“You can’t do this, Sev. You can’t break up with me.”
Huminga ng malalim ang binata habang pinagmamasdan si Ramielle na umiiyak sa harap niya. Mahigpit ang hawak nito sa braso niya habang tunaw na ang make up sa mukha dahil sa luha. Nasa rooftop sila ng bar na ini-request niya na isara muna sa ibang customer. Gusto niyang makausap ito nang masinsinan.
May lumabas na picture na may kausap siyang babae sa bar. And she went berserk online claiming that the girl was trying to seduce him. Na walang karapatan ang babaeng iyon ni kausapin man lang siya dahil boyfriend daw siya ng TV host. Parang may lubid na sumasakal sa kanya. He knew he must set the record straight.
“Ramielle, for the record, we are not in a relationship. We are just two people enjoying each other’s company.”
“It is just formality. Pero nag-date na tayo nang two weeks and I thought…” Dahan-dahang humina hanggang tumigil na.
“What? You finally tamed me? I am committing to you?”
Commitment. May mga babae ba talagang naniniwala na sa loob lang ng dalawang linggo ay mapapatino na siya at kalilimutan ang lahat ng pinaniniwalaan niya? They must be too confident or delusional or both.
“I thought you are falling for me. Other guys did with just a snap of my finger,” she said in a haughty tone then clicked her fingers.
“No doubt about it. But I am not most guys.”
Nanginig ang labi nito. “What did I do wrong? May kulang ba sa akin? Is her pussy more magical than mine? How about her boobs? Is it natural? Perkier than mine? Tell me!”
Hinawakan niya ang balikat niya. “You are perfect. Huwag mong ikumpara ang sarili mo sa ibang babae. Magaganda kayong lahat sa paningin ko.”
“So, you are not committing to her at ayaw mo rin sa akin?”
“Kung gusto mo ng seryosong relasyon at lalaking mamahalin ka, hindi ako iyon. I made it clear from the start. I don’t do love. That is no secret. Hindi ako magbabago. I like my life as it is.”
Humikbi ito. “Not even for me?”
“Not even for you.”
Kinabog nito ang dibdib niya. “Asshole! I am Ramielle San Agustin! I am a goddess. Maraming lalaki ang nagpapakamatay para lang mapansin ako. Sa iyo pa ako nagmakaawa nang ganito. And you treat me like trash. You are one ungrateful swine!”
“I am thankful for the time we shared. I hope you will be happy.”
Nakita na lang niyang lumipad ang palad nito at tumama sa pisngi niya. “Damn you! I will ruin you! I will ruin you!”
Ngumisi siya nang hawakan ang nasaktang pisngi. “Sino ba ang higit na masisira kapag sinabi mo ito sa ibang mga tao, Ramielle? Everyone knows who I am. Wala akong ipinangako na kahit ano sa iyo. You assumed that you can change me. Not my fault. Air this in public and it will ruin you. Magmumukha ka lang desperada. I will let you walk away from this. Date a better guy who will give you what you want. You are a goddess, remember?”
Tumigil ito sa pag-iyak at hinamig ang sarili. “You are right. I am a goddess. I will find someone who will worship me and love me forever. At ikaw, magiging miserable habambuhay.”
“Okay,” kaswal niyang sabi at tinanggap ang anumang sabihin nito.
“I just hope you will fall in love someday. At di ka niya mamahalin kahit na anong gawin mo. And I hope it will hurt like hell. Mas masakit pa sa nararamdaman ko ngayon.” Pinahid ng babae ang luha at ngumisi sa kanya. “I would love to be at the front seat when that happens.”
Saka siya nito tinalikuran at taas-noong naglakad palayo. Kung di lang nakakainsulto dito ay baka pagtawanan niya ang sumpa nito. As if mai-in love siya. Sa ngayon, mabuti nang tanggap ng babae ang sitwasyon. Hindi na ito histerikal at tiyak na nahimasmasan na ito. Di na ito mag-eeskandalo sa internet.
“Was it bad? May internal injury ka ba? Should I call 911?” tanong ng kaibigang si Trevor nang hangos na umakyat sa rooftop pag-alis ni Ramielle.
“I am fine,” aniya at kinuha ang baso ng scotch na dala nito. “A few scratches but nothing fatal. Tanggap na niya ang sitwasyon at makaka-move on na rin siya.”
“Good,” sabi naman ng kaibigan at napatungga. “Monty just called. May pool party daw sa penthouse niya ngayon. Are you coming?”
Ibinalik niya ang wala nang laman na baso dito. “Not tonight. I want to sleep this off. Nanghihina ako sa mga drama. I am too old for this.”
Walang nagawa ang kaibigan nang magpaalam siya dito. He made it a point to come home sometime in the night. Kailangan niyang I-check ang kapatid na si Krisha. Nagpaalam ito na manonood ng advance screening pero di niya pinagayan. May exam ito sa Lunes. Inutusan niya itong mag-focus sa pag-aaral. Na dapat ay alam nito ang priorities nito.
Tumawag ang katiwala niyang si Manang Wilma habang bumibiyahe siya pauwi. “Hello, Manang.”
“Sir Sev, nasaan po kayo?”
“Nasa Katipunan na ako. Malapit na ako. Bakit po?” kinakabahan niyang tanong. Di naman basta-basta tatawag ang matandang babae malibang emergency.
“Si Miss Krisha po kasi nagkukulong sa banyo. Magpapakamatay daw siya.”
“WHAT?” bulalas niya Sev. Nanlamig ang buong katawan niya at pinaharurot ang sasakyan. Malakas na malakas ang kaba sa dibdib niya. “Paanong nakapagkulong siya? Open the damn door.”
“Itinabi niya ang mga susi. Di ko mahanap sa taguan. Sir, hindi ko alam ang gagawin ko. Di niya sinabi kung maglalaslas siya, tutungga ng shampoo o magpapapak ng sabon. Tatawag na ba ako sa 911?”
“Sabihin n’yo pauwi na ako. Keep on talking to her. Kung di na sumasagot, saka ka tumawag ng rescuer. Malapit na po ako.”
Nagpasalamat siya na di siya nadisgrasya habang biyahe at walang traffic. Di rin siya hinabol ng traffic enforcer. Alam niya na sakit sa ulo ang kapatid pero di niya inaasahan na may tendency ito na saktan ang sarili.