"Sige, captain, una na ako!" Ngumiti si Levi kay Talya. "Bye, miss beautiful."
Dumaan naman si Gav at tinapunan lang siya nito ng tingin matapos ay nakapamulsang naglakad na paalis.
"Let's go." Ani Oddy at nauna nang sumakay sa front seat na katabi ni Odolfo.
Napairap siya at binuksan ang pintuan ng backseat. Pinauna niya munang papasukin si Pollo bago siya sumunod.
Lumingon ng bahagya si Oddy sa gawi ni Pollo. "Pollo..."
"Hmm?" Bahagya ring tumingin si Pollo kay Oddy at muling ibinalik ang tingin sa cellphone na hawak nito.
"Where do you want to go now?" Tanong ni Oddy sa kapatid.
Wala pang isang kisap-mata ay naibaba na ni Pollo ang cellphone at interisadong tumingin sa nakatatandang kapatid. "Awe you suwe? Youw fwee today?" Paniniyak pa nito na halata ang pananabik sa boses.
Natawa naman ng mahina si Oddy. "Yes."
"Youw not lying? How about weading? Youw busy, wight?"
"No, Pollo. I'm free all day. Let's have some fun today, okay?"
"Yes!" Hindi naiwasang napatayo ni Pollo sa saya mula sa kinauupuan habang inalalayan niya naman ito upang hindi matumba.
Tinignan niya ang upuan ni Oddy. "Ano bang pinagsasabi mo sa kapatid mo? Nagmumurahan ba kayo?"
"Tss. Ikaw lang naman ang nag-iisip niyan. Hindi ko minumura ang kapatid ko."
Iningusan niya ito. Hindi siya nito masisisi, hindi siya marunong ng ingles at walang naiintindihan. Noon kasi'y may mga foreigner na lumapit sa kaniya, tuwang-tuwa pa siya dahil kinakausap siya ng mga ito sa lenggwaheng hindi niya maintindihan, iyon pala'y minumura na siya ng mga ito na nalaman niya lang sa isang kakilala. Kaya simula noon, kapag may nagsasalita ng ingles sa harapan niya ay inuunahan na niya ng mura.
Narating nila ang amusement park. Ibinaba lang sila doon ni Odolfo at umalis na rin ito, tatawagan na lang ito ni Oddy kung uuwi na sila.
Nagbayad lang ng entrance fee si Oddy saka lumapit sa kanila. Hinawakan nito ang kabilang kamay ni Pollo habang hawak niya naman ang isang kamay ni Pollo. Tatalon-talon si Pollo habang naglalakad sila papasok ng amusement park.
"Because I'm happy~" Pakanta-kanta si Pollo habang naglalakad. Marami namang napapatingin dito at bigla na lamang napapangiti dahil sa masayang batang hawak nila. "I want to wide that, Oddy!" Nakangiting sabi ni Pollo habang itinuturo ang carousel.
"Kuya, Pollo." Pagtatama ni Oddy. "Sure, we'll ride that. Wait for me for awhile." Anito at pumila na upang bumili ng ticket.
Naiwan naman siya habang hawak si Pollo na hindi mapakali. Lumuhod siya sa lupa at pinakatitigan si Pollo. "Anong pinag-usapan niyo, Pollo?" Curious niyang saad habang naniningkit ang tingin sa bata.
Tumitig lang sa kaniya si Pollo at hindi sumagot. Napahinga siya ng malalim. Paano nga ba naman kasi siya maiintindihan nito diba? O siya ang hindi makakaintindi dito? Malamang na hindi ito marunong magtagalog.
Tumayo na siya nang makita si Oddy na pabalik na. "Let's go." Muling hinawakan nito ang kamay ni Pollo at naglakad na papasok ng carousel.
Napatingin-tingin naman siya sa paligid. Hindi niya alam kung sasama siya. Susunod ba siya? Pero sa huli ay napagdisesyonan niyang pumasok din.
Tinignan siya ni Oddy at binuhat si Pollo upang makasakay sa kabayo. Nahihiwagaan naman niyang tinignan ang kabayo, sa tanang buhay niya kasi'y hindi pa siya nakakasakay doon.
"Anong ginagawa mo? Umupo ka na." Masungit na pahayag ni Oddy na bigla siyang inirapan.
Napamaang siya. "U-uupo din ako?" Hindi niya makapaniwalang tanong.
