Khianna Haiden Abelino
Kasalukuyan akong naghahanap ng matutulugan ngayon. 5 na din ng hapon kaya dapat makahanap na ako ng pwedeng matuluyan kahit bed space lang. Kanina pa ako naglalakad at napapagod na ako. Gusto ko ng magpahinga, sumasakit na ang paa ko ngunit wala naman ako makitang pwede kong matuluyan. Nagugutom na rin ako dahil kanina pang alas-10 ng umaga ang huling kain ko. Gusto ko na magpahinga. Hindi ko na alam kung saang lugar na ako napadpad dahil sumakay lang ako sa isang bus, hindi ko tinignan ko saan iyon papunta dahil sa pagmamadali ko at ito nga ako ngayon, naliligaw na at hindi alam kung saan papunta.
Habang naglalakad ako ay biglang may sumulpot na tatlong lalaki, ang dalawa ay pumagitna sa akin at ang isa naman nasa harapan ko. Anong nangyayari? Anong gagawin nila sa akin? Bakit nila ako pinalibutan? Bakit nila ako nilapitan?
"Miss holdap 'to bigay mo na pera mo kung ayaw mong masaktan. Ibigay mo na lang ng tahimik ang pera mo para wala na tayong gulo" sabi sa akin nung nasa kaliwa at may itinutok sa tagiliran ko, ramdam kong kutsilyo iyon kaya napadaing ako ng mahina
"Wag kanang magtangkang sumigaw kung ayaw mong saksakin ka namin at mamatay" sabi nung nasa kanan ko
Jusko mawawalan pa ata ako ng pera ngayon. Ito na nga lang ang pera ko pero mukhang mahoholdap pa ako. Ano ba namang kamalasan ang sumapi sa akin ngayon? Friday the 13th ba ngayon?
"Mga Kuya wala po akong pera. Please po pakawalan nyo na lang ako kasi wala naman po kayong mapapala sa isang katulad ko"
" Sorry Miss ah pero wala kasi kaming awa, hindi uso sa amin ang salitang ganon pero kung ayaw mo talaga ay mapag-uusapan naman natin 'to, mamili ka Miss pera o iyang katawan mo?" tanong nung nasa harapan ko, mas lalo akong kinabahan sa sinabi nya. Ano daw? Pera o katawan? Nababaliw na ba ang mga taong 'to? Hindi ba sila marunong magtrabaho kaya ganitong bagay ang ginagawa nila? Sa ganitong paraan ba sila nabubuhay?
"Oo nga Pre, maganda sya at maputi, parang kutis mayaman" sabi nung nasa kaliwa ko at tumawa pa na parang isang baliw na manyak
"Mga Kuya wala po talaga akong pera please po pakawalan nyo na po ako. Nagmamakaawa po ako sa inyo. Please po. Mahirap lang po ako at walang maibibigay sa inyo"
"Tol mukhang gusto atang pumunta ng langit" yung nasa harapan ko habang nakangisi at tinititigan ako
"Jackpot tayo mga Pre kahit walang pera basta may laman ang tyan natin ay ayus na rin. Ganda nito mga tol, tiba-tiba tayo rito sa babaeng 'to" tumatawang sabi nung nasa kanan ko
Napaluha na lang ako at unti-unting inilalabas ang pera ko. Mas mahalaga ang kaligtasan ko kesa pera at kahit ayoko ibigay ko sa kanila, pinaghirapan ko 'to eh, ito na lang ang mayroon ako bukod sa mga damit na dala ko pero ayokong isugal ang kaligtasan ko. Ayokong marape nila. Mawalan na ako ng pera ngunit ayokong maipahamak ang sarili ko. Hindi pwede, maaari ko namang kitain ang perang makukuha nila sa akin. Maaari namang humanap ako ng trabaho ko.
"Kuya wag nyo po akong gagalawin, ayan na po lahat ng pera ko. Please po maawa kayo sa akin, pakawalan nyo na po ako"
"Sus may pera din naman pala ehh" yung nasa harapan at tumawa
"Nagpapakipot pa" yung nasa kaliwa habang binibilang ang perang naibigay ko sa kanila
"Ayus 'to mga Pre tiba-tiba nanaman tayo sa inuman" yung nasa kanan ko
Matapos nilang makuha ang pera ko umalis na lang silang bigla at parang walang nangyari. Napaupo na lang ako at niyakap ang sarili ko habang humahagulgol. Bakit ba 'to nangyayari sa akin? Mali ba ang desisyon ko na umalis sa puder ng Tita ko? Mali ba ako? Gusto ko lang naman magsimula ng panibagong buhay ngunit bakit ganito? Kamalasan kaagad ang bumungad sa akin.
Ma... Pa... Wala na po akong pera. Papaano po ako magsisimula? Kahit po piso wala ako. Ma... Pa... Tulungan nyo po ako please...... Gabayan nyo po ako.....
