
Magkaharap sila sa upuan at nakapagitna ang mesa sa kanila. Si Inay naman ay pinapunta ko sa kusina para mag handa ng meryenda.
Pumasok ako sa loob at agad na kinuha ang laruan kong snake and ladder. Hahahaha tingnan natin kung sino ang mas magaling sa larong ito. Akala siguro ng dalawang 'yon ay mabilis lang ito na laro.
Bitbit ko na ang laruan ko at inilagay sa gitna ng mesa.
"So alam niyo ba ang larong ito?" tanong ko sa dalawa. Tumango naman sila kaya mas lalo akong napangiti.
"Okay! sinong mauunang mag hagis ng dice?" tanong ko.
Hindi sila umimik kaya ako ulit ang nagsalita.
"Sige bato-bato pik na lang tayo! maghanda na kayo!" sabi ko at hinanda na nga nila ang kanilang mga kamay.
"Bato-bato pik!" sabi ko at sabay nilang ipinakita ang kanilang kamay.
"Bato kay Mang Juan at Papel naman ang kay Mang Tomas, so Mang Tomas muna ang maghahagis ng dice," sabi ko. Pulang bato kay Mang Tomas at dilaw naman na bato kay Mang Juan. Nag hagis na si Mang Tomas at isa ang nasa dice. Wow bongga dahil naka akyat na kaagad si Mang Tomas sa number 38. Humagis naman si Mang Juan. Numero tres ang sa kanya kaya nakabusangot ang mukha nito. Naghagis ulit si Mang Tomas at numero sais ang lumabas sa dice. Nang mag hagis si Mang Juan ay uno ang lumabas kaya tuwang-tuwa siya ng maka-akyat siya sa number 14. Humagis ulit si Mang Tomas at numero tres ang sa dice. Tawang tawa si Mang Juan dahil nakain ito ng ahas!
"Matatalo kita Tomas!" malakas ang loob na sabi ni Mang Juan.
"Magaling ako rito Juan! makikita mo," sagot naman ni Mang Tomas.
"May twist ang larong 'yan kaya ingat-ingat," pilya kong sabi sa kanila. Hah! akala nila maiisahan nila ako. Nang maghagis si Mang Tomas ay dalawa ang nasa numero kaya naka-akyat siya papuntang number 84. Malakas na tumawa si Mang Tomas. Halos matawa ako sa mukha ni Mang Juan na parang sinawsaw sa suka.
"Alam mo Mang Juan bagay sayo ang pangalan mo," tawang tawa kong sabi. Kaya matalim niya akong tiningnan.
"Para kang sinawsaw sa suka dahil sa mukha mong hindi maipinta!" sabi ko habang tumatawa. Naglaro ulit sila habang ako ang kanilang referee. Nang maghagis si Mang Tomas ay numero tres ang nasa dice kaya ang nangyari ay nakain siya ng ahas! bumalik siya sa number 24. Humagis na naman si Mang Juan at numero singko ang nasa dice niya at viola naka-akyat ito papuntang number 84 kaya naman tuwang-tuwa ito. Ang huling hagis ni Mang Juan ang nagpapanalo sa kanya nasa number 94 na siya at ang numero sa dice ay sais kaya bongga at nakarating siya sa number 100. Tuwang-tuwa na nagtatalon si Mang Juan. Natawa ako sa reaction niya dahil hindi niya alam ang twist na inilagay ko. Habang ang mukha naman ni Mang Tomas ay pulang-pula, ewan ko kung dahil ito sa galit, inis o hiya.
"Ops! huwag muna kayong magpakasaya Mang Juan dahil gaya ng sinabi ko kanina ay may twist po ang larong ito," pilya kong sabi rito. Bigla naman itong natahimik.
"Inay! handa na po ba ang meryenda nila?" sigaw ko kay Inay.
"Oo anak! nakahanda na!" sigaw nito pabalik.
"Sige Inay! dalhin niyo na po rito!" utos ko sa aking Inay. Agad namang nilagay ni Inay ang mga meryenda nila.
"Kumain po muna kayo bago ko sabihin ang aking twist," sabi ko. Dahil siguro sa gutom ay agad na silang kumain. Aba at naubos pa talaga ang inihanda ni Inay Marites.
Pagkatapos nilang mabusog ay agad ko ng sinabi ang twist ko.
"Okay! dahil busog na kayo ay ibibigay ko na ang twist!" sabi ko.
"Kunin mo Mang Juan ang papel na nasa likod ng number 100 dahil ikaw po ang nanalo," utos ko rito. Kinuha naman agad ni Mang Juan ang papel.
"Okay po, basahin niyo ng malakas!" utos ko rito.
"Huwag na huwag na kayong magpakita kay Inay dahil baka hindi ako makatiis at mapalakol ko kayo ng wala sa oras!" sabi ni Mang Juan at namutla ang dalawa sa nakasulat.
"So, ayon ang twist! layuan niyo si Inay! hala mag si alis na kayo!" sigaw ko sa kanila. At ang dalawa ay parang mga baliw na nakatitig lang sa akin at walang nagawa kundi ang sundin ako. Ang mga mukha ay parang na lugi sa sugalan. Kaya lihim akong natawa.
"Anak! ano naman ang ginawa mo?" sita ni Inay sa akin.
"Hehehe! hayaan mo muna sila Inay! mukha kasing mga bata eh!" sabi ko at agad na niyakap si Inay.
"Huwag kang mag alala Inay, kung mahal ka ni Mang Juan ay hindi 'yon makatiis na hindi ka makita," lambing ko pa.
"Ano pa nga ba ang magagawa ko? at talagang pinaglaro mo pa! ang pilya mo talagang bata ka!" sabi ni Inay Marites.
Natawa na lang ako.
"Siyanga pala Inay, simula ngayon ay hindi na po ako mag ta-trabaho sa fast food chain," sabi ko rito habang kinukuha ang tray na pinaglagyan ng meryenda ng mga manliligaw ni Inay.
"Ha? bakit naman anak?" takang tanong ni Inay.
"Kasi Inay, may inalok na trabaho si Miss Mechie sa akin at alam niyo ba Inay? malaki po ang sahod!" masaya kong sabi rito.
"Wow! talaga anak? magkano ba ang sahod mo roon?" tanong ni Inay. Umupo ako sa may sofa namin at tiningnan si Inay Marites.
"Triple po sa sahod ko bilang isang janitress 'Nay!" bulalas ko. Nanlaki ang mga mata ni Inay.
"Talaga anak? ang laki nga naman ng sahod mo at makakapag pahinga ka pa ng maayos," sabi ni Inay Marites at halatang masaya rin para sa akin.
"Oo 'Nay, at ang gagawin ko lang po ay ang maglinis ng mga kwarto at hindi ng buong mansion!" sabi ko pa.
"Mabuti 'yan anak!" at Niyakap ako ni Inay sa sobrang galak. Mabuti na lang at pinayagan ako ng manager na mag resign na roon. Matagl na rin akong namamasukan doon kaya naman ay mami-miss ko rin ang pagta-trabaho ko roon. Dahil sa kasiyahan ay mabilis lang akong naka tulog at alam kong unti-unti ko nang matutupad ang simple kong pangarap.