Nagising ako dahil may kumakatok sa kwarto ko, kapag ito hindi importante sasapakin ko talaga kung sino man ‘tong kumakatok. Binuksan ko ‘yung pinto at bumungad sa’kin ang kapatid kong naka ngisi sa’kin.
“Good morning grumpy baby,” sabi pa ni Kuya.
“What do you need?” tanong ko sa kaniya.
”Do you have plans today? Work?” tanong niya rin.
“I have a week off, I’m just planning to help mom in the cafe. Why?” tanong ko at binuksan na ng buo ‘yung pinto para makapasok si Kuya.
“Help me buy a gift for Lhea. Pumunta ka rin sa party niya mamayang gabi,” sabi niya.
“What kind of party?” tanong ko.
“Bar party,” sagot niya.
“Okay pero mga around 9 na ko pupunta para matulungan ko si Mama magsarado,” sagot ko.
“Sige. Wag ka mag-alala makakahanap ka na ng jowa mamaya,” sabi niya at tumawa.
“Stefan Salford kulang ka ba sa aruga ha?” tanong ko at inirapan siya.
“Hindi naman pero ikaw kulang ka sa pagmamahal,” sabi niya at tumakbo palabas ng kwarto ko.
“ANG SAMA NG UGALI MO HOY!” sigaw ko sa kaniya.
Napahiga ako ulit sa kama ko at huminga ng malalim, kakagising ko lang tapos ganito agad? Hindi ko alam kung magte-trenta na talaga ‘yung kapatid ko eh parang teenager lang mang bwiset.
“Hoy! Bangon na, aalis nga tayo sabi!” sigaw ulit niya sa tapat ng kwarto ko.
”Oo na, babangon na ko,” sabi ko at dumiretso na sa banyo.
Hindi naman ako nagtagal mag-ayos, nag-short at black v-neck shirt lang ako tapos white na sapatos. Pagkababa ko nasa may living room naga-ntay si Kuya at naka ayos na rin siya. Pagkakita niya sa’kin tumayo na siya at naglakad papuntang sasakyan.
“Nasa cafe na si Mama?” tanong ko pagpasok namin sa sasakyan.
“Oo kanina pa, magtatanghali na kaya,” sagot naman niya.
“Ano balak mong bilhin?” tanong ko.
“Make up? Damit? Accesories? Hindi ko alam, kaya nga sinama kita eh,” sabi niya.
“Ano ba ‘yan Kuya! Dalawang taon na kayo ni Ate Lhea, hindi mo pa rin alam gusto niya?” tanong ko sa kaniya ng pasigaw.
“Hindi naman sa gano’n, hindi lang talaga materialistic si Lhea kaya hirap na hirap ako hanapan siya ng regalo,” sagot niya.
“Why don’t you give her something you created or something you made out of love?” tanongko.
“Like what? A baby?” tanong niya habang nagpa-park.
“What the f*ck Kuya!?” sigaw ko.
Lumabas kami ng sabay pagkapatay niya ng sasakyan habang ako nakasimangot at siya tumatawa ng mahina.
“What? Babies are made out of love right?”
“Hindi ‘yon tinutukoy ko pot* ka talaga Kuya,” sabi ko at sinuntok braso niya.
“What do you suggest?” tanong niya.
“Painting?” suggest ko naman.
“I can’t paint,” sabi niya.
“Pa-frame mo picture niyo, ‘yung malaki,” sabi ko.
“Ayoko, gusto ko wedding picture una naming gano’n,” sabi niya.
Napa irap na lang ako, naligaw naman paningin ko sa AllPaper Store.
“Alam ko na,” sabi ko at hinigit siya papunta dun.
“Anong bibilhin ko dito?” tanong niya pagpasok namin.
“Bilhan mo siya ng organizer or diary gano’n tapos sulatan mo ‘yung mga unang pages,” sabi ko habang nagtitingin sa mga shelves ng pwedeng bilhin.
“Alam mo Ren, and swerte ng magiging boyfriend mo.” Narinig kong sabi niya.
“Syempre, ako ’to eh. Lauren Salford lang naman,” sabi ko at mahinang tumawa.
“Tingnan mo ‘to, maganda?” tiningnan ko naman ‘yung kinuha niya.
”Kuya ano ba namang taste meron ka? Buti pinatulan ka ni Ate Lhea kahit ganiyan ka,” sabi ko at binalik sa shelf ‘yung kinuha niya.
