GABI na, nakahiga parin siya sa kaniyang kama at nakatingin lang sa kisame. Tiningnan niya ang kaniyang cellphone nang may nagnotification. Bumangon siya sa pagkakahiga at kinuha ang cellphone. Nang makita niya ang notification mabilis siyang lumabas ng kwarto at nagsuot ng jacket. Bago siya umalis tiningnan niya ang living room ngunit wala na sa sofa ang binata. Pumasok na sa kwarto nito. Sinuot niya ang kaniyang cervical mask nang isara ang pinto bago umalis ng condo. Bumaba siya sa parking para may kunin sa kaniyang kotse. Nagtagal siya ng limang minuto sa loob nito sa paghahanap ng kailangan niya. Nang mahanap na niya ang kaniyang kailangan lumabas siya agad ng kotse. Pagkasara ng pinto may nagreflect na imahe sa kotse na nasa likoran niya. Isang babae na naka all black kaya dahil sa gulat mabilis niya itong hinarap. Mga mata lang ang kita dito dahil sa mask at sumbrelong itim. Agad niyang nakilala ang babaeng nasa harap niya.
"Thea? Gabi na nandito ka parin?" nagtataka na siya sa babae.
       Hindi ito nagsalita, humakbang ito papalapit sa kaniya. Hindi na niya maintindihan ang kinikilos nito.
"Si Sir Elvis......sigurado ka bang kilala mo s'ya?" seryosong tanong sa kaniya nito.
"Ano? Anong klaseng tanong yan Thea?.....kung may makakakilala man sa totoong pagkatao n'ya ay ako yun. 15 years na kaming magkaibigan."
"Sigurado ka? Baka naman may inililihim pa s'ya sa'yo.......Si Sir Elvis hin--"
"Teka nga Thea...."pagputol niya dito.
"Ano bang dahilan at nandito ka parin? Hindi ba pinaalis na kita?" nagsalubong na ang kilay niya sa inis.
"Binabatayan mo ba kami? Bakit?......... Ahh siguro.....may gusto ka sa kan'ya noh?..... Nagseselos ka ba? Kaya kung ano-ano nalang ang sinasabi mo?" taas kilay niyang tanong dito.
"Hindi mo ka--"
"Intindihin mo nalang ang trabaho mo..." pagputol niya ulit dito.
"Thea assistant ka lang niya.....ako ang kaibigan niya." may diin niyang sagot dito.
     Agad siyang tumalikod dito at hindi na hinayaang magsalita pa ito. Dari-daritcho lang siya hanggang marating ang elevator na hindi pinapansin ang pagtawag sa kaniya ng babae. Mula sa elevator hanggang sa tapat ng kaniyang condo pinag-iisipan niyang mabuti ang inaasta ng P.A. ni Elvis.
Ang weird talaga ng babaeng yun. Sambit niya sa kaniyang isip. Tinagkal na niya ang cervical mask bago pumasok sa kaniyang condo. Naamoy niya agad ang bango na nanggagaling sa kusina.
"Hi! Dinner is ready." nakangiting sambit ng binata.
        Hindi niya maiwasang tumitig sa mukha nito lalo na kapag ngumingiti, lalong gumwapo ito sa dimples.
"Saan ka galing?" tanong ng binata.
       Agad siyang umiwas ng tingin dito at tiningnan nalang ang pagkaing hawak nito.
"May kinuha lang ako sa kotse.....Bakit ka nagluto? Pwede naman tayong magpa deliver." sagot niya dito habang lumalapit sa lamesa.
"Bakit, ayaw mo bang tikman ang luto ko?" malungkot na tanong nito sa kaniya.
"Ang bilis mawala ng amats mo ah. Baka lang kasi mapagod ka. Maaga ang sched natin bukas." natatawang niya sagot dito.
      Umupo na siya sa lamesa nang maihain na ang pagkain. Hindi na nagsalita ang binata, tahimik lang silang kumakain na tila pinapakiramdaman ang bawat isa dahil sa nangyari kanina na pagpapaalala ni Elvis sa nakaraan.
