Pagkatapos kong malaman ang lahat ng mga bagay na iyon tungkol sa aking mga magulang at sa dalawang organisasyon ay hindi na ito naalis pa sa aking isipan. Ito ang laging laman ng isip ko, ngunit marami pang tanong ang hindi ko pa nahahanapan ng kasagutan.
"Bro, ayos ka lang? Parang anlalim ng iniisip mo ah? Babae ba?" saad ni Darwin habang kumakain kami sa cafeteria. Siya lang naman itong madaldal tuwing kumakain kami. Putak nang putak.
"Huwag mo 'kong itulad sa'yo," inis na sagot ko naman sa kaniya.
"Hoy, pass ako sa mga ganiyan!" depensa naman niya sa sarili niya.
'Loko to ah, noong nakaraan lang umiiyak-iyak pa tapos ngayon pass daw? Isumbong ko kaya 'tong mokong na 'to.'
"Manahimik ka na nga lang diyan kung wala kang magandang sasabihin," pagtapos ko sa usapan namin. Marami pa akong iniisip na mas mahalaga kaysa sa kalokohan nitong katabi ko.
"Oo nga pala, Hades bro! Tungkol pala ro'n sa project na pinapagawa sa atin na by group sa chemistry, group tayo ah?" pagsasalita niya habang nagngingiting aso. 
Galing talaga eh, gusto akong kagrupo para wala na siyang gagawin pero ang hindi niya alam hindi ko rin alam kung anong gagawin.
"Sige," walang ganang sagot ko naman sa kaniya. 
'Sige, para dalawa tayong bagsak.'
Natapos na ang lunch break kaya dumiretso na kami sa next class namin. Hindi ko kasama si Darwin dahil ibang class ang papasukan niya.
'Magkaiba ang course na it-take namin.'
Nakakabagot ang naging klase namin buti na lang hindi ako nakatulog. Ngayon, isang class na lang ang papasukan ko dahil ang susunod na dalawang classes ay wala ang mga profs namin.
"Hades! May group ka na ba sa chemistry? Group tayo, hihi!" bungisngis ni Althea sa akin nang nag-end na ang class namin. Bigla na lang siyang kumapit sa braso ko at nagkunwaring baby, 'di ko alam kung baby ba na kambing o tao eh.
"Isama natin si Creast wala siyang kagrupo eh. So, kailan tayo magsisimula?" tanong naman nito kahit na hindi pa ako sumasang-ayon.
'Hindi pa nga ako pumapayag eh, kapal.'
Hindi ko na lamang ito pinansin at tiningnan ko na lamang si Creast. She's a shy type person, I guess? Because she's the most quiet in class yet, smart. She always wear hoodies and thick glasses, maybe that's why none in our class wants to group with her. She's a mysterious person and her life is very private.
"Oh, sige. You two can join..." nag-aalinlangan kong tugon sa kanilang dalawa, actually, kay Althea lang talaga. Siguro napagkamalan niyang mental hospital 'tong Victoria University.
Pagkatapos ng naging pag-uusap namin ay dumiretso na ako sa pag-uwi dahil naghihintay sa akin si Princess. May dala akong favorite na pasalubong niya kaya sigurado akong matutuwa siya sa pag-uwi ko. 
Hindi na naman sumabay sa akin si Darwin dahil nawala na lamang ito pagkatapos ng klase at hindi ako hinintay. Siguro ay may pupuntahan na naman iyong hitong iyon. 
'Sanaol pinupuntahan.'
Pagpasok ko sa bahay ay hindi ko nadatnan si Princess sa salas kaya dumiretso ako sa kusina ngunit wala rin siya roon. Dumiretso ako sa kwarto niya at doon ay nakita ko siyang napakadungis at puno ng chocolate ang mukha. 
'Ugh, what a mess...'
"Baby, kuya's home!" masayang sabi ko sa kaniya habang nakasandal sa hamba ng pintuan at nakakrus ang dalawang braso.
Bahagya siyang nagulat at mabilis na nag-ayos ng sarili at itinago ang mga chocolate sa ilalim ng kaniyang bedsheet at tumalikod sa akin. 
Lumapit ako sa kaniya at inayos ang mga nakakalat na laruan niya sa sahig. Hindi pa rin siya humaharap sa akin. Nakita ko rin ang mga drawing niya sa ibabaw ng kaniyang kama. Drawing ito ng pamilya namin. 
