SHANNY'S POV
Sumunod na rin ako sa baba at nadatnan ko na silang lahat sa kani-kanilang upuan. Kinakabahan ako dahil ako lamang ang mag-isang tagapag-silbi nila rito.
"What's this?" Napatingin ako kay Sir Jinro na nakakunot ang noo.
"Ah S-Sir, sinangag po 'yan." Tinuro ko pa ang niluto ko kaninang sinangag.
"Parang masarap ang mga niluto mo Shanny." Si Sir Levi na talagang masasabi kong mabait.
"Salamat po Sir,” nakangiting sagot ko. Nasa may bandang gilid lamang ako nakatayo. Nakaka-ilang dahil ako na lang ang mag-isa rito na katulong. Tumikhim si Sir Felix at hindi ko napigilan na mapalingon sa kaniya.
"Why don't you join us? Tutal ikaw na lang naman ang katulong dito... sumabay ka na sa amin, Shanny." Hindi ko alam ang sasabihin ko dahil alam kong hindi naman normal ang sumabay sa kanila bilang isang tagapagsilbi lamang.
"A-Ah S-Sir Felix hindi na po, ayos lang po ako at salamat na lang po. Mamaya na lang po ako kakain kapag tapos na kayo,” nauutal na tugon ko dahil nakakahiya sa kanila. Nagpapasalamat pa rin ako dahil mababait sila.
"What's wrong with you, Felix?" Nabasag ang kaninang tahimik na kapaligiran nang magsalita si Sir Axron kasabay pa ng pabagsak niyang pagbitaw sa mga kutsara't tinidor. Tumingin si Sir Axron sa akin, parang gusto ko na lang kainin ng lupa dahil sa tingin niyang nakapagbibigay ng lamig sa buo kong katawan.
"She’s just a maid." Parang nanayo ang mga balahibo ko dahil sa pananalita niya.
Nakakatakot. Nakakapanlambot ng tuhod. Nakakatuod.
"Why? Ax?" tumingin si Sir Felix kay Axron na nasa kabilang banda ng lamesa, katapat ni Sir Felix si Sir Levi habang nasa tabi naman nito si Sir Axron.
"Siya na lang naman ang nag-iisang maid dito sa mansyon, so why don't we just let her join us, 'di ba?" Inilibot niya ang paningin sa mga kapatid.
"No,” maikli ngunit may diin sa pananalita ni Sir Axron.
"A-Aah S-Sir, ayos lang po talaga ako at trabaho ko naman po ito." nakapagsalita na rin ako dahil talagang umiinit na ang tensyon sa pagitan nila.
"Stop it guys! We're in front of breakfast, so please respect." Natahimik na lamang sila matapos seryosong magsalita si Sir Levi.
"Yeah, Axron is right. She's just a maid, so she must do her job,” napalingon ako kay Sir Jinro na nasa pagkain lamang ang atensyon. Parang hindi nga uso sa kanila ang pagtawag ng 'Kuya'. Nagpatuloy sila sa pagkain.
Nagsimula na akong lagyan ng juice ang bawat baso nila. Hindi ko maiwasan ang panginginig ng aking kamay dahil kinakabahan ako, nilagyan ko na ang kay Sir Felix.
"Thank you." Saglit na lumingon si Felix at kinuha iyon.
Sumunod kong nilagyan ang kay Jinro, mabilis lamang ang kilos ko dahil baka mapag-initan ako ng ulo. Lumipat naman ako sa kabilang banda ng mesa, higanteng mesa upang bigyan si Sir Levi.
"Salamat, Shanny." Lalo akong kinabahan dahil nakatitig lamang si Sir Levi sa akin habang nilalagyan ko
ang kaniyang baso.
"W-Welcome po." 'Argh ano ba 'yan Shanny? Nauutal na naman 'pag si Sir Levi na kaharap mo, umayos ka nga!' pinilig ko na lang ang ulo ko at lumipat sa may tapat ni Sir Axron.
Maingat ko lamang na isinasalin ang juice pero nagulat ako ng hindi ko namalayan na umapaw kaya natapunan si Sir Axron.
"Ano ba?!"
