SA paglakad ng mga araw ay mapapansin na ang malaking pagbabago sa samahan nina Joshua at Kylie bilang master at butler. Kung noon ay para silang aso at pusa sa pagsasagutan nila ngayon naman ay daig pa nila ang tunay na magkapatid sa pagiging malapit sa isa't isa. Thanks to Elisha's dance lessons at kahit papaano ay may nakikita nang pagbabago si Don Emilio sa anak niya.
Iyon nga lang, kahit na maganda ang resulta ng ginagawa nila ay naiilang naman si Joshua. Pakiramdam niya ay ginagamitan siya ni Kyle ng mahika. It seems like nahahatak siya ng maamo nitong mukha kapag napapatitig siya rito.
"And one, two, three. One, two, three." Bilang ni Elisha sa dalawa habang sila ay nagsasayaw.
"Ouch!" reklamo kaagad ni Kyle sabay titig nang masama sa binata.
Napatigil kaagad si Joshua dahil natapakan na naman niya ang paa ni Kylie. Napatingin na lamang siya sa butler niya na napagroan na lang nang oras na iyon.
"Sorry." mahinang sabi niya kay Kylie.
Napatitig na lamang si Kylie sa binata. Bakas sa mukha niya ang pagtataka sa sinabi nito. Halata sa kanya na hindi siya sanay na nagsasabi ng salitang 'sorry' ang binatang kaharap niya. First time nga lang niyang makita na hindi mainit ang ulo nito sa kanya.
"What?!" tanong ni Joshua sa kanya.
"Hindi ako sanay na nagsasabi ka ng sorry eh." sagot naman ni Kylie. "Malayong-malayo sa mga ipinakita mo sa akin nitong nakaraan."
"Let's just say na mabait lang talaga akong amo," sabi ni Joshua.
"Mabait my ass," ang asar na sagot ni Kylie. "Huwag mo akong linlangin, Young Master."
Hindi na nagawang makasagot pa ni Joshua dahil pumagitna na sa pagitan nilang dalawa ang instructor nila.
"Gentlemen, I do know na gusto pa ninyong mag-usap pero gusto ko lang iremind sa inyo that time is running," sabi agad ni Elisha. "Let's get back to work."
Tinanguan na lamang ni Joshua si Kylie bago pa man niya inilagay ang kamay sa bewang nito. Halata na naman ang pagdududa sa mukha niya dahil kahit na alam niyang lalaki si Kyle ay nalilito pa rin siya. Masyadong malambot ang katawan nito para sa isang lalaki. Nagulat na lamang siya nang hinawakan ng 'binata' ang kamay niya.
"Ilagay mo sa tamang pwesto ang kamay mo." sabi ni Kyle sa kanya. “Kung saan-saan mo pinapupunta eh. Baka naman gusto mo pang balian kita ng kamay nang wala sa oras.”
Hindi naman sumunod si Joshua at inilagay pa rin niya ang kamay niya sa lugar na hindi niya dapat paglagyan. Isang sipa kaagad ang natanggap niya mula sa butler niya. Napaigik na lamang siya dahil sadyang tinamaan ni Kyle ang kanyang pinakamamahal na family jewel. Sa tingin niya ay masyadong sensitibo si Kyle sa lugar na iyon.
"Tita Elisha, mamaya na lang ulit tayo magpraktis," sabi kaagad ni Joshua na halatang namimilipit sa sakit nang sandaling iyon. "Pagod na po kasi ako eh," pagdadahilan pa niya.
"Sure thing," sagot naman ni Elisha. "Bibigyan ko kayo ng ten minutes na break."
Umalis kaagad si Joshua at iniwan si Kylie sa kamay ng matandang babae. Nagulat na lamang ang dalaga nang bigla siyang nilapitan ni Elisha.
"I know your secret." pabulong na sabi ni Elisha sa kanya.
"What do you mean?" nagtatakang tanong ni Kylie sa ginang.
"Itatanggi mo pa ba ang katotohanang isa kang babae, Kyle?" Ang nakangiting sabi ni Elisha.