"Stupid." Tinaasan siya ng kaliwang kilay ni Oddy. Napalunok naman siya dahil tila ang hot nitong tignan kapag ganoon. "Oo, umupo ka na."
Nakagat niya ang ibabang labi upang pigilan ang pagngiti. Dali-dali siyang umakyat sa isang kabayong katabi lang ng kabayong sinasakyan ni Pollo na nakangiti lang sa kaniya.
Inapakan niya ang bakal upang makasakay na sana ngunit bigla siyang nadulas. Ang akalang pagbagsak ay naudlot nang hawakan ni Oddy ang kanang kamay niya gamit ang kaliwang kamay nito habang ang kanan nitong kamay ay nakaalalay kay Pollo. Ramdam niya ang bolta-boltaheng kuryenteng gumapang sa kaniyang kamay paakyat sa kaniyang braso na ikinataas ng kaniyang balahibo. Ano iyon?
"Clumsy. Sakay na." Naiiritang saad ni Oddy at inalalayan siya upang makasakay saka mabilis siyang binitiwan.
Pasimple niyang tinignan si Oddy habang hindi pa umaandar ang carousel. Hindi niya akalaing makakaya siya nitong dalhin sa isang kamay lang nito. Ganoon ba siya kapayat at magaan lang para dito ang bigat niya?
Pasimple niya ring sinulyapan ang muscle ni Oddy sa braso. Hindi man ganoon kalaki katulad ng mga nakikita niyang mga lalaki sa kalye ay may hulma pa rin naman iyon. Ramdam niya ang pag-iinit ng magkabilang pisngi. Tila biglang uminit. Bakit natutukso siyang tusukin ang braso nito?
Umandar na ang carousel paikot habang ang kabayong sakay niya ay nagtataas-baba na kasabay ng kabayong sinasakyan ni Pollo. Si Oddy naman ay nakatayo lang sa ibaba at inaalalayan lang si Pollo.
"I'm a cowboy! Hiyaaa!" Sigaw ni Pollo habang nakahawak sa tali ng kabayo.
Ang ibang mga nakasakay sa kabayo ay natutuwang pinagmamasdan si Pollo. May iilan pa ngang ginagaya ito kaya't mas lalong ginanahan si Pollo.
Siya naman ay nakahawak lang ng mahigpit sa tali dahil ramdam niya ang kung anong gumagalaw sa kaniyang tiyan sa tuwing tataas at bababa na ang kabayo ngunit hindi maitatanggi niyon na masaya siya.
Natapos sila sa carousel at iba't ibang sasakyang pambata na ang nasakyan nila. Tila hindi nauubos ang energy ni Pollo dahil pana'y ang turo nito ng kung ano-ano.
"I want a whale! I want a whale!" Nagtatalon na itinuro ni Polllo ang isang stuff toy na balyena habang nakatingin kay Oddy.
Natawa naman si Oddy at ginulo ang buhok ng kapatid. "Do you want me to get that whale for you?" Tanong ni Oddy sa kapatid.
Napahinga naman siya ng malalim. Oo nga at nage-enjoy siyang sumakay sa iba't ibang rides ngunit palagi naman siyang out of place 'pag nag-uusap na ang magkapatid. Tila isa lang siyang katulong.
'Gaga, katulong ka talaga. Yaya ka ni Pollo diba?'
"Uh-huh." Sagot ni Pollo saka tumango-tango ng ilang beses kay Oddy. Bumakas ang kasiyahan sa mukha nito nang nagtungo si Oddy sa palarong iyon para makuha ang stuff toy.
Nilapitan niya si Pollo ngunit hindi naman ito hinawakan. "Ano kayang gagawin niya?" Tanong niya sa sarili na hindi namalayang lumabas na pala sa bibig.
Nagkipag-usap lang saglit si Oddy sa namamahala ng palarong iyon hanggang sa ibigay nito ang laruang baril kay Oddy. Ang kailangan lamang gawin ay mapaputok ni Oddy ang lobo na may lamang tubig na kasalukuyang idinuduyan ngayon ng tali. Tatlong bala lamang ang meron habang isa lamang ang lobo ang kaso ay medyo mabilis ang galaw ng lobo kaya't siguradong mahihirapan ito.
"Iputok niyang lobo."
Napatingin siya kay Pollo nang magsalita ito. Yumuko siya upang mapantayan ito. "Anong sabi mo?"