"S-Sorry po S-sir, p-pasensya na po." Nang dahil sa pagkataranta ko ay agad kong pinunasan ng table cloth ang kaniyang damit sa bandang dibdib dahil doon banda natapon ang juice.
"Dont touch me!" nagulat ako dahil tinabig niya ako kaya napaupo ako sa sahig.
"I'm done, hindi ka na dapat kinuha ni Mom dahil wala ka namang nagagawang tama!" Napayuko na lamang ako, parang tutulo na ang luha ko dahil masakit talagang magsalita si Sir Axron pero pinigilan ko na lang.
Umakyat na muli si Sir Axron sa taas. Naiwan kaming apat dito.
"Shanny are you okay?" Si Sir Felix ay lumapit sa akin at inalalayan niya akong tumayo.
"Shanny 'wag mo na lang pansinin si Ax, medyo masama lang ang gising no'n, okay?" Lumapit na rin si Sir Levi sa akin, medyo gumaan naman ang loob ko dahil nariyan sila upang damayan ako. Si Sir Jinro ay tumayo na at hindi na kami tinapunan ng tingin, umakyat siya sa taas.
"We will have a family gathering kaya baka gabihin na kami ng uwi, okay lang ba na mag-isa ka na lang muna dito?" tanong ni Sir Levi, napakabait niya kung magsalita, nakaka-relax ang kaniyang boses.
"O-Opo Sir, ayos lang po at maglilinis naman po ako ng mansyon, hehe." Sabi ko na lang, wala naman akong karapatan na tumanggi o kaya ay sumama dahil maid ako, MAID ako na tagalinis ng mansyon kaya talagang maiiwan ako.
"Shanny ikaw na ang bahala sa mansion, huh?" Si Sir Felix na nakangiti na. Tumango na ako at umakyat na muna sila sa taas.
Inumpisahan ko nang ligpitin ang kanilang pinagkainan. Pagkatapos ay hinugasan ko na ang mga ito.
Maya't maya ay narinig ko na sila Sir na pababa ng hagdan. Nakaayos na sila, at hindi ko mapigilan ang aking sarili na mapatitig sa kanila dahil lahat sila ay may itsurang nakaka-pagpamangha. Iniwas ko na lamang ang aking tingin at pinagpagan ko na lang ang ibang mga gamit sa may sala.
"Aalis na kami Shanny!" paalam ni Sir Felix kaya napatingin akong muli sa kanila.
"S-Sige po, Mag-iingat po kayo," tugon ko at ngumiti na lang.
Nang mapatingin ako kay Sir Levi ay nakatitig siya sa akin, kanina ko pa napapansin na tinititigan niya
ako kaya nginitian ko na lang siya. Parang nagulat siya kaya lalo akong napangiti.
"Come on guys!" Tinignan ko si Sir Axron parang naaasiwa siyang nakatingin sa akin, palagi namang galit ang mukha niya. Pero hindi pa rin maipagkakaila na gwapo siya, kahit ang mga perpektong kilay niya na nakakunot ay maganda pa rin.
"Bye, Shanny!" Ngayon ay nagawa nang magpaalam ni Sir Levi.
Lumabas na sila at pinanood ko na lang muna sila hanggang sa marinig ko ang mga kotse nila, lahat sila ay may kaniya-kaniyang kotse. Nakakamangha, hindi ko maiwasang mamangha dahil kailanman ay hindi ko pa naranasan ang magkaroon ng buhay nang tulad sa kanila. Kung mayroon sana akong sasakyan ay magagawa kong mailibot sila Lolo at Lola sa magagandang lugar at sa mga nakamamanghang tanawin. Ngunit tanging imahinasyon na lang ang magagawa ko gayong wala na sila rito. ‘Miss ko na kayo Lo, La.’
Inumpisahan ko nang linisin ang bawat kuwarto at alam kong hindi ko agad matatapos dahil talagang malaki ang mansyon. Pumunta muna ako sa may dulong kuwarto sa tabi ng kay Sir Levi. Napakalaki ng mga kuwarto nila. Nasaktohan pa na naipit ang kamay ko kanina. Nilagyan ko na ito ng yelo pero namumula pa rin, may sugat pa na nagasgas. Mahapdi pero kailangan ko nang matapos lahat para kapag dumating na sila Sir ay malinis na. Makakapagpahinga na rin ako.