Hindi kaagad nakapagsalita si Kylie nang oras na iyon. There is no way in hell na basta-basta na lamang mahahalata ng ginang ang lihim niya. Napansin na lamang niya ang ngisi ni Elisha.
"Kilala kita dahil tulad mo ay isa rin akong assassin noon kaya alam ko kung paano kilatisin ang tunay sa peke." Sabi kaagad ni Elisha sa kanya. "At sa isang tingin pa lang ay alam ko na ring isang babae ang kaharap ko."
"Ano naman ngayon kung isa talaga akong babae?" Tanong agad ni Kylie. “Hindi naman iyon nakasasagabal sa trabaho ko bilang isang butler?
"Wala naman. I just find it amusing na nagpapanggap kang lalaki sa amo mo." Sagot naman ni Elisha. "Hindi ba nahahalata ni Emilio ang pagiging babae mo?"
"I don't think may pakialam siya sa totoo kong pagkatao." Sabi ni Kylie. "Ang mahalaga lang sa kanya ay ang madisiplina ko ang anak niyang si Joshua."
"Wala ka bang napapansing pagbabago kay Joshua?" Tanong agad ni Elisha. “Sa mga ikinikilos niya.
"Wala naman, bakit?" Tanong naman ni Kylie.
"Wala naman."
"Elisha---"
"You should make a decision bago pa man mahuli ang lahat." sabi ni Elisha na nagpakunot sa noo ni Kylie.
PALAKAD-LAKAD lang sa pasilyo si Joshua. Pilit niyang tinatanggal sa isipan niya ang mukha ni Kylie.
"Come on, lalaki si Kyle." Ang inis na sabi ni Joshua sa kanyang sarili. "There is no way in fucking hell na nagpapacute ang isang tulad niya sa iyo."
Nag-init na lang ang pisngi niya nang naalala niya ang aksidenteng pagkakatitig niya sa labi ni Kyle. Sa tingin niya ay napakalambot ng labi nito na parang masarap halikan. He likes it when Kyle curls his lips into a sexy smirk na nitong nakaraan lang niya napapansin. Nasampal na lamang niya ang sarili niya nang wala sa oras.
"Ano ba Joshua? Huwag kang tanga dahil alam mo namang lalaki si Kyle." Sabi ni Joshua. "Hindi siya babae. Nagkataon lang na mukha siyang feminine dahil sa genes na taglay niya. Pwede naman ang ganoon, right?"
Nagulat na lang siya nang bigla niyang narinig ang boses ng butler niya, "Ano ang ginagawa mo riyan? Kanina ka pa hinahanap ni Lady Elisha ah."
Napapikit na lamang si Joshua nang nakita na naman niya ang labi ni Kylie na parang nang-aakit. Nainis naman si Kylie dahil wala siyang nakuhang sagot mula sa binata. Binatukan na lamang niya ang binata nang malakas.
"Problema mo na naman ba?" asar na tanong ni Joshua na halatang nasaktan sa pambabatok na ginawa ng kanyang butler.
"Wala akong problema, ginigising lang kita." sabi ni Kylie "Para kasing wala ka sa huwisyo eh."
"Ahh...."
"Bilisan mo na at marami-rami pa tayong gagawin ngayon," sabi ni Kylie sa binata bago pa man niya ito iniwan. “Hindi tayo pauuwiin ni Tita Elisha kapag hindi mo pa nakabisa ang steps na ilang araw nang itinuturo sa iyo.”
MABILIS na lumipas ang mga araw at hindi na namalayan ng dalawa na malapit na ang formal party na pupuntahan ni Joshua. Nangingiti na lamang si Don Emilio habang iniisip ang magiging reaksyon ni Kylie sa ipag-uutos niya.
"Dad, I do not know why pero kinikilabutan ako sa ngiti mo ngayon," blunt na sabi ni Joshua nang nakita niyang nakangiti ang matanda. “Mukhang may binabalak kang hindi ko magugustuhan.”
"Masama na ba ang ngumiti ako dahil masaya lang ako sa naiisip ko?" tanong naman ni Don Emilio.
