(ASHLEY'S POV):
Sa wakas natapos ko na rin ang nakakakabang pagpapakilala ng magandang mukha ko sa harapan, di joke lang.
Pero seryoso, grabe talaga ang nadarama kong kaba kanina, sobrang nagpapawis ang kamay ko ng malamig.
Nang makaupo na ako sa upuan ko ay bahagyang naging kalmado na ang aking isipan, sinimulan ko ng makinig sa pagtuturo ng teacher ko.
Inabot ng apat na subject ang dumaan bago tumunog ang bell na hudyat ng Lunch Break.
"Bestie, sabay na tayo." pag-anyaya sa akin ni Hera.
Tumango naman ako at hinatak ang kamay n'ya.
"Sure!" masiglang tugon ko.
Dumako na kami sa cafeteria, hindi ko pa kabisado dito pero dahil kasama ko naman si Hera ay naging maayos din naman ang lahat. May nakita kaming dalawa ni Hera na isang bakanteng mesa't upuan kung saan doon na kami kumain, habang kumakain kami ay napapagkwentuhan namin ang tungkol sa lovelife.
"Talaga wala ka pang nagiging boyfriend?" nang-uusisang tanong ni Hera na nakapagpablush sa mukha ko.
"Oo, hindi ko pa kasi priority magkalovelife atsaka ang bata ko para isipin 'yang mga ganyan eh." nag-aalinlangan kong sagot sa kanya, eh totoo naman talaga ayaw ko pang magkalovelife kasi ang Goal ko ay makatapos ng pag-aaral ng single.
"Weh di nga, seriously? I can't believe it, ang ganda-ganda mo at ang talino mo pa pero wala ka pa naging boyfriend? AHA! Alam ko na, hinihintay mo pa rin si Prince noh?!" etsuserang tanong nito.
Nagmukha na sigurong kamatis ang mukha ko dahil dun. May point din naman kasi talaga s'ya eh, hinihintay ko nga si Prince.
Lokong 'to kilala n'ya pa rin pala ang unang lalaking naging kaibigan ko. Binubulong ng mataray kong utak.
Si Prince lang naman ang unang lalaking naging kaibigan ko at aaminin ko rin nakaramdam din ako para sa kanya ng tinatawag nilang puppy love.
"Sige na, nanalo ka na! S'ya nga ang dahilan." tugon ko.
Pumalakpak naman ang lokaret kong bestfriend ng marinig ang pag-amin ko, naging mainit na naman ang tingin sa amin ng ibang mga estudyante dun.
Buti nalang at bigla ng tumunog ang bell kaya nagsibalikan na kami sa kanya-kanya naming section.
Wait! Nakalimutan ko pa lang sabihin sa inyo kung anong section ko. Nasa Section-A lang naman ako dahil sa talino kong taglay, ang section namin ay maraming privilege gaya nalang ng pagiging una sa Lunchbreak at halos lahat ng kinukuhang HOST sa mga event ng Club ng School na ito ay sa section namin nanggagaling.
"Ms. Alvarez, can you give the definition of ARGUMENTATION?" tanong sa akin ng teacher ko habang nanglilisik ang mata, paano ba naman kasi nakatulog pala ako sa klase.
Nakakahiya, bakit naman ako nakatulog sinasabi ng isip ko habang nakatingin sa mukha ng aking teacher. Ito na naman ang mga mata ng mga mapanghusga kong kaklase.
Tumayo muna ako sa upuan ko t'saka na sinagot ang tanong ni ma'am
"Argumentation is a process of reasoning systematically in support of an idea, action, or theory." hala buti nalang at nasagot ko ng tama, sobrang lamig ng pawis na tumutulo sa leeg ko dahil sa sobrang kaba.
Dahil sa sagot ko ay napatulala nalang ang mga kaklase ko ganun din ang teacher ko..GRABE!
"Okay. You're answer was right, but if I see that you are sleeping again in my class. I will decrease your score for that day. Did you Understood, Ms. Alvarez?" nakakatakot n'yang babala.
"Y-Yes ma'am, it will never happen again." pagsang-ayon ko naman.
Pagkatapos nun ay umupo na ako at tinignan ang mga kaklase ko sa paligid na nakatingin sa akin.
"Okay class, We're end this topic today. Goodbye and see you all tomorrow." pagpapaalam ni Ma'am sa amin tsaka na s'ya biglang umalis.
Yey! Sa wakas ay uwian na!
"Goodbye Bestie!" nakangiting pagpapaalam sa'kin ni Hera ng susunduin na s'ya ng driver nila, Hayystt! Bigla ko tuloy naalala ang nangyari sa akin kahapon.
"Goodbye din Frenny, See you tomorrow!" masaya ko namang tugon sa kanya habang tinitingnan s'yang pagbuksan ng pinto ng kanyang driver, Sana All!
Hindi ko na lang namalayan na kumakaway na pala s'ya habang papalayo ang kotseng sinasakyan n'ya kaya kumaway na lang rin ako.
***
Nakauwi na ako sa bahay namin, medyo hapon na rin kaya pagpasok ko sa kwarto ko ay agad akong nagpalit ng damit at lumagapak sa malambot este matigas kong banig.
"Grabe ang swerte ng araw na'to!" pagbubunyi ko.
Wala ngayon dito si Mama dahil naglalako pa s'ya ng paninda n'yang balot at penoy sa may talipapa, wala rin dito ang kapatid ko dahil doon daw muna s'ya matutulog sa bahay ng bestfriend n'ya dahil gagabihin daw s'ya sa pagtapos ng project nila kaya hindi na s'ya makakauwi ngayong araw.
Dahil nga mag-isa lang ako ngayon sa bahay namin, nagluto muna ako ng instant noodles para maibsan ang gutom ko.
"Wow, ang sarap talaga nito!" pagpuri ko sa pagkain
Pagkatapos nun ay nag-review muna ako at hindi ko nalang namalayan na nakatulog na pala ako.
Kinabukasan,
"Tumayo ka na d'yan Ashley, dali na para hindi ka ma-late!.." alam ko na kung sino ang tumatawag na 'yun, si Mama na alarm clock ko parati.
"Sige po Ma, Wait lang maghihilamos po muna ako!" sigaw ko para marinig ako ni Mama dahil lumabas muna s'ya sa may pintuan para itapon ang basura.
Pagkatapos kong maghilamos ay kumain na ako agad at naligo na pagkatapos, mukhang sobrang excited ako ngayong araw.
Nagawa ko na lahat ng lagi kong ginagawa at ang pagpasok nalang sa school ang kulang.
Nang makarating na ako sa School ay nagulat ako sa dami ng babaeng estudyante sa may gate at tumitili.
Hala anong meron? Napatanong nalang ako sa sarili ko. Nakisabay ako sa bugso ng mga nagsisiksikang mga babae kung kaya't hindi ko na makita ang daraanan ko basta makapasok lang ako.
Nagulat na lang ako ng bigla akong hatakin ni Hera papalayo sa mga nagkakandarapang mga babaeng estudyante.
Nang makalayo na kami sa mga nagsisiksikang babae ay agad ko s'yang tinanong.
"Ano bang meron? May artista bang bumisita dito?" magkasunod kong tanong sa bestfriend kong hinatak ako palayo sa gulo.
Umiling-iling lang s'ya.
"Pumasok na kasi ang Campus Heartthrob dito kaya todo tilian sila." maikling paliwanag n'ya na sapat na upang maintindihan ko.
Pumasok na kami sa Classroom namin ng marinig na naman ang nakakairitang Bell.