"See you around, miss beautiful!" Tumatawang sambit ni Rain sa'kin. Panay naman ang pang-aasar ni Drew sa'min. Mabuti nalang at inaya muna siya ni Drew na sumama sa kaniya.
"Ano Bella? Siya pala yung sinasabi mo?" Sunod-sunod na tanong ni Eli sa'kin.
Nakaupo kami sa lamesa at parehas na tapos nang kumain. Pero dahil atat na atat na malaman ni Eli ang kuwento ko ay nauna siyang matapos.
"Oo..Paano kayo nagkakilala?" Nagtatakang tanong ko.
"Kasi magkaibigan sila ni Drew. Pati si Ralph, tropa din nila." Panimula niya. "Grabe, Bella! Ang suwerte mo!"
Binalewala ko yung sinabi niya. "Pansin ko lang ang hilig niyang tumawa. Kahit no'ng unang pagkikita namin. Clown ba siya?" Pinitik niya ang noo ko habang tumatawa. Tinuro naman niya ang kinaroroonan nila Drew.
"Ganiyan lang talaga siya, joker kasi 'yan e." Pagkatapos ay itinuro niya si Rain. Busy sa pakikipag-usap sa mga babae. "Oh, tingnan mo tatawa ulit 'yan." Hindi nga si Eli nagkamali, tumasa ulit si Rain. Paminsan-minsan pa ay napapahawak sa tiyan.
"Eto namang si Ralph, gwapo sana kaso mukhang beast mode." Turo niya. "Parang nag-iba din yung damit niya. Gray 'yon kanina, e."
"Hindi ko naman kasi sinasadya." Bigla namang nagtaka si Eli.
"Bakit anong ginawa mo?"
"Natapunan ko ng pagkain yung damit niya. " Tumango-tango naman siya.
"Ah, kaya pala." Binalik niya ang tingin s'kin."Wala naman bang ginawang masama sa'yo?"
"Sinabihan akong..tanga." Bigla namang nagsalubong ang dalawang kilay niya.
"Ano?! Hindi porket gwapo siya, e sasabihan ka niyang tanga. Eh, hindi mo naman sinasadya!" Hinawakan ko ang dalawang balikat niya at ibinalik siya sa pagkakaupo niya. Baka mamaya ay sugurin niya si Ralph.
"Pabayaan mo na.."
"Kakausapin ko si Drew.."
"Hindi na, huwag mo nang isumbong si Ralph. Pabayaan nalang na'tin."
"Ano ka ba?! Kakausapin ko si Drew tatanungin ko kung pwede bang mag-uwi ng pagkain sa bahay. Total malakas naman daw ako sa kaniya." Akala ko naman, tungkol sa'kin. Sa pagkain pala.
"Kaya maupo kalang diyan! Tsaka nakita naman kayo ni Rain, diba? Alam kong pagsasabihan niya 'yon."
"Gusto kong mag-c.r. Sa'n ba ang c.r dito, Eli?" Tanong ko sa kaniya pagkatapos kong tumayo. Ramdam kong tinatawag na talaga ako ng kalikasan.
May itinuro siyang direksiyon sa'kin kaya naglakad ako papunta doon. Medyo malayo pa daw ang c.r dito. Lumiko ako at nang matanaw ko na yung c.r ay hindi na ako nagatubiling pumasok. Pagkatapos kung mag-c.r ay lumabas ako kaagad. Pero hindi ko inaasahan ang susunod na mangyayari sa'kin. Pinaliguan lang naman ako ng juice ng isang babae habang naglalakad ako pabalik. Kaya pati ang buhok ko ay basa na.
"Next time, tumingin ka sa dinaraanan mo. Ikaw na nga ang inalok ni Ralph, e. Choosy ka pa and tinapunan mo pa siya ng pagkain. How stupid you are!" Singhal niya sa'kin. Pero nanatili pa rin akong nakatayo habang nakatingin sa kaniya.
"Hindi ko 'yon sinasadya." Paglilinaw ko.
"Psh, stupid!" Inirapan niya ako, pagkatapos ay umalis siya.
Siguro ay kilala o kaibigan niya si Ralph kaya ganoon na lamang ang inasal niya sa'kin. Yumuko ako at tiningnan ang damit ko. Sayang naman, paborito ko pa naman 'to. Di bale, matatanggal pa naman siguro 'to.
Ilang segundo ay may naramdaman akong pumapahid sa ulo ko. Nang tumingin ako ay nagtama ang paningin namin. Ni hindi ko nga napansin na nandiyan pala siya. Pinapahiran niya yung basa kong buhok gamit yung panyo niya.
"Pagpasensiyahan mo na 'yon si Kleah. Medyo masungit lang talaga 'yon. "
Lahat nalang ba talaga kilala niya?
"Ayos lang.. matatanggal pa naman siguro 'tong mantsa sa damit ko." Ilang sandali ay huminto siya. Tiningnan niya yung basa kong damit.
"Magpalit ka muna.. Basa na yung damit mo."
