NAKADIPA ang mga kamay ko sa harapan niya para siguradong di siya makakadaan.
"Ginagawa mo?" Tanong niya.
"Di ba halata? Di ako papayag na ako dito sa baba. Ako ang-- ako ang babae kaya dapat ako sa itaas." Aniya ko na nakatitig sa kaniya. Agad naman napailing ang reaksyon niya.
"Sorry ka na lang, pero bulok na iyan at wala sa diksyunaryo ko ang maging mapagbigay sa mga babae. Alam mo iyan."
"Kung ganun, uumagahin ka lang dito sa baba pero di ka makakaakyat."
"Ako ba tinatakot mo?" Tanong niya.
" Hindi, kung usapang higaan hindi ako matatakot." Madiing sagot ko.
"Talaga lang huh?" Napapatangong sagot niya sabay hakbang papalapit sa akin dahilan para mapaatras din ako.
"A-anong binabalak mo na naman?" Tanong ko sa kaniya ng makaramdam ako ng kutob.
" Hulaan mo!" Sabay kindat nito, napapaatras naman ako habang siya patuloy na humahakbang papalapit sa akin.
"Hoy Stell, sinasabi ko sa iyo kanina pa. Wag na wag kang magkakamaling idapo yang kahit hinliliit mo sa kahit alin mang parte ng katawan ko kundi makikita mo. Makikita mo ang hinahanap mo."
"Manakot daw ba sa akin? Para sabihin ko sa iyo, allergy ako sa mga tulad mong baliktarang pader."
"Ano? Anong pader? Bastos ka din talaga nuh?" Sigaw ko hanggang sa bigla akong napahinto ng maramdaman ko ang bakal sa likod ko. Napapikit ako bahagya, asar bat dito pa sa hawakan ng hagdanan.
Napalunok ako ng tuluyan niya na akong makorner.
"Ano ngayon? Pipigilan mo pa din ba ako makaakyat sa taas?" Tanong niya. Juskopo, anong halimaw ba tung lalaking eto at pati Adams apple niya nakakapangilabot tingnan.
"Anong gaga-g-gagawin mo?"
"Hmmm, aalis ka sa harapan ko o hahalikan kita?" Sambit nito na agad kong tinakpan ang bibig ko saka ko naalala ang ginawa nito sa simbahan.
"Ano? O baka naman more than kiss pa ang gusto mo?" Sabay bulong sakin dahilan para mapapikit na naman ako ng maramdaman ko yung kiliti. Boyset! Pati pintig ng puso ko bigla na namang naging abnormal.
"Hmmm---" Saka niya inamoy ang leeg ko dahilan para mapaigtad ako.
"Hoy, umayos ka kung ayaw mong tuluyang mabasag yang mga bugok mong mga ammm--"
"What?-" Bulong niya sa bandang leeg ko na talagang di ko malaman kung kilabot o kuryente yung naramdaman ko sa buong katawan ko. Bago pa man siya makakilos ng masama ay agaran ko ng itinulak ng buong lakas.
"Oo na. Dito na ako dun kana, bangungutin ka sana dun. Wag kang magkakamaling bumaba dito o mag-isip ng masama kundi mahahampas ko yang ulo mo ng martilyo." Bulyaw ko. Bwisit na iyon alam na alam kung paano ako mapapasuko. Malalaman ko din kahinaan mo Stelle. Humanda ka!
"As if naman kagandahan ka para pag isipan ng masama." Napapailing sambit niya saka humakbang papunta sa hagdan.
" Siya nga pala, bukas bumangon ka ng maaga pag luto mo ko?" Aniya nito, aba-- parang tunog ng drum Yung narinig ko sa sinabi niya. Ano ko katulong niyo? Aba aba!
"Excuse me? Magluluto? Ako? Sayo? Mamatay ka sa gutom o mamatay ka sa luto ko?"Sambit ko sabay irap at tumalikod. Ano ka swiniswerte?
"Siya ikaw ang bahala. Tingnan na lang natin bukas. Siya nga pala muntik ko ng nakalimutan, binabalaan kita wag na wag kang aakyat sa taas habang tulog ako o nandun ako baka mamaya gapangin mo ko." Sambit niya na ikinaharap ko na nakapanggigil. Kasing kapal ba ng narrang puno ang pagmumukha nito?
"Hoy! Bangungutin ka sana. Mahiya ka. Kapal mo. Gapangin? Oo gapangin talaga kita para patayin pag ako nasobrahan sa lamig ng kayabangan mo bwisit ka." Singhal ko na talaga namang umalingaw-ngaw ang boses ko sa buong kabahayan. Sana marinig niya iyon tagos sa dalawang tenga niya.
