Nakarinig ng kaluskos. Bumalik siya sa kuwarto at sinilip ito. Bumaba ang kumot nito hanggang sa binti nito. Nabilad ang magnificent body nito sa kanyang paningin.
Dapat ay iiwas niya ang tingin dito at takpan ng kumot ang katawan nito. But she wanted to have a memory of this man's image. That because of him, she did a lot of outrageous things. At nakaramdam siya tulad ng nararamdaman ng isang normal na babae sa isang lalaki na akala niya ay di mangyayari sa kanya.
Inilabas niya ang cellphone na may camera at kinuhanan ito. Matapos ang ilang shots ay kinumutan niya ito. Di naman na sila magkikita ulit. At least mapapangiti pa rin siya nito kahit ano pang buhay ang naghihintay sa kanya pag-uwi niya ng Pilipinas.
"BUKO pandan," usal ni Ares nang isubsob ang mukha sa unan. He actually felt rotten. Di niya halos maidilat ang mga mata sa sakit ng ulo niya at nananakit ang katawan niya. Pero ang amoy ng buko pandan ang nagpagaan sa pakiramdam niya.
Napabalikwas siya ng bangon nang marinig ang lagaslas ng tubig. "Huh!" May gumagamit ng shower niya. May ibang nasa hotel room niya.
Subalit nagtaka siya nang sa halip na sa loob ng elegante at mamahalin niyang hotel room ay nasa isang simpleng kuwarto lang siya. Maliit iyon at may cabinet lang na katamtaman ang laki. At wala rin ang malaki at malambot niyang kama. Nakahiga lang siya sa futton mat. No wonder his whole body was aching.
"Nasaan ako?" tanong niya. Ang tanda niya ay umalis siya ng party ni Timothy nang malaman niya na ikakasal na ito kay Krystianna. Uminom siya sa isang bar at nang malasing ay… di na niya alam.
Dumausdos ang kumot at nahantad ang hubad niyang katawan. "Double damn!" usal niya.
Delikado kapag nalalasing siya. Wala siyang matandaan. Iyon ang natutunan niya noong high school siya at nalasing siya kasama ang mga kaibigan. Paggising niya ay puro sulat na ang mukha niya. Di na siya umulit maliban kagabi.
At nalasing siya sa isang estrangherong bansa at kasama ang mga taong di niya kilala. At ngayon ay natagpuan niya ang sarili niya sa isang estrangherong silid nang walang suot na damit. Well, except his boxer shorts. Pero di niya alam kung anong nangyari sa kanya at kung paano siya napunta doon.
Nakita niya ang damit niyang maayos na nakasalansan sa ibabaw ng low table. Nakapatong sa ibabaw niyon ang cellphone niya at ang kahita ng diamond ring. Wala ring bawas at di rin nagalaw ang wallet niya.
Nasaan siya? Paano siya napunta doon?
Nakarinig siya ng papalapit na yabag. Kinuha niya ang damit niya at dali-daling nagbihis. Naumpog siya nang tumayo para magsuot ng pantalon. "Ow!" Pambihirang bahay 'yon. Paano nakakagalaw ang tao doon nang di nauumpog?
Bago pa niya maiangat ang pantalon ay may narinig siyang boses mula sa likuran niya. "Anneonghasaeyo!"
"Whoa!" bulalas niya at nanlalaki ang matang nilingon ang nagsalita. Isang babae na kasya sa kuwadro ng maliit na pinto ang nakatayo doon. Singkit ang mga mata nito at mas payat kaysa karaniwang babae. Mukhang bagong ligo ito dahil nakaturban ang tuwalya sa buhok nito. Then he smelled the sweet buko pandan scent. Why did woman made him feel like coming home? Noong normal pa ang buhay niya at buo pa ang pamilya niya? Noong di pa nagbabago ang Mama niya at di puro ang bangko at pera ang iniisip?
Then he realized that the woman was familiar. Ito ang waitress sa Korean restaurant na titig nang titig sa kanya. And there was something in her eyes that made him feel uncomfortable.
"No. No Korean," aniya at napilitang magbihis sa harap nito. Di tuloy niya masabi na kung pwede ay hayaan muna siya nitong magbihis. English restaurant ang pinuntahan niya kagabi pero malay niya kung hanggang pag-order lang ng pagkain ang alam na English ng mga tao doon.
Di talaga siya tatagal sa bansang iyon. Sobrang anghang ng pagkain, maiingay ang mga tao at doon din tuluyang nawala sa kanya ang babaeng mahal niya. Ang gusto na lang niya ay makaalis sa bahay na iyon, sa bansang iyon at makabalik sa Pilipinas o kung saan mang parte ng mundo. But not in Korea.
"Okay na ba ang pakiramdam mo?" tanong ng babae.
Good grief! Mabuti na lang at Filipina ito. Mabuti naman at mas madali para sa kanila ang magkaintindihan.
Ngunit natigilan siya. Trouble! Kagabi pa ito tingin nang tingin sa kanya. Mukhang interesado ito sa kanya. Baka sinadya ng babaeng ito na abangan siya at dalhin sa bahay nito. Malay ba niya kung nilagyan nito ng pampatulog ang inumin niya at idinala siya doon para...halayin? Women do that nowadays. Hindi ba't may insidente na sa ibang bansa na nagsampa ng kaso ang ilang kalalakihan dahil hinalay ng mga babae.
Yes, some women had kinks. May mga babaeng itinatali ang lalaki para di makalaban. Wala siyang naramdaman kakaiba sa ngayon pero malay ba niya kung may ginawa pa rin itong kababalaghan habang natutulog siya.
"Sino ka? Anong ginawa mo sa akin? Did you molest me?"