"Hindi naman sa ganoon kaya lang kasi medyo weird lang ang pagngiti mo." sagot naman ni Joshua.
Ngumiti lang ulit si Don Emilio, "Malalaman mo rin kapag dumating na ang araw ng formal party na pupuntahan mo."
Nangunot na lamang ang noo ni Joshua sa narinig. Hindi niya mahulaan kung ano ang gustong iparating ni Don Emilio sa kanya.
"Well, kung wala ka namang kailangan sa akin ay makakaalis ka na. Si Kyle lang ang gusto kong makausap ngayon." pagpapaalis kaagad ni Don Emilio sa binata.
Nalilito man ay umalis na si Joshua. He is sure na siya na naman ang pagkakatuwaan ng ama niya at kasabwat nito si Kyle. Hindi man niya aminin ay nakararamdam siya ng selos nang oras na iyon. Hindi nga lang niya alam kung sino o ano ang pinagseselosan niya. As usual, naging rude na naman ang paglabas niya sa study room ng kanyang ama.
"Oi, tawag ka ni Dad. Mukhang may ipagagawa na naman siya sa iyo." Tawag agad ni Joshua sa butler niya. "Siguraduhin mo lang na hindi ako mapagkakatuwaan sa ipapagawa niya sa iyo."
Nalilito man si Kylie sa sinabi ni Joshua sa kanya ay binalewala na lamang niya iyon. Pumasok na kaagad siya sa study room upang kausapin ang matandang Carriedo.
"Ipinatawag ninyo raw po ako, Master." Sabi ni Kylie kay Don Emilio. "May ipagagawa po ba kayo?"
"Actually, gusto kitang kausapin tungkol kay Joshua. How is he now?" Tanong agad ng matandang Carriedo.
"He is fine, nabawasan na ang pagiging stupid niya." Sagot naman ni Kylie. "Unlike noon na gusto ko na lang siyang tadyakan sa mukha."
"I see, I'm happy to hear that."
Napaangat ang isang kilay ni Kylie. She is sure na may nais ipahiwatig sa kanya ang matanda ngunit hindi pa niya nahuhulaan kung ano ang gusto nitong sabihin sa kanya. Nagulat na lamang siya nang biglang iniabot ni Don Emilio sa kanya ang isang imbitasyon.
"Para saan po ito, Don Emilio?" Tanong kaagad ni Kylie sa master niya.
"As you can see, kailangan ni Joshua ng isang dance partner sa party na iyan." Sabi ni Don Emilio. "And so..."
"...ihahatid ko na po ito sa babaeng napili po ninyo para sa kanya." Sagot naman ni Kylie, assuming na iyon nga ang iuutos ng matanda sa kanya.
Nagchuckle na lamang si Don Emilio, "Yes, ihahatid mo nga iyan sa kanya pero sa ngayon ay kaharap ko na ang babaeng kailangan ni Joshua sa party."
Kinabahan si Kylie. Hindi niya alam kung tukoy na ba ni Don Emilio Carriedo ang tunay niyang kasarian. Pakiramdam niya ay naubos lahat ng dugo sa mukha niya nang oras na iyon.
"Namumutla ka, may sakit ka ba Kyle?" Tanong kaagad ni Don Emilio nang napansin niya ang biglang pamumutla ng 'binata'.
"Wala po, Master." Sagot naman ni Kylie.
"Well then, kunin mo ang box na nasa harapan mo Kyle," utos ni Don Emilio. "Buksan mo na rin para malaman mo ang ipagagawa ko sa iyo."
Hindi man sigurado si Kylie sa ipinagagawa sa kanya ng matanda ay sumunod pa rin siya. Hindi niya hahayaang mabuking siya ng matanda dahil lang sa hindi niya pagsunod. Hindi pa siya handang bumalik sa pagiging assassin. Gumuhit kaagad ang pagtataka sa mukha niya nang nakita niya ang isang pares ng stilettos sa loob ng kahon.