Bagsak ang balikat kong napaupo sa sofa. Buong buhay ko kama lang ang kilala kong higaan tapos ngayon---aaaargh! Ma, pa--bakit ba umabot ang lahat sa ganito? Pumayag lang naman akong maikasal dahil para makaiwas dun sa isa pa nilang gustong ipakasal sa sa aking patay na patay naman. Tagos buto nga naman talaga ang pagmamahal sa akin nila mama at papa. Pero di ko akalaing pagkatapos kong piliin ang lalaking ito at ikasal ay magiging simula na pala ng bangungot ko sa buhay. Malala pa sa inaasahan ko.
Siya yung pinili ko kasi alam kong kahit habang buhay pa kaming magsama ay walang mangyayari dahil abot ngala ngala namin ang sumpa sa isa't isa. Pero hindi sa ganitong sitwasyon na pati pagtulog ko babangungutin ako sa hirap ng kalalagyan ko. Nakakapang sisi pa tuloy, siguro kung yung isa ang pinili ko kahit nakakakilabot ang ka obsesan sa akin di ako hahayaang matulog dito. Pero kinikilabutan ako sa takot sa t'wing nakikita ko pagmumukha nun. Parang anytime papatay ang kamanyakan. Eeeh!
"Kung bakit naman kasi ganitong klaseng hihigaan naman ang sasalubong sa akin sa t'wing gusto ko magpahinga." Halos di maipinta ang mukha ko na nakaharap sa sahig ng sala.
Iniisip ko palang kung ano maramdaman ng buo kong katawan bukas parang gusto ko na lang matulog dito sa couch---teka tama. Sa couch na lang ako. Mas safe likod ko kahit mabaliko katawan ko dahil di ganun kahaba tung couch na to ayos na sa akin.
Agad kong dinampot ang kumot saka unan ko at inilagay sa couch. Maya maya napatingin ako sa sarili ko.
Kisses? Wag mong sabihing matutulog kang suot ang wedding dress na punit punit na nga madumi pa? Hais!
Napatayo ako saka ko hinila ang bagahe ko para kumuha ng damit na ipangpapalit. Gusto ko ding maligo na, ramdam ko ang kadumihan sa buong katawan ko ngayon.
Matapos ang ilang minuto, sa wakas ramdam ko na ang lamig at pagkarelax sa katawan ko habang nakahiga sa couch at nakatingin sa kisame papikit na sana ang mga mata ko ng biglang may sumanib sa utak ko para maalalan ko yung lintik na pagdampi ng mga labi nun sa labi ko dahilan para mapabalikwas ako ng upo.
"Aaah---Stell, bangungutin ka na sana. Hayp ka. First kiss ko iyon kinuha mo ng wala man lang pasintabi. Pano na iyon? Pano mo ngayon maibalik huh? Paano na? Ano na sasabihin ko sa pag-nagkaroon ako ng boyfriend pag tinanong kung sino 1st kiss ko? Sasabihin ko iyong kapit bahay kong may labinglimang sungay na ipinakasal sa akin at sa harapan nya pa ng maraming tao ginawa iyon." Napapahimas ang daliri ko sa labi ko habang ramdam ang pang-gigigil. Pwede bang pumatay ngayon Lord? Hais! Pabagsak akong humiga sa couch saka napakunot noo.
Sana panaginip lang ang lahat ng ito. Sana pag gising ko bukas maganda pa rin ako, malapad ang ngiti, masaya ang araw, at walang kampon ng kadiliman ang tatambad sa pagmumukha ko.
Sana mapagbigyan mo po iyon Lord.
Akmang pipikit na sana ako ng bigla kong marinig ang yabag ng mga paa sa hagdanan pababa dahilan para mapabalikwas ako ng upo.
"Hoy, anong ginagawa mo dito?" Saka ako napahigpit ng kapit sa kumot ko sabay takip sa dibdib ko ng humakbang siya papalapit sa akin.
"Wag Kang assuming na may gagawin ako sayo." Sambit niya saka niya kinuha ang susi na nasa table at napailing.
"Pacheck up ka na bukas huh? Lumalala yang ganyang karamdaman." Aniya nito sabay talikod
dahilan para batuhin ko siya ng unan na agaran naman niyang nasalo.
"Thank you dito. Actually, I need one more pillow pa para makatulog ako ng maayos." Aniya nito saka mabilis na humakbang papaakyat. Huli na ng marealized kong wala akong gagamiting unan na.
"Aghhh! Stell! Gag* ka talaga kahit kailan." Sigaw ko. Ikaw naman kasi sa dinami dami ng ibabato mo bakit iyong unang pa. Ayan, magdusa dusa ka ngayon. Asar! Katangahan mo lumilevel up pag yung lalaking iyon ang nakakabwisit saiyo.