Nanlaki na lamang ang mata ni Tiana at napatakip sa bibig niya dahil 'di niya inakala na may assignment pala siya.
'Tangina! Gumawa pala ako ng essay kagabi, wala akong maalala ah. Ganoon na ba ako kakaba sa essay ko kagabi kaya kahit natutulog nagawa ko 'yon? Pero wala naman akong maalala na kinakabahan ako dahil sa essay ah? Naalala ko nagbabangayan kami ni Kalen dahil sa pagpunit niya sa essay pero----jusko, dami kong iniisip, basta ang importante may assignment ako, haha.'
Nagtinginan na tuloy iyong mga classmates niya sa kanya kaya napabalik siya sa realidad at nahihiyang kinuha ang assignment niyang naka-compile na rin, pero kumpara sa ibang nagpasa, mas bongga ang sa kanya. May pa-glitter design pa ito na nagpakinang sa folder ng essay niya kaya palihim siyang napangiti.
"Salamat-----" Kukunin niya na sana ito ng bahagyang inagaw ulit ni Kalen at matalim siyang tinignan.
"May bayad 'yan, tss," sambit nito bago ilinagay sa kamay niyang nakalahad at kumaway sa teacher at doon na lumabas. Imbis na mainis ay napangiti na lamang siya at ibinigay na ito sa teacher niya.
"Ma'am hayan na po, sana may dagdag points tutal mas maganda iyong design 'nong akin kumpara doon sa iba." Hirit ni Tiana at napanguso pa sa ibang folders na nasa desk ng Ma'am niya.
"Bata ka talaga, alam ko namang pinagawa mo lang 'yan," sambit ng Teacher niya at napailing-iling pa kaya mas lalong humaba ang nguso ni Tiana at doon na ulit nagtawag ang Ma'am niya.
"'Ba 'yan si Ma'am, nag-effort rin ako diyan ih. Damot mo naman sa grade Ma'am." Pagpaparinig niya kaya ang inakala niyang dragon na Teacher na ii-snob siya ay narinig niyang napabuntong hininga, sign na sumuko na sa pagpilit niya na taasan ang grade niya sa subject niya.
"'O sige na nga, bata ka. Kung di lang tsjalshagqsiovitfriwmsmo," giit ng teacher niya habang nakatuon ang atensiyon sa chine-check niya, pabulong na ang pagkakasabi ng teacher sa huling salita pero hindi na niya ito pinansin at napa-yes na lang.
Bumalik na ulit siya sa kinauupuan niya. Lumingon siya sa nakabukas na bintana at linanghap ang sariwang hangin nito, good mood siya ngayon kaya ngingiti-ngiti siyang pinagmasdan ang mga tao sa baba.
Napatingin siya sa ibang estudyante, halatang nag-cutting iyong iba at iyong iba naman ay malayang nakakapasok sa field nila dahil wala namang security guard ito, may naka-assign na faculty members na magtitingin dito, pero may isang lalaki talaga ang nakaagaw ng atensiyon niya.
Iyong naka-hoodie ng itim na lalaki, hindi niya sigurado pero parang nakatingin ito mismo sa direksiyon niya kaya pinanliitan naman niya ito ng mata at saktong may nag-approach doon sa lalaki, si Kalen.
Nanlaki ang mata niya at agad siyang napasara sa bintana nang lumingon ito dahil sa takot na makita siya nitong nakatingin sa baba habang nagka-klase sila.
Ayaw kasi ni Kalen ulit ang mga hindi nagpa-participate sa klase, kahit si Tiana na hindi niya kaklase dini-disiplina niya at short tempered din siya kaya minsan natatakot si Tiana sa kanya, kaya dinadaan niya na lamang ito sa pang-iinis o pagtawa ng malakas sa asawa.
Buong klase siyang nakatunganga hanggang sa mag-ring ang bell nanatili pa rin siyang nakatunganga.
"Tiana, sino 'yon? Boyfriend mo?" May biglang lumapit sa kanya, kaklase niyang chismosa. Napabalik siya sa ulirat at liningon ito.
"Oo nga, ang gwapo!" May sumunod naman doon sa isa kaya napayuko na siya. Hindi dahil sa nahihiya siyang may gwapo siyang boyfriend daw kundi ayaw niyang makipag-usap sa mga chismosa. Kinabahan siya baka nga linagyan pa ng body camera ang mga damit niya dahil parang spy na nalalaman ni Kalen ang mga impormasyon kung may kinakausap ba siya dito o wala.