Hinarap siya ni Pollo matapos ay tinuro ang lobo. "Iputok niyang lobo." Tila hirap na hirap na sagot nito dahil hindi masyadong sanay magsalita ng tagalog.
Namilog ang mata niya at napaawang ang labi, maya-maya ay bigla siyang tumawa. "Nagtatagalog ka. Nagatatagalog ka!" Hinawakan niya pa ito sa balikat habang tuwang-tuwa.
"Idiot." Kumalas sa kaniya si Pollo at inirapan siya na ikinamaang niya. Ngayon alam na niya kung saan ito nagmana.
Nang bumalik ang tingin niya kay Oddy ay nasa harapan na nila ito habang hawak ang isang stuff toy na balyena na halos kasing laki na ni Pollo. Mabilis na kinuha ni Pollo ang stuff toy at niyakap.
"Where's my thank you, bud?" Ani Oddy.
Mula sa pagtingin nito sa stuff toy ay dumako ang tingin nito sa nakatatandang kapatid. Bigla itong ngumiti na halos hindi na makita ang mata dahil singkit iyon. "Thank you, Oddy." Malambing na saad ni Pollo matapos ay hinalikan ang stuff toy.
Natawa lang ng mahina si Oddy. Lumapit naman siya dito at tinapik ang balikat ni Oddy ng isang beses, naramdaman na naman niya ang kuryente nang mahawakan ito. "Marunong palang magtagalog ang kapatid mo eh!"
Tinaasan siya ng kaliwang kilay ni Oddy. "Ano naman?"
"Nagulat ako eh. Puro kasi kayo ingles ng ingles. Hindi niyo man lang ako sinasali sa usapan niyo." Nakanguso niyang pahayag dito.
Napatingin si Oddy sa labi niya at nagulat nang bigla niyong tapikin ang nakanguso niyang labi. "Don't pout. Tss." Bago pa man niya maitanong kung anong sinabi nito ay bigla na itong tumalikod habang hawak si Pollo.
Hindi pa man sila tuluyang nakakalayo ay may humarang sa kanilang lalaki na may nakasabit na camera sa leeg. Ipinakita nito ang picture na hawak. "Sir, ma'am, 100 pesos lang po at makakakuha na po kayo ng dalawang picture. Saka ang ganda niyo pong tignan, siguradong maganda rin po ang kalalabasan ng litrato."
"No, thanks. I'm not interested." Sagot ni Oddy at bago pa man makaalis ay nahawakan ni Pollo ang kamay nito.
"Why don't we give it a twy? Please?" Ngumuso pa si Pollo at nagpa-cute sa kapatid.
Napahinga ng malalim si Oddy. "As you wish." Tumingin ito sa lalaking photographer. "Magkano ulit?"
Napangiti ng malaki ang lalaki. "Isang daan po, sir."
"Okay."
Siya naman ay hindi alam ang gagawin. Pumwesto na ang dalawa at nakatingin sa camera habang siya ay malayo-layo dito.
"Ma'am, lumapit po kayo ng kaunti." Sabi ng photographer habang nakatingin sa kaniya.
Napaturo siya sa sarili. "A-ako?"
"Opo, ma'am. Lapit po kayo sa anak niyo." Anito at inilapit na ang camera sa mata.
Balak pa sana niyang magtanong ngunit hinila na siya ni Oddy palapit dito. Napatalon pa siya dahil naramdaman na naman niya ang kuryenteng iyon. Binuhat nito si Pollo matapos ay ngumiti sa camera. Lumayo-layo siya ng kaunti kay Oddy upang hindi magtama ang kanilang braso. Baka kasi kapag nakuryente ulit siya ay mangisay na lang siya bigla. Hindi naman niya gugustuhing mangyari iyon.
Ginaya niya sila Pollo na nakangiti ng malaki habang si Oddy ay tipid lang ang ngiti. Narinig niya ang pag-click ng camera matapos ay tinignan iyon ng photographer sa camera.
"One shot na lang po." Ani ng lalaki at muling inilapit ang camera sa mata. "Ma'am, lumapit ka pa po kay sir ng kaunti." Nakagat niya ang labi at umusod ng kaunti. "Lapit pa po." Muli siyang lumapit hanggang sa maramdaman na naman niya ang kuryenteng iyon. "Okay, 1, 2, 3---"
"Wait." Biglang sabat ni Pollo na ikinatingin nilang tatlo dito. Hinawakan ni Pollo ang kamay ni Oddy at inilagay sa balikat niya na pareho nilang ikinagulat ngunit hindi na nagreklamo. "Pewfect." Nakangiting saad ni Pollo bago nag-thumbs up sa photographer.