Binilisan ko ang kilos ko at apat na kuwarto pa lang ang nalilinis ko, dahil wala na rin ang ibang maid ay talagang hindi na nalinis ang kuwarto kaya natatagalan ako. Tumingin ako sa aking relo at mag-aalas dos na ng hapon, kailangan ko nang magmadali. Bumaba muna ako sa kusina para kumain hindi ko kasi namalayan ang oras, kaya ngayon gutom na gutom na ako.
Nang makababa ako sa kusina ay kumuha lamang ako ng itlog na prito, okay na sa akin ang ganitong pagkain. Kumain na ako at pumunta na sa may sala upang doon muna maglinis.
Matagal din ang oras na naigugol ko sa paglilinis nitong sala, napakalawak kasi. Muli kong tinignan ang relo ko, napasinghap ako dahil mag-aalas singko na pala. Baka maabutan ako nila Sir.
Umakyat na muli ako sa kuwarto, sigurado ako na mapapagalitan na naman ako dahil hindi ko lahat natapos. May malaki din silang library, baka bukas ko na lang malinis iyon. Iniunat ko muna ang mga kamay ko dahil nangangalay ako sa maraming gawain ngayong araw. Nilinis ko na ang tatlong kuwarto at ang huli ay kay Sir Axron, parang ayoko nang tumuloy dahil sa masamang alaala na nangyari sa akin ng pumasok ako sa kuwartong iyon. Pero bahala na mabilis lang naman ako para hindi na rin ako abutan ni Sir Axron dito sa loob. Ang sabi naman ni Sir Levi eh gagabihin sila kaya panatag ang loob ko.
Alas sais na ng hapon at wala pa rin sila. Nilinis ko ang kuwarto at pinagpagan ang lahat ng kagamitan. Pinalitan ko na din ang mg punda at sapin ng kama. Ngunit may nakapukaw ng aking atensyon sa isa pang pinto na nandito sa loob ng kuwarto ni Sir Axron. Parang may nagtutulak sa akin na pumasok doon, pero pinipigilan ako ng isip ko na pumasok dahil baka bawal akong pumasok doon. Pero ginawa ko pa rin. Pumasok ako.
Napakadilim nang buksan ko ang pinto. Pinindot ko ang switch ng ilaw at bumungad sa akin ang napakagandang opisina na may library. Napakaraming libro, ibig sabihin hindi lamang isa ang kanilang library? Iba nga talaga ang pamilyang ito.. May upuan at lamesa na siyang nagsisilbing parang opisina na.
Naglakad ako sa bandang gitna na siyang papasok sa helera ng mga libro, napakalaki ng kuwarto na ito. Bumalik na ako sa may lamesa na may maraming libro na nakapatong, sinimulan kong pagpagin dahil parang hindi ito nalilinisan noon pa. Napaubo ako ng malanghap ko ang alikabok, baka atakihin ako ng asthma ko. Pero kaya ko pa naman. Muli akong napabahing dahil talagang makapal ang alikabok na naglalaro sa mga libro, kinuha ko ang panyo ko at ipinangtakip sa aking ilong. May napansin akong litrato na nasa bandang gilid ng mga libro ngunit hindi ko muna tinignan dahil abala pa ako sa pag-alis ng mga alikabok sa mga libro.
Natapos ko na rin ang pagpapagpag ng libro at bumaling na ako sa isang litrato na aking napansin kanina. Kinuha ko ito at tinignan, saglit akong natigilan.
"What are you doing here?!"
Nang dahil sa gulat ay nabitawan ko ang litrato na babasagin, bumagsak ito at nabasag ang frame. Nagkandaugaga ako at dali-daling pinulot ang mga piraso, nasugatan ako dahil sa kaba na nararamdaman ko ngayon. Ang hapdi ng mga sugat.
"Bakit ka narito? Anong balak mong gawin ha?!" Dumagundong ang tibok ng puso ko nang mapalingon ako kay Sir Axron. ‘Ano ang gagawin ko?’