Bea's POV
"Di mo matitiis ang isang tao dahil mahal mo siya. Pero natitiis ka niya dahil alam niyang mahal mo siya."
Paulit-ulit sa utak ko ang sinabi ni Aya. Hindi ko alam kung para saan pero natamaan ako.
"True friends? Sila 'yong mga taong nagmamahal sa'yo sa mga panahong pati ikaw nakalimutan mo ng mahalin ang sarili mo." meron kaming recitation ngayon kaya naman nagrecite ako. Tungkol sa friendship ito.
Naalala ko sila Barbie, Josh, Aya at Kuya Kris. Andyan silang lahat noong panahon nangulila ako kay Jake. Sila halos 'yong gumawa na paraan para maging masaya ako. Sila 'yon andyan sa tuwing nalulungkot ako. Kasama na rin sila Alex at Lexi. Kahit may kasalanan si Lexi ay bumawi siya sa pamamagitan ng pagsuporta sa akin. Lagi siyang andyan.
Natapos ang klase na iyon na hindi pa rin tapos pag-usapan ang friendship kaya naman ipagpapatuloy pa namin ito bukas. Inayos ko na ang mga gamit ko, break time na kasi namin.
"Hi, Mar-mar." bati ni Chad sa akin.
"Hi..." bati kong pabalik sa kanya.
"May tanong ako sa'yo." nakangiti niyang ani sa akin. Tumango ako.
"Magaling ka ba sa filipino?" kumunot naman ang noo ko sa tanong niya.
"Bakit ka curious? Sana nag-enroll ka na lang sa school ko dati para nalaman mo." sinimangutan naman niya ako sa sagot ko. Hehe, wala lang trip ko lang magtaray.
"Itatanong ko lang sana kapag ba pinagsama ang IKAW at AKO posible bang maging TAYO?" seryoso niyang tanong sa akin.
Tumawa na lang ako kahit hindi naman nakakatawa 'yong sinabi niya.
"Bilis ah!" kumento ko sa kanya.
"Masyado bang mabilis? Sige, babagalan ko na lang." malumanay na sagot niya sa akin.
Oo nga't naging close friend kami pero hindi ibig sabihin noon pwede na agad-agad. Ngayon pa nga lang namin binibuild-up ang friendship namin eh.
Medyo hindi na ganoon kajolly person si Chad. Nagbago siya simula noong nag-attempt siya sa akin. Nadisappoint ako sa ginawa ko, pero mali din naman na paasahin ko siya.
"Bea, pwede ka ba mamaya? May gig sila eh. Andun din si Chad." alok ni Sandra sa akin. Kung may gig sila, siguradong andun din si Jake kasama ang babae niya.
Akala ng grupo nagkakamabutihan na kami ni Chad pero hindi nila alam na si Chad unti-unti ng nahuhulog sa akin.
"Sure. Sige, wala naman akong gagawin mamaya." ngumiti naman siya ng nakakaloko.
"Uy, susuportahan mo ba si Chad? Magaling na drummer 'yon."
Doon nagsimula ang pagto-topic namin kay Chad. Kwento siya ng kwento tungkol sa buhay ni Chad, nakikinig lang ako. Hindi naman kasi ako ganun kainteresado kay Chad.
"Alam mo bang favorite color niya eh, white." tumango-tango na lang. Hindi ko naman kasi alam kung ano ang sasabihin ko. Masyado ng pre occupied.
Natapos ang buong araw na ang kinikwento lang ni Sandra ay ang tungkol kay Chad.
Nagready na ako para sa gig nila, isasama ko ngayon sila Alex, Lexi at Barbie. Excited na excited naman sila ng sinabi kong kasama doon si Jake. Hindi ko alam kung bakit.
"Muling ibalik... hahaha." napatawa na lang sila ng hindi na nila alam ang susunod na linya. Napailing na lang ako. Hindi ko akalain na ganito sila kakulit sa edad nila.
Ayan na naman ang malakas na musika galing sa loob at ang mga dim lights. Medyo nasasanay na ako pero hindi ako masyadong makahinga sa usok. Agad kong hinanap si Sandra.
Agad ko naman silang nakita kasama niya sila Tom, Matthew, Chad, Jake at Bryle. Readyng-ready na silang umakyat at parang inaantay lang nila kami.
"Ugh, hi guys." bati ko sa kanila. Agad naman lumapit sa akin si Chad at hinawakan ang kamay ko. Medyo nailang ako sa ginawa. Pero hinayan ko na lang, ayokong maging rude sa kanya.
