Tulalang naka upo si Aynna sa kama ng kwarto nila ng kanyang kapatid. Kahapon ay hindi siya naka hanap ng trabaho, kaya bigo siyang umuwi sa gabing iyon na walang magandang balita.
Buntong hininga na kinuha ni Aynna ang kanyang cellphone ng tumunog ito. May minsahe na galing sa kanyang kaibigan. Ilang araw narin niya itong hindi nakikita, naging busy ng magsimula ang klase sa koliheyo.
'Papunta na ako dyan!' Pikit mata na nagreply si Aynna ng 'Sige'.
Siguradong nabalitaan na naman nito na wala siyang nahanap na trabaho, chismosa talaga ng kanyang kapatid na si Ion dahil binalita na naman sa kaibigan niya ang nangyare kahapon. Hindi niya kweninto sa kanyang Ina at mga kapatid ang nagyareng nakawan. Kilala niya ang kanyang Ina, siguradong hindi ito titigil hangga't hindi nalalaman ang buong kwento. Sa kanyang Ina sigurado nag mana ang kanyang kapatid na lalake.
"Sissy girl!" Tatakbo na lumapit sa kanya ang kaibigan na si Meisha.
Maganda ang kanyang kaibigan. Ang kulay itim na buhok na umabot sa kanyang balikat, ang brown nitong mata, pointed nose at ang mapula nitong labi. Hindi rin nalalayo ang kulay nito sa kanyang maputi. Nakulangan ngalang talaga ito sa tangkad.
Tumango lang siya dito at umayos ng upo. Mahabang kwentuhan na naman ang mangyayare sa kanila. "Anong pakay mo?" Nagtatampong hinampas naman siya ni Meisha. Ngiwing sinamaan ni Aynna ang kaibigan.
"Grabe ka! Hindi mo manlang ba ako na-miss? Sinasaktan mo ako Sissy girl" Nagdadramang sabi nito. Nagpupunas pa ito ng mata na para bang may luha na tumulo galing dito.
"Wala akong ichi-chismis sayo" Ayaw niya sabihin ang nangyare kahapon. Kung maaari nga ay ayaw niya may makaalam sa nangyare.
"Sus! Meron yan! Kilala kita, Sissy girl. Siguradong may naganap sa tatlong araw mo na paghahanap ng trabaho. Wala ka ngalang nahanap" Natatawang sabi ng kaibigan niya. Sinamaan niya ito ng tingin. Hindi manlang siya damayaan.
Inirapan niya ito at kumuha ng unan. Ihahanda niya kapag hinampas na naman siya ng kaibigan. Hindi biro ang bigat ng kamay nito kapag tumatama sa balat niya.
Wala talaga siyang maitatago sa kaibigan. "May nangyare na nakawan malapit sa kinainan kong karenderya. Hinarang ko yung paa ko ng malapit na ito sa akin. Tapos ay binalik ko sa may ari yung bag" Hindi niya na isasalaysay ang buong pangyayare. Nakakatamad. Wala rin naman magbabago.
"Bago yan ah! Kailan kapa naging matulungin?" Gulat at natatawang sabi ng kaibigan. Inis na hinampas niya dito ang hawak niya na unan.
"Hindi ko gusto ang mga narinig ko. Hindi porke mahirap ay sa patalim na lahat kumakapit, marami parin naman ang nagsusumikap na makahanap ng maayos na trabaho." Inis na paliwanag niya. Iyon naman talaga ang totoong dahilan kung bakit niya tinulungan ang ginang na makuha ang bag.
"Hindi mo naman sila Sissy girl masisisi. Yah know, mayaman sila, hindi nila alam ang hiram ng mga katulad natin na nagsusumikap magkaroon lang ng maayos na pamumuhay." Seryoso na sabi ng kanyang kaibigan. Napabuntong hininga siya.
Alam niya naman. "Mayayaman sila kaya hindi nila alam ang pakeramdam na iyon. Simula ng isilang sila sa magulong mundong ito ay may nakasalampak na nagintong kutsura sa kanilang bunganga. Ang akin lang, sila naman itong nakakaluwag sa buhay bakit hindi nila tulungan ang mga nasa baba, hindi yung sila pa ang mas lalong nanghihila pababa sa mga katulad nilang tao. Mag mayabang sila kung ang kayamanan nila ay maisasama nila sa langit, kaso hindi naman. Sabagay, hindi pa naman sila sigurado kung sa langit nga ba sila mapupunta." Masama ang loob niya. Sa katulad niyang ginagawa ang lahat mabigyan lang ng maayos na pamumuhay ang pamilya ay masakit sa kanya ang kanyang mga narinig. Naka angat lang sa buhay, akala na kung sinong makahusga. Kung hindi rin naman dahil sa mahihirap na nagsusumikap ay hindi sila yayaman.
"Ano sabi nung may ari ng bag?" Ngiting tanong nito sa kanya. Chismosa talaga, pati ang bagay na iyon ay hindi palalampasin.
