Sa Susunod Na Habang Buhay
45619 chữ
Tổng quan
|Mục lục
- (các) Thẻ:
- Komedya
- Drama
- Isinilang muli
Ang kaliwa kong kamay ay hawak ng isang lalaki, samantalang ang kanan ko namang kamay ay mahigpit na kapit ang ibabang bahagi ng suot kong puting bistida. Makapal ang tela nito at ang itsura nito ay parang damit ng mga babae noong panahon na nasakop ng mga Kastila ang Pilipinas. Tanging mga puno, halaman, at lubak na lupa lamang ang aming nadadaanan. Nasa gubat o bundok siguro kaming dalawa. Bakit niya hawak ang aking kamay? Bakit ba kami tumatakbo? Bakit pakiramdam ko ay labis akong kinakabahan? Bakit ang bilis ng tibok ng puso ko? "Tumigil na kayo sa pagtakas! Binibining Anghela!" Napatigil kami sa pagtakbo nang may humarang sa harap namin. Mga lalaki sila, malaki ang mga katawan nila at lahat sila ay armado. Mayroon silang dalang mahahabang baril na ang dulo ay matatalas na kutsilyo. Nakasuot silang lahat ng unipormeng pang guwardiya na kulay kayumanggi. Humigpit ang kapit sa akin ng lalaking nakakapit sa kaliwang kamay ko. Tinignan niya ako ngunit hindi ko maaninag ang kaniyang mukha dahil ito ay malabo. "Magwakas man ang buhay ko ngayon, ngunit kailanman, hindi magwawakas ang pagmamahal ko sa 'yo, Anghela." Napabalikwas ako sa aking higaan nang ako ay magising. Hinihinihingal ako at pawis na pawis. Kinapitan ko ang aking dibdib kaya naramdaman ko ang napakabilis na pagtibok ng aking puso. Sino ba yung lalaking 'yon? Bakit ko siya palaging napapanaginipan? Huminga ako nang malalim at mariin kong pinikit ang aking mga mata at ito ay minulat ko. Napahawak ako sa aking pisngi nang maramdaman kong ito ay basa. Bakit ako umiiyak? Bakit pakiramdam ko ang lungkot ko? Bakit ang bigat ng aking pakiramdam ngayon? Parang mayroon akong nakalimutan na napakahalagang bagay. At ito ang naging dahilan kung bakit naging mabigat ang aking loob. Sa sobrang bigat... Ang sakit.
thank you very much
11d
0its a good story
21d
0napagandang kuwento
23d
0ve good
07/08
0😃😃
19/07
0thanks
18/07
0Salamat sa apps nato na novelah
16/07
0OK I'm enjoying
09/07
0chufgch₱(.&).6@.&).)&.)@ mv bm hm khzkuz
09/07
0good
08/07
0