"Si Lexi..." turo ko kay Lexi, "Alex at Barbie." pakilala ko naman sa dalawa.
"Sh1t. Hindi mo man lang kami sinabihan may kasama ka palang binibini. Hindi man lang kami nakapaghanda." tatawang litanya ni Tom. Si Tom ang pinaka chickboy sa kanila. Single pa daw kasi, pero nung nagka-gf naman aw sobrang loyal. Agad naman akong di-sumang ayon. Playboy will always be playboy. Imposible ang sinasabi nila.
"Ikaw? Hindi ready? Talaga? Akala ko boy scout ka." biro ko sa kanya.
Nagtawanan naman sila sa sinabi ko. Agad-agad naman nilapitan nila Matthew, Tom sina Barbie at Alex. Si Jake na lang at si Chad ang hindi lumalapit. Nang papalapit na si Chad sa akin ay hinarangan siya ni Jake at kinausap. Pero lumapit pa din sa akin si Chad. Kaya wala siyang nagawa kundi ang lumapit kay Lexi.
Jake's POV
Papalapit pa lang si Chad kay Bea ay hinarangan ko na agad. Masyado na silang close dalawa. Ni hindi ko na nga nakakausap si Bea, sa tuwing gusto ko siyang kausapin.
"Pwedeng kami muna?" malamig na tanong ko sa kanya.
"Wait lang pare, baka ayaw ka niyang kasama." at tinalikuran niya pa ako. Makapare ka, wagas! Traydor ka rin naman! Wala akong choice kundi lumapit kay Lexi.
Hindi naman sa ayaw kong kausap si Lexi pero may gusto lang akong sabihin kay Bea. At si Bea ang gusto kong kausap ngayon.
Napuno ng awkward moment ang pagitan naming dalawa. Kaya binasag ko na ang katahimikan.
"Kamusta na anak mo?" kahit naman ginamit niya ang anak niya ay nag-aalala pa din ako.
"It was gone." malungkot na sagot niya. Agad naman napako ang tingin ko sa kanya. Gone? Hindi ba nasave ang baby niya noon?
"Sorry. Ugh. Goodness!" frustrated na daing niya.
"Nalalag siya. Nevermind." at umirap siya. "Sorry..." untag niya sa akin.
"Sorry sa nagawa ko sa inyo. Pinagsisisihan ko na 'yong ginawa ko. Ilang gabi rin akong hindi pinatulog ng konsensya ko dahil doon. Sana hindi ko na lang ginawa 'yon. Edi sana buhay pa ang baby ko." narinig ko ang paghikbi niya kaya naman inakbayan ko siya. Nagulat naman siya kaya napatingin siya sa akin.
Nakangiti akong sinagot siya, "Okay na 'yon. Past is past. Kalimutan na lang natin.
Bea's POV
Kwento lang ng kwento si Chad tungkol sa family niya ng biglang mapako ang mata ko kila Jake at Lexi. Nakaakbay si Jake kay Lexi at nakahilig naman ang ulo nito sa balikat ni Jake.
Hindi ko dapat nararamdaman ito eh. Bakit ko 'to nararamdaman? Bakit? Akala ko ba nakamove on na ko? Bakit nasasaktan pa din ako? Bakit nagseselos pa din ako? Dahil ba sa nakaakbay siya ngayon sa babaeng naging dahilan ng paghihiwalay namin noon? Bakit ang bitter ko pa rin ngayon?
Hindi na dapat!
Iniwanan na nila kami sa may table. Dahil tutugtog na sila. Nagpalakpakan muna ang mga tao. At nahinto naman ang malakas na tugtog. Ang bar na ito ay hindi katulad ng mga bar na pinagdadausan ng mga makakati at 'yong mga hindi makuntento. Maayos naman ang bar na ito. Simpleng party lang.
Dahil sa ganda ng tugtog nila ay pumunta kaming mga girls sa dancefloor. Nagsayaw kami, for fun lang naman. Pero nang nakita kong nakatuon ang mata ni Jake sa akin ay napahinto ako. Hindi ko kayang makipagtitigan sa mga mata niya.
Natanggal lang ang tingin ko sa kanya ng may humaplos sa baywang at kamay ko. Napatingin naman ako doon sa lalaking lasing na.
"Hi, mish. Bango mo ah!" wala sa ulirat niyang inamoy ako. Agad ko naman siyang itinulak at umalis doon sa dancefloor at bumalik sa table namin kanina pero sinundan niya ako.
"Palaban ka mish, ah. Pakish nga." unti-unti niyang inilapit ang mukha niya sa akin. Umalingawngaw ang malakas na sampal ko sa kanya.