"Nagpasalamat. Bibigyan niya daw ako ng pera dahil sa tulong na ginawa ko pero tinanggihan ko. Hindi ko kailangan ng pera ang kailangan ko ay trabaho" Walang ganang sabi niya. Mauubos lang naman ang pera na ibibigay nito. Trabaho ang hanap niya. Kapag nakahanap siya ng trabaho ay magkakapera din naman siya.
Napapikit siya ng hampasin siya ng kanyang kaibigan. Ang bigat talaga ng kamay ng babaeng ito. "Ay gaga! bakit hindi mo kinuha ang pera, baliw ka! minsan lang yun. Tsaka kung trabaho pala hanap mo dapat sinabi mo. Ako nanghinayang sa perang ibibigay niya dapat sayo, paano kung malaki naman yung ibibigay niya sayo?!" Hindi pa ito nakuntinto sa isang hampas, bagkos ay kumuha din ito ng unan na inihampas sa kanya.
" Wala akong pake sa pera, Meisha. Tsaka hindi ko gusto kung paano ako inalok ng kanyang anak. Masyadong mapagmataas. Hindi lahat ng tulong ay may kapalit" Inis na paliwanag niya. Isa pa iyon sa kinaiinis niya.
Ano pa nga ba ang aasahan niya sa mga mayayaman.
"Gwapo ba? Dapat tinanong mo kung ilan taon na ng mabinyagan ka manlang." Excited ang mukha ni Meisha sa isasagot ng kaibigan. Hindi mahilig makipag usap sa lalake ang kaibigan niya, para bang may sakit ang mga lalake na hindi nanaisin na mahawaan ni Aynna.
"Aanhin ko naman ang mukha kung panget naman ang ugali" Ngiwing sagot niya. Kapag na aalala niya ang lalake ay kusang tumataas ang kilay niya. Allergic talaga siya sa mga ganung lalake.
"Sus ka! Ang ugali maayos pa pero ang mukha malabo na!"  Natatawang sagot ng kaibigan. Taas ang kilay na sinagot niya ang kaibigan.
"Anong silbi ng plastic surgery. Ang mukha mapapaayos pa pero ang ugali walang surgery dun. Puro ka gwapo, hindi ka naman kayang ipaglaban." Ngiwing sagot niya.
Natatawang tinignan ni Meisha ang kaibigan niya. "May pinaghuhugutan kalang e. Ano kaba Sissy girl, hindi naman lahat ng gwapo ay ganun, meron parin naman na gwapo na, ipaglalaban kapa" Kinikilig na sabi nito. Mas lalo lang nairita si Aynna sa mga sinasabi ng kaibigan niya. Wala na talagang pag-asa ang babaeng nasa harap niya. epekto ng mga pinapanood at binabasa. "Ngapala, ano ng gagawin mo ngayon? Mahirap na makahanap ngayon ng trabaho na hindi bumabase sa certificate at degree ng koliheyo." Buntong hininga na umiling siya. Bakit nga ba kase masyadong mataas ang mga kailangan sa trabaho. Masikap naman siya, walang magiging problema sa trabaho dahil professional siya pagdating doon.
"Hindi ko din alam. Kung wala parin ako mahanap ay baka pumasok nalang ako sa pagiging katulong. Malaki din naman ang sahod nun." Wala naman siyang pagpipilian. Hindi na siya pwede mag inarte dahil hindi trabaho ang maghahanap sa kanya, kundi siya. Napabuntong hininga din si Meisha. Nag aalala siya sa kaibigan, kung may maitutulong lang siya ay ginawa niya na. Isa lang din siya palamunin ng magulang at pinag aaral. Wala siyang maitutulong sa kaibigan bukod sa suporta.
Kaysa isipin pa ang problema. Naka ngiting hinawakan ni Meisha ang kamay ni Aynna. "Don't worry, Sissy girl. Kapag may mahanap ako ay sasabihin ko kaagad sayo. Wag kana malungkot, pasasaan pa at magkakatrabaho ka din" Pagpapalakas ng loob na sabi sa kaibigan.
Ngiting tumango si Aynna sa kaibigan niya. "Salamat, Meisha. Kung hindi dahil sayo ay hindi kuna alam kung ano ang gagawin ko." Malaki talaga ang pagpapasalamat niya sa kaibigan dahil kahit kapos man ito ay hindi ito madamot na tulungan siya kapag nangangailangan siya.
"Sus! Okey lang yun, Sissy girl. Sino pa ba ang magtutulungan kundi tayo lang din na magkaibigan."
Marami pa silang pinag kwentuhan. Nandyan ang mga nagyayare sa school, ang mga kaklse ni Meisha na tinutukso siya sa kaklase din nilang lalake at syempre ang mga kalokohan at hirap niya sa koliheyo. Napapangiti nalang si Aynna sa mga kwento ng kaibigan pero hindi niya maitatanggi na may kunting inggit siyang nararamdaman. Dahil tulad ni Meisha, pinangarap niya rin makapag koliheyo at matupad ang pangarap niya.