Kabanata 6
SA pag aakala kong nalulunod ako sa panaginip ko nagising ako at napabalikwas ng bangon na tila hinahabol pa ang hininga ko. Ikinahulog ko pa sa couch ng magulat ako sa tumambad na mukha sa akin. Kaya naman pala ako kamuntik mamatay dahil sa kaharap ko si kamatayan.
"Baliw ka ba? Papatayin mo ba ako sa gulat?" Sigaw ko sa kaniya ng mapansin kong parang basa ang mukha ko dahilan para mapapunas ako sa mukha ko na may mukha ng pagtataka. Napakunot noo ako ng mapansin kong may hawak itong tabo na laman ay tubig habang ngising ngisi sa akin.
"Ikaw may gawa nito?" Pagtaas ng boses ko habang nakakunot noo. Eto ang masarap lunurin kapag tulog. Lakas ng trip!
"Pinaglihi ka ba sa mantika? Kung di pa kita wiwisikan ng tubig diyan di ka pa magising gising. Kala ko nabangungot ka na." Aniya nito saka napailing na tumalikod. Mabilis namang kumilos ang kamay ko para damputin ang tsinelas ko at ihabol iyon sa kaniya. Kasing lapad ng kawali ang ngiti ko ng matamaan ko siya sa ulo.
" Buti nga sa iyo." Bulong ko dahilan para ikagulat ko ang mabilis na hakbang nito sabay buhos nitong tubig sa ulo ko.
"Ayan, mas mabuti yan sayo ng mahimasmasan ka na."
"Stellle!" sigaw ko sa sobrang gigil bago ko pa man mahablot ang damit nito ay mabilis ng napatakbo papunta sa kusina. Habang ako basang sisiw halos ang kalahating katawan ko sa ginawang kademonyohan nito.
"Stellle!" Muli kong sigaw sa sobrang inis ko halos mapigtas yata ang mga uugat ko sa leeg. Pati ang unan basa. Mabuti na lamang at gawa sa leather tung couch kaya di ganun na nabasa talaga kundi ewan ko nalang.
Hold your spirit Kisses, makakaganti ka din sa buang na iyon. Nagmartsa akong naglakad sabay hatak sa bagahe ko para kumuha ng shirt at pang saplot sa dalawa kong prutas. Stelle, pagsisisihan mong inire ka ni mommy mo sa mundong ito.
Matapos ang ilang minuto sa wakas natapos ko na din patuyuin ang lahat ng nabasa sa sala. Well di naman basang basa yung ibang gamit natalsikan sa bwisit na ginawa ng gagong iyon.
Napaupo ako sa couch saka napapikit. Lord, kahit isang oras lang iparamdam niyo pong nasa panig ko po kayo.
"Tsk, tsk, tsk, nabasa na nga di pa naligo." Rinig ko dahilan para mag 360 degrees ang leeg ko. Akmang hahablutin ko na ang damit niya ng biglang umiwas kaya ang naging results nahulog na naman ako sa couch, tumama pa sa center table ang noo ko.
"Aa--aray ko po." Napapahimas ako sa noo ko at sa likod. Bwisit! Mukhang di yata aabot ng isang buwan ang buhay ko pag etong kampon ni Satanas ang kasama ko.
"Bwisit ka talaga. Mamatay ka na mamatay!" Sigaw ko ulit sa kaniya habang nakatingin.
"Grabe ka naman, dinadamay mo ko sa katangahan mo." Sagot nito.
"At ako pa ang tanga huh? Kung di ka sana umilag eh di sana di ako mahuhulog at mauuntog."
"Eh di kung hindi rin ako umilag baka mapatay mo ko diyan sa haba ng kuko mo." Sagot niya
"Talagang papatayin kita pag nahawakan Kita." Aniya ko sa gigil ay halos tumirik ang mga mata ko sa sama ng tingin na sa kaniya.
"Bala ka, ako okay lang ako mamatay. Ikaw ba? Okay lang ba sayong makulong forever? Hmmmm siksikan dun, walang aircon, walang----"
"Stelle!"
"Yes?" Sagot sabay ngiti at kindat sa akin.
"Ano bang kailangan mo at napakaaga pa ng pang bwibwisit mo huh?" Tanong ko.
"Simple lang, basahin mo muna ito." Sambit niya sabay abot sa akin ng hawak hawak niyang papel.
"Ano ito?" Tanong ko.
"Gang ngayon, bobo ka pa din. Malamang papel." Sarkastikong sagot niya.
"Mas bobo ka. Bobo ka bobols bopols bolops!" Sambit ko sabay agaw sa papel.
" Siguraduhin mong marunong ka din mag basa huh?"
"Eh kung isampal ko na lang kaya sa pagmumukha mo itong papel nuh?" Aniya ko sa mataray, inis at galit na tono ng pananalita.
"Sayo papel, sakin kamay. Tingnan natin alin mas malapad at masakit na tatama sa pisnge. Papel ba o palad." Aniya nito na nakangiti pa. Sa sobrang galit ko napapikit ako saka napahingang malalim. Lord, bigyan niyo po ko ng mas mahaba g pasensya habang di ko pa napagplaplanuhan ng mabuti kung sa papaano ko didispatsahin ang kaharap ko ngayong ulikba.
"Pagkatapos mong basahin, pirmahan mo." Aniya nito sa seryosong tono ng boses para mapadilat ako saka siya tiningnan ng masama.
