POV: Uno
Napakamot siya ng ulo habang naglalakad.
“Bilisan mo nga,” inis na sabi ng White Lady sa kanya nang malingunan siya nito.
Ang aga-aga ay binulabog siya nito sa pagkakatulog. Nagulat pa siya ng makita itong nakasuot nang white blouse at dark blue checkered skirt na umabot sa lagpas tuhod nito. Nakasapatos rin ito at halatang branded pa at napakinang.
Nakasimangot niya nitong sinabihan na papasok sila sa eskwelahan.
“T*ngina…Paano mo nalaman ang uniform namin?” kunot noong tanong niya rito habang pupungas-pungas pa.
“Huwag ka ngang magmura. Nakita ko… doon.” sabi nito sabay turo sa karton kung saan nakalagay ang mga gamit niya.
Nandun ang logo nga eskwelahan kung saan siya pumapasok kaya hindi na siya nagtanong pa.
“Hindi ba bawal sa eskwelahan niyo ang may kulay ang buhok at may hikaw?” turo nito sa kumikinang niyang silver na hikaw.
“Ano sa tingin mo?” paingos na tanong niya rito.
Nagkibit lamang ito ng balikat.
Nakatayo nang bahagya ang may kahabaan at may kulay niyang buhok, may hati ang kaliwang kilay niya. May suot siyang hikaw. Matalim siyang tumingin.
Para siyang tambay na gangster at parang walang magawa sa buhay kungdi manira tapos nilapit-lapitan siya nito at magtatanong kung pwede ba iyon sa eskwelahan nila?
Sira talaga ang ulo nang babaeng ito.
“Ano ba Uno, ma-l-late na tayo sa school mo,” kunot noong sabi nito saka hinila ang manggas nang uniporme niya at naglakad ng mabilis.
Malapit lang naman ang eskwelahan niya. Tsaka ano naman ngayong kung ma-late siya sa klase. Ni hind inga siya pumapasok, ito lang ang may gustong pumasok siya.
Tsk!
Mabilis silang tumalilis sa guard dahil walang ID ang kasama niya at makiki-sit in lang sa klase niya.
“So, saan ang room mo?” nakangiti at excited na tanong nito.
Humihikab siyang naglakad patungo sa isang abandonadong building na punung-puno nang vandalism at mga kalat. May mga basag na bote at sira-sira na ang mga bintana roon.
Abandonado talaga ito at ang seksiyon lang nila ang pumapasok dahil sila lang naman ang mga naninira sa eskwelahan.
Walang magagawa ang principal doon dahil public school iyon. Hindi nito maaaring pagbawalan ang mga nagnanais na mag-enrol. Isang nakakasuyang katotohanan para sa lahat.
“D-dito ba talaga ang room mo?” halatang natatakot na tanong ng White Lady.
“Baka nga dito ka pa nakatira eh,” mahinang bulong niya.
“Ano?” inosenteng tanong nito.
“Oo, sabi ko. Basta huwag ka lang magsasalita at magulo,” patamad na sagot niya.
“T*ngina talaga…ang ingay,” dagdag bulong niya pa.
“Ano?” kunot noong tanong ng White Lady.
“Wala. Pwede bang wag ka na lang maingay,” maangas na babala niya rito.
Para naman itong t*ngang tila i-zinipper pa ang bibig.
Bwesit!
Patamad niyang tinadyakan ang pintuan ng classroom para bumukas.
Sandali namang tumahimik at tumingin sa kanya lahat ng mga naroroon.
Mariin siyang tumingin sa mga ito.
“Boss!” tawag ni Gani saka lumapit sa kanya.
Bumalik naman sa ginagawa ang lahat na tila wala lang nangyari matapos niyang makipagtanguan sa mga ito.
Napatigil si Gani at nanlaki ang mga mata nang makita ang White Lady.
“Ang Anghel,” sarkastikong sabi niya.
Sinabi niya kay Gani ang tungkol rito. Pero ang g*go mukhang hindi pa rin mawala ang pagkamangha sa White Lady na kasama niya.
“Uno,” bati sa kanya ng mga kaklase niya ng makapasok siya saka nakipagkamay rito.
“Sino naman ang babaeng dala mo, Oriales? T*angina, ganda ah,” nakangising tanong ni Conrad Abales, ang isa sa mga kalaban niya dati at ngayon ay kakosa na niya.
Pero syempre hindi pa rin siya tiwala rito. Mahirap na.
“G*go, akin lang yun,” maikli ngunit madiing sagot niya.
“T*nga! Baka makita kasi ni Tanya,” nakangising sabi nito saka ngumuso.
Sinundan naman niya ito ng tingin.
