"Oy! Balita ko may laro na naman sila Chaz mamaya ah?" Saad ng kaibigan ko habang nasa garden kami, kumakain ng lunch. Dito kami kumakain kasi masyadong crowded sa cafeteria.
Inayos ko ang aking salamin saka lumingon sa kaniya.
"Talaga? Saan?" Excited kong tanong sa kaniya.
"Dito lang sa School. Makakalaban nila ang Southeast International School. Ang dami ding papa doon." Aniya habang kinikilig.
"Naku, Rico. Pwede mong landiin ang iba 'wag lang si Chaz." Banta ko sa kaniya.
Hinampas naman nito ang braso ko na siyang ikinangiwi ko.
Masakit 'yon ah.
"Rica nga sabi e. Isa pang Rico mo, si Chaz talaga ang pupuntiryahin ko." Aniya na umikot pa ang mga mata.
And yep. Gay siya.
"O, sige. Hindi na. Basta 'wag si Chaz, ha?" Nakangusong sagot ko sa kaniya.
Malalim naman siyang napabuntong hininga na siyang ipinagtataka ko.
"May problema ba, beshie?"
Umiling ito, "wala naman. Ilang taon ka na ngang may gusto kay Chaz?"
"Anim? Pito? Walo? Hindi ko masyadong matandaan e, bakit mo natanong?" Kunot ang noong saad ko.
Nakakapagtaka naman na bigla nalang niya tinanong. Hindi ko naman kasi binibilang ang taon ng pagkahumaling ko kay Chaz e.
"May progress naman ba?"
Umiling ako, "wala nga e."
"Balita ko nga may nililigawan siya sa tourism management."
Napasimangot ako sa anunsiyo niya.
"Alam ko namang hindi niya ako mapapansin e, masyado siyang mataas para mapansin ang isang kagaya kong pangit."
"Hindi ka pangit. Hindi ka lang talaga nag-aayos. You're so beautiful, Trixie. May pera naman kayo, bakit hindi ka manlang makabili ng suklay? Look, you're hair is so magulo." Nandidiri pa itong hinawakan ang buhok ko.
"Hindi ko kasi feel na mag-ayos." Nakangusong sagot ko sa kaniya.
"Kung gusto mong mapansin ka nang isang Chaz, change your style. You look like manang. Kung pwede lang ibalik ka sa 1950's itatapon kita doon eh, doon ka nababagay." Umikot na naman ang mga mata nito.
"Gusto ko... mapansin niya ako dahil ako ito. Hindi ko kailangan magbago para lang mapansin niya." Nakangiti kong saad sa kaniya na siyang ikinangiwi naman niya.
"Eww, corny. Tara na nga, bago pa tumunog ang bell." Aniya.
Sabay kaming tumayo mula sa pagkakaupo sa bench.
Third-floor pa ang next subject namin.
"Manonood ka ba mamaya ng laro nila Chaz?" Tanong ni Rico habang naglalakad kami paakyat ng hagdan.
Tumango ako,"oo naman, Chaz 'yon eh!" Nakangiti kong sagot sa kaniya.
Ngumiwi na naman siya.
"Hindi ka papagalitan ng mga Kuya mo?" Tanong muli nito. Alam niya kasing strict ang mga Kuya ko. Kahit sa kaniya ayaw akong pasamahin.
Baka raw kasi nagpapanggap lang na gay si Rico para makasama ako. Muntik ko na silang mamura that time. Masyado nilang hinuhusgahan ang nag-iisa kong kaibigan.
"Hindi 'yon," nakangiti kong sagot muli sa kaniya.
Pagka-apak namin sa classroom, ang kaninang maingay ay biglang tumahimik saka tumingin sa direksiyon namin. Agad akong nagtago sa likod ni Chaz dahil baka kung ano na naman ang ibato nila.
"What are looking at, dumb*ss?" Mataray na saad ni Rico. Feeling ko nakataas na naman ang kilay niya at umikot na naman ang mga mata niya. Hindi ko kasi makita kasi nasa likod niya ako.