"May tanong pala ako sa'yo." pagbasag n'ya sa katahimikan.
Tumingin sa kan'ya ang binata, iniintay ang itatanong n'ya.
"Yung assistant mo........hindi mo ba s'ya gusto?......as a woman?" seryoso n'yang tanong na hindi tumitingin dito.
Napatigil ang binata sa pagkain, nagulat sa tanong n'ya.
"15 years na kitang kaibigan pero wala ka paring pinapakilala na girlfriend." dugtong n'ya dahil hindi ito sumasagot.
"Nakakagulat ka naman.....ngayon ka lang nagtanong tungkol sa bagay na 'yan."
Tumigil rin s'ya sa pagkain at sinalubong ang tingin ng binata.
"Ngayon lang ako na-curios ........... Maganda si Thea at sexy....hindi ko nga lang alam kung mabait yun." walang emosyon n'yang sabi.
"Mabait si Thea.........pero wala akong balak na makipag relasyon..........kahit kanino. " seryosong sabi ng binata.
Hindi n'ya alam kung makakaramdam ba s'ya ng inis o tuwa dahil sa dugtong nito na kahit kanino. Nagpatuloy na lang s'ya sa pagkain, pinipigilan ang sarili na mag react. Tumingin ulit s'ya sa binata nang makita n'ya itong nang cross arm at seryoso paring nakatingin sa kan'ya.
"Bakit?" nagtataka n'yang tanong dito.
"Napanood ko yung interview mo kanina........"
"Ohh tapos?"
"Sinabi mong nililigawan mo ko?" nakataas ang kilay nitong tanong sa kan'ya.
Bigla s'yang nasamid sa kinakain kaya agad s'yang uminom ng tubig. Pinapanood lang s'ya ng binata. Pinakalma muna n'ya ang sarili bago mag salita.
".....Wala ka kasi kanina..... kaya kung ano-ano na lang ang itinatanong sa'kin." panimula nya.
"Nagsimula silang magtanong tungkol sa pamilya ko.....ayaw kong may masabi na hindi maganda.......kaya iniba ko yung topic." pagpapaliwanag n'ya.
"At ang sabi mo ikaw pa ang nanligaw ?"
"Para cool! Ang alam ng lahat ako ang may gusto sa'yo dahil....... sa pamumula ng pisngi ko.... kapag kaharap kita sa likod ng set......kaya ganun.......ano.......basta nasabi ko na." namumula na naman ang pisngi n'ya kaya umiwas s'ya ng tingin dito.
Tumawa ang binata na kinaiinisan n'ya kaya mabilis n'yang inubos ang pagkain at pumasok agad sa kwarto. Naririnig pa n'ya ang pagtawa nito na halos hindi na makahinga.
"Mabulunan ka sana!" inis n'yang sigaw dito.
"Hoy! Ikaw naman ang mag hugas ako na ang nagluto." narinig pa n'ya ang sigaw ng binata bago sinarhan ang pinto.
"Nakaka-inis naman." inis n'yang sabi at pinag susuntok ang mga unan.
*****
"CUT!" sigaw ng kanilang Direktor.
"Congratulations!" masayang sambit ng mga staff at mga artista sa bawat isa.
"Congratulations Elvis and Gianna. Maraming salamat din sa ipinamalas n'yong mahusay na talento." nakangiting sambit ng kanilang Direktor.
"Congratulations din po Direk. Ikinagagalak namin na maka trabaho kayo." nakangiting sabi naman ng katabi n'yang si Gianna.
"Mayroon tayong celebration mamaya at inaasahan namin na dadalo kayo."
"Makaasa po kayo Direk." ngiting sagot naman n'ya dito.
Ngayon ang tapos ng teleseryeng pinagbibidahan nila kaya masaya ang bawat isa sa magandang pagtatapos nito.
"Basta talaga alak 'Go' ka noh?" walang ngiting sambit ng dalaga sa kan'ya.
"Syempre." natatawa n'yang sagot dito.
Inirapan s'ya nito at naunang naglakad pabalik sa van nila. Sinundan n'ya ito hanggang sa humarang sa harap n'ya ang kan'yang assistant, si Thea.