'Kung alam niyo lang na asawa ko na 'yon ano kaya magiging reaksiyon niyo? Syempre magugulat kayo, ano ba 'tong tanong ko, nakakabobo, pati sarili ko tuloy nabobobo.'
"Tiana reto mo kami!" Nanlaki na naman ang mata niya at nginitian niya na lang iyong mga kaklase niya at doon na napatayo't umalis na.
"Nasaan na kaya iyong lalaking 'yon." Napatakbo na lamang siya sa field at nakitang wala na si Kalen, tanging natira lang ay 'yong lalaking naka-hoodie kaya kahit labag sa kalooban niya ay linapitan niya ito.
'First time ko ulit kumausap sa mga tao dito bago pa inanunsiyo 'nong walang hiyang lalaking yon na bawal ako kumausap sa mga tao dito. Sana naman----hindi ako mapagalitan dito, magtatanong lang naman ih, huhu kinakabahan ako.'
"Ah, kuya pwedeng magtanong?" Lilingon na sana iyong lalaki ng may biglang humatak sa kanya kaya napasunod na lang siya.
"Aray! Oy bitaw, sino ka ba------Kalen!" Napasunod na lamang siya at muling napalingon sa lalaking tatanungin niya sana, kung kanina ay nakatalikod ito, ngayon sumusunod na ito kaya kinabahan siya at napasabay ng lakad kay Kalen.
"Oy sino 'yon? Bakit niya tayo sinusundan? Pst Kalen, sagutin mo'ko kinakabahan na ako, noon pa yan nakamasid sa akin------" Napahinto si Kalen sa paglalakad at si Tiana naman, napatakip na lamang sa bibig niya.
'Gosh ano na namang ka-shungaan ang sinabi nitong bibig ko? Sinabi ko ba na----O. M. G.'
"What did you just said? Nakamasid?" Napatingin naman si Kalen doon sa lalaking kasalukuyan ng tumatakbo palabas ng gate, agad na napasunod si Kalen.
"Joke lang iyong sinabi ko ah------HOY! JOKE LANG 'YON!" Napatigil sa pagdaldal si Tiana at patakbong sinundan si Kalen.
Akala niya susundan ni Kalen iyong lalaki pero turn out na pumunta lang ito sa direksiyon ng kotse niya kaya napahinto na lamang siya sa paglalakad ng makarating na rin siya sa direksiyon ng kotse ni Kalen at doon napakamot ng ulo dahil napahiya na naman siya sa sarili niya.
'Nakain na naman ako ng pagka-assumera ko, jusko, pahiya tuloy ako sa sarili ko, akala ko nagalala siya di pala, tse.'
"Oh? Tititig ka na lang ba diyan. Bilis sakay! Ang bagal, huwag kang mag-assume na sinundo kita. Tandaan mong may usapan tayong ngayon ko ibibigay 'yong rules." Napatango-tango naman si Tiana at papasok na sana sa kotse ng napalingon siya doon sa lalaking naka-hoodie na naman.
Ngayon ay nakasandal naman ito sa isang poste doon sa parking lot ng eskwelahan, hindi niya ulit nasisigurado pero alam niyang nakalingon ito sa kanya.
Napaisip siya nang dumaan ito sa gilid niya noong akala niyang sinusundan siya nito, medyo natanggal iyong hood niya kaya nakita niya ito, pero iyong ilong at labi lang.
"Tiana! Ano na?!" Muli ay napabalik siya sa ulirat at napasakay na lamang ng kotse ni Kalen ng 'di oras.
Napansin niyang madalas siyang ma-estatwa at matunganga kaya bahagyang pinagsasanpal niya ang sarili niya at kinurot-kurot ang pisngi para magising siya.
"Aray, ouch, tangina sakit, huhu ayoko na." Sunod-sunod niyang daing at mura kaya napatigil na siya sa pagkurot sa sarili niya at napansing nakalingon sa kanya si Kalen mula sa rear view mirror.
Nasa passenger seat kasi siya, isa na naman kasi sa nabanggit ni Kalen noon na hindi pwede siyang sumakay sa shotgun seat ng sasakyan niya, napagkakamalan daw na mag-jowa kapag gano'n.
Inirapan niya lang ito at dumukot na ng pera sa bag niya. Nang makuha niya 'yong wallet niya, isang isang-libo at five hundred lang ang natira.
"Hindi pa pala ako nakaka-withdraw noong isang buwan." Bulong niya at iling-iling ng kinuha iyong five hundred at inabot kay Kalen.