Humarap na lamang siya sa camera at naiilang na ngumiti. Naghuhumiratado ang puso niya sa kaba na tila hindi magiging normal ang takbo hanggang ang braso ni Oddy ay naka-akbay sa balikat niya.
"1, 2, 3, say cheese."
"Cheese!" Sagot ni Pollo saka nila muling narinig ang pag-click ng camera.
May ginawa lang saglit ang photographer matapos ay ibinigay na sa kanila ang picture. Nagbayad na rin si Oddy bilang kapalit. Dalawang kopya ang kinuha ni Oddy kaya't nagbayad ito ng dalawang daan sa lalaki.
Nakisilip siya sa hawak na picture ni Oddy. Nag-init ang magkabilang pisngi niya nang makita ang litratong naka-akbay sa kaniya si Oddy habang sa kabilang kamay ay buhat nito si Pollo. Nasa likuran naman nila ang malaking ferris wheel na lalong nagpaganda sa view.
"Oddy, I want that." Tinuro naman ni Pollo ang cotton candy.
Lumapit sila doon at bumili ng tatlong cotton candy si Oddy. Ibinigay nito sa kaniya ang isa habang tig-isa naman sila ni Pollo. Naupo sila sa isang bench habang kinakain ang kanilang cotton candy.
"Kuuu! Ke cute na bata!" May isang matandang babae ang lumapit sa kanila at biglang kinurot si Pollo sa pisngi.
"Awts!" Sigaw ni Pollo na biglang tinampal ang kamay ng matanda.
Imbis na mainis ay natawa lamang ang matandang babae. "Siguradong paglaki ng batang ito ay habulin ito ng mga babae." Napatingin sa kanilang dalawa ang matanda. "Ay! Kay gwapo at ganda naman pala ng mga magulang! May pinagmanahan ang bata! Pero mas hawig ang ama!" Bigla din nitong kinurot si Oddy sa pisngi na mabilis din nitong tinampal. "Kuuu! May pinagmanahan pati kasungitan!"
"Who are you?" Naiiritang saad ni Oddy.
Nangunot naman ang noo niya at siniko si Oddy, hindi na niya pinansin ang kuryenteng kaniyang naramdaman. "Pati matanda, minumura." Pabulong niyang saad dito.
Nilapitan siya ng matanda at hinawakan ang dalawang kamay niya na ikinagulat niya. "Ang babata niyo pa para sa isang pamilya. Kuuu! Sabagay, kung ganito ba naman kagwapo at kaganda ay siguradong babakuran na agad! Dami pa namang mga kabataang maloko ngayon! Mag-iingat kayo ha?"
Kahit hindi niya maintindihan ay tumango na lang siya dito. Masyado siyang nalilito sa nangyayari. Naglo-loading pa sa utak niya ang lahat.
Biglang hinawakan ng matanda ang ulo niya ganoon din ang ulo ni Oddy. "Pagpalain nawa kayo at sana'y patatagin ang inyong relasyon." Anito saka kinurot si Pollo sa pisngi bago umalis.
Sinundan na lang nila ito ng tingin hanggang sa mawala ito sa kanilang paningin.
Gabi na nang makauwi sila sa mansyon. Naroon na rin si Cate na kung ano-ano na namang lumabas sa bibig.
Ngayon ay narito na siya sa kaniyang kwarto at nakasuot na ng pajama. Balak na sana niyang humiga sa kama nang makarinig siya ng katok sa pintuan ng kaniyang kwarto. Tamad niya iyong binuksan para lamang magulantang sa mukha ni Oddy.
"Here." Binigay nito sa kaniya ang picture frame na agad niyang tinanggap matapos ay mabilis din itong umalis.
Sinarado niya ang pintuan ng kwarto at naupo sa kama. Namula ang magkabilang pisngi niya dahil ito yung litrato nila kanina na naka akbay sa kaniya si Oddy. Inilagay niya sa side table ang picture frame saka nahiga.
Wala sa sariling siya ay napangiti habang pinagmamasdan ang litrato nila.