Sunod na araw ay maaga ulit siyang gumising. Balak niya kung wala parin siyang mahahanap na trabaho ay dederitso siya sa isang Agency para pumasok na katulong. Hinanda niya ang mga dadalhin niya. Nagsuot siya ng kulay puting t-shirt at maong na pantalon, pinarisan niya rin ito ng puting sapatos. Pinagpag niya pa muna ito dahil nakalimutan niyang labhan nung isang araw ng gamitin niya.
Lumabas siya ng kwarto dala-dala ang bag na kulay brown at plastic envelope. Nakasalubong niya pa si Aliya na busy sa cellphone.
"Hindi pa ba kayo aalis?" Huminto siya sa tapat ng kanyang kapatid.
"Sasabay nalang daw kami sayo te. Aalis kana ba?" Sagot nito. Pinasok ni Aliya ang hawak niyang cellphone sa bulsa ng kanyang palda.
"Kakain lang ako, pagkatapos ay aalis na tayo" Tumango naman ang kapatid niya sa kanya. Naglakad siya papunta sa kusina.
"Ano bang gusto ng baby ko? hmmm... Wag kana umiyak anak, may masakit ba sayo?" Naabutan niya ang kanyang kapatid na balisa sa pagpapatahan sa anak. Napabuntong hininga siya. Laging ganito ang naabutan niya kapag nakikita niya ang kanyang nakatatandang kapatid.
"Baka tumae, O di kaya ay gutom. Wag mo sabayan ang iyak niya dahil mas lalo lang siya iiyak." Kumuha siya ng plato at kutsara, pagkatapos umupo siya sa tapat ng mesa.
Napatungo naman ang ate niya sa kanyang sinabi. "Buti kapa alam mo ang pwede niyang dahilan kaya umiiyak.Dalawang linggo kuna siyang kasama pero hanggang ngayon ay nangangapa parin ako." Malungkot na sabi ni Isabelle kay Aynna.
Nagsimula ng magsandok ng kanin at ulam si Aynna. Sumubo siya ng isang kutsara pagkatapos ay inangat niya ang kanyang ulo at tinignan ang kapatid na nakatayo sa harap. "Ganun naman talaga yun. First time mo maging Nanay, sa una ay mahihirapan ka pero di magtatagal ay paunti-unti kang masasanay. Kung nahihirapan kapa, magpatulong ka kay mama. Isa pa, wag ka matataranta kapag naiyak si Vroke, bagkos ay alamin mo kung gutom naba siya o di kaya ay puno na ang suot niyang diaper." Mahabang salaysay niya sa naka ngiting kapatid.
"Siguradong magiging mabuti kang Ina kapag nagroon ka ng sarali mong pamilya. Kahit wala kapang karanasan ay marunong kana kung ano ang gagawin mo sa ganitong sitwasyon." Kibit balikat lang na sinagot ni Aynna ang kanyang nakatatandang kapatid.
Kung magiging katulad lang din naman ng lalakeng nang iwan sa ate niya ay mas nanaisin niya nalang tumandang dalaga. "Nasaan si Mama?" Kanina niya pa hindi nakikita ang kanyang Ina. Kung nandun na naman ito sa tapat ng kanilang bahay at nagbubungkal ng lupa dapat ay kanina pa ito nakauwi. Hindi naman kase siya nagtatagal doon.
"Umalis. Bibili daw siya ng ulam para mamayang tanghale" Tumango naman si Aynna sa kapatid. Pinag patuloy niya ang pagkain niya. Kailangan ay maaga siyang makapag simula sa paghahanap ng trabaho ng sa ganun kapag wala siyang nahanap ay maaga siyang makakapunta sa Agency.
Hindi niya namalayan na umalis narin ang kanyang kapatid. Sa sobrang lalim ng iniisip niya ay hindi niya na napapansin ang paligid niya.
"Sissy girl!" Buntong hininga na humarap siya sa pito ng kusina nila. Narito na naman ang maingay niyang kaibigan. "I have a good news for you!" Excited na sabi nito sa pagpasok sa kusina ng bahay nila Aynna.
"Bukod sa crush mong kaklase mo, meron bang matinong dahilan kaya ka nagpunta ng ganito kaaga sa bahay namin." Taas kilay na sabi ni Aynna. Nakangusong umupo si Meisha sa tabi ni Aynna.
"Grabe ka! Anong tingin mo sakin, puro mga waley sense ang mga binabalita ko sayo" Nagtatampong sabi nito sa kanya.
Napairap naman si Aynna. "Tataguan sana kita ng marinig ko ang boses mo pero alam ko naman na mahahanap mo parin ako kaya wala rin kwenta kong taguan kita. Isa pa, sayo na din nanggaling na walang mga sense ang mga lumalabas sa bunganga mo." Mataray na sabi nito. Hindi niya nakita kung paano mas humaba ang nguso ni Meisha dahil mas pinagtuunan niya ng pansin ang pagkain na nasa harap niya.