"Kuya, wag. Wag, kuya. Please!" nagmakaawa ako kay Kuya ng bigla niyang hawakan ng mahigpit ang mga kamay ko.
"Tulong!" sigaw ko. Pero walang nakarinig sa akin, bukod sa lahat ng tao ay nasa dancefloor ay malakas din ang tugtog nila.
"Kuya... wag, please." umiiyak na ako sa kaba at takot. Hindi ko alam kung sino ang tatawagin ko at hihingan ng tulong. Mas lalo akong naiyak ng pasadahan niya ang aking pisngi at leeg.
"Gago!" bumalikwas si Kuya sa sahig. Niyakap ko ang aking mga tuhod. At umiyak. Takot ang nangingibabaw sa akin. Takot lang.
"Jake." nakita kong siya 'yong sumuntok doon sa lalaki.
Tumingin ako sa stage at siya lang ang wala doon. Nang nakita ako ni Bryle ay tumigil siya at nagpaalam na doon. Nagsibalikan na din ang mga girls. Agad nila akong dinaluhan.
"Anong nangyari dito? Bei, ba't ka umiiyak?" nag-aalalang tanong ni Bryle.
"Gago! You don't do that to my girl." sigaw ni Jake doon sa lalaki. Kahit nanginginig ako ay pinilit kong tumayo at pigilan siya.
"Tama na Jake." hinawakan ko ang kamay niyang nakakuyom at nagpipigil na manuntok.
May dumating naman na mga bouncer. At itinayo ang lalaki.
Ngumisi 'yong lalaking at nagsalita, "andito pala boyfriend mo mish. Sige next time na lang. Ganyan ulit suotin mo ah."
Dahil sa sinabi niya ay muli siyang sinuntok ni Jake.
"Bastos ka!" Pinigilan na siya ngayon nila Bryle.
"Pre, kami ng bahala dito. Wait lang!" hinila ko sa upuan si Jake. Kinausap naman nila Bryle 'yong lalaki pati na din 'yong bouncer. Pero nabigla na lang kami ng bigla sapukin ni Chad 'yong lalaki.
Agad nagsilapitan ang mga girls sa kanila. Naiwan kaming dalawa ni Jake, tatayo sana ako para daluhan si Chad pero pinigilan ako ni Jake.
"Suotin mo 'to. Huwag ka ng lumapit doon, mababastos ka lang." malamig na utos niya sa akin. Bakas sa mukha niya ang pagkabadtrip. Sinunod ko na lang siya.
Para naman natigil ang mundo dahil lahat ng tao ay nakatingin ngayon banda sa amin.
"Sorry." paumanhin ko sa kanya.
"It's okay. Don't wear that kind of dress again." tumango ako. Tumayo siya kaya naman pinigilan ko na. Baka manuntok na naman siya.
"Don't..." ani ko. "Please."
"I won't. We will go." at hinila niya ako palabas.
"Wait. Sila Barbie..." paano na lang sila? Sino maghahatid sa kanila? Baka sila naman ang mabastos ng mga walang modong lalaki.
"Gentleman sila Bryle. Ihahatid nila 'yon." pinatunog na niya ang sasakyan niya. Binuksan niya ang pintuan sa front seat at agad naman lumapit sa driver seat.
Tahimik lang siyang nagda-drive kaya naman tiningnan ko na lang ang seryoso niyang mukha. Na para bang sinasaulo ang bawat features niya. Napansin niya ang pagtingin ko kaya naman tumikhim siya. Pumula naman ang pisngi ko, tumingin na lang ako sa labas.
Nakita ko ang malakas na pagpatak ng mga butil ng ulan. Dahilan para magkatrapik. Humikab ako dahil sa sobrang kaantukan at ang nakakabinging katahimikan. Tinignan ko ang orasan at ala una y media na. Kaya naman pala.
"You can sleep."
Malamig niyang litanya. "It's fine." sagot ko naman.n
"Malayo pa ang inyo. Trapik pa, sige na." inadjust niya ang inuupuan ko para makahiga ako ng maayos.
"Thanks." tinapik niya ang bumbunan ko at hinalikan ang ulo ko.
"Sleep well." ani niya. Tinakpan ko ang mukha ko dahil baka mahalata niya na kinikilig ako at makita niya ang pagngiti ko. Dahil hindi ko na napigilan ang sarili ko, kanina, nag-alala siya sa akin ng mabastos ako. Tapos ngayon, hinayaan niya akong matulog at hinalikan pa sa noo.