"Hindi ko talaga alam na ang mga basurang katulad niyo ay may lugar sa School na 'to." Nakangising saad ni Rose sa amin. Nakaupo siya sa unahan. Pulang-pula ang labi niya.
Hindi ko alam na naging bar na pala ang classroom na 'to dahil may pokpok na nakapasok.
Bad Trixie.
"Hindi ko alam na ang isang pokpok na katulad mo ay may lugar sa classroom na 'to. Dahil sa pagkakaalam ko School ito at hindi bar." Sagot ni Rico sa kaniya. Bigla ko siyang nakurot sa tagiliran dahil nakikipagsagutan na naman siya. Ilang beses na kami na-guidance dahil sa kaniya.
"What----
"Opps! 'Wag ka nang sumagot dahil baka masungalngal ko na 'yang pula mong labi." Pagputol ni Rico sa sasabihin sana ni Rose.
Hinawakan naman ni Rico ang magkabilang kamay ko saka naglakad papunta sa likuran habang hawak ang dalawang kamay ko na parang nakayakap na sa kaniya habang nasa likod niya ako.
(Naiimagine niyo ba? HAHAHA)
"Bakit ba lagi kang nagtatago sa likod ko, Trix?" Kunot-noong tanong niya sa akin nang makaupo kami sa bandang likuran. Ako ang nasa tabi ng bintana dahil natatanaw ko si Chaz mula rito na siyang pagpayag naman ni Rico. Oh diba, supportive bestfriend.
"Kasi nga.. last time diba nagbato sila ng mga kung anu-ano. Nagkabukol ako sa noo. Nagalit sila Kuya, then kinuha nila 'yung mga picture ni Chaz na nakolekta ko." Nakanguso kong saad. Feeling ko maiiyak na naman ako dahil naalala ko na naman 'yon. Hindi ako pwedeng umuwi ng may bangas.
"Kasi naman... ilang beses ko ng sinabi sa'yo na mag-ayos ka naman. Bahala ka, ikaw din naman kasi ang may want niyang set-up mo. Huwag ka lang umuwi talaga nang may bangas dahil isang bangas, isang parusa." Nakangising saad niya.
Choice ko kasi ang mag-ayos ng ganito. Eh, ayaw ng mga Kuya ko kaya ang ginawa nila. Kapag nabully ako at umuwi nang may bangas. One bangas, one parusa.
Ilang taon kong pinag-ipunan ang mga pictures na 'yon ni Chaz tapos nakuha lang dahil sa isang bukol ko sa noo. Ang dami-daming pwedeng kuhain ay 'yun pang collections ko.
Tahimik kaming nagkikwentuhan ni Rico sa likuran nang biglang magtilian ang mga kaklase namin.
Nang lumingon si Rico, sumama na rin siya mga nagtitilian.
Tumayo din ako para tingnan kung anong pinagkakaguluhan nila dahil may pagkachismosa rin ako.
"Ahhhhhhhhh!" Tili ni Rico na may kasamang pagtalon. Kulang nalang mabasag ang eardrums ko.
"Ano ba, Rico? Hindi ko makita, ano ba 'yon?" Dahil matangkad si Rico nakikita niya kung sino ang pinagkakaguluhan. At dahil nasa likuran kami at pang dwende ang height ko, eh hindi ko makita kung ano 'yon. Panay ang tingkayad ko pero hindi ko pa rin makita.
"Is there any Trixie Gonzales here?" Isang baritonong boses ang nagpatahimik sa lahat at sabay-sabay na lumingon kung saan ako naroroon.
Kilalang-kilala ko ang boses na 'yon. Bakit niya ako hinahanap? May gusto na rin ba siya sa akin? Oh my god! Dream come true!
