“CONGRATULATIONS sa bagong assistant ni Amadeus dela Merced!”
Nagulat si Lexie nang sumabog ang confetti pagpasok niya sa apartment na tinutuluyan kasama ang kaibigang si Nylanna sa Makati. May hawak pa itong mini-cake na may nakatusok na kandila.
Ito ang nag-recommend sa kanya sa Brava Hotel matapos siyang mag-resign sa Sabrina Resort sa Tagaytay. Pinatuloy siya nito sa apartment nito habang naghihintay siya ng resulta ng trabaho. Naging kaklase niya ito sa HRM noong college at ngayon ay receptionist sa Brava Hotel sa Makati. Malaki kasi ang confidence nito na kaya niyang makapasok sa naturang hotel dahil na rin sa kakayanan niya. Siya rin ang nagpalakas ng loob nito noong estudyante pa sila. Bumagsak ang kabuhayan ng pamilya nito at wala na itong natirang mga kaibigan na mula sa mayamang pamilya. They became friends. Sabay silang nag-working student. At kahit na magkaiba ng kompanyang pinasukan at magkalayo ay nanatili pa ring mabuting magkaibigan.
Hinipan ni Lexie ang kandila. “Thanks,” matamlay niyang sagot at halos hilahin ang sarili papunta sa sofa at ibinagsak ang sarili sa upuan. “Hindi ako nakuhang assistant ni Amadeus dela Merced.”
Nanlaki ang mga mata nito. “Why? Dapat ba nag-flirt ka sa kanya? Sabi ko sa iyo pakitaan mo ng legs at cleavage. Di ‘yang mukha kang suman at balot na balot.”
Natawa siya at hinampas ang kaibigan ng throw pillow. “Heh! He still hired me. Pero kay Aiden dela Merced na ako magtatrabaho.”
“Oh, Aiden! My Angel,” usal nito at niyakap ang sarili.
“Angel?” natatawa niyang tanong.
“Mukha siyang anghel. Alam mo ba kahit na mainit ang ulo ko pero kapag nginitian niya ako nawawala lahat ng galit ko sa mundo. Ang swerte mo naman dahil araw-araw mo siyang makikita. Inggit much!”
“Paano ako naging maswerte? Parang mabait pero nasa loob ang kulo.”
“Nega ka na naman.”
Tumayo siya at kumuha ng tubig sa dispenser. “Okay. Wala siyang ipinakitang masama sa akin. He is too accommodating. Parag hindi siya boss. Parang barkada lang ang gusto niya na turingan namin. Very informal. At gusto daw niya na lumabas-labas ako at wag sobrang focus sa trabaho. Chill lang.”
“Di naman lahat tulad mo na seryoso sa buhay.”
Ipinilig niya ang ulo. “Ang weird lang ng mga sinabi sa akin nina Sir Amadeus at Ma’am Florida. Sabi ni Sir Amadeus gawin ko daw ang lahat para tumagal ng tatlong buwan bilang assistant at bibigyan pa niya ako ng kotse.”
Halos lumuwa ang mata ng kaibigan niya. “Wow!”
Tumungga siya ng tubig. “Tapos sabi ni Ma’am Florida huwag daw akong mai-in love kay Sir Aiden kung gusto ko daw na tumagal sa kompanya. Hindi normal. Para taningan ako ni Sir Amadeus ng three months at bibigyan pa ako ng incentives at benefits, hindi ba kahina-hinala? Ano ba ang nangyari sa naunang assistant ni Sir Aiden?”
“Well, ayon sa usap-usapan sa hotel sa sobrang sweet ni Sir Aiden, nai-in love sa kanya ang mga assistant niya. Ayaw naman ni Sir Aiden ng ganoon. Kaya walang tumatagal na assistant niya. Ang hirap naman kasing magtago ng nararamdaman sa kanya.”