6 na ng hapon at wala pa din akong matutuluyan dahil nga wala akong pera. Hindi ko na alam ang gagawin ko, di ko alam kung saan ako matutulog at kanina pa talaga ako nagugutom, hinang-hina na ako. Gusto ko na talagang magpahinga. Gusto kong kumain para naman kahit papaano ay lumakas ako, maski tubig lang ay ayus na. Ngunit wala, walang-wala.
18 years na akong nabubuhay sa mundo pero feeling ko ito na ang pinaka-worst na nangyari sa akin. Wala naman akong kaibigan sa school dahil laging inaaway ni Danica ang gustong makipag-kaibigan sa akin. Hindi ko alam pero ayaw nyang magkaroon ako ng kaibigan. Tuwing sinusubukan kong kausapin ang isa sa mga kaklase namin ay agad n'ya akong sinisiraan. Ganoon na ba talaga kalaki ang galit nya sa akin? Wala naman akong ginagawang mali sa kanya. Hindi ko sya magawang labanan kasi alam ko naman na talo ako, talong-talo.
Member ako ng banda sa school namin pero kahit sila hindi ko close. Member din ako ng dance troop at katulad sa banda pinapansin lang nila ako kapag may kailangan sila sa akin. Kapag may event na gaganapin, saka lang nila ako kinakausap, kapag may contest. Tuwing nakikita ko silang nagsasaya ay hindi ko maiwasang hindi mainggit. Masaya sila samantalang ako ay wala man lang makausap kahit isa. Palagi lang akong nag-iisa sa garden ng school at iyon na ang naging tambayan ko.
Napadpad ako sa isang waiting shed at kahit ayoko man wala akong magagawa kundi dito na lang magpalipas ng gabi. Wala akong pera para sa renta at isa pa, alam kong delikado kapag gabi. Dito kasi kahit papaano ay may ilaw at alam ko ang nangyayari sa paligid ko. Baka mapahamak lang ako kapag ipinagpatuloy ko ang paghahanap ng matitirahan.
Kinaumagahan ay naglakad-lakad na ako. Napatingin ako sa isang karatola at bigla akong nabuhayan ng loob. Ngunit wala akong resume. Tumatanggap kaya sila ng tauhan kahit walang resume? Pero no choice ako, kailangan ko ng pera para mabuhay ako. Kailangan kong lakasan ang loob ko.
WANTED:Waitress
18 years old and above
Apply inside
Bumuntong-hininga ako ng malalim at lakas loob na pumasok sa isang restaurant kung saan nakapaskil ang karatola na nabasa ko. Kailangan kong lakasan ang loob ko para makasurvive sa mundong ginalawan ko. I need to be strong, for myself.
"Uhhmm Ate available pa po ba yung waitress na hinahanap nyo? Nakita ko po kasi yung karatola doon sa labas ng restaurant na 'to"
"Oo Miss, bakit mag-aapply ka?" tanong nung babae sa cashier
"Sana po. Pwede pa po ba?"
"Pasok ka na lang doon sa pinto na iyon" sabi nya kaya nginitian ko s'ya at dali-dali akong sumunod
Kumatok muna ako ng ilang beses bago makarinig ng isang boses na nagsasabing maaari na akong pumasok. Pagpasok ko sa loob naabutan ko ang isang babae na abala sa pinipirmahan nyang papeles. Tantya ko ay nasa 30's na ang edad nya ngunit ang ganda nya pa rin.
"Hello po"
Tinignan nya ako saglit at ngumiti sya. Ang ganda nya talaga at mukhang mabait pa. Sana matanggap ako dito.
"Anong pangalan mo hija?" tanong nung babae
"Khianna Haiden Abelino po"
"Hayyss sige na hija mukha ka namang mapapagkatiwalaan. Hindi mo na kailangan ng bio-data dahil tingin ko ay wala ka naman non. Ilang taon kana pala hija?" tanong nya
"18 na po ako"
"Okay tanggap kana. Mag-ayus kana Khianna at magbihis ng maayus na damit. Maya-maya lang dadami na ang costumer natin at kapag wala nang costumer bumalik ka dito at para makapag-usap pa tayo ng maayus" sabi nya
"Thank you po"
"Walang anuman hija magbihis kana" sabi nya
Masaya akong lumabas ng room at napangiti ng malaki. Thank God natanggap ako, kailangan ko talaga ng pera.
Katulad ng sinabi nya kanina nagbihis na nga ako ng maayus kong damit. Hindi nagtagal dumami na ang costumer para kumain ng almusal and nakalimutan ko kahapon ng umaga pa pala ang huling kain ko kaya nagugutom na ako. Kumakalam na ang sikmura ko ngunit tinitiis ko ito dahil oras ng trabaho. Kailangan kong kumayod para may maipakain ako sa sarili ko, kailangan ko itong gawin para mabuhay ko ang sarili ko.