"'Yan bayad ko," napabalik siya sa pagkakasandal at nagkibit-balikat, "oh ano, masaya ka na?" Tinaasan niya lang ito ng kilay at tumingin na sa bintana.
"Nagbago na isip ko, sayo na 'yan." Bigay niya ulit dito pero liningon at tinignan lang ito ni Tiana kaya bahagyang napataas ang kilay ni Kalen.
"Hindi mo pa kukunin? Here's your money, I don't need it," sambit niya pero nanatiling nakatitig lang dito si Tiana.
"Ano na?! Ikaw na nga minamalasakitan-----" Muli niyang tanong pero pinutol na ito ni Tiana at napatingin sa kanya
"Malay ko ba kung magbago ulit isip mo diba? Sabi mo huwag akong assumera kaya ito, tapos ikaw pang magsasabi ng minamalasakitan mo, sino? Ako? Aba, kapal mo rin noh?" Saglit na napapikit si Kalen at huminga ng malalim, pinigilang mainis dahil nagsimula na naman ang katangahan ni Tiana.
"K fine, edi huwag mong tanggapin, madali lang naman akong kausap eh!" Ilinagay niya na ito sa harap ng kotse niya at walang imikan na silang nakarating sa bahay nila.
Tahimik na ang bahay ni Kalen, sign na wala na ang Nanny ni Tiana kaya nalungkot siya.
"Nasaan na ba si Nanna? Umuwi na ba ka agad siya?" Tanong niya sa sarili niya ng makababa siya sa kotse ni Kalen, ayaw niya na kasing magtanong dahil sa taas din ng pride niya. Dapat daw lalaki ang nanunuyo hindi babae, 'yon ang nakikita niya sa mga teleserye.
"Malamang, aalis siya. Sino ka ba naman para pagsilbihan ni Manang diba?" Akmang susugudin na niya sana ito ng batok nang may biglang lumabas sa bahay ni Kalen at tinawag siya.
Napaatras na lamang si Tiana at pinanood 'yong dalawa na magyakapan.
Napairap siya at aalis na sana ng magtanong iyong lalaki kung sino siya.
"Dude, who is she? Girlfriend mo?" Tanong 'nong lalaki kaya napabagal siya sa paglalakad.
"Nope, ampon lang siya nila Mom," sagot naman ni Kalen kaya imbis na maiinis ay napangiti pa siya dahil sa sinagot ng asawa.
'Hah! Bakit naman ako maiinis, buti nga sinabi niya ampon lang ako hindi kasambahay hindi gaya 'nong napapanood ko sa teleserye na maid-maid haha.'
"And what she's doing here sa bahay mo? Diba mag-isa ka lang diyan?" Muling tanong ng lalaki kaya napakunot na si Tiana.
'Interesadong-interesado sa life ko ah? Gano'n na ba ako kaganda para paginteresan? Stop Tiana, ang hangin mo na.'
"Yes, and she's my maid Dude." Bahagyang napatawa si Kalen sa sinabi niya at liningon si Tiana na parang nakikiramay sa patay dahil sa bagal ng paglakad.
Napa-tsk at ginayak na lamang niya iyong kaibigan niya papasok sa bahay niya pero dahil nga medyo interesado 'yong kaibigan niya kay Tiana, sumabay ito sa asawa niya.
"Hey!" Tawag nita rito at sinabayan ng lakad, napadiretso naman ng tayo si Tiana at napatingin sa lalaking katabi niya.
Napalingon-lingon pa siya sa paligid niya at itinuro ang sarili niya, tila 'di sigurado kung siya ba iyong kinakausap 'nong kaibigan ni Kalen, napailing-iling at kibit-balikat na sumandal sa gate ng bahay niya si Kalen at pinanuod ang dalawa na magbobohan este mag-usap pala.
"K-Kuya ako b-ba kausap n-niyo?" Utal niyang tanong dahil sa kaba na may masabi siyang mali at masabihan ng bobo ni Kalen sa harap mismo ng ibang tao.
Iyon kasi ang pinaka-hate niya kay Kalen, ang nagsasabi ng stupid o ano pang kabobohan at katangahan na word para ma-describe kung gaano kakitid ang utak niya.
"Yes ikaw, and please don't call me Kuya, magka-edad lang tayo," sambit ng lalaki kaya ngiting aso siyang lumingon kay Kalen na seryosong nakatingin sa kanilang dalawa.