"Wala akong pamalit." Sagot ko. "Bakit ka nga pala nandito?"
"Tinanong kita kay Eli. Kanina ka pa daw sa c.r kaya ipinahanap kana rin niya sa'kin." Tumango ako. Ngayon ramdam ko na talaga ang lamig no'ng juice na ipinaligo sa'kin. Yinakap ko nalang yung sarili ko.
Nang bigla niyang tinanggal yung mga butones ng long sleeves na polo niya. Nanlaki ang mata ko.
Anong gagawin niya?
"A-Anong g-ginagawa mo?" Hindi ako lumingon sa kaniya. Narinig ko naman ang mahinang tawa niya.
Bigla ay may damit na pumulupot sa'kin mula sa likod. Hinawakan ko ito at tiningnan yung damit niya.
"May tshirt pa naman ako kaya sa'yo muna 'yan." Sambit niya habang nakangiti. Mabait din naman pala siya.
"Salamat.." Sabi ko sabay ngiti nang bahagya.
"Alam mo, mas maganda ka kapag nakangiti. Kaya kapag hindi ka nakangiti.." Tiningnan ko siya at pinagtaasan ng kilay. "Maganda ka pa rin naman." Sabay tawa niya.
Parang nawalan na tuloy ako ng gana na bumalik sa loob, dahil sa nangyari. Tiningnan ko ang langit ay nakita yung buwan pati yung mga butuin. Siguro dito muna ako.
"Hindi ka pa ba babalik sa loob?" Tanong niya sa'kin. Ngunit hindi ko siya nilingon.
"Dito muna ako. Pakisabi nalang kay Eli na hihintayin ko nalang siya." Sagot ko.
"May alam akong lugar na mas makikita mo ang buwan nang malapitan. Gusto mong sumama?" Agad akong napalingon sa kaniya.
Siguro malalaman naman ni Eli na magkasama kami ni Rain. Alas-nuwebe palang din naman. May dalawang oras pa kami bago umuwi. Kaya tumango ako at sumunod sa kaniya.
Parang alam na niya yung pasikot-sikot sa bahay nina Drew. Umakyat kami sa hagdan hanggang sa marating namin yung rooftop ng bahay nila. Medyo malakas din ang hangin kaya nililipad ang buhok ko.
Sa gitna ay may lamesa. Siguro dito sila tumatambay. Pero madilim naman ang lamesa. Sumunod ako sa kaniya pero hindi ako gaanon kalapit. Parehas naming tinatanaw ang buwan. Nakatayo lang siya at tumitingin sa kalawakan.
"Ikaw pala yung sinasabing bestfriend ni Eli? Hindi tuloy kita nakilala agad dahil hindi ko naman nakita yung picture mo." Picture?
"Matagal mo na bang kilala si Eli? Eh, sila ni Drew, may something ba sa kanila?" Bigla naman siyang tumingin sa'kin at tumawa pagkatapos ay umiling-iling.
"Basta talaga sa kaibigan mo, concerned ka." Sambit niya. "1 month ago siguro nakilala ko si Eli, kasi isinama siya ni Drew dito. Pero marami kami no'n, ah. Kasama niya yung ibang kaklase niya."
"Hindi mo pa sinasagot yung tanong ko. Ano ba talaga sila ni Drew?"
"Alam mo, matapang 'yang si Eli. Inamin ba naman na crush niya si Drew. Tapos eto pa, ang takaw-takaw niya." Tumawa siya bigla. "Pero parang wala naman akong nababalitaan sa kanila ni Drew. Medyo malabo din kasi 'tong si Drew, e."
Kapag pinaasa niya talaga si Eli o sinaktan magagalit talaga ako sa kaniya. Naalala ko naman yung sombrero niya.
"Yung sombrero mo nga pala. Sa susunod nalang ulit."
"So magkikita pa tayo ulit?"
"O di kaya, ipapahatid ko nalang kay Eli kapag nagkita kayo ulit."
"Sabihin mo na kasing gusto mo lang ako makita ulit. Sige na..pagbibigyan naman kita, e." Tinignan ko siya ng masama. Tinaas naman niya yung dalawang kamay niya na para bang hinuhuli siya.
"Ewan ko sa'yo.." Ngumiti naman siya. Pagkatapos ay nilagay niya yung dalawang kamay niya sa baba niya habang nakatingin sa'kin. Medyo nailang tuloy ako. Kaya tumingin nalang ako sa langit.
"Matagal na ba kayong magkaibigan ni Eli?" Tanong niya.
"Simula noong bata pa lang kami." Sagot ko. Pero hindi ko siya tinitingnan. Medyo lumakas naman ang hangin kaya napayakap ako sa sarili ko.
"Nilalamig ka ba? Gusto mo body heat?" Mapang-asar na biro niya. Inirapan ko nalang siya.
"Batukan kita diyan.." Bulong ko.
"Saan ka ba nakatira?" Diretsong tanong niya. Bakit ba siya tanong ng tanong?
"Kina Eli..bakit?"
"Wala naman, akala ko kasi nakatira ka sa puso ko, e." Tumawa siya at nagpeace sign. "Joke.. ang korni ko pala."