"Pupunta daw po kayo mamaya sa celebration?" tanong nito sa kan'ya.
"Oo...pero huwag na kayong sumama. Magpahinga nalang kayo ni Miss Ann mamaya. "
"Ok lang po sa akin, sasama ako." giit pa ng Assistant n'ya.
"No. I insist ! Kayo ang mas napagod sa'min dahil sa sunod-sunod na schedule nitong boung buwan. Kaya na namin ni Gianna." nakangiting sagot sa kan'yang Assistant.
Naramdaman n'yang nadismaya ito pero hindi na n'ya pinansin. Naaawa na s'ya sa mga ito dahil sa isang buwang walang pahinga. Kaliwa't kanan kasi ang kumukuha sa kanila, maliban sa shooting at interview, may commercial at pictorial pa. Gusto n'ya rin magpahinga pero mas gusto n'yang magsaya sa celebration hindi naman s'ya KJ. Naglakad s'ya ulit papunta kay Gianna at nahuli n'ya ang matalim na tingin nito sa kan'yang assistant na agad din namang nag iwas. Napangiti s'ya sa inaakto nito, iniisip palang n'ya na nagseselos ito ay nagbubunyi na s'ya. Hindi n'ya talaga mapigilan ang kan'yang nararamdaman para dito. Sa loob ng isang buwang magkasama sila sa isang condo tila mas lumalim pa ang nararamdaman n'ya para sa kaibigan.
Hanggang ngayon kaya kaibigan parin ang tingin mo sa'kin? Tanong n'ya sa kan'yang isipan habang naka titig sa nakatalikod na dalaga na umiinom ng tubig.
Lumipas ang maraming oras at nakapunta sila sa lugar kung saang mag celebrate ang mga staff, director at ibang artista na nakasama nila sa kanilang natapos na pinagbidahang teleserye. Lahat ng tao dito ay walang tigil ang pasasalamat sa kanila. Hindi n'ya iniiwan si Gianna dahil mahina ito pagdating sa alak.
"Hi Gianna and Elvis congratulations!" nakangiting sambit ng isang actress at lumapit sa kanila.
"Congrats din sa'yo Danna." nakangiti n'yang sabi dito.
Hindi na nagsasalita ang katabi n'yang si Gianna, mukhang lasing na ito dahil tahimik na.
"Nakakainggit naman ang love team n'yo. Hanggang ngayon kasi trending parin ang sinabi ni Gianna na nililigawan ka n'ya."
Tinapik nito si Gianna, nagulat pa dahil ngayon lang napansin ang actress, tumingin lang ito dito at ngumiti.
"Mukhang lasing na s'ya." natatawa n'yang sabi.
"Kailan mo ba s'ya sasagutin Elvis?" may panunuksong tanong ng actress sa kan'ya.
"Ahmm....sabi n'ya mag pa-hard to get ako para daw may thrill." nahihiya n'yang sabi dito.
"Ayyyyiee....nakakakilig talaga kayo." ngiting-ngiting sambit ng actress.
"Gusto kong mag C.R." biglang sabi ni Gianna na nagpatigil sa pag uusap nila.
"Samahan na kita." inalalayan n'ya agad ang dalaga dahil pagewang-gewang na ito.
"Ako na ang sasama Elvis, hindi ka pwedeng pumasok sa Ladies room." natatawang sabi ng actress.
Tumango lang s'ya at hinayaang alalayan nito ang dalaga. Nahihiya tuloy s'ya dito dahil sa lasing n'yang kasama.
"Hi Elvis." isang boses ng lalaki ang tumawag sa kan'ya at napalingon s'ya dito.
Nangunot ang noo n'ya dahil hindi n'ya kilala ang taong nasa harapan n'ya ngayon. Hindi n'ya ito nakikita sa set, hindi rin artista o direktor, mas lalong hindi ito staff dahil sa soot nitong maawtoridad.
"or should I say Azriel?" nakangising sabi ng taong mas lumapit sa kan'ya at unting-unti na n'yang nakikilala.