Doon nahawi ang kumpulan mula sa unahan. Parang isang haring naglakad si Chaz sa gitna ng mga taong humahanga sa kaniya. Tumingin ako sa tabi ko at wala na si Rico na kanina lang nasa tabi ko pa. Nakita ko siya sa gilid na ngiting-ngiti.
Napapagitnaan na ako.
Anong meron?
Pigil na pigil ko ang aking hininga nang makalapit siya sa akin. Ngayon ko lang nakita ang mukha niya nang malapitan. Lagi ko lang kasi siyang sinusulyapan sa malayo. Napakaswerte ko ngayon dahil nasilayan ko na rin ang mukha niya sa malapitan. Kung gwapo na siya sa malayo pa lang, makalaglag panty na nang malapitan.
"You're Trixie?" Seryosong tanong nito.
Sunod-sunod naman akong napatango.
Ngumiwi ito,
"I thought my admirer was beautiful, nagkamali pala ako."
Kumunot naman ang noo ko nang magtawanan ang mga kaklase ko, kasama na rin ang mga lalaking kasamahan ni Chaz. Na hindi rin naglalayo ang kapogian kay Chaz, angat lang talaga si Chaz. They are five in total.
"A-anong i-ibig m-mong s-sabihin?" Utal-utal na naguguluhan kong tanong sa kaniya.
Lumingon naman ito sa likuran, inilahad ang kaniyang palad sa isang lalaking kasama niya na hindi ko pa nakilala. Wala naman kasi akong pakialam sa kanila. Kay Chaz lang ako may pakialam.
"This is yours, right?" Nakangising saad niya saka winagawayway ang isang papel na sa pagkaka-alala ko ay ang sulat na nilagay namin ni Rico sa locker niya nang patago.
Naramdaman kong nag-init ang pisngi ko dahil dito. Nakakahiya! Nasa gitna kami ng maraming tao.
"Ay love letter!"
"May gusto pala siya kay Chaz, lagot 'yan sa'kin!"
"Ang kapal ng mukha, kay Chaz pa nagkagusto!"
"Sus. Basted 'yan for sure."
"O-oo." Utal na namang sagot ko.
Ngumisi naman ito nang nakakaloko. Lumingon siya sa gilid saka sinenyasan ang isang babaeng classmate ko na nagpapacute sa kaniya. Lumapit naman ang babae, nasa harap ko na rin siya.
Inabot ni Chaz sa babae ang papel na hawak niya, 'yung binigay ko sa kaniya.
No way!
"Read it for me, baby girl." Malanding saad nito sa babae. Nagkagat-labi naman ang babae saka malanding tumango at binuklat ang papel na binigay sa kaniya.
Gusto ko nalang lumubog sa kinatatayuan ko. Grabeng embarrassment 'to.
"Dear Chaz,
Hi.
Alam kong malabong mangyari na mapapansin mo ako dahil isa lamang akong ordinaryong estudyante. Samantalang ikaw, napakataas mo. Para kang isang bituin na kay hirap abutin.
Matagal na akong may gusto sa'yo. Simula noong makita kita sa Garden ng Alberts Mansion. Like at first sight ata ang tawag doon. Siguro fourth-year school kana noon dahil second-year high school ako that time. Ang lungkot mo noon habang--------"
Hindi natapos ng babae ang kaniyang sasabihin dahil biglang hinablot muli ni Chaz ang papel mula sa kaniya. Salubong ang kilay nito na tumingin sa akin.
"Follow me, Trixie Gonzales!" Saad nito bago ako tinalikuran saka dire-diretsong lumabas ng classroom namin na sinundan naman ng apat na lalaking kasama niya.
Kumindat pa sa akin ang huling lalaking lumabas.
***
DISCLAIMER!
This story is only fictional. The names, personnel, businesses, places, events, and incidents are either products of the author's imagination or fictional. Any resemblance to actual people, living or dead, or real events is purely coincidental.
The author is not perfect. Expect grammatical errors, construction of sentences, and wrong spelling.
READ AT YOUR OWN RISK!