"Tiana Dolores!" Ilinahad niya ang kamay niya.
"Martin Lim." Tanggap niya sa kamay ni Tiana kaya napatakip siya sa bibig niya animoy nagulat.
"Omg! Martin Lim?" Bulalas niya at napatingin na naman kay Kalen na kakababa lang ng phone, may tinawagan ata.
"Bakit kilala mo?" Tanong nito at lumapit na sa kanila, agad na napabusangot si Tiana dahil hindi naman niya ito kilala at naririnig lang sa kapitbahay niya na isang sikat na model daw ito.
Na-guilty siya dahil isa rin ang model ang nasa hate list niya, bukod sa binebenta nila daw 'yong mga katawan nila, retokada daw sila kaya magaganda, chismis lang niya 'yon.
Pero ngayon niya lang napatunayan na hindi lahat ng modelo ay retokado dahil 'yong kaharap niya ngayon, pure handsome ang ka-gwapuhan.
"Hindi, pero model ka diba?" Tanong nito at ini-snob si Kalen na nasa tabi niya.
"Yep, gusto mo ba magpa-authograp Tiana?" Medyo kinilig siya dahil tinawag siya ng isang sikat at tinitingala ng mga tao sa pangalan pa niya mismo.
"Yiee, idol, sige pa-authogrqph," saad nito at ilinahad ang kamay niya.
Napahilamos na lamang si Kalen at pinaglipat-lipat ang tingin sa dalawa, tila hindi napapansin ang presensiya niya.
"You know Tiana, you look beautiful naman, pwede kang-----" Napatigil si Martin sa pagsasalita ng mag-ring ang phone ni Tiana.
Kagat labing kinuha ni Tiana ang phone niya at sinenyasan si Martin na may kakausapin lang siya.
Tinignan niya iyong caller at laking gulat niya ng si Kalen lang pala ang tumawag.
Lumingon siya kay Kalen na kaakbay na ngayon si Martin at kakabulsa pa lang ng cellphone niya, napatingin ulit siya sa phone niyang kakapatay pa lang sa pagkakaring.
"Bro, I think kumain ka muna, then let's talk after that." Narinig niyang pagkakausap dito, hindi ito pinansin ni Tiana dahil nga naiinis siya pero napatigil siya ng bumaba ang akbay ni Kalen sa bewang ni Martin.
"Bwisit talaga iyong lalaking 'yon-----OMG." Napatakip siya sa bibig niya at napatingin sa paligid kung may nakakakita ba sa dalawa pero wala, bumalik ang tingin sa dalawa na naghahagikhikan na.
Hindi na niya ito marinig kaya palihim siyang napasunod sa mga ito.
"Jusko ano 'tong nakikita ko? Bakla ba 'yong mokong na 'yon?" Takip bibig niyang tanong sa sarili at sinundan na sila papasok ng bahay.
Napatigil muli siya sa paglalakad ng tumunog ulit 'yong phone niya.
"Hello---" Bungad niya rito pero pinutol lang siya nito, napatingin siya sa caller at si Luca ito.
"Day, kilala mo ba' yong naka-hoodie na ini-istalk ka na naman kanina?" Tanong nito kaya napakunot ang noo niya.
"Luca alam mo namang bawal ako makipag-usap diba, syempre 'di ko 'yon makikilala," sagot ni Tiana rito.
"'Yon na nga ang problema Day, kanina nakita kitang lumapit sa kanya, malamang may konting chitchat kayo diba?" Muli nitong tanong kaya napalipat na siya ng pwesto kung saan may cignal.
"Eh nagtanong lang naman kasi ako sa kanya, teka bakit ba siya pinaguusapan natin ngayon Luca?" Curios niyang balik na tanong, narinig niyang napabuntong hininga sa kabilang linya si Luca na mas lalong ikinakunot ng noo niya.
"Day nabugbog 'yong stalker mo." Sagot nito kaya doon tuluyang nalaglag ang panga niya.
'My gosh, unstoppable ang revelations ah, kanina nasaksihan ko 'yong bakla side ni Kalen tapos ngayon mababalitaan ko na lang na nabugbog na pala 'yong stalker ko, dahil kanino naman? Syempre kinausap ko lang naman siya at alam ko kung sino ang walang hiyang magpapabugbog doon. Shutanginang Kalen 'to, gano'n na ba siya ka-obsessed sa'kin? Tangina, ang gulo rin ng lalaking 'yon eh. Hate niya ba talaga ako o ako lang ang may hate sa kanya?'