"Alam ko kung ano ang nangyari nitong nakaraan, nasaktan ang anak ko dahil sa isang prank." Sabi ni Don Emilio. "And to prevent that scenario from happening again ay napagpasiyahan kong pagpanggapin ka bilang isang babae."
Hindi malaman ni Kylie kung hihinga na ba siya nang maluwag o hindi dahil sa ipinagagawa ng matanda sa kanya. Madali naman ang maging babae dahil isa siyang tunay na babae iyon nga lang ang magpanggap na babae sa harap ng lahat ang hindi niya alam kung paano gagawin. Ibinalik na lamang niya ang atensyon niya kay Don Emilio na nagbibigay pa rin ng utos sa kanya nang oras na iyon.
"I want you to wear this pair from now on para masanay ka na sa ganyang sapatos." Sabi ni Don Emilio sa kanya.
Mas lalong namutla si Kylie nang oras na iyon, "Sigurado ka ba sa pinagagawa mo sa akin, Master?"
"Of course. Mas mapapanatag ako kung alam kong kasama ka niya sa party na iyon. At sa tingin ko naman ay magagawa mo ring makapaglakad sa sandals na iyan."
"I don not know kung kakayanin ko bang isuot iyan, masyadong mataas ang heels para sa akin." sabi ni Kylie.
"You can do it, normal lang naman para sa isang babae ang magsuot ng ganyan," sambit ni Don Emilio na may pahaging sa kanya tungkol sa sikretong dala niya.
An invisible vein pops out of Kylie's forehead, "Normal my ass." Bulong niya sa kanyang sarili.
"Go ahead, Kyle. Isuot mo na iyan. Tatawagin ko na lang si Joshua para alalayan ka." Sabi ni Don Emilio sa dalaga.
Napahinga na lamang nang malalim si Kylie sa naririnig niya. Hindi na siya magtataka pa kung stupid ang mga utos na ibinibigay ni Joshua sa kanya, may pinagmanahan naman pala ito sa kaweirduhan. Ngayon lang niya napagtantong napasok siya sa isang sitwasyong hindi niya basta-basta malalabasan lalo na at hawak siya ni Don Emilio sa leeg. Hindi niya alam kung matutuwa ba siya o hindi sa kaalamang alam ng matandang Carriedo kung ano ang tunay niyang sexuality.
Well, kahit babae siya ay nahihirapan pa rin siyang ibalanse ang kanyang sarili. Hindi niya gamay ang pagsusuot ng stilettos lalo na at puro wedge lang ang alam niyang suotin na kadalasan ay isang inch lamang ang taas. Hindi niya pinangarap na magsuot ng stilettos sa mga misyon niya dahil sagabal lamang iyon sa trabaho niya.
"Damn it! Ang sakit sa paa!" reklamo niya kaagad nang inalalayan na siya ni Joshua. “Huwag mo nga akong hilahin kaagad at baka sa iyo ko pa ito ipasuot!”
As expected, tawa nang tawa si Joshua habang inaalalayan ang iika-ikang si Kylie. Hindi pa rin siya makapaniwala sa utos na ibinigay ni Don Emilio sa butler niya.
"Sige, tawa pa! Batukan kita riyan eh!" pagbabanta agad ni Kylie sa binata. "Ang sakit na nga ng paa ko oh!"
"Fine, batukan mo ako. Bibitawan naman kita." Ang pang-asar na sagot ni Joshua habang tumatawa.
"Aba't...."
Hindi na pinatapos pa ni Joshua ang 'binata' dahil binitawan na niya ito. Tulad nang inaasahan niya ay matumba-tumba kaagad si Kyle sa pwesto nito. Iyon nga lang, malas lang niya dahil nahablot naman siya nito bago pa man ito tumumba. Medyo awkward nga lang ang posisyon nilang dalawa dahil nakapaibabaw siya kay Kylie.
Napatitig na lamang si Joshua sa labi ni Kylie nang oras na iyon. Para na naman siyang hinahatak ng mga labi nito. Dahan-dahan niyang inilapit ang mukha niya at naamoy na niya ang hininga nito. Hindi na niya napigilan pa ang kanyang sarili at nahalikan na niya si Kyle.