Sina mama, papa, ako at siya. Nakahawak siya sa kamay ng mga magulang namin habang nasa park kami. Kahit na hindi masiyadong maganda ang guhit niya ay ramdam ko ang saya at lungkot.
"Baby, come here," tawag ko sa kaniya at pinaupo siya sa hita ko. Nahihiya pa siya dahil siguro sa nahuli ko siyang kumakain ng chocolate kahit na pinagbawalan ko siya.
"W-Why po, kuya Hades?" tanong niya habang nakayuko at hindi makatingin sa akin. 
'She's so cute.'
"I have a gift for you!" Sabay abot ko sa kaniya ng isang box na nakabalot. 
Lumiwanag ang mga mata niya at humarap na siya sa akin. Kitang kita ko na ngayon ang dungis ng mukha niyang punong-puno ng chocolate. Binawi ko ang box at nilagay ito sa likod ko. Nagulat siya sa ginawa ko. Hinawakan ko ang kamay niya at kumuha ng basang bimpo para punasan ang mukha niya. 
"I told you not to eat the chocolate, am I right?" pagsermon ko sa kaniya habang pinupunasan pa rin ang mukha niyang puno ng chocolate.
"Yes, kuya, but I want chocolates..." pagdepensa niya naman sa sarili niya. Kahit kailan talaga 'tong bata to hindi nagpapatalo.
"Okay... Just a little bit okay?" Napabuntong hininga na lamang ako sa kulit ng batang 'to. Lumiwanag muli ang kanyang mukha sa sinabi ko. 
"Baby, do you want me to braid your hair?" Agad naman siyang sumang-ayon sa sinabi ko at umayos sa pagkakaupo. Ngayon naman ay tinatalian ko siya ng buhok. Gusto niya ng double braid kasi siya raw si Anna sa Frozen.
"Yay! Thank you, kuya. I love you!" masayang wika niya. Tinuro ko ang pisngi ko na parang nanghihingi ng kiss at agad niya naman itong hinalikan.
"Good girl." Pagtapos ko siyang talian ay binigay ko na sa kaniya ang box at pinanood ko siyang buksan ang box at makita ang laman ng nasa loob
Napatalon-talon siya sa tuwa nang makita ang laman ng box. Niyakap niya pa ito at umiikot-ikot. Lumapit siya sa akin at niyakap ako nang mahigpit, sinuklian ko rin siya ng isang mahigpit na yakap. 
Damit ni Anna sa Frozen ang binili ko sa kaniya, pinag-ipunan ko talaga 'to dahil matagal niya nang gustong magkaroon ng damit na gan'to kaya masaya akong makitang natutuwa siya rito.
Pinalitan ko siya ng damit at tuwang tuwa siya. Dumiretso agad siya sa tapat ng salamin at tiningnan ang sarili niyang repleksyon dito. Ngayon ay kumakanta na siya at sumasayaw.
Do you wanna build a snowman ba iyon? 'Di ko alam. Sinabihan niya pa akong sumandal sa pinto at umupo habang siya ay nasa labas at nakasandal din.
'Ginawa pa akong Elsa.'
Pagtapos niyang magsaya ay sinabi niya sa aking samahan ko siya sa pagtulog dahil natatakot daw siya sa mga napapanaginipan niya. Agad naman akong pumayag. Pagkatapos naming kumain ay nakatulog agad siya siguro ay dahil sa paglalaro niya kanina. 
"Goodnight baby." I kissed her forehead and I went back to my room to get my table, and I'll just study in Princess's room so she's not alone.
Nagpatuloy ako sa pagre-research tungkol sa dalawang kumpanyang iyon. As of now, kaunti pa rin ang nalalaman ko. Mahirap kumalap ng impormasyon tungkol sa kanila dahil masiyadong tago ang mga organisasyon nila.
'I'm doing this to know what happened to my parents, they must have information regarding my parents' death.'
So when that day comes, when Princess is no longer a child, when she wants to know everything, when I really need to tell her the truth that even me couldn't understand, I know what to say to her. 
Lumapit ako sa kaniya, tiningnan ang mukha niyang kuhang-kuha ang hitsura ng aming ina. Hindi ko namalayan na tumutulo na pala ang mga luha ko habang tinitingnan siya.
'Don't worry, baby. Kuya will always be by your side. And he will never leave you...'