“Baby!” kumalawit sa leeg niya si Tanya saka humalik sa kanyang mga labi.
Agad niyang tinaggal ang mga braso nito sa kanya saka bumaling kay Angel. Nakita niyang nakanganga habang nanlaki ang mga mata nito at biglang tinakpan ang bibig gamit ang dalawang kamay.
Tulad ng dati ay para itong t*nga.
“Hey, ano’ng problema?” maang na tanong ni Tanya.
Hindi niya pinasin ito at lumapit sa White Lady saka hinila ito paupo. Saktong dumating si Sir Lansero, ang dating gangster at datng mag-aaral din sa eskwelahang iyon.
Ito ang napiling maging adviser dahil ito lang rin ang may kayang hawakan ang seksiyon nila. Nakuha rin nito ang respeto mula sa kanila dahil sa naging buhay nito.
Umirap lang si Tanya saka pumunta sa upuan nito.
“Is that your girlfriend?” kunot noong bulong ng White Lady sa tabi niya.
Itinaas niya ang kanyang mga paa sa bakanteng upuang nasa harap niya.
“Hindi,” malamig na sagot niya habang humihikab pa.
“Eh, bakit kayo naghalikan?” inosenteng tanong nito.
“Selos ka?” nanunuyang saad niya rito.
“Hindi ah, we’re friends,” namumulang sagot nito.
Napatawa siya ng bahagya dahil sa naging reaksiyon nito.
“Who’s that girl?!” inis na sigaw ni Tanya sabay turo sa White Lady.
Kunot noong tumingin si Sir Lansero kanila.
“She’s here to sit-in,” malamig na sagot niya.
Nanlaki ang mga matang napatingin sa kanya si Angel.
Para siyang timang. Napailing na lamang siya.
“What?” kunot noong tanong niya.
“N-nag-english ka?” hindi makapaniwalang sabi nito sabay takip sa bibig.
Para itong t*nga.
Napangisi na lamang siya.
“Then maybe, you can introduce yourself,” nakangiting sabi ni Sir Lansero.
Napalunok naman ito saka tila humihingi ng tulong na napatingin sa kanya. Tinanguhan na lamang niya ito.
“Uh, Hi! A-ako si Angel. Pwede pong m-maki-sit in Sir?” nahihiyang tanong nito.
“Angel?” kunot noong tanong ni Sir Lancero.
Para namang t*ngang tumatango-tango ang White Lady niyang kasama. Gustong-gusto na niyang bumunghalit ng tawa pero baka mawala bigla ang angas niya kaya huwag na lang.
“Ok,” sabi ni Sir saka nag-umpisa nang magklase.
Well, wala naman siyang magagawa eh. Hindi naman nito pinagbabawal ang mag-sit-it. Ang bawal lang sa kanya ay ang mag-away sa harap niya.
“Uno, before you sleep, tell me what standard deviation is?” taas kilay na tanong ni Sir Lansero.
“Kailangan talaga, may pa-welcome kang tanong? T*angina,” nakangisi niya pang mura.
“Two weeks kang wala. Malay ko ba kung nangalawang ka na. That’s our topic today,” seryosong sabi nito.
“Standard deviation is first known use in 1894. It is a measure of the dispersion of a frequency distribution that is the square root of the arithmetic mean of the squares of the deviation of each of the class frequencies from the arithmetic mean of the frequency distribution. It is also a similar quantity found by dividing by one less than the number of the squares in the sum of squares instead of taking the arithmetic mean. Okay na? O gusto mo pang ipasagot sa akin ang example mo?” mayabang na sagot niya dahil alam niya kung hindi ay dadagdagan lang ng guro ang tanong nito.
Ngumisi ito sa kanya at tinaasan lamang naman niya ito ng kilay.
“Very well said… so class…blah blah blah…” nakangiti at tila proud pang sabi ni Sir Lansero.
Napatingin siya kay Angel. Nanlaki pa rin ang mga mata at laglag pangang nakatingin ito sa kanya.
“First honor si boss sa klase, Ms. Angel kaso laging absent,” biglang singit ni Gani sa kanila.
Napasinghap pa ito.
Hindi makapaniwala.
Sh*t sa ka-OA-yan ang t*ngina.
“Isarado mo ang bibig mo,” malamig na sabi niya sa White Lady saka tumingin kay Gani ng masama “at huwag ka nang magsalita t*rantado,” malamig na sabi niya rito saka yumukyok ang ulo upang matulog.
Binalewala na lamang niya ang gulat at tila pagkamanghang gumuhit sa mukha ng White Lady nay un.
Pero bakit ba tila may mainit na bagay ang dumakot sa puso niya?
Meron pa pala siya nun?
Tsk!
Matutulog na lang siya.