Namaywang si Lexie. “E paasa naman pala siya. Tapos kapag na-in love nagagalit siya. Pero ganoon talaga? Nai-in love lagi sa kanya?”
“Yung itsurang iyon tapos sweet pa at rich, para kang nagtampo sa bigas kapag tinanggihan mo. Kindatan lang ako, gusto ko nang bumigay.”
“Tse! Really? Less than three months lang at itatapon na ng isang babae ang lahat ng pinaghirapan niya dahil lang sa isang lalaking guwapo at mayaman?”
“Aiden dela Merced, girl. Di naman siya so-so lang. He is perfect. Promise. Kapag na-in love ka na, itatapon mo lahat pati puri at reputasyon mo. Kahit sino handang sumugal makuha lang ang lalaking katulad niya.”
Ngumiwi siya. “It is not worth it. Ang lakas ng trip niya. Siguro kapag nakuha na niya ang babae, aawayan na ninyo. Pa-fall lang siya.”
Lalo lang siyang nainis kay Aiden. Mistulang baluti iyon sa puso niya na kumakapal nang kumakapal. Kailangan niya iyon sa pakikibaka kay Aiden. Hindi siya nagpakahirap sa buhay at pinrotektahan ang sarili sa manyakis niyang boss para lang sa huli ay magpakabaliw
Pinisil ni Nylanna ang baba niya. “So goodluck , my friend. Ayokong maging jobless ka na naman. Pwedeng kiligin kay Sir pero bawal ma-in love.”
“Hindi niya ako kaya. Kahit anong pa-sweet ang gawin niya, di ako mai-in love. I want my own car. Gusto kong yumaman. I want my own resort someday.”
“Ahum! Ayaw mo bang tikman ang bawal?”
“Baliw. Tapos magugutom ako. Hindi na. Ngayon ko pa lang ulit nababawi ang nawala sa akin dahil sa manyak na Shawn na iyon. Naku! Sakit sa ulo lang ‘yang mga lalaki na iyan. Basta yayaman ako, girl. Saka na ‘yang love na iyan. I have better things to do in life.”
She wanted to pursue her dreams. Hindi ‘yung nakasalalay lang sa isang lalaki ang buhay niya. Her mother was too dependent to her father. Isinuko nito ang pangarap nito at di nagpatuloy ng pag-aaral dahil nabuntis sa kanya. Kaya naman nang mamatay ang ama sa edad na sampung taon, napilitang magtrabaho ang nanay niya. She didn’t know much. Naging tindera ito sa palengke at nakita niya ang hirap nito para maigapang siya sa pag-aaral. Ayaw niyang mangyari iyon sa kanya. Hindi na niya nabigyan ng magandang buhay ang ina pero di siya magpapakatanga para lang sa isang pag-ibig. Di niya sasayangin ang mga pagkakataon na inilalatag sa kanya. Marami pa siyang pangarap at aabutin niya iyon.
“Huwag kang masyadong kontra. Pang-asar ‘yang love na iyan. Habang umaayaw ka, lalong nagpupumilit. Hayaan mo lang bukas ang puso mo. Just go with the flow,” anito at ibinuka ang palad.
“Di ako naniniwala diyan. Ang buhay di laging romance movie or kilig na teleserye. ‘Yung iba sadyang di magkaka-love life pero yumayaman.”
“Tandaan mo iyang sinabi mo kapag na-in love ka kay Sir Aiden.”
“Hindi iyan mangyayari,” mariin niyang sabi.
Bago matulog ay nag-research si Lexie sa internet tungkol sa bagong boss. There isn’t much about him. He doesn’t date much o baka di lang naisusulat. Kung pa-fall ito, bakit inaawayan din nito sa huli ang mga taong nai-in love dito? Di ba inalok pa nga siya nito ng date kanina?
But she had one theory. Iyon din ang rason kung bakit malabo siyang ma-in love dito. Hindi sila talo. He is gay.
Nag-type ulit siya sa search engine. How do you know someone is gay?