"What do you mean?" Tanong ko ngunit isang senyales lang ang ibinigay sa akin. Senyales na basahin ko ang nasa papel. Napailing akong inirapan siya.
Isang salita pa lang ang tumambad sa akin sa papel na iyon ay napakunot noo na ako.
"Kontrata?" Napatanong ako habang nakakunot noo sabay tingin sa kaniya.
"Para mas malinaw." Diing sagot niya.
Napabuga ako sa hangin saka ihinanda ang sarili na mabasa ang kahabaang mga nakasulat sa papel.
Rules and Regulations:
Una, walang dapat makaalam sa kung anong relasyon nating dalawa sa trabaho. Malaking bawal.
Napaangat ang mukha ko pagkabasa ko sa pinaka-unang pangungusap.
" Paano kung di ko sundin?" Pagtataray kong tanong na ikinangiti naman agad niya. Sa totoo lang gusto ko itong ideya niya, wala din sa isip Kong pagsigawan o maske Isa sa mga katrabaho ko ang makaalam tungkol sa kamalasang nangyari sa akin. Pero dahil syempre gusto kong mang-inis itinanong ko na and in case din naman biglang may makaalam.
"Oh well, nasa saiyo iyon. It means na ganun ka kapatay na patay sa akin."
"Wow huh hahaha! Kahit ilang beses pa ako mamatay malabo mangyari iyon. Manigas ka!" Inis kong sagot Saka pinagpatuloy na ang pagbabasa.
Pangalawa, walang pakialaman sa kung sino man ang kasama. Mind your own business tayo.
Pangatlo, hindi pwedeng sabay lumabas ng bahay, 10 minutes lagi ang gap sa paglabas.
Pang-apat, may oras sa pag-gamit ng kwarto.
Kisses- 9:00 am hanggang 5:00 pm
Stelle: 6:00 p.m hanggang 8:00 p.m
bago umalis dapat ng kwarto ang bawat isa, may isang oras para linisin ang kwarto, isanitize at dapat walang ni hibla ng buhok ang maiiwan sa loob o amoy nito.
Pang-lima, luto mo, kain mo, hugas mo.
Pang-anim, may schedule ng linis.
Kisses- M,W,F, SAT,SUN
Stelle- T,TH
Napahinto ako sa pagbabasa.
"Bakit mas madaming araw sa akin sa pang anim?" Tanong ko.
"Babae ka di ba?"
"Oh e ano kung babae ako? Unfair yata. Di ako papayag. Sayo ang saturday at Sunday. Akin ang Monday, Wednesday, at Friday." Pagrereklamo ko.
"Abay, ang unfair din naman sakin ano yun apat na araw ako nakatoka sa paglilinis. Akin ang Saturday, sayo na ang Sunday. No way."
"Aba, di naman ako papayag aba. Di pwede. Kung ayaw mo sa Sunday, ayoko din." Sagot ko bahala na bumaliktad ang bahay t'wing Sunday basta di ako maglilinis sa araw na iyon.
"Oh eh, sino sa Sunday?" Tanong niya.
"Bay malay ko, kung gusto mo chics mo papaglinisin mo. Papuntahin mo dito." Sagot ko.
"Selos ka naman?" Tanong niya
"Excuse me, kahit sampung batalyon pa yan ng mga babae mo ang papuntahin araw araw dito, mag jack n poy pa kayo gabi gabi at magtagu-taguan, malaking walang pakialam ang isasampal ko sa pagmumukha mo. Mukha mo pagseselosan ko? Ulo*."
"Talaga lang huh? Let's see. Kung ganun sayo na nga ang Sunday."
"Ayoko nga sabi." Singhal ko sa kaniya.
" Eh di wag. Para walang gulo t'wing linggo walang mag stay ng bahay. Lahat aalis para wala ding linisin." Aniya nito saka umayos ng upo.
"Deal ako diyan." Sagot ko.
"Mabuti naman. Sige basahin mo na ulit." Sambit niya na binigyan ko ng masamang tingin. Napabuga ako ng malalim ng makita ko kung hanggang Ilan nga ba talaga ito. Natulog ba ito kagabi o gumawa lang nito magdamag, di halatang binigyan ng effort ah.
"Di ka halatang pinaghandaan mo lahat nuh?" aniya ko.
"Di naman, bago ang kasal natin naisip ko na iyon. Gusto ko lang maging secured Yung buhay ko habang Kasama Kita sa iisang bubungan."
"At ako pa talaga magmumukhang masama sa atin nu?"
"Bakit hindi ba?" tanong niya para sungitan ko ng tingin. Wala kong mapapala sa taong ito, mas matino pa ang pusa kausapin kaysa sa kaniya.
Maituloy na nga sa pagbabasa.
Pang-pito, kailangang ipakita sa mga parents kung gaano kasweet couple pag-kaharap sila, hanggang dun lang wala ng ibang malisya.
Psh, kahit di na magpanggap, baka masuka pa ako.
Pang-walo, bawal mainlove sa isa't isa. Once may mainlove dapat itigil na, divorce agad at magpakalayo layo.
"Wow huh? Nahiya ako sayo. Bulag lang ang mainlove sa iyo." bulong ko.
"Ano sabi mo?"
"Wala, sabi ko kahit sa mga susunod na buhay ko o kabilang buhay ko walang Kisses na mahuhulog sa katulad mo."
"Oh really? Well said, but let's just see. Walang iiyak huh?" Aniya nito.
"Kahit mamatay ka pa di kita iiyakan." Sarkastikong pagkakasambit ko sabay ngiti sa kaniya.