“Sabrina Lauren baka sampalin ko bunganga mo ah.” Sinamaan ko naman siya ng tingin.
“Sabing wag ako tatawagin sa cn (code name) ko eh, sumbong kaya kita kay Kuya Lorenz?” Pagbabanta ko at sinuntok siya sa braso.
“Ikaw kasi, lahat nilalait,” sagot naman niya.
Natapos na kami maghanap at binayaran niya rin naman agad. Napagdesisyunan namin na kumain na muna para diretso na ko sa cafe pagkatapos namin. Pagdating namin sa malapit na restaurant um-order kami agad, nag-uusap lang kami ng maramdaman kong may nagmamasid sa’kin.
Third Person’s POV
Kumakain lang ng tahimik ang magkaibigang si Mathew at Khalel ng mapalingon si Mathew sa bagong pasok sa restaurant, isang dalaga na nakakuha ng atension niya. Napansin naman ito ni Khalel kaya napangiti ito sa kaniyang kaibigan.
“Khalel,” tawag nito sa kaniyang kaibigan ng hindi man lang siya tinitingnan.
“Hindi ko dala laptop ko Mat, mamaya na lang pagbalik natin sa office,” sagot nito dahil alam na niya kung anong sasabihin ng kaibigan niya.
Halos hindi na ulit nakakain si Mathew dahil sa pagmamasid niya sa dalaga, nagulat siya ng bigla itong lumingon sakto sa lugar nila ni Khalel kaya nagtama ang tingin nilang dalawa, napangiti naman si Mathew ng bigla siyang taasan ng kilay ng dalaga. Nag-iwas na siya ng tingin ng lumingon ang kasamang lalaki ng dalaga.
“Mat ‘yung ngiti mo,” sabi naman ni Khalel sa kaibigan.
”Hindi man lang nag-iwas ng tingin sa’kin,” sagot naman ni Mathew sa kaibigan.
“Tara na, baka kung ano pang maisip mong gawin,” sabi ni Khalel at tumayo na.
Sabay naglakad palabas ng restaurant and magkaibigan ngunit bago sila tuluyang makalabas ay lumingon pa ulit si Mathew sa dalaga at ngumiti dahil alam niya sa sarili niyang aalamin niya kung sino ang babaeng ‘yon.
Nakarating sila sa sasakyan ng hindi pa rin maalis sa isip ni Mathew ang mukha ng dalaga, napansin naman ito ng kaibigan niya at napailing na lang dahil sa nakita niya.
Natapos na rin kumain sila Sabrina at Kuya niya kaya nagpahatid na lang siya sa cafe na pagmamayari ng kanilang ina. Hindi naman masyadong pinansin ni Sab and nangyari sa restaurant dahil sanay rin naman siyang tinitingnan ng mga kalalakihan, alam niya sa kaniyang sarili na may taglay siyang ganda na mukhang namana niya sa kaniyang ina.
“Ma!” tawag ng magkapatid sa kanilang ina na nasa cashier at mukhang may sinusulat lang.
“Oh bakit kayo nandito? Wala ba kayong pasok?” tanong naman ng ina nila.
‘’Off ko 1 week,” sagot ni Sab at niyakap ang nanay nila.
“Nagpatulong ako bumili ng regalo, birthday ni Lhea,” sabi naman ni Stefan at nagbeso sa Mama nila.
“Ay oo nga pala, may painting ako ni Lhea, kunin mo mamaya, isabay mo pagpunta mo sa kanila ha?” paalala naman ni Arella.
“Opo. Isasama ko pala si Lauren mamaya Ma,” sabi pa ni Stefan.
“Ma binubugaw ako ni Kuya,” Pagsumbong naman ni Sab sa nanay nila.
“Hindi Ma, sabi ko lang sumama siya kasi birthday party celebration ni Lhea,” sabi naman ni Stefan.
“Sumama ka Lauren nang may makilala ka naman, alam ko naman marunong ka kumilatis ng lalake,” Pagkasabi nun ng nanay nila ay sabay ang sigaw ni Sabrina at tawa ni Stefan.
”MA!” sigaw nito pero hindi naman natigil ang tawa ng kapatid niya kaya sinuntok niya ang braso nito.
“Demonyo ka ba? Tumahimik ka na nga,” Inis namang sambit ni Sab sa kapatid na mas lalo lang nagpatawa kay Stefan.