"Good news nga sasabihin ko. Bahala ka, trabaho pa mandin ito." Natigil ang pagsubo ni Aynna sa sinabi ng kaibigan niya. Humarap siya dito at tinitigan ang kaibigan. Ngiting ngiti naman ang mukha ni Meisha. "Akala ko ba walang mga kwenta ang sinasabi ko sayo." Inaasar na sabi sa kaibigan na nakakunot na ang noo na nakatingin sa kanya.
Nginitian naman ni Aynna ng pilit si Meisha. "Anong trabaho?" Mahinang tanong nito. Kung maayos at malaki ang sahod, hindi na siya mahihirapan maghanap pa ng trabaho at hindi niya na rin kailangan pa pumunta ng Agency para magapply bilang katulong.
"Sabi na e! well, hindi ko alam kung kakagatin mo ba ito pero malay mo rin. Malaki ang sahod, mas malaki pa nga ata sa nga nagtatrabaho sa company." Salaysay ni Meisha. Paunti unti rin siyang kumukuha ng pagkain sa hapag.
"Pwede bang deritsuhin mo na. Nakiki kain kalang naman." Inis na sabi niya. Kapag wala talagang saysay ang sinasabi ng kaibigan niya ay hihilahin niya ito palabas ng bahay.
"Kahit kailan, maikli talaga pasensya mo. May nakita akong flyers, naghahanap sila ng Butler. 50k monthly. All around ngalang." Tuloy tuloy lang ang kain nito sa sinigang na nasa hapag at ang ulam nilang tocino.
"Paanong all around?" Kunot noong tanong niya. Butler? wala naman siyang alam tungkol dun.
"All around! kung baga, katulong ka na nga, assistant kapa at tsaka body guard karin." Paliwanag nito. Inisa-isa niya pa gamit ang daliri niya.
Hindi mapigilan na batukan ni Aynna ang kaibigan na sige lang sa paglamon ng umagahan nila. "Ano naman ang alam ko sa mga iyon?! kung paglilinis ng bahay ay kaya ko pero yung assistant at body guard ay malabo!" Inis na sabi niya. Naiinis siya sa kaibigan niya, wala naman siyang alam sa mga iyon. Nasayang lang tuloy ang oras niya.
"Ngek! kaya mo kaya yun. Madali lang naman siguro yun at tsaka Sissy girl, 25k kensenas at katapusan. Saan ka hahanap ng ganung pera sa loob lang ng fifth teen days!" Binatukan niya ulit ang kaibigan niya. " Aray ha! nakakadalawa kana!" Ngusong sabi niya. Hinimas pa ni Meisha ang ulo niya. Feeling niya ay naalog ang ulo niya sa dalawang beses na pagbatok sa kanya.
"Anong akala mo, madali lang maging body guard? Nakasalalay din dun ang buhay mo. What if, kaya naghahanap yun ng butler dahil maraming kaaway. Edi maaga akong natigok!" Napangiwi naman si Meisha sa pagiging exaggerated ng kaibigan niya.
"Wag OA, Sissy girl. Susubukan mo lang naman, kung hindi mo kaya edi mag quit ka." Napabuntong hininga si Aynna.
"Hindi yun ganun kadali. Pag iisipan ko muna. Saan mo ba nakita yung flyers?" Tanong niya sa kaibigan. May kinuha si Meisha sa bulsa ng kanyang palda.
Inabot niya kay Aynna ang nakita niyang flyers. "Nakita ko yan nung pauwi na ako galing sa tindahan. Naalala ko na papasukin mo naman kahit katulong kaya nagpunta na kaagad ako dito." Nakangiting sabi ni Meisha. Tumango naman si Aynna sa kaibigan niya.
"Salamat. Pag iisipan ko muna, hindi biro ang pagiging butler." Nakangiti naman na tumango si Meisha. Hindi naman niya mapapalayas ang kaibigan kaya hinayaan niya na itong sumalo sa kanya sa pagkain.
"Ate Aynna! Hindi pa ba tayo aalis?!" Napapikit si Aynna sa sigaw ni Ayesha. Nakalimutan niyang sasabay ngapala ang tatlo niyang kapatid sa kanya.
"Papunta na!" Nagmamadali niyang inayos ang gamit niya pagkatapos ay nagtatakbong nagpunta sa labas ng bahay kung saan naghihintay ang kanyang mga kapatid.
"Ingat kayo! Sissy girl, pag isipan mo ha!" Napailing nalang siya sa lakas ng boses ng kaibigan. Kahit kailan talaga ay walang filter ang bunganga niya.