"Buti alam mo.."
"Kuwento ka naman para hindi awkward. Tsaka 'wag kang mahiya sa'kin, ako lang 'to.." Sabay pa-pogi niya. "Sige, ako nalang magtatanong.."
"Bakit kina Eli ka nakatira?" Nagdadalawang isip pa ako kung sasabihin ko ang totoo.
"Kasi dito ako gustong pag-aralin ng mga magulang ko.."
"Ah.." Tumango-tango siya. "Parang parehas pala tayo dahil gusto din ng magulang ko na dito ako mag-aral. Naaawa naman ako sa kanila kaya tumutulong ako. Nagtatrabaho ako.." Hindi ko inaasahang magku-kuwento siya tungkol sa buhay niya. "Kahit pogi lang ako, masipag naman ako.."
Hindi talaga nawawala sa kaniya ang kahanginan niya.
"Saan ka nagtatrabaho?" Tanong ko sa kaniya. Naalala ko kasi na kailangan kong maghanap ng trabaho. Baka pwede pa.
"Gusto mo rin? Ako? Este magtrabaho?" Tanong niya. "May bakante pa!"
Natuwa naman ako at ngumiti. Sana nga makapagtrabaho na ako.
"Pwede ring every weekends ka lang doon. Kagaya sa'kin. Every weekends ako doon. " Naramdaman ata niya na interesado ako sa sinasabi niya kaya nag-kuwento ulit siya." Simple lang naman. Coffee shop yung pinagtatrabahuan ko. Magse-serve kalang, maglilinis din. Bibili kapag wala ng stocks.. ganon."
"Pwede na ba akong mag-apply bukas?" Ngumiti naman siya.
"Sure. Samahan pa kita. Siyempre ako ang may alam, e." Tumango ako. "Bigay mo nalang cellphone number mo sa'kin."
"Bakit?"
"Siyempre para matawagan kita. Kapag papunta na tayo doon."
"Sige mamaya.." Naalala ko naman si Eli. "Si Eli nga pala! Kailangan na naming umuwi. Mag-aalas dose na!"
"Si Cinderella pala kayo.."
Agad akong bumalik sa loob. Hindi ko na tiningnan kong nakasunod ba si Rain sa'kin. Hinanap ko si Eli. Naku naman! Hindi ko nabantayan lasing na.
"Eli, hoy!" Nakayuko kasi siya sa lamesa. Natutulog ba 'to?
"Bella..I-Inom na t-tayo.." Binatukan ko siya.
"Bakit ka naglasing?"
"Siyempre sinulit ko na, nawala ka kasi agad, e. Busy kayo ng prince charming mo!" Alam kong ang tinutukoy niya ay si Rain.
"Uwi na tayo.."
"Iuuwi ko na kayo.." Lingon ko sa likod ko. Nakita ko si Rain na nakatayo at pinagmamasdan kami.
Tumango nalang ako at inalalayan si Eli na makatayo. Paglingon ko sa gilid ay nakita kong tumutulong sa'kin si Drew.
"I'm sorry, Bella. Ayaw kasi paawat ni Eli, e. Hindi ko kayo mahahatid pauwi. I need to take care of my party.." Paliwanag niya.
Tinapik naman siya ni Rain sa balikat." Ako nalang, bro. Basta pahiram ng sasakyan mo.."
"Okay.."
Lumabas na kami at dinala na sa loob ng sasakyan si Eli. Nang maipasok na siya sa loob ay naamoy ko ang sasakyan. Bakit ang bango nito?
Tiningnan ko si Eli at mahimbing na ang tulog. Tumatawa-tawa pa ito mag-isa. Hindi ko na alam sa kaniya.
"Ingat..Bella. Drive safely, Rain.." Paalala niya bago umalis.
Ilang segundo ay sumakay na kaming dalawa sa loob. Tahimik lang ang biyahe. Parang gusto ko na rin na matulog pero dahil medyo malapit lang naman ang bahay ay hindi nalang ako matutulog. Hihintayin ko nalang.
30 minutes ang biyahe at nakarating na kami sa tapat ng bahay. Ginising ko si Eli pero mukhang gustong gusto na talagang matulog. Papikit-pikit pa kasi ang mga mata niya.
"Nandito na tayo..Eli."
"Hmm.."
Inalalayan ako ni Rain na itayo si Eli.
"Ako na, kaya ko na. Salamat.." Nakangiti kong sambit sa kaniya.
Inabot niya sa'kin ang isang kamay niya. "Phone mo.." Tiningnan ko siya. " Isi-save ko number ko para matawagan mo ako bukas." Kinuha ko yung phone ko at inaabot sa kaniya.
Binalik niya naman agad sa'kin.
"Sige, salamat.. Bukas nalang.." Ngumiti siya sa'kin.
"Hindi pa pala ako nakakapagpakilala sa'yo nang maayos." Panimula niya.
"Rainiel De Guzman. Rain for short. At your service." Sabay kindat niya sa'kin.