Ilang oras pa kaming naging busy dahil sa dami ng customer. Pagkatapos ng ilang oras na pagseserve ay napasandal ako sa isang lamesa at hinilot ang aking kamay na medyo sumakit. Nakakapagod naman pero dapat kayanin. Napansin kong wala na gaanong customer kaya bumalik na ako sa opisina nung babae kanina. Kailangan ko na s'yang makausap.
"Ako nga pala si Sheila ang may-ari ng restaurant na ito. 400 pesos ang isang araw, libre ang pagkain mo, ayus ba sayo?" tanong nya at ngumiti sa akin kaya ginantihan ko ang kan'yang ngiti
"Kahit naman po magkano tatanggapin ko basta po may pera na ako"
"Teka kumain kana ba? Namumutla kana" tanong nya
"Hindi pa po Ma-----"
"Ate Sheila. Ate Sheila kasi ang tawag nila sa akin dito kaya yun na din ang itawag mo sa akin" sabi nya
"Sige po Ate Sheila"
"Okay Khianna bumalik kana doon at kumain. Huwag kang nahihiya sa mga kasamahan mo, mababait ang mga iyon" sabi nya
"Maraming salamat po uli Ate Sheila"
Ngumiti ulit ako ng isang beses at sa kanya at nagbow. Lumabas ako ng opisina nya at dumiretso sa kusina upang kumain. Nakita kong nandito silang lahat at mukhang inaantay ako. Lahat sila ay maaliwalas ang mukha at nakangiti.
"Hi"
"Hello po"
"Ako nga pala si Jasmine taga-luto dito"
"Ako si Marielle sa counter naman ako"
"Cassey nga pala taga-hugas"
"Cathy sa cashier ako"
"Hi ako si Harlene waitress din"
"Ako po si Khianna"
"Ilang taon kana Khianna?" tanong ni Cassey
"18 po"
"Ohh? Mas matanda tayo sa kanya Jas"sabi pa ni Cassey
"Bakit po? Ilang taon na po ba kayo?"
"20 na kami ni Cassey" sabi ni Ate Jasmine dapat
"19 naman kaming tatlo nila Harlene at Marielle" sabi ni Ate Cathy
"Ayy mas matatanda po pala kayo sa akin"
"Haha oo nga" sabi ni Ate Jasmine
"Ikaw na ang bagong bunso namin Khianna" sabi ni Ate Cathy
"Uhmm pwede po magtanong?"
"Sige ano ba yun Khianna?" tanong ni Ate Marielle
"Ano pong real name nyo?"
"Jasmine Cole Bernardo"
"Cassey Rill Mendoza"
"Marielle Vann Laston"
"Cathy Jei Salazar"
"Harlene Dein Meranda"
"Pwede po bang second name nyo na lang ang itawag ko sa inyo?"
"Bakit naman Khianna?" takang tanong ni Ate Cassey
"Nakasanayan ko na po kasing ganon ehh, kapag may second name ang nakikilala ko yun yung itinatawag ko sa kanila"
"Oo naman Khianna wait ano bang real name mo?" tanong ni Ate Cole
"Khianna Haiden Abelino po"
"Uhhmm Haide na lang ang nickname namin sayo, ano ayus ba?" masayang tanong ni Ate Vann
"Oo naman po Ate Vann"
"Wait a second may gusto nga pala kaming itanong sayo Haide, kaninang-kanina pa namin gustong itanong 'to pero masyadong busy kasi maraming costumers. Ayus lang bang magtanong?" sabi ni Ate Jei
"Oo naman po, ano ba iyang tanong mo Ate Jei?"
"Bakit super ganda mo Haide?" tanong nya
"Oo nga tapos super puti mo din" segunda ni Ate Vann
"Hala hindi naman po eh. Sadyang ganito lang talaga ang kulay ng balat ko at saka hindi naman po ako maganda"
"Ayy naku Haide unang pasok mo pa lang dito kanina nainggit na kaagad kami sa ganda mo" singit ni Ate Cole
"Sigurado ka bang magtratrabaho ka dito? Parang rich kid ka ehh" sabi ni Ate Rill
"Oo nga Ate Cassey, parang di pa nga sya nadadapuan ng lamok. Anong sabon ba gamit mo Haide?" tanong ni Ate Deib
"Para po sa mga tanong nyo mga Ate. Hindi po ako rich kid at mahirap lang po ako, magtratrabaho po talaga ako dito kasi kailangan ko ng pera, at natural na maputi lang po talaga ang balat ko"
"Kakainggit ka naman" sabay-sabay nilang sabi
Natawa ako sa mga sinabi nila. Mukhang nakahanap ako ng bagong pamilya dito sa pinagtratrabahuhan ko at sana hindi sila katulad nila Tita at Tito. Sana tanggapin nila ako. Sana sila ang maging daan para makayanan ko ang mga pagsubok na darating sa buhay ko.
Tiis-tiis lang Khianna at makakaraos ka din. Inaalagaan ka naman ng dalawang anghel mo. Alam mong makakayanan mo 'to kaya laban lang ng laban.
********************
Hanse_Pen