“Sige na, aalis na ko.” Nagbeso siyang muli sa nanay nila.
“Padala sasakyan ko mamaya ah? Hindi ako pupunta kapag ‘di mo dinala,” sabi naman ni Sabrina sa kapatid bago ito tuluyang umalis, tumango na lang si Stefan bago lumabas.
“Saan ako ngayon Ma?” tanong naman ni Sab sa nanay niya.
“Sa harap ka na lang, kulang sila ng isa ngayon eh, sa kitchen naman ako,” sabi ni Arella at nagpunta na sila sa kaniya-kaniya nilang lugar.
“Hi Ate Lauren!” bati sa kaniya ng cashier.
“Hi beb, madami ka na bang orders?” tanong naman ni Sab habang naglalagay ng cap.
“May tatlo na kong iced coffee and 3 slice ng cream-o cake,” sagot naman ng dalaga sa kaniya.
Nagsimula na gumawa ng drinks si Sabrina katulong ang dalawa pa nilang tauhan sa cafe. Ganito ang normal niyang araw kapag wala siyang trabaho sa Organization, tumutulong siya dito sa cafe o tumutulong sa restaurant na pagmamayari rin ng kanilang pamilya.
Nakabalik na si Mathew at Khalel sa office at agad naman silang dumirteso sa table ni Khalel sa tapat ng mismong office ni Mathew dahil may pinapagawa sa kaniya ang kaibigan niyang boss niya rin.
Ginawa na ni Khalel ang kailangan niyang gawin sa laptop niya habang si Mathew naman ay nakatingin lang sa kaniya, bigla naman niyang napansin ang pagkunot ng noo ng kaibigan.
“Bakit?” tanong agad ni Mathew sa kaibigan.
“Hindi ko maintindihan,” sagot naman ni Khalel sa kaniya habang nakatingin lang sa screen ng laptop niya.
“Bakit?” Tumabi si Mat kay Khalel at tumingin sa laptop ni Khalel.
“Lauren Salford, 24, graduate of Bachelor of Science in Business Management, Summa Cum Laude of Class 2018 in International Immaculate University . . . That’s all?” Pagbasa ni Mat sa nasa screen ni Khalel.
“All her information from that university was deleted, I can’t find anything about her aside from that,” sabi ni Khalel.
“Why? You never failed to give me information about people I ask for,” sabi naman ng nagtatakang si Mat.
“Her informations are all hidden, I don’t want to think it this way but-” Hindi naman natuloy ang sasabihin niya ng sumama ang tingin ni Mathew sa kaniya.
“What? It’s possible Mat, don’t turn a blind eye on it. Why would her information be hidden if she’s a normal person and not someone like us?” tanong niya, napaupo naman ulit si Mat sa inupuan niya kanina dahil dun.
“But if she works in the underground, I might have known her earlier,” sabi ni Mathew habang nakatingin sa kawalan.
“Gagawan ko ng paraan. Hahanapin ko pa rin siya, I’ll give you the information of that girl. Just give me some time,” sabi ni Khalel sa kaibigan.
“Thank you.” Tumango ito bago naglakad papunta sa sarili niyang office.
“In love? May puso pala ‘yon,” sabi naman ng umiiling na si Khalel bago bumalik ulit sa paghahanap.
Naglilipit sa may counter si Sabrina ng biglang bumukas ang front door ng cafe.
“Sorry, we’re already- Ikaw pala ‘yan Kuya, akala ko naman ibang tao. Tanggalin mo nga cap mo, mukha kang holdaper ‘jan,” sabi naman ni Sabrina sa kapatid niya.
“Hi Ate Lhea, Happy birthday!” sabi naman ni Sabrina sa babaeng kasama ng kapatid niya.
“Salamat! Nasa labas na naka park sasakyan mo,” sagot naman nito.
“Thank you. Patapos na ko dito-” naputol ang sasabihin niya ng dumating biglang ang ina nila.
“Kami na dito Lauren, sumama ka na sa kapatid mo,” sabi ni Arella.
“Para namang pinagtatabuyan mo ako Ma,” sabi ni Sabrina at umaktong nasaktan.
“Hayaan kita mag-uwi ng lalake pero wag kayo mag-iingay,” sabi pa ng nanay nila na kinatawa ni Stefan at Lhea.
“MA!” sigaw